金牌

营业中

休息中

《人氣鐵板下午茶🌟》———————————————-#金牌 🎖️ -呢間人氣茶餐廳一到下午茶時間就大排長龍，早排同朋友專登早啲去拎位，終於可以食到佢嘅下午茶餐同埋鐵板😝-🍔 鐵板瀑布芝士漢堡包打卡一流，鐵板上嘅芝士滿滿🧀 下面嘅火爐keep住溶化啲芝士～ 牛肉漢堡肉質彈牙，好Juicy，配搭鬆軟既麵包好夾😍跟餐飲品我哋升級咗做黃牛，即係忌廉＋雪糕🍦-🥩 加拿大龍蝦尾拼紐西蘭肉眼扒 肉眼扒口感嫩滑，我哋嗌咗5成熟，一啲都唔鞋，牛味突出🐮 龍蝦尾size夠哂大，非常抵食，肉質彈牙🦞 架燒得啱啱好，份量十足，而係鐵板上面熱住好正，我哋再加咗隻太陽蛋，蛋汁夠流心，配搭蒜蓉醬汁好夾！跟餐仲會有餐湯同蒜蓉包，十分豐富～-🍞 西多士佢嘅下午茶都好正，而且性價比高😊西多士炸到金黃色，好靚仔，上枱熱辣辣，咬落去食到一粒粒嘅花生醬味，加埋煉奶同牛油夠哂邪惡🧈-⭐價錢參考：鐵板瀑布芝士漢堡餐：$98粒粒西多士：$36加拿大龍蝦尾拼紐西蘭肉眼扒：$248🍌 抵deal 指數：7/10

😅喺呢度食完飯嬲到要一個用咗OpenRice 咁多年都冇寫過食評嘅人喺度比差評😇-五點幾一入到嚟坐低，叫咗幾次都冇staff幫手寫野，扮聽唔到，後尾係隔離枱個客同我地講要用QR code 落單，但係連張QR code紙都唔比點叫野食😅-叫咗下午茶餐嘅乾炒牛河同埋個鐵板芝士漢堡，先唔講個包，碟乾牛嘅份量大家有眼睇，賣$48但個份量可能得食飯嘅碗仔多少少，同埋淨係得兩塊牛肉，一啲獲氣都冇，唔知食咗啲乜。。。。-個漢堡餐$98連薯條同一罐汽水，一嚟到已經覺得好伏。。。個芝士杰到我懷疑係白汁再啲芝士粉溝出嚟，但係一啲芝士味都冇，個包味道普通，薯條唔係特別好食，最大問題係成件事同芝士冇乜好大關係😓感覺被scam-成餐飯最唔伏可能係罐可樂😊大家自行判斷是非啦🙏🏻費事講得太激進比人ban～

九龍灣出名多野食，如果以香港茶餐廳來講，今次推薦呢家金牌gold label cafe & restaurant，絕對抵食又好食🤤週末下午茶雖然好多人，但都願意來排隊，呢度除左典型港式茶餐廳美食，仲有鐵板燒扒類，西餐都有埋，滿足不同客戶食欲🤭今次主食點左幾款：1. 必食鐵板燒，我就點左羊架 $178，配薯菜，跟蒜蓉包同餐湯，亦都跟飲品🤤羊架燒得剛剛好，食得出羊架是靚貨，真心好食😋2. 牛肝菌汁雞扒🐔煎蛋🍳飯 $47 我好少食白汁飯，但呢個牛肝菌汁原來好正好開胃，雞扒熱辣辣夠香脆，而且好抵食，值得一試👍3. 再來個下午茶餐：粒粒西多士配瑞士🇨🇭雞中赤3隻 $44 又係跟餐有野飲，抵喔🤤

