金滿庭京川滬菜館 (德福廣場2期)

喺德福廣場同朋友試咗金滿庭嘅京川滬菜，食物質素真心唔錯！我地嗌咗招牌燻魚，魚肉外脆內嫩，煙燻味濃郁，入口惹味，係全場最愛！回鍋肉粗炒味道夠濃，辣度適中，肉片同青椒好夾，撈飯一流。鮮肉小籠包皮薄汁多，肉餡鮮甜，一籠 8 隻食得滿足。蟲草花翡翠苗清爽可口，蔬菜鮮嫩，健康又開胃。京蔥爆牛柳片牛肉嫩滑，京蔥香氣突出，味道平衡。香蔥餅外脆內軟，蔥味濃郁，當小食好正。服務員好勤快，添茶同收碟都快，雖然餐廳客滿，但服務質素無減。環境略為擠迫，鄰枱距離近咗啲，但整體乾淨企理。茶香好正，點咗人蔘烏龍茶好清香。整體嚟講，食物份量足，味道正宗，係一個想食上海菜嘅好選擇！…查看更多

今晚試咗金滿庭京川滬菜館嘅外賣，整體嚟講都算唔錯，不過有啲小遺憾～ 首先講吓個**招牌松子魚**🐟，外賣送到嘅時候已經冇咁脆口，魚肉有少少韌，可能因為焗住咗一陣，佢哋已經好細心分開裝，個酸甜汁依然好開胃，松子都幾香，如果堂食應該正好多！ 再嚟係**奶油津白**🥬，呢個真係驚喜！奶油味超濃郁，每一啖都食到香滑嘅奶油香，津白煮得啱啱好，唔會太淋，鍾意奶香嘅人一定會愛上～ 容量最後係個**傻佬炒飯**🍚，真係「傻佬」都食到笑！料多到爆，蝦米、四季豆時候，炒得好夠鑊氣，味道夠濃又唔會太鹹，食完成個飯都唔會覺得膩，抵讚！ 總括嚟講，外賣難免有啲折扣，但味道依然在線，下次一定要堂食試吓個松子魚脆卜卜嘅版本！ #金滿庭 #京川滬菜 #松子魚 #奶油津白 #傻佬炒飯 #外賣食評 #香港美食…查看更多

