金碧酒樓

經過漫長既等待，終於book到食懷舊手工菜既金碧酒家！聽朋友講成年前已經開始book，但店家可能太忙一直無回覆，直到早幾個月前終於成功book到！手工菜係需要提早預訂，唔預訂係無得即場叫架～.豉汁蟠龍鱔上台時係一整條鱔無斷開，豉汁浸入每一件鱔片，上台後職員會用剪刀將繕骨剪斷，方便食用，鱔肉香滑火喉掌握得好無over cook .鯇魚魚腸蒸蛋蛋蒸得好滑，魚腸入口綿密入面有薑絲.錦鹵雲吞錦鹵雲吞做法傳統，雲吞皮炸得香脆配上甜酸菠蘿汁好開胃.剁椒魚頭魚頭肉質鮮嫩，搭配剁椒的脆爽，口感層次分明，剁椒既辣味恰到好處，好適合搭配白飯.荔芋香酥鴨香酥鴨外表炸得鬆脆，芋頭粉糯香軟，鴨肉肉質鮮嫩，最重要係鴨肉去唒骨，每啖都食到鴨皮既脆，鴨肉既嫩同芋頭既粉糯，口感豐富，好食啊！.花雕蛋白蒸海蝦份量大超級多蝦～蛋白配上酒呢個配搭幾夾，蛋白蒸出黎超香超滑，蝦肉新鮮又彈牙.杏汁豬肺湯個湯有果皮香，杏仁味唔算太勁，岩唒想飲又怕杏仁味既朋友.椒鹽鮮魷炸粉唔厚，薄薄一層，魷魚炸得香脆.聽朋友講馬拉糕係必食，但我哋無預定無得立即order，好好彩個日有朋友既朋友甘岩又係個到食，讓左件馬拉糕比我哋試！馬拉糕鬆軟但係可能我哋太高期望，未去到係必食😂.…查看更多

香港最老屋邨之一的彩虹邨有一間61歲的神隱明星酒家，預約要排三個月。規矩，是留給不認識人的人用的。全靠食神級朋友飛姐帶路，直接刷臉探店。推開那扇充滿年代感的門，有老板強哥的親切笑容，古老的裝修，還有牆上掛著影帝謝君豪所送贈的60週年賀匾。強哥敲定的菜單，來一場充滿情懷的盛宴：杏汁豬肺湯、錦鹵雲吞、百花釀蟹鉗、蠔豉生菜包、花雕蛋白蒸海蝦、豉汁蒸盤龍鱔、八寶鴨、椒鹽鮮魷、馬拉糕、有錢佬炒飯。我是衝著豬肺湯、盤龍鱔和八寶鴨來的！從功夫深厚的杏汁陳皮豬肺湯，到幾乎失傳的錦滷雲吞；從鑊氣十足的蠔豉生菜包到豪邁的豉汁蒸盤龍鱔，輪番挑戰味蕾極限。壓軸驚喜是馬拉糕——不僅有完美的蜂巢氣孔和鬆軟口感，更帶著一股令人驚喜、有別於一般馬拉糕的味道，港式雞蛋仔味的馬拉你食過未？說真的，我有被K.O.到！除了那位刷驗的朋友飛姐外，同桌的人都是初次認識，有拉丁舞蹈家、歌唱家和六星級酒店餐飲總監等。這一餐，吃的早已不只是食物。是強哥的手藝與人情，是那種「我當你是朋友，才為你下廚」的默契。 三個月的等待是傳說，而朋友的帶路，才是通往這個美味秘境的唯一鑰匙。當場還有三語版的生日快樂歌，由粵語、英語至普通話，再加埋同桌歌唱家的黃梅調生日快樂，為我們全場10月生日的多位壽星祝賀！#金碧酒家#彩虹邨…查看更多