🌇 九龍灣｜GOLD LABEL CAFE & RESTAURANT｜高質鐵板扒餐平民價！位於淘大商場嘅 GOLD LABEL 係間超高CP值嘅平民扒房，主打鐵板餐，選擇多樣，連鵝肝龍蝦都有得食，晚市set已包頭盤、餐湯、飲品，真係抵食！🔥 必試推介
✔ 鐵板鵝肝西冷牛扒 $188
鵝肝煎得香滑無腥味，西冷牛扒七成熟，外焦內嫩，鎖住肉汁，每啖都好滿足，配搭夠豐富！✔ 加拿大龍蝦尾拼紐西蘭肉眼扒 $248
肉眼扒口感嫩滑、有肉香。對比起西冷，我更鍾意肉眼；龍蝦尾size夠大，肉質彈牙鮮甜，海陸雙拼份量十足！推薦
✔ 頭盤煙三文魚沙律＋蒜蓉法包＋餐湯＋飲品（晚餐set包）
煙三文魚新鮮，沙律夠清新；蒜蓉法包香脆；餐湯熱辣辣又夠濃郁，配埋野飲好滿足～💡 總結
用百幾蚊食到鵝肝、龍蝦、靚扒，仲要連餐湯、頭盤、飲品，性價比極高，水準超出期望，啱晒想食靚扒又唔想傷荷包嘅朋友！📍 GOLD LABEL CAFE & RESTAURANT
地址：九龍灣牛頭角道77號淘大商場3期地下G266-270號舖
🗺️ #dummytummy九龍灣
🍽 #dummytummy扒房 #dummytummy鐵板餐
💸

出街做嘢搵間食晏，勁多嘢食揀扒類焗類沙律米線炒粉炒飯。同事揀咗焗牛脷飯，見到幾厚幾正啲份量足，兩份都份量好足😊而我係食炒飯👍下次試其他，對佢哋扒有興趣，沙律都好正啲，見到有個餐係扒再加2球沙律，勁正。這家餐廳的環境比較簡單，但服務態度很好，上菜速度也快。勝在款式多樣，選擇豐富，適合不同口味的人。重點是份量實在，吃飽無問題！炒飯方面，材料新鮮，火候掌握得不錯，口感清爽不膩，好啱當午餐或晚餐選擇。整體嚟講，係一間平價又實用嘅餐廳，值得推薦！

今日去九龍灣度行下啲家品店，行攰左想搵間餐廳食個下午茶先，。經過呢間餐廳見到好多人係門口排隊，咁我就決定揀呢間食。我地叫左佢招牌扒牌 肉眼配鵝肝🩷🩷🩷🩷🩷佢塊鵝肝食落入口即溶，配埋薯條同埋塊肉眼好夠淋而且牛味夠濃，我叫左7成熟，煎得岩岩好，又多汁配埋佢個濃味黑椒汁，辣辣地好過癮。仲有個白湯係忌廉粟米湯，好濃食到一粒粒粟米粒好有口感，加埋個蒜蓉包，好香蒜蓉同牛油味搭配湯一齊食好正絕配。我叫左3個下午茶都好正🩷🩷🩷🩷🩷有瑞士汁乾炒牛河茶餐，佢啲瑞士汁甜甜地，個河粉炒到好夠鑊氣，而且啲牛肉又夠淋身索晒啲瑞士汁味好正！份量又足👍🏻粒粒西多士茶餐，炸到啲西多士金黃色，粒粒都好靚仔😍同埋佢有得揀煉奶或者蜂蜜味，梗係揀煉奶味啦😆正呀！咬落去食到一粒粒嘅花生醬味，好滿足呀🤓仲叫咗個瑞士雞髀沙律茶餐，佢個瑞士雞髀醃得好夠味，淡淡都食到瑞士汁嘅味道同埋雞髀好滑，都好大隻，配埋佢個雜果沙律，好清爽。因為有四個餐，所以叫咗四杯都係凍檸茶，不過凍檸茶都好夠味茶味夠濃，而且唔會話太甜，質素咁高，平靚正。唔怪得每張枱都坐爆曬人啦！👍🏻