我哋有一個「細胞小組」老友，相識超過廿年，好一段日子無出嚟搞過飯局，所以就趁啲過時過節日子一行16人食番餐。因為依家啲餐廳都比較少一啲大圓枱，難得搵到九龍灣呢間「金滿庭」，有張16人大枱，啱啱好，一枱坐晒咁多人，方便大家傾偈，比起要房又平好多。都曾經幫襯過「金滿庭」其他分店，但都已經喺好耐之前嘅事，而呢間九龍灣分店就第一次到訪，感覺上跟鑽石山分店差唔多，但就比佢奧海城分店細。但我哋好好彩，被安排餐廳尾嘅一張大枱，有少少自成一角，同埋少咗一個人，最後得15個人，所以坐落更加鬆動。由於今次無乜準備，又唔想阻大家夾餸，都喺求其搵手機快攝，相片質素一般般。子薑水晶淆肉 $108呢一道喺經典嘅上海冷盤，睇見都感覺到冰涼清爽，頭尾嘅凍膏清爽有點柔滑感，中間嘅豬蹄肉佔比多，入口有種鬆化感，沾上鎮江醋添一份酸香味，整體做得幾有水準。花雕醉雞 $106另一款頗鍾意嘅上海冷盤就喺花雕醉雞，因為含花雕酒香，確喺甚有特色嘅冷盤，加上啲雞件做得皮爽肉滑，微微酒香滲出嚟 ，唔嗆喉，的確好食。鮮肉小籠包 $96你話好想食小籠包咩，又唔算，但喺嚟到無食咩，又好似爭咗啲，所以，叫咗兩客鮮肉小籠包，一客8隻，夠晒我哋咁多人分。小籠包即叫即蒸，所以，嚟到時熱氣騰騰，摺紋就唔算好靚，但外皮搓得夠薄，咬開就見，肉饀鬆化唔在講，裡面仲有好多湯汁，最好喺肥豬肉唔多嘛。榨菜肉末 $148呢個菜式喺小弟嘅推介，因為，可以當喺小食咁。本身每份榨菜肉末跟一客叉子燒餅，我哋人多就額外點多兩份燒餅。簡單嚟講就喺榨菜炒免治豬肉，放入燒餅一齊食，燒餅香脆，肉末濃香，夾埋一齊食滋味過癮。鐵板京蔥爆羊肉 $188因為以鐵板上，上枱時非常吸引，因為京蔥嘅香氣四溢，啲羊肉好嫩滑，而本身羊騷味已經唔重，加埋大量京蔥，連唔食羊嘅朋友都話OK，仲覺得幾唔錯添。奶油津白 $118津白（紹菜）一向俾人感覺喺啲平價菜，不過，一講到奶油津白，津白又變得好不一樣，經過廚師巧手，清甜嘅津白，淋上細膩柔滑嘅奶油茨汁，一樣成為滋味菜式。紫心蕃薯浸豆苗 $128一餐飯點都要有多少少蔬菜類菜式，隨心點咗呢一碟豆苗，加上啲紫心蕃薯條，清清哋，又幾唔錯，最緊要喺啲豆苗夠嫩。金桂花柚子蝦球 $268海鮮類菜式都揀咗兩款，都專登揀啲較有特色嘅，先分享呢一道蝦球，賣相確喺幾靚，一來外觀金黃生輝，二來啲蝦球夠晒大隻，好有睇頭，再者肉質爽口彈牙，既有桂花香，又有柚子嘅甜味，讚呀！招牌松子魚 $238海鮮類菜式真喺不得不提松子魚呢道經典上海菜，經典在於既花功夫，煮起嚟又要有手藝，否則，松子外型走晒樣，唔脆又唔好食。然而，依一尾就做得相當出色，一來賣相靚晒，二來個魚做到外脆內嫩，橙紅嘅甜酸茨汁做得啱啱好，唔會太厚身杰撻撻，甜酸味又恰到好處唔嗆喉。雪菜肉絲炒年糕 $138咁大棚人點都要點番幾碟炒粉飯麵嚟墊肚先得，先喺一道較傳統嘅雪菜肉絲炒年糕，年糕柔韌有咬口，帶鹹鹹哋嘅雪菜同肉絲，味道唔錯。上海粗炒 $138最能體現上海菜濃油赤醬嘅神髓就喺上海炒粗，簡單只以白菜仔同肉絲炒，主角喺啲麵條，炒得保持嗰份咬口感，而且，味道確喺好香濃，食落又唔算好油。傻佬炒飯 $148傻佬炒飯一啲都唔傻佬，小弟覺得可以講喺豉油皇炒飯，搵豉油炒過寧舍香，飯粒分明又爽身，飯內混有鮮蝦、肉粒、蔥粒、粟米粒，仲灑咗啲肉鬆，令個炒飯豐富好食。桂花蘆薈杞子糕 $58因為一大棚人，甜品都喺搵啲易分享嘅選擇，桂花糕就喺其一，一客6件，仲可以軋細一半，多啲人試到。桂花糕冰涼清爽，充滿桂花香，又加入蘆薈同杞子，添上幾分口感。豆沙鍋餅 $65同枱有人好想食豆沙鍋餅，當然有求必應啦，1客有8件，餅皮炸得金黃，入口香脆唔油，內裡填滿豆沙，清甜好味。高力豆沙 $24 /個最多人舉手想試嘅喺高力豆沙，盡量滿足大家。每個都做得漲卜卜，外層灑滿糖霜，一口咬落去，外皮鬆軟富彈力，內面放有唔少豆沙餡，同樣清甜不膩。今晚大家都食得好開心，除咗一次過試咗好多嘢之外，最緊要都喺啲味道做得好，又唔啱食，而且，招呼非常之熨貼，啲侍應又有禮貌喎，咁先喺做生意長遠之道。…查看更多

我地一家人役情後每年聚餐都會訂德福廣場金滿庭，風雨不改，為既係佢地既片皮鴨，今年一如以往早一個月前訂座，今晚更提早入座，有位職員負責我地呢檯，7pm就搵呢位職員即刻落單要左片皮鴨先，順帶提佢可以即上，其他野晏d先落，到左7:35pm, 其他後落既餸都食到一半既時候，同一位職員黎到同我地講：「唔好意思，今日片皮鴨賣晒」 我話我7pm落單, 點會7:35pm先發現冇晒，佢話唔好意思，落單同事唔知道已經冇晒（但佢正正就係同我地落單個位同事），佢再話今日有幾檯客order左$3088個餐都有片皮鴨。 咁就明晒，出比套餐客，犧牲散餐客。 但都冇辦法被迫取消單，但最嬲係由7:45pm開始，我地見職員一路出片皮鴨，出到8:45pm都仲有，我忍唔住再問呢位職員，8:45pm 仲出緊片皮鴨，點解我7pm落單都冇份，我到餐廳個陣10檯客都唔夠。 佢之後走左去，完全無視我，亦冇再返黎解釋原因。當晚帶一家人只為一道菜，但被取消單之餘，整餐飯一直見度片皮鴨不斷響我地眼前出現，極之難受。本人已正式要求貴集團翻查當日訂單，調查是否有職員操守失當。本人9pm離座，我後面仲有一個職員切緊片皮鴨原本開開心心既一餐飯就比一位職員破壞晒…查看更多

