金祥排骨麵

营业中

休息中

金祥排骨麵稱得上係西環之寶 必食之一今次都係第一次唔洗排咁耐隊試到食客多數老一輩 連侍應都係上咗年紀 證明店有返咁上下歴史 入到去亦好有街坊feelMenu選擇配撘好多 基本上點配都得 餸款式多我就叫咗佢廚師推介menu嘅其中一個▶️雪菜肉絲粗麵 ($40)份量好大 料好足 面全部都係雪菜同豬肉絲另外仲落咗炸蒜 令佢香啲湯底本身係清湯 味道唔濃 只係肉絲出油同埋靠雪菜鹹味麵雖然係粗麵 但係我覺得佢係幼身😂麵質ok 但係冇我諗咁彈牙煙韌…超普通 稱不上好食🐷至於肉絲 佢係幾淋 同埋遍瘦嘅亦有豬肉味 所以應該新鮮 份量足 撈埋麵食到尾都仲有而雪菜好係佢鹹度適中 唔會過鹹 口感少爽脆▶️酸梅湯 (+$6)原價$12 以為後生女唔識飲呢啲嘢就錯啦🙈雖然平日少飲啲佢係凍嘅 用杯裝不過我覺得佢飲落比較甜得滯 又冇酸梅湯嗰陣酸中帶甘嘅味☹️唔係咁好飲-味道好一般 冇大家講到咁好食 即使係佢招排炸排骨 望落去好乾淨淨 又唔厚肉 應該唔特別香脆環境ok 少少逼 同埋因為多人等所以有少少壓力服務好好 超級nice超級親切又幽默👍🏻CP值ok 都幾抵 因為好大碗 好足料其實可以試嘅 感受吓佢老街坊嘅味道😌只係未至

西環老店 金祥lunch永遠大排長龍雖然西環好多野食，但每次西環出job時間又許可又唔太多人時，一定會揀呢間。排骨上海粗炒加豆漿 .排骨酥脆粗炒份量多，價錢大眾化。

金祥係西營盤一間良心老店，成日都有人排隊食佢地既馳名炸排骨！今次咁岩喺午餐人潮前入座，唔使排隊◉ 紫菜卷排骨米線第一次到訪嗌個雙拼麵試多啲嘢，炸得剛好既排骨幾大份，咬落去肉質唔怕鞋口，而且炸漿夠薄口感酥脆，啖啖肉好高質！紫菜卷係用腐皮包住紫菜再炸，味道係淡淡既豆香所以唔太突出，但鬆脆到食既時候腐皮碎跌到周圍都係…米線同清湯底普通質素，有少量炸蒜係面但都偏向清淡，下次黎會想試埋好多人推介嘅菜膽雲吞湯🥰

收工時搭車經過，久唔久都會見餐廳出面有D人排緊隊等外賣或者等位，又聽過呢間餐廳好出名，D豬扒好好食😋終於，今日約左同事收工落去食排骨🐷到餐廳大概係六點九，慶幸唔洗等位，直接入座😏餐廳地方唔大，一眼睇晒。不過職員服務態度幾好，由帶位到落單，叫我地慢慢坐好、慢慢睇下食乜，成個過程都好舒服，完全估唔到😂上餐速度都幾快，同同事傾多陣計就上菜了😉🌼菊花茶 ($6)正價$12，但跟麵叫半價$6見餐牌寫住自家製，所以叫來試下😂菊花茶唔甜，幾好飲😊🥟酥炸雲吞 ($24)🐟鯪魚肉腐皮卷 ($21)🥟酥炸雲吞，本身餐牌係一份三隻，不過姐姐見我地四個人，就話可以俾四隻，價錢照計，幾貼心😃雲吞幾唔錯，個皮又脆又薄，餡係菜肉餡，點埋酸辣醬，幾好食，可以encore😙🐟鯪魚肉腐皮卷，幾有驚喜😝腐皮好薄，魚肉出奇地好彈牙~食落有D陳皮味，可以encore😋🐷排骨粗炒麵 ($47)之前聽過上枱會幾大份，所以同同事兩個share食😏豬扒炸粉幾薄身，夠味~但相對上面兩個小食來講，失色左少少……粗炒都冇其他地方咁濃味，我反而鍾意咁樣😂🍜菜膽排骨雲吞麵 ($47)呢個係同事食嘅😂聽佢講雲吞大隻好食~而且麵都幾多，所以最後食唔