嚟到淘大商場，好多餐廳選擇，行住邊睇邊搵邊間食晚飯，同行朋友想食意粉，但我就想食好耐冇食過嘅「鐵板扒餐」，好彩見到呢間「Gold Label Cafe & Restaurant 」有曬呢兩樣嘢食，而且仲有好多選擇。餐廳以QR Code自己落單，一嚟就先揀鐵板餐，實在有好多選擇，牛，豬，羊…，最後揀咗「加拿大龍蝦尾拼紐西蘭肉眼扒 - （鐵板餐）」，有意粉，飯或者薯條揀，餐湯要紅湯跟蒜蓉包。朋友揀咗「青醬煙三文魚意粉」，可揀多汁，份量多喎👍🏻飲品有好多選擇，呢度仲有經典嘅「黑牛」可樂+雪糕，我即點😋朋友就揀咗「鹹檸七」。大滿足✨

「九龍灣有間港式鋸扒」小編今次就帶大家黎到九龍灣淘大，二訪一間水準保持得幾穩定，主打港式鋸扒既茶記 一 金牌Gold Label Cafe &Restaurant @goldlabelrestaurant🌟英式雜扒 $148豬扒同雞扒都大大塊，加埋太陽蛋同現炸既薯條，淋埋個蒜蓉汁，即刻好有個種港式鋸扒既感覺🤤👍🏻👍🏻🌟焗三重芝士雞扒飯 $66炒飯底炒得幾乾身，加埋大大塊雞扒同三重芝士，邪惡到一個點🤤👍🏻👍🏻🌟蘑菇忌廉汁海鮮焗飯 $62炒飯底炒得幾乾身，加埋白汁底既蘑菇忌廉汁同海鮮，好滿足🤤👍🏻🌟粒粒金磚西多士 $30西多炸得金黃之餘大大件，而且入面仲有花生醬🤤👍🏻🌟瑞士汁牛肉炒河粉 $68炒河亦炒得吾會太油，而且幾有鑊氣🤤👍🏻📍金牌九龍灣淘大商場3期地下G266-270號舖#九龍灣 #金牌 #牛扒 #茶記 #西多 #鋸扒 #焗飯 #留港消費 #支持小店 #英式雜扒 #港式鋸扒 #為食關注組 #覓食九龍灣 #食在九龍灣 #九龍灣食乜好 #香港美食地圖 #淘大商場3期 #粒粒金磚西多士 #瑞士汁牛肉炒河粉 #焗三重芝士雞扒飯 #蘑菇忌廉汁海鮮焗飯 #九十後行到邊食到邊 #HKIG #HK

今日去咗淘大呢邊做野 落大雨又唔想行嚟行去 咁啱見到呢間餐廳就決定試下啦牛扒套餐包餐湯同蒜蓉包 揀咗紅湯羅宋湯 蒜蓉包夠香脆肉眼配鵝肝 (7成熟) (蒜蓉汁)呢份鐵板肉眼好大份而且肉汁鎖得幾好 咬落去有嚼勁但唔會韌 鵝肝一食落去個種油脂爆出嚟嘅感覺真係勁邪惡 仲有得揀白飯/意粉/薯條 我地就揀咗配意粉 伴碟有蕃茄仔 翠玉瓜同粟米 香煎帶子蒜香意粉帶子煎到啱啱好 外層微微焦香 意粉口感夠彈牙 充滿蒜蓉嘅香氣 食落幾惹味瑞士雞中翼 (5隻)雞翼好入味 食落甜甜地好開胃每日時蔬 (半份)娃娃菜索哂d湯汁 面頭灑上咗d煙肉碎 整體味道較清淡 啱哂食咗咁多肉嘅我地解下膩飲品方面就叫咗凍檸茶同熱鮮檸柑桔蜜 味道酸甜清新