朋友話好耐冇食金滿庭既高力豆沙，所以中午飯就揀左食佢啦。walk-in都係等一張枱就有位👍今次有卡位坐，私隱度🆙水晶肴肉：啫喱凍入口即溶，一夾即爛🤣唔會好咸，配埋薑片同醋一齊食減低左個油膩感。花香玫瑰骨：排骨炸得好脆，加埋酸酸甜甜既汁，食落好開胃，但就唔係好食到有玫瑰味，就同出面既咕嚕肉係差唔多味。砂鍋雲吞雞：湯底好鮮，d津白同小棠菜煮到淋哂，好鮮甜，雲吞粒粒都好飽滿。鮮肉小籠包：一籠5隻，唔算好大隻，個皮夠軟薄，食落一口爆汁得黎唔會好油膩，亦都食到肉嘅鮮味。香葱餅：炸得比較油，同埋個餅粉感好重，本身以為會係酥脆既質感，但後食落係比較厚實硬身。高力豆沙：每次黎金滿庭必點既甜品，上枱個陣仲好熱辣辣。蛋白炸完食落係軟綿綿，入面既豆沙甜度適中，仲加埋香蕉，連埋外層既糖霜，中和左本身冇味既蛋白。…查看更多

二訪呢間京川滬菜館 水準唔錯 選擇夠多元化🇨🇳最啱新年帶長輩聚餐✨.📌茶水巾芥 $16試左人參烏龍 回甘味香醇🍵.📌鐵板黑毛豬叉燒 $168以鐵板上 新鮮熱辣 渣渣聲 即時升Lv.🔥用上黑毛豬 食到肉鮮味🐷但肉質偏乾硬 唔夠軟腍 蜜汁味過甜🍖另配以大量花生 好香口🥜.📌招牌松子魚 $238必encore松子魚‼️魚勁大條有份量 炸到金黃酥脆🧡肉質滑嫩有鮮味 魚骨可以嚼碎埋 好香口 🐟淋上三色豆酸甜汁 好開胃🥕🫛🌽.📌和尚戴帽(跟薄餅) $128蛋皮煎得軟嫩唔乾🍳蓋住醬油炒粉絲 爽滑濃香🍜拌料有：竹荀, 豆乾, 冬菇, 芽菜, 木耳絲, 大白菜等 口感豐富 🍄‍🟫🌱🥬配左柔軟薄餅 但都係酥脆叉子燒餅夾啲🫓.📌招牌炒飯 $152炒飯做得幾唔錯👍🏻米飯粒粒分明 乾身唔油膩🍚配料有蟹籽, 蟹柳, 珍珠貝, 香蔥, 蛋花等 調味唔濃 清爽香口🦀🍳🌱.📌巴蜀十三香雞(半隻) $168類似炸子雞 雞皮好脆 肉質嫩滑有雞香🍗原本已經好夠味 沾上少許香料粉 更惹味🌿.📌螞蟻上樹 $98粉絲加入大量肉碎同辣醬料炒 香辣惹味🌶️🐷但配料唔多 口感味道較單一 仲偏油膩👀.📌養生湯時蔬(西蘭花) $122上湯加入紅棗, 杞子, 黨參等 足料養生 味道好清 啖啖藥材香🍲西蘭花熟度剛好 爽口清甜🥦.📌蒜蓉炒豆苗 $128豆苗青綠爽嫩 加入蒜蓉炒 好香口 但偏鹹咗啲🌱🧄…查看更多

今次嚟到九龍灣德福廣場第二期既金滿庭食lunch，環境不錯，有好多卡位，lunch time 時間不用等位。佢宜家做緊一至五有半價優惠，每枱可以可以揀一樣，包括雞絲粉皮、老北京醬蹄、上海粗炒、鳳梨魚柳同埋北京水餃。今次同行兩人叫左小籠包，小籠包汁非常濃郁，係包汁個隻，熱辣辣好好食另外叫咗排骨擔擔麵，擔擔面味道啱啱好，不會過咸和過辣，排骨炸得好脆，配埋擔擔麵一齊食啱啱好另外叫咗半價嘅上海粗炒，上海粗炒唔會太油，而且都幾足料…查看更多