無心插柳柳成陰，本來想去南里嘅一間小店，點知三顧草廬都食唔到，表妹見我咁慘馬上推薦左依間佢以前成日嚟嘅老飯堂，平時鐘情雜扒飯嘅我一眼就望到佢嘅大人氣菜膽雲吞排骨麵，碗麵未到我已經感覺到陣陣暖意，老闆對每位客人都好有禮貌，會向客人微笑點頭問好，其實就憑依點，佢嘅食物就算差少少都足以令我返轉頭，點知。。。。。。排骨醃得好入味而且保留到豬肉本身嘅香味，炸皮夠薄夠脆又唔會太厚(就算溫度差少少都唔會覺得失色)，三粒肥大嘅菜肉餃饀料好鮮甜，菜膽嫩！甜！同碗湯一樣，我好少食中式麵會追湯飲，份量十分飽足，真係相逢恨晚，我一定會再幫襯

I'm the kind to give up before even trying to wait for a table. But the constant crowds outside this place intrigued me. Luckily, it was worth it. I liked it so much, I'm already hoping to go back soon. The fried wantonIt was beautiful inside out. Not a fan of fried food but this beauty really impressed me. It was already photogenic when it arrived at the table. Then, one bite --- the quintessential example of crispy outside and juicy inside. I know it's cliche but if I had to choose only one in

/𝐊𝐚𝐦 𝐂𝐡𝐞𝐮𝐧𝐠 𝐏𝐨𝐫𝐤 𝐍𝐨𝐨𝐝𝐥𝐞𝐬 金祥排骨麵西營盤至堅尼地城一帶都好多出名餐廳, 住附近嘅人真係唔愁搵餐廳😋 今次介紹尼間係西環一帶頗有名氣而且出名黃嘅餐廳, 主打排骨麵同菜膽雲吞🥟 無論咩時候黎都有人係出面等位等外賣, 店員好有親切感服務好好, 所以都好多hku學生同街坊支持👏🏻1️⃣ 菜膽雲吞排骨麵 $47排骨一大塊會分開另上, 一碗大大份有3粒菜膽雲吞🍜啲排骨切開一件件方便食, 口感十分之酥脆, 肉質唔似有落鬆肉粉, 食落一啲都唔乾唔鞋👍🏻 菜膽雲吞嘅皮都算薄而且餡料都好足, 上海麵軟硬適中湯底偏清淡, 整體配搭都好夾👍🏻2️⃣ 秘製沙爹牛肉飯 $47男朋友夜晚想食飯, 所以就一於試下尼個唔係主打嘅沙爹牛肉飯🤣 估唔到幾有驚喜! 沙爹醬會有少少花生碎粒, 味道有少少偏甜完全唔辣, 食得出係自家製, 牛肉唔會韌, 送飯一流😋3️⃣香炸豆腐 $16一碟有3件, 新鮮熱辣炸起嘅豆腐超脆👍🏻 食落外脆內軟, 配辣醬食一流整體來講性價比超高, 好值得無論係住附近嘅人定係專登過嚟食👍🏻 尼間餐廳唔單止好食仲會食得出一份人情味, 推介大家黎食啊!Food: 😋😋😋😋(4/5)Price:💰

作為西營盤前街坊，金祥一路係我最💛嘅小店，好味道老闆又好好人，每次過開呢頭都要嚟幫襯吓，上海排骨就唔洗講 ，其實佢個牛肉係好好食 - 係厚切牛𦟌！ 今次叫咗個tea set 嘅咖哩雞柳面，ok，個咖喱係屋企整咖喱雞翼尖嘅味道佢個炸豆腐同鯪魚卷都好好食架

好耐都冇食金祥排骨麵啦依家一到星期六、日, 金祥排骨麵就排晒長龍, 大食妹只好外賣自取, 攞返屋企食大食妹又再次嗌咗馳名排骨麵加榨菜, 記住打電話嗌嘅時候一定要叫佢比辣醬辣醬辣醬排骨係完整一塊, 切成容易入口嘅大細新鮮熱辣辣炸出黎, 又脆又紮實, 而且一直以黎價錢升幅唔大, 越嚟越抵食榨菜、配料同麵底記住要同湯分開上, 食嘅時候先倒湯落去, 麵條會更煙韌一直以黎大食妹都覺得金祥嘅麵比肉更好食, 粗幼適中, 彈牙之餘又唔難消化, 大人細路都啱食榨菜都幾多, 混合蒜蓉, 撈埋係啲湯裏面, 令湯頭更香更有風味記住食到一半嘅時候要落辣椒醬佢個湯裏面, 攪拌一下再食湯麵, 會有驚喜哦