🔥茶記都有鐵板食😍新派裝修✅抵食呀🥳🦞加拿大龍蝦尾拼紐西蘭肉眼扒：龍蝦尾同肉眼扒👍性價比高✅扒餐包埋餐湯同蒜蓉包🥖而且仲係鐵板餐🥳鐵板上枱嗰陣仲係”吱吱聲”添🔥龍蝦尾肉質爽彈❤️肉眼扒我哋揀咗7成熟加隻太陽蛋🍳配薯條🍟同埋蒜蓉汁 🔪肉眼扒切落去好軟嫰🐂好抵食呀😚🦐蒜香櫻花蝦大蝦意粉：意粉質地口感有驚喜🍝有咬口又掛汁✅大蝦爽口都算多份量👍蒜蓉配櫻花蝦好夾💯唔錯呢🥳🌭金牌沙牛包：個包入面勁多沙嗲牛呀🐃目測啲沙嗲牛已經唓曬出嚟❤️沙嗲牛好嫰滑✅🫘兒時紅豆冰：細個屋企人帶我去冰室👧🏻最鍾意就係飲紅豆冰🥤依家大個左都係咁鍾意❤️🍋龍鳳檸樂：鍾意飲可樂嘅你一定會明白呢杯龍鳳檸樂會有幾爽呀😍雙重味覺嘅檸檬香味🍋好開心呀🥳

英式雜扒🍳$148呢個英式雜扒真係夠晒經典😌鐵板熱辣辣上枱，「滋滋」聲好治癒😚豬扒同雞扒都煎得啱啱好😋豬扒鬆化，雞扒皮脆肉嫩😛仲有兩隻太陽蛋流心蛋黃(另加一隻)😇撈埋啲肉汁同薯條一齊食，超正😍薯條外脆內軟🍟點埋個微辣嘅「紅波辣椒醬」更加惹味😜個羅宋湯酸酸甜甜😊仲有塊蒜蓉包脆卜卜☺️成個set好有舊式西餐Feel🥰粒粒西多士配瑞士汁雞脾🍗$46呢個組合抵食到爆😎西多士炸到金黃色，外皮酥脆，內裡綿密😚淋滿糖漿同牛油，真係好邪惡😈瑞士汁雞髀滷得入味，肉質嫩滑帶甜😙同西多士一齊食竟然出奇地夾🥳雞髀唔細隻，仲包埋熱飲☕️$46咁嘅份量真係抵到爛，下午茶必嗌🤩青醬煙三文魚意粉🍝$68青醬味道幾清新，羅勒香夠出😙但醬汁可以再濃啲，略嫌有啲唔夠掛汁😜煙三文魚味道都幾好，鹹香適中🐟意粉煮得Al Dente，整體都唔錯😌如果加啲芝士碎會更正😝茶走☕️跟餐黃牛（忌廉+雪糕）🍨跟餐+$9龍鳳檸樂🍋跟餐+$12

餐飲選擇豐富，有港式風味、各款鐵板餐、意式主食等。難得食物做得到位，套餐亦抵食，整體高質👍🏻🥩肉眼配鵝肝 $224依款套餐包餐湯、蒜蓉包及飲品。肉眼以鐵板形式上枱，賣相我已經幾滿意。肉眼有一定厚度，外層煎到甘香，肉質鮮嫩多汁，鵝肝亦有豐富嘅油脂香😋配菜亦新鮮，唔係凍冰冰個啲。🥣我揀咗白湯偏濃稠，蒜蓉包焗得香脆，滿意。🫘兒時紅豆冰紅豆冰話難整又唔係，但整得到位都一樣要啲心思。依杯係我期望想飲到嘅紅豆冰，唔會勁稀、冇奶味、或者啲紅豆溶晒。相反紅豆份量唔少，大大粒有咬口之餘又幾綿密。奶香出到、紅豆甜度又剛好，冇咩好挑剔👍🏻👍🏻🍝青醬煙三文魚意粉 $77感覺係用港式手法嚟煮偏意式嘅口味，唔知明唔明我講咩🤣不過味道上又幾好食，青醬係濃郁又香嘅。煙三文魚、沙律菜配青椒紅椒，整體幾清新，都算足料。依款意粉包咗一杯飲品，加$25可升級套餐，有餐湯同蒜蓉包。🥣朋友試咗紅湯，都好足料，評論唔錯。我會想再回訪，希望餐廳要keep住依個質素呀～🥹