呢間金滿庭好多年前食過今日咁啱去開九龍灣就再嚟食吓～入座先發現原來有一個烤鴨二重奏set係呢間舖頭先有既～好抵食～$288有半隻北京烤鴨再加一個小菜如果唔夠都可以用半價再加小菜食不過留意番呢個set就要叫店員親身幫你落單，唔可以用QR code落我哋就叫咗呢一個set：半隻北京烤鴨、乾煸四季豆同用半價加咗個上海粗炒仲散叫咗一客螞蟻上樹出菜都幾快（除咗嗰半隻北京烤鴨！）三個小菜都好好食～唔會感覺太油～好夠味～最滿意其實係螞蟻上樹店員其實都密密手咁樣切同埋上北京烤鴨但係我哋個北京烤鴨就追咗起碼三次都未出到每一次店員都係話要等40分鐘重點：我哋等咗95分鐘先至上到北京烤鴨（其實食其他嘢都已經飽左）其實成個set同埋個烤鴨都好食嘅份量幾好，少少人食可以叫多啲餸食多啲嘢個烤鴨份量又唔會太多食到好油膩（不過個籠皮就好容易爛，要小心啲拎）最好可惜等嘅時間要等好耐想叫嘅人要有心理準備～…查看更多

第一次去金滿庭估唔到不平日晚上，九龍灣多人食我book了枱，早啲去，要坐到4人卡位因為茶包，唔係茶葉，碧螺春無我在深圳食北京菜咁好飲北京填鴨唔錯，唔知點解可加蒜蓉醬，北京唔會這樣食酸辣湯正喎，味道近似粉嶺中心以前嗰間上海菜上海粗炒用大孖醬園豉油，無味。聽聞豉油出名，我仲諗住買前菜醉雞好入味大家都好耐無見，期望下次會齊人食飯…查看更多

星期六晚訂枱只有個時段可選：6pm / 8:15pm，限時2小時交枱。準時安排入座，有多款靚茶揀，我們選了龍井和普洱，茶夠香 落單前已說明不需餐前小食。6人點了8款食物，有些過多但也可吃光光個人最喜歡燻魚和回鍋肉粗炒，但家人亦喜歡其他菜式。食物整體水準不錯，味道偏濃，份量較大。當晚餐廳客滿，但仍保持到服務質素，待應有禮貌而且勤快，添茶、上菜、收碟也很迅速。餐廳環境略為擠迫，與鄰座距離很近。比較同區的上海菜餐廳，金滿庭是不錯的選擇…查看更多

今日同家人去咗德福嘅金滿庭，因為唔多人嘅關係，兩個人都有包箱型卡位坐，坐得好舒服。本身唔算太肚餓，所以只係叫咗3點菜：上海粗炒，炸饅頭同酸辣湯。價錢尚算合理，至於食物質素都係尚可。酸辣湯算係最好味嗰樣嘢。上海粗炒可能唔係好夠熱，所以味道顯得一般。炸饅頭就好香脆，食完一件都已經好飽。不過值得一讚係無論侍應定係上菜姐姐都好有禮貌，所以成餐飯嘅體驗都係唔錯。如果要求唔高，又想舒舒服服食餐飯，我覺得金滿庭都可以去試吓！…查看更多

周不時都會搵下啲中式餐廳同長輩食飯，今次嚟到九龍灣德福廣場，見到呢間餐廳裝潢得幾靚，啱晒同兩老食飯🥰一入座就可以揀茶包，呢度既茶同出面既唔同，有好多特別既茶包可以揀，例如人蔘烏龍、西湖龍井，茶味好濃飲到最後都仲好有茶味，愛茶之人表示值得一讚🤩食物我地就嗌咗四樣：🍽️雪菜小黃魚湯條魚係有先煎過所以幾香，但魚湯黎講可能因為好重胡椒同雪菜味，所以唔係好飲到魚湯既味🍽️傻佬炒飯個名好得意，上菜先知即係肉鬆炒飯。望落好似幾普通，但食落就覺得個飯真係炒得唔錯，食下食下就食咗好多了😂🍽️炒鱔糊呢個菜式味道一流，好香好惹味，配上新鮮既韮黃一啲唔會覺得油膩，推介推介！🍽️甜品高力豆沙食到尾聲就梗係要嗌番個甜品做結尾🤤 個高力豆沙係兩粒起，兩人以上可以跟人數加錢要多幾粒。好大粒上嚟到果時仲熱辣辣，好好味👍🏻…查看更多