彩虹邨宣佈重建，加上呢度被吹捧爆紅，實在係一位難求。 除非組團，如果唔係真係好難 book，天荒地老都未必訂到枱。 難得有機會嚟，就好好享用一下傳統手工菜，過一個歡聚之夜。七彩蝦片，炸得鬆脆，幾開心既前菜。杏汁白肺湯，十分足料，肺洗得潔白爽口，湯十分清甜。蠔豉生菜包，蠔豉餡料既濃味，配埋生菜清爽，啱啱好互相配合，濃而不膩。錦鹵雲吞，雲吞皮炸到好香口，汁料酸酸甜甜幾開胃，入面有豐富既青紅椒、肉、豬潤等等配料。酥炸蟹鉗，表面香脆，入面厚實好有質感同彈性。小炒王，韭菜、西芹、鮮魷、腰果等等炒得夠晒鑊氣。紅燒斑尾，大大條，魚肉夠滑，表皮泡過油好香口。花雕蛋白蒸海蝦，蛋白有好濃既花雕味。 海蝦新鮮，肉質厚實入晒味。豉汁盤龍鱔，蒸得啱啱好，鱔肉鮮嫩滑口。金黃蒜香雞，皮脆肉嫩，加埋蒜更加香口。窩蛋免治牛肉飯，賣相晶瑩通透。馬拉糕，夠鬆化，食到蔗糖味而又甜度適中。另外，酒樓週圍既陳設，都係時代既見證。 喺佢消失之前，好值得嚟下。…查看更多

好幾個月前已經查詢預約, 但回應說一個月前先再問, 想約9月的要在8月20日早上7:00 whatsapp, 同搶演唱會飛差不多.原來包場優先預約, 我只係想同奶奶到此慶祝生日, 所以都在等到8月以whatsapp再預約, 竟然已讀不回, 勁呀!  可能我無準時8月20日早上七時預約呀, 無福消受嚕! 所以古語有云, 出來做人做事, 幾時都係要關係好先得架~ poor & loser …查看更多

小時候在這個屋邨長大當時經常到這間酒家食午飯食嘅都係碟頭飯例如楊州炒飯，肉絲炒麵 。芙蓉蛋飯屋邨預計今年清拆 。現在回來要預訂晚餐懷舊一番預先訂下一席菜12位用菜單：杏汁豬肺湯（大）酥炸蟹鉗12 只八寶鴨茄汁大蝦12只豉汁蒸蟠龍鱔香芋扣肉錦鹵雲吞蒜子芥菜膽椒鹽鮮魷…查看更多

懷舊菜～🫶🏻60年歷史的彩虹邨金碧酒家，彩虹邨快要清拆，宜家食得一次得一次🥹難忘嘅味道，呢類酒家真係買少見少～日日都滿座，圍圍大檯，好難book檯，book 到都兩個月後我鍾意呢間，去過就會明，人情味滿滿，氣氛總是好好的，每次都好好食，勁大份，樣樣都好食，最鍾意食炸蟹拑，蠔豉生菜包，蜜汁燒鱔球😍杏汁豬肺湯蠔豉生菜包酥炸蟹拑魚腸蒸蛋錦鹵雲吞 蜜汁燒鱔球茄汁大蝦炒雞柳馬拉糕鴛鴦炒飯肉絲炒麵南瓜西米露…查看更多

