金牌牛什

本身谂住去黄埔有一间好出名嘅串烧舖头，但因为𠮶间舖头实在太多人排队，于是我哋去咗佢附近另一间。自己对比两张餐单嚟讲觉得金牌牛杂嘅种类比较多，当中竟然仲有$10.8粒鱼蛋！除此之外，仲有碗仔翅，车仔面等等。讲返入面环境，入面呢就唔算大，但系呢志在有冷气！ 如果夏天想食串烧同朋友倾吓偈，我觉得呢个地方都唔错👍讲返食物嘅质素啦，咁整体普普通通，佢呢就一次过消好晒上枱嘅，咁样呢就变相有机会后尾食到𠮶啲串烧已经摊冻咗，但系呢个我谂都冇办法，始终香港好多舖头都讲求效率。…查看更多

喺外卖App order.... 未上黎睇食评，点知牛杂里面净系得牛肚同牛肺， 仲要麻麻地，唉， 伏已中！睇完其他评论都系话得两款就当牛杂，证明佢地跟本无心改善，得两款好心你写明啦一定无下次！ 成肚气，不过公道讲句，萝卜无渣算好…查看更多

我都算系老顾客，自从呢两三个月，唔知系咪而家转咗个阿姐烧，定系大学开咗学，多咗客做串咗，而家同以前嘅水准争好远一系就烧到干晒，一系就㶶。以前一个礼拜食几转依家食一次后悔一次牛杂就更加唔使讲，完全都唔系牛杂，除咗牛肚萝卜之外完全冇其他嘢食，不如改名做金牌牛肚睇返佢最近啲食评，以前真系𠮶个好评，而家最近𠮶几个，差唔多全部都系负评。希望佢睇到之后可以转返以前嘅质素。唔想红磡冇咗间出色嘅串烧舖。暂时呢两个月都系食住隔离𠮶几间先…查看更多

已经系俾第二次机会佢, 因为后面间麻辣烫无开, 迫住黎呢到买酸辣粉, 今次唔系同一个人整, 系个呀伯整, 我叫左酸辣粉外卖$23 中辣睇住佢逐样调味放落个碗, 叫左要中辣架啦...以为正正常常, 有花生又成, 点知返到黎打开, 个色水差到呢....淡到呢....睇到都知奶野同上次一样无味...食落去又系无辣无酸, 唔知食紧乜野...之后系PANTRY揾到辣椒油自己加返.. 先似淘宝最基本一包包咁卖既味道..如图下...红几多呀!!我真心想知点解可以咁多年佢都可以系到, 未执,D粉都似系淘宝淘落黎既口感. 咁点解唔用埋人地个调味包呀!…查看更多

呢间垃圾拎得"金牌牛什"黎做招版，卖牛什两个居然一兜只得两款 - 牛肚，牛肺再加萝卜。 算！当你专做两款，麻烦都比d心机去做。淸水白煮不在话下，兜汤完全系师傅味。配埋个个得死咸嘅油，难食过屎！先讲个汤汁，一阵烟头味，似烧焦镬再无限次重煲去左阵味，加一堆辣嘅酱去顶阵臭味。主角牛什完全清水白煮，阵雪藏味都仲系度，垃圾！$24一兜细真系好平，但价钱完全充全反映质素。如果你想中伏可以一试，同区仲有大把其他野食选择，三十几蚊已经有三𩠌饭，无谓食佢贴钱买难受！…查看更多