去年八月的時候，與大學時期的好朋友們相約了聚會吃飯，一如往常地又來到了我們的老地方金滿庭。而由於是日人數眾多，所以亦特意預訂了房間位置，除了更有私隱度外，空間也是更為舒適。餐廳空間寬廣闊大，整體環境主要以呈現長方形的大廳為主，而其裝潢方面則選用以木系配搭白色的簡約風格，再襯上電視、柔調燈光、軟墊椅子等，讓人感覺舒適放鬆。大孖XO醬鮑魚雞煲用量十足的鮑魚雞煲分別使用了大媽XO醬、大孖盆曬生抽、大孖老抽王這數款調味料製作而成，食用時鮑魚煙靭鮮味，雞肉嫩滑濃郁，整體味道順口帶鹹，並可品嚐出其調味料天然無味精，即使於進食後亦不需要飲用太多水份。大孖醬油香茅青衣柳師傅先用上香茅製作青衣柳以保留魚肉的原有鮮味，隨後上桌時再於顧客面前把大孖盆曬生抽倒入鍋中調味，以增添味道層次，其食用時口感是結實微鹹，嫩滑彈牙，並散發著獨特的香茅氣味。大孖醬油粗炒這道粗炒所選用的麵條是餐廳老闆特意要求麵廠為其特別調製而成的，再配合上大孖盆曬生抽、大孖老抽王作為調味一同炒製，整體食用時是煙韌爽彈，鹹香天然。鮮肉小籠包八隻夾起時外層不會輕易破爛的小籠包，入口咀嚼口感是皮薄煙韌，肉餡鮮嫩，而且其湯汁更是甚為豐富，溢滿口腔，絕對是必點的主打菜之一。北京烤鴨師傅把整隻完整烤鴨端出，並於客人面前進行切割，而由於烤鴨擁有專業的特定切法，因而餐廳進行切割的人員均是受過培訓的。食用時用餅皮把烤鴨片、甜面酱、大葱白段等材料包裹同食，咀嚼時每口均能夠清楚地品嚐到鴨皮、油脂和瘦肉的部份，整體是酥脆柔嫩，並帶有油脂甘香。流金歲月奶皇包同樣亦屬於必叫的主打菜之一，皆因其雪白圓滾的外層食用時厚薄適中，鬆軟鮮香，而內裏的餡料則是呈現著流質狀態，入口味道濃郁滑溜，並散發著陣陣的鹹蛋黃香氣，令人齒頰留香。總結而言，餐廳裝潢簡樸寬廣，整潔衛生，職員服務態度優質，菜餚亦價格合理，並且是次聯乘出品的款式其味道更是讓人喜出望外，是值得推介朋友們前來品嚐的中菜館。…查看更多

香港首間糅合京菜, 川菜同上海菜嘅京川滬菜館✨大眾化價錢 就食到高質京川滬地道美食🥹.📌茶水巾芥 $16試左人參烏龍同碧螺春 茶底好香醇 比中式茶樓提供嘅茶款有特色🍵.📌皮蛋口水雞 $108係冷盤凍食 雞肉皮爽肉嫩 冇雪藏味🐓加埋香辣口水醬 惹味開胃🌶️皮蛋有驚喜 蛋黃綿滑 冇石灰味 蛋香夠爽彈🩶.📌巴蜀十三香雞(半隻) $168原來係炸過嘅 好似炸子雞咁🔥雞皮好脆 乾身唔油膩 雞肉嫩滑 仲好有雞味 就咁食都好正🍗調味粉似孜然粉 沾少少更濃香🌿.📌和尚戴帽（跟叉子燒餅) $128第一次見呢款特色菜 好特別✨面頭係煎蛋皮 唔算太乾🍳底下係雜菜粉絲 配料有豆乾, 冬菇片, 豆芽菜, 木耳絲同大白菜 口感好豐富 滑捋捋又爽口 再用埋醬油炒 即使係素菜 味道都唔dry👍🏻叉子燒餅脆口酥化 加埋雜菜粉絲 另有一番風味 推薦💯.📌招牌松子魚 $238滬菜必食松子魚 原條魚炸到金黃色 脆卜卜🐟魚頭魚尾到魚骨都炸得好通透 可以嚼爛吞 勁香口😍魚肉唔乾鞋 有鮮味 淋上酸酸甜甜嘅醬汁 食炸野都好開胃🧡.📌紫心番薯浸豆苗 $128紫心番薯味道清甜 較硬身 冇煮到淋晒💜豆苗幼嫩唔老 雖然係湯浸 但應該有走油爆香過 好夠鑊氣🥬.📌有機雜菜煲 $128雜菜有