估唔到而家啲冰室越嚟越高質❤︎加拿大龍蝦尾配紐西蘭肉眼扒肉眼扒肉味同汁水都鎖住曬，咬落啖啖肉好有口感🐮龍蝦用咗蒜蓉香草汁去焗，風味更加提升，識食梗係跟埋薯菜😆❤︎金牌炒飯成日覺得食炒飯好傻豬，但呢個金牌炒飯真係令我甘拜下風😳面頭有唔少櫻花蝦，再嚟係粒粒分明又沾滿海鮮香氣嘅炒飯🍚海鮮俾得好重手，仲要有XO醬去吊起曬成個味👍🏻❤︎瑞士雞翼瑞士汁鹹甜適中，雞翼唔會滷得特別乾水，男女老少都鍾意嘅一刻經典小吃❤︎塔塔醬吉列魚柳包魚柳炸到好香脆咁躺平喺麵包上，加埋沙律醬就係無敵組合，個包仲幾大下，無從入手加入口😹

今日午餐去咗淘大花園商場嘅金牌冰室食飯，叫咗個揚州炒飯，套餐包餐湯同餐飲，價錢盛惠$69，其實唔算特別平：餐湯叫咗紅湯，當然唔能夠同西餐廳嘅紅湯比較啦，菜嘅份量都算多，不過覺得太酸唔啱飲，同埋唔夠熱。主菜揚州炒飯方面，炒飯份量唔算特別大兜，我覺得炒得唔夠鑊氣，上菜時溫度唔夠熱，雖然由落單到上菜都等咗大約8-10分鐘，不過從碟飯嘅溫度同鑊氣都唔能夠肯定係唔係即炒。蝦嘅份量有3粒，肉(叉燒）嘅份量正常，唔算特別多。食完睇返個餐牌，發現叫個龍脷柳意粉都係$62，大大塊扒任你食，即時覺得用$69叫個揚州炒飯唔係好抵。其實間餐廳最惡劣係啲店員嘅態度同質素，一入去店員就安排我坐一張四人座位，而四人位嘅另一邊就坐咗另一名食客（下圖右邊黑衫男士嘅位置）。我由一坐低開始，嗰名食客就喺度用手機大聲播放聲音，我本身諗住佢都係睇片睇一陣就不以為意。隔咗2-3分鐘都有餐廳侍應叫佢細聲啲，不過嗰名食客都冇聽侍應講將電話調校返細聲。但從餐廳侍應同嗰名食客嘅對話，我大概估到嗰名食客應該係餐廳廚房職員，而最後我都響餐廳侍應口中確認佢係餐廳出品部嘅員工。佢播咗3分鐘左右，我終於忍唔住出聲叫餐廳侍應安排我坐第二個位，因為真

估唔到行幾步九龍灣 有間好野食😆啲位好坐 啲野樣樣都好吸引 我都好想叫🥹仲要勁多人排隊〰️〰️〰️〰️〰️〰️〰️〰️〰️〰️〰️〰️〰️🌊加拿大龍蝦尾拼紐西蘭肉眼扒 $248呢個一定要叫配意粉🍝因為佢龍蝦上面既蒜撈龍蝦真係好好食😻仲要勁夾👍🏻呢個係個員工教我食🥹牛我就叫左五成熟 岩岩好 黑椒汁都冇遮到牛味🥩同埋唔會好柴既感覺🌊金牌燒春雞 $158成隻雞上😧我同男朋友呆左勁大份🤣完全覺得我哋兩個食唔哂，雖然等左有啲耐，但好值得🥺一撕個髀嚟食勁juicy🍗完全唔會乾身冇水既雞🙌🏻🌊蒜蓉包+餐湯蒜蓉包真係大癲！😻因為我係包既愛好者，佢真係脆，仲要攤耐左食都仲係脆🥹但我唔建議，因為熱食is the best