早排跑班有同學發起，組團去彩虹邨金碧酒樓食飯，為食既我當然即刻報名🤪當晚菜單：1 杏汁豬肺湯2 錦鹵雲吞3 馳名叉燒4 蠔油手撕雞5 生炒骨6 魚腸蒸蛋7 炸蟹鉗8 荔芋香酥鴨9 蟠龍鱔10 香芋扣肉11 紅燒元蹄12 鮑魚炆雞13 豉油王炒麵14 上湯菜心15 馬拉糕當晚book左6點半，人數22人所以分開兩圍，早到左既同學(包括我😎)已經開始品嘗同學自家浸製既梅酒😂(免收開瓶費)大約7點人齊，先上杏汁豬肺湯，豬肺洗得乾淨冇異味，湯水飲出係老火湯，帶有濃厚杏汁味道，十分鮮甜👍🏻之後開始上第一道菜錦鹵雲吞，錦鹵雲吞係傳統果種，雲吞內無餡但雲吞皮炸得香脆，另外既甜酸汁同配料味道恰到好處，十分開胃👍🏻第二道菜係馳名叉燒，叉燒肥瘦適中，唔會燒得太燶同韌，味道唔會太咸或者太甜，鍾意食叉燒既我當然食左唔少🤭第三至五道菜係蠔油手撕雞、生炒骨同魚腸蒸蛋，哩三道菜雖然難度唔高，但都係下飯菜，送酒一流👍🏻魚腸蒸蛋更加係”秒清”🤣相都未影到已經清晒🙈第六道菜係炸蟹鉗，炸蟹鉗外層炸得鬆脆，但口感較為結實，冇平時酒樓飲宴咁彈牙(可能係配料問題🤔)，略為失色。之後幾道菜都係大家期待既菜式，第七道菜係荔芋香酥鴨，香酥鴨外表炸得鬆脆，芋蓉粉糯香軟，鴨件肉質鮮嫩，冇令我地失望👍🏻不過食完哩道菜已經開始有少少飽🤣好攪笑地，上菜既時候，唔知點解會各有支幼蠟燭插左喺兩碟香酥鴨上面，而咁岩我之後一個星期生日，所以個個唱晒生日歌🤣第八道菜係蟠龍鱔，白鱔蒸得岩岩好，冇over cook，鱔肉香滑，豉汁更加帶出鱔既鮮味👍🏻連我本身唔嗜食鱔既都覺得好味👍🏻😋隔籬枱見到都叫我地俾碟盤龍鱔佢影相📸🤣(佢話佢果枱叫左脆鱔球，有啲後悔🥲)第九道菜係香芋扣肉，扣肉煮得好腍，肥豬肉入口即化，芋頭一樣都係粉糯香軟，底下既黃芽白吸收晒扣肉同芋頭既精華🤩不過因為要留肚應付之後未上既菜式，所以唯有忍口淨係食兩舊就收手🥹第十道菜係紅燒元蹄，元蹄軟糯入味，肥但係唔膩，入口鬆軟，食到濃厚既膠原口感，肉汁亦都被底下既生菜完全吸收👍🏻第十一道菜係鮑魚炆雞，鮑魚炆得入味，口感彈牙唔會好韌；雞肉炆得岩岩好唔會過火，吸收鮑魚蠔汁精華，自己都忍唔住食多幾舊😂最後既係豉油王炒麵同上湯菜心，炒麵炒得夠乾爽唔會過油，又係被”秒清”🤣相都未影就清晒🙈菜心用既應該係菜心苗，用上湯灼得岩岩好，鮮甜爽口，食左咁多肉用黎清一清，吸收返啲纖維岩晒👍🏻上晒所有菜式，最後(真係最後😂)甜品係馬拉糕，馬拉糕鬆軟有彈性，唔會太甜，如果加返啲欖仁口感會更豐富👍🏻不過因為成晚食得太飽，所以都只係食到少少😅另外唔知同學係咪當左個馬拉糕係蛋糕，所以又唱多次生日歌🤣唱完生日歌，事頭(應該係🤔)唔知係咪俾我地攪到hihi地，突然開咪唱黎明首”我的親愛”，每當唱到chorus，即刻全場一齊” Sayonara o Sayonara o…” 當事頭唱完之後，我地又接咪唱左兩首，最後連事頭婆都唱埋一份😂(其實事頭婆冇傳聞中咁串/難相與…)即時全場氣氛去到極點🥳不過當晚全場最嘈都係我地兩檯，有啲食客都對我地側目，真係有啲唔好意思🙇🏻‍♂️走既時候見到廚房師傅、企堂坐低食飯。原來佢地都有返咁上下年紀，真心respect佢地🫡經過中學母校，諗返21年前喺度中五畢業，當時金碧酒樓都係一間唔顯眼既屋邨舊式酒樓，每日會開埋早、午茶市，酒樓出面仲有檔報紙檔，午飯時間都只會有老師去果度食飯，而我地就只會喺附近食燒味飯，燒味檔而家都已經拆左lu…(叫老友記)。而家因為彩虹邨要重建，令到金碧酒樓曝光出左名，先有咁多人book檯食飯(仲要好耐之前book)，自己中學母校新校舍都未有消息，牛池灣寮屋區都將要遷拆重建(好多好野食)，都真係有啲唏噓😮‍💨希望哩啲舊式老店、手工、情懷都可以傳承、延續落去啦🙏🏻🫂…查看更多

上年10月中，平日晚上＇朋友們一行1 0人去金碧食晚飯。朋友係半年之前已經打電話訂枱，極度難訂枱，真係好感恩又再次有機會食到至愛嘅蒸盤龍膳。餐廳一如過往滿客，可能待應少咗，人手不足，上菜比較慢，餐廳好好，唱歌同啲當月壽星𪊴祝，又可以拎等待菜上枱嘅時間快啲過。除咗膳好食，炸子雞都炸得啱啱好，好多肉汁，鯪魚肉好大一份，好香。焗魚腸唔醒，蛋又好滑。真係好想食多幾次。…查看更多