一路都冇試過呢間西環名物，今日終於得起心肝同朋友一齊去試吓佢個馳名嘅排骨麵夜晚七點出邊已經排緊隊，果然係人氣小店菜膽雲吞排骨麵$47個排骨好酥脆，另外一碟上，唔會求求期期浸落啲湯度上海麵Q彈軟熟，湯底清清淡淡，幾好食冬菇雞球排骨麵$52雞球普普通通，冇咩特別不過要讚下個冬菇，炆得又淋又入味，超級好味同埋三蚊都係50幾蚊，隨時平過大型連鎖店菜芯$18本身想叫個菜膽，點知冇晒，唯有轉食菜心，份量都算幾多，食啲菜健康啲

菜膽排骨麵$42菜膽排骨麵+雲吞$47抵食，老字號，連外國人都識食！麵底口感煙煙韌韌，麵底又多排骨炸到岩岩好，皮夠酥雲吞皮薄，餡多菜飲品：凍奶茶$12 一般酸梅湯$12 太甜服務：伙記好好人，好有人情味

又一間人氣長龍店👭🏻，夜晚八點幾都仲見人龍，好彩等左幾個字就成功入座。識叫就叫招牌排骨麵🍲再試埋個雲吞去，成功食到最後一個幼麵，之後聽到其他麵類同食材陸續都沽清，想食記得早啲黎喇。菜膽雲吞排骨麵 $47 加豆漿 $6菜肉雲吞粒粒都好飽滿，一共有三大粒，皮薄餡足。我鐘意佢個幼麵🍲就算浸耐左都唔會又爛又斷，質地好實淨。而主角排骨🐷炸得非常金香，睇落好似好柴，但食落一啲都唔會，脆香既炸衣緊貼肉身，肉質唔乾岩岩好，果然名不虛存。豆漿🥛就比較失色左，甜度偏高，而豆既酸味仲係到。

讀書嗰時成日食金祥，因為佢好食又大份，絕對係窮人恩物。廿年以來，不時都會返嚟食，水準不但無跌watt，招牌炸排骨仲進步左。金祥既食物質素同份量，咁多年都係無得輸。所以Lunch hour長年有條龍，唔係無原因。難得既地方係，入座安排公平又有效率，老闆有時仲會同你傾下計，好貼心咁為每一位客人安排最舒服既坐法，就算搭枱都唔會覺得焗促。十年無嚟食，相信老闆都唔認得我。餓左咁耐金祥，當然係瘋狂叫嘢，但店員姨姨會好細心幫我地睇下係咪真係食得嘥，幫我地砌靚個配搭先落單，結果真係啱啱好，食飽飽又唔會滯，好勁！金祥係好多西環街坊既愛店，除左食物之外，相信亦都係因為佢好人本、貼心既服務。

係西環行到攰又餓,想拿拿聲食d野,本身想去個d靚靚cafe,但發現好早關門,行行下經過呢間,老闆好熱情!一入到去,店員都好有耐性介紹野食,牛腩雲吞排骨麵唔記得影排骨,牛腩肉實有咬口!湯汁濃郁黃金煎餃無油膩感!好實在,似酥皮薄餅包住餃子!非常香口但又唔會食到成口油!外脆入面熱辣辣多肉菜肉餃子麵比較清,餃子實在,皮薄餡足!菜膽吸晒d汁,好岩夏天食!!腩汁白菜膽呢個真係不得了,腩仔好重牛肉味又濃,菜膽吸晒d腩汁!係比較小見呢個菜式!隔離台見到都跟住叫值得一讚係店員好熱情!有人情味!呢d係香港難搵!

見到網上推薦，一心去試⋯⋯堂食等咗好耐都未有原來漏咗我張單。🥴🥴🥴冇味，淡如水…唔知有咩食評可以再寫😅😅😅店員有禮貌👍🏻👍🏻👍🏻話呢個麵單點貴啲因為會用到新鮮肉去整～所以就聽佢講要一份試吓 ～！結果d肉好老，雪味重，真係唔太得😿😿😿不過呢碗麵好過頭先個碗🍜起碼有湯底有味道少少…☹️☹️☹️炸豬扒兩碟豬扒：一碟又林又唔好味，另一碟啱啱乍起比較酥脆。性價比低，但店員服務好。