金田日式放題 (已結業)

朋友生日饭话想食放题，结果就book咗呢度记得好多年前黎过，装修比较旧，原来呢度之前装修过，所以所有嘢都新净左好多放题都系主攻刺身，喜出望外刺身款式算好多，亦都好新鲜，但我哋见到隔离枱D海胆好新鲜,结果都忍唔住加钱叫咗一板海胆，食落口感觉好新鲜，份量亦都好多，所以结果食咗两板食完刺身其实都已经半饱，但整体我觉得佢嘅炸物其实都算做得唔错，尤其是天妇罗同炸蚝，佢嘅炸浆唔算太厚，亦都唔会太油腻，比出边好多放题都做得好，整体感觉不错…查看更多

经过尖沙咀，唔知食咩好，用open rice search 附近餐厅，就咁中伏。刺身- 鱼有筋有冰水味，虾似虾米，连北寄贝赤贝都有怪味军舰- 紫菜好un 呑唔到天妇罗- 大陆南瓜冇味粟米粒- 衰过自己开罐头烧菠萝- 闻落有鱼腥味，切得好薄，好热嘅，因为好明显系用微波炉叮烧鸡软骨- 湿嘅，唔脆唔香枝豆- 烚到死晒，好林，冇豆味Order 纸冇烧鸡翼，亦冇任何鸡翼只有烧多春鱼系原味，即原来多春鱼的味，冇香到，冇喊到，冇淡到。Hkd413 两个人，唔饱，唔开心，唔想再叫野食，即走！…查看更多

而家啲放题闲闲地都三佰几蚊, 仲要唔知好好食, 见金田而家仲系三佰内, 咁今晚去咗试下金田。虽然openrice 都有啲劣评, 但我食过呢间以前湾仔店, 我对呢间嘢都有信心。入到万事昌广场, 都有啲担心, 因而个环境真系几旧下, 但系黎到都系上去睇下先啦......上到去感觉都系旧旧地  入到去间嘢原来都几细下, 枱唔多亦都迫迫地所以我谂呢个都系Walk-in 有位原因放题价钱价钱已经包咗饮品 , 有汽水及韩国啤, 位位$238加一限食2个钟环境方面, 讲咗咁耐都话系一般, 加上楼底唔高, 枱枱都讲嘢都有少少嘈侍应大部份都唔太有笑容, 但收碟都几快, 另外无水供应, 要饮嘢就要叫嘢饮食物都几新鲜, 唔会有入唔到口, 系啲羊排比较肥…查看更多

下昼闷闷地，食下新野！呢间系楼上铺，见到楼下有餐牌，日本定食多，刺身、熟食、锅类都有！而我今次已经系第n次黎，都系食厨师推介'蒜片牛肉粒定食'👍前菜：味噌汤+芝麻酱红豆沙律，主菜牛肉粒唔靭 、蒜片炸得好味、份量刚刚好，仲有野饮！…查看更多

因为情人节好多餐厅都full booking,见到金田有位, 就用app book咗七点半。点知打黎话得番六点/八点半，唔紧要 ，我拣食早啲食六点。去到叫咗嘢食，起码等十五分钟先开始有嘢食。讲紧𠮶阵仲要唔旺，算!刺身正常嘅,叫串烧黎到冻嘅,叫羊架un到咬唔到,叫乌冬叫两次，两次都漏单。食物麻麻之余，最嬲嘅系成肚气!!!我埋单𠮶阵,侍应找少二百,同侍应讲番,佢攞张一百放低就走。走出去同收银讲，佢同我讲全场埋紧单，佢好忙，叫我等等。等唔系问题，但语气真系好差!!你忙得黎又做错嘢,唔讲有冇效率，连礼貌都冇!!俾多张一百我,同我讲:而家岩啦?我真系以为自己系乞衣😂😂😂我有俾加一,结果食到成肚气!!!大家如果钟意食劣食加受气,欢迎去帮衬😂😂😂…查看更多