杏汁豬肺湯湯面上漂浮著淡淡的杏黃色，香氣撲鼻，湯頭清甜，潤滑的豬肺在口中化開，豐潤的風味令人陶醉。錦鹵雲吞色彩斑斕的雲吞，淋上金黃的鹵汁，香味濃郁，餡料鮮嫩多汁，外皮滑順，入口即化。炸蟹鉗外表金黃酥脆，蟹肉香氣四溢，配上特製醬料，咬下去肉質鮮嫩，滋味無窮。蟠龍鱔鱔魚曲折如龍，色澤光亮，香料味道濃厚，肉質鮮美，搭配的醬汁提升了整體口感。魚腸蒸蛋蒸蛋如絲綢般光滑，魚腸散發著鮮香，色澤嫩黃，滑嫩的口感伴隨著鮮魚香，令人陶醉。酥炸鮮魷魷魚外皮金黃酥脆，肉質鮮甜，配合特製桂皮醬，香氣撲鼻，吃上一口令人回味無窮。生菜包清新脆口的生菜包裹著豐富的餡料，色彩鮮明，香氣四溢，讓人感受到清爽與豐富的層次感。白灼墨魚墨魚的色澤潔白透亮，保持了原汁原味，肉質彈牙，滴上幾滴檸檬汁，口感更加鮮明可口。蒜香雞金黃的雞肉上灑滿蒜碎，香氣撲鼻，口感外酥內嫩，蒜香味道與雞肉完美融合，令人垂涎。紅燒豆腐+菜底豆腐色澤紅亮，湯汁濃厚，搭配清爽爽口的菜底，口感滑嫩，吃上一口便令人心滿意足。鴛鴦飯米飯分為兩邊，色香味俱全，一邊是香濃的咖喱，一邊是清新的白飯，口感豐富，層次分明。馬拉糕表面光滑如絲，色澤金黃，甜香撲鼻，口感柔軟，有著濃厚的米香味，令人忍不住想多吃幾塊。這些菜色色香味俱佳，每一道都是令人難以忘懷的美味享受！…查看更多

較早前見親戚係面書上的打咭相，已覺食物相相當吸引，加上近排有彩虹邨的報導…所以便試試訂位。我想這是我第一次覺得等得最長時間，又最難訂既餐廳。於上年6月時已訂位，酒樓只接受WHATSAPP預訂，但酒樓似乎太忙…一直都沒有回覆。到一回覆時只告知沒有位，一度我都想再放棄，但為左食咩肯制，所以聯絡左3個月，才等到回覆終於問我幾多位和貴姓…我就知道有希望….而問取過預訂人數和姓名後就再沒有回覆。這已是半年前的事….直到差不多到約定時間，我都有些擔心便再問問酒樓覆實，好彩張枱仲係度….因為一早已叫家人預留日子。海鮮要當日先知價錢，我們預訂菜單，酒樓表示有些食物要預先準備，所以先過數500元訂金。 土身土長都沒有去過彩虹邨，食晚飯外亦趁將拆卸前打下咭，彩虹籃球場不乏不同國籍的旅客在影相，當天下雨，人流量不算太多。而邨內周圍店舖好有懷舊感覺，當日見有導賞團。我地訂枱時間1800，酒樓真是會堅持1800先開門，要去洗手間唯有去附近公廁…其後原來酒樓洗手間只是男女各1格，而且要蹲底。 入到去真係好懷舊，店面不大，感覺走回以前舊式酒樓，而家真係賣少見少。坐上客好多，牆上都是名明捧場客的相片。當日亦撞見電視上一位女甘草藝人，對店內店員相當熟悉，相信是熟客。家人在網上見食評已話店員態度一般，我提示家人我地今次主要來食野，唔係要食服務….哈哈 店員見我地打咭影相，好主動叫我地一家人一齊在酒樓背景影相，相信是指定動作。提我地打咭一流位置有小朋友在，親切店員不斷和小朋友傾計，感覺親切。 杏汁豬肺湯見餐牌上有3個價錢，預訂時應已按人數決定要邊個SIZE ，每人最少可分到2碗，出面真係好少飲到，個湯真係好好飲，真材實料，連家人話自己不喜歡杏仁仍覺好飲。 梅菜扣肉這是沒有預訂菜，當日店員告知因有其他客訂，所以整多些，所以問我地要唔要。訂枱都等左咁耐，梗係試埋，家人非常滿意，扣肉香肥美而不油膩，即刻要飯話好送飯。 酥炸鮮蝦丸香口酥脆彈牙 錦鹵雲吞見咁多人叫，所以一定要試下，雲吞大大隻又脆，放左一陣仲係咁脆口。 順德魚腸蒸蛋好少地方有得食，就算不放胡椒粉亦不會覺腥。 荔芋香酥鴨一放底已覺香噴噴，香酥鬆脆，雖然家人話覺油膩話飽，但仍盛讚好味，仲要趁熱食。 蜜汁脆鱔球見特別考功夫所以點這道菜，爽口脆甜香口而且鱔球唔腥感覺新鮮。順德煎釀鯪魚新鮮唔腥，大大條，魚骨拆得仔細，手工菜。 金碧小炒皇食材配搭略嫌普通，有少許失望。 之前的菜太出色了….馬拉糕充滿椰香味，食後留有餘香，甜度適中。 肉絲炒麵平凡中見不平凡，炒麵脆卜卜，儘管最後上都秒殺。 蠔豉生菜包見幾乎每枱都有，心思思下問店員會否可叫來試試，店員告知沒有多的材料，廚房只會預當天已預訂的食材…. 有小朋友老人家，所以我地20:00就埋單，其後發現原來酒樓有餘興節目…老闆高歌一曲為3月之星慶祝，全場人都一起唱生日歌，酒樓亦有預備生日帽給生日之星戴，氣氛相當好…. 唔怪得訂枱時告知，不收切餅費和酒水費。希望再有機會來食其他菜，但相信預訂需時…查看更多

食物比疫情前差很多，豬肺湯和蟠龍鱔不及從前的。最不幸的是服務態度惡劣，唔想你問嘢，最好客人自己睇。雖然客人多，難以訂位，要早兩個月訂，但問多句都好似唔願意答，自己睇通告。但兩個月後的期待令人非常失望，原來食物質素已下降。…查看更多

若然你認為香港粵菜最難訂位的地方是大班樓的話，其實臥虎藏龍金碧酒家絕對是其中之一預約困難店當晚菜式豬肺湯小抄皇錦鹵雲吞蠔豉生菜包炸蟹鉗八寶鴨蜜汁燒鱔茄汁蝦蒜香雞窩蛋免治牛肉飯主打傳統手工菜、即叫即做有鑊氣、份量大、價錢相宜、雖然並不是每一道菜都令人眼前一亮，但其中最令我欣賞的莫過於蠔豉生菜包、料頭幼細、抄得極度乾身、配上爽脆的生菜、好味。 蜜汁燒鱔乃是另一度我認為做得10分好的一道菜、最後單尾窩蛋免治牛肉飯，絕對可以做到一個首尾呼應、開心回憶、 再加上氣氛十足、必再訪…查看更多

聽過好耐，但一直無機會食，因為夜晚一定無得walk In 咁滯，好似米芝蓮三星咁樣做booking到半年後。機緣巧合之下朋友好幾個月前訂咗一圍，有機會去試一試。佢哋晚市菜單，雖然話係傳統小菜，但係好多一般酒樓都冇得食，例如荔芋鴨個人經典的菜式推介錦鹵雲吞炸雲吞即炸脆口，沾上甜酸醬，醒胃！「茄汁大蝦」大蝦係成隻手掌咁大！「杏汁豬肺湯」足料，鮮甜，滋味！入到酒樓，熱鬧嘅氣氛馬上包圍住你，無論係家庭聚餐定係朋友聚會都好合適。服務方面，店員好多都係老伙記，都幾友善，雖然高峰時段可能會有啲忙，但整體感覺都好好。金碧酒樓無論係食物質素定價位都非常合理，值得一試！…查看更多

#彩虹村 #金碧酒家 聽聞大名好耐，不過未有機會幫襯，哩到除咗出名好食，亦出名難訂枱，話說哩餐飯局已經約咗大半年，真係超誇張😅#杏汁豬肺湯 🐽#炸蟹鉗 🦀#錦鹵雲吞 🥠#蠔豉生菜包 #蜜汁脆鱔球 #茄汁大蝦 🍤#紅燒班尾 🦈#茘芋香酥鴨 🪿#馬拉糕 🥧哩個湯真係超正，飲咗咁多年豬肺湯哩個超濃郁，陳皮勁香，真材實料😋😋見隔離枱枱都有叫炸雲吞，我哋都唔執輸，我哋即埸叫都冇問題😉 酸甜味啱啱好，配合料有肉片魷魚，係最傳統嘅做法🥠炸蟹鉗賣85蚊一隻係有啲貴，記得好細個去飲一定有得食，不過唔知由幾時開始就冇再出現過⋯⋯實在令人懷念🥹 札實彈牙，外脆內軟，佔少大紅浙醋食就係哩個味道👅不過最期待嘅香酥鴨反而有少少失望，芋頭唔夠香，差少少🤔其他幾個餸都好好味，我唔太鍾意蠔豉味，都覺得哩個生菜包好味😋😋 不過可以的話加多少少爽口嘅材料應該會更好🙃茄汁大蝦🍤 合格以上、但未至於勁好食。紅燒龍躉尾 魚皮唔會靱骨膠原滿滿，肉質彈牙，不過略歉醬汁少咗啲，不過都係清晒底😋😋😋蜜汁脆鱔份量超大，我估應該用咗成條白鱔，肉質爽口彈牙，不過唔夠酥脆，差少少，有機會試吓豉汁蒸盤龍鱔🐍馬拉糕就一般啦⋯⋯可以試其他餸埋單連小費每人都係$450，好抵食👍🏻👍🏻7點半到達已經坐滿人、超好熱鬧，又多老人家一家大細，有啲似去左舊式酒樓飲長輩生日宴咁，事關席間仲有餘興節目，就老闆巡唱生日歌😅😅😅 之後仲有客人現場唱歌🎤娛賓⋯⋯氣氛超好笑😂彩虹村🌈2028年開始進行第一期從建計劃、金碧都會拆，訂枱要趁早、想食起碼等半年⋯⋯⋯…查看更多

本身book咗同媽媽食生日飯「11月25號」又誤打誤撞安排咗國慶日食喎，因為我家姐識人可以book快啲，仲順便可以幫佢慶祝埋生日添。誰不知結果係好似去飲咁，我哋一家包咗六分之五圍枱，仲有1/6就攝咗兩個陌生人，奇奇怪怪的。雖然兩個陌生人都好客氣，但係我哋諗住切埋蛋糕㗎嘛，尷尷尬尬。結果我哋好似食圍餐咁酒水任飲，六時半恭候七時入席。其實全部由家姐安排，食咩都唔知。結果就係多到食唔晒囉。菜式係懷舊同埋好難煮，亦都好少機會有得食抵唔抵就見仁見智啦或者因為佢包埋啲紅酒 sake 所以埋單都幾貴下(每人$800有找囉)咁講返食啲乜嘢先或者大家會覺得手工菜都物超所值呢？排名不分先後有酥炸蟹鉗、小炒王、蟠龍鱔、錦鹵雲吞、蠔豉生菜包、炸子雞、雞蛋焗魚腸、鴻圖面、窩蛋牛肉飯仲有馬拉糕添實在太飽太飽份量太多太多，唯有揀嚟食啦。有兩樣我完全冇掂過嘅係雞蛋焗魚腸同埋鴻圖面。（係冇咁有興趣食）其他我都有試食或者返兜嘅。令到我想返兜嘅就有小炒王啦，錦鹵雲吞同埋蠔豉生菜包。錦鹵雲吞真係好難得有機會食到，我好似食咗3-4塊。仲有佢個馬拉糕出面真係好難食得到呢一種風味。其實全部嘢都唔係話超特別好令人驚訝 的確係好食嘅，不過又未令到我覺得短期內返去，更何況佢都就嚟結業啦原來唔記得咗佢仲有一個好難整嘅湯，就係杏汁豬肺啦，洗豬肺都洗死你啦。我姨甥仔不知幾鍾意食。梗係叫佢食啲啦，屋企唔會整㗎。媽媽讚不絕口，一來因為中菜，二來啲餸菜真係好難整，佢亦都唔識整響行入去嘅途中見到啲好懷舊嘅舖頭 令人懷念…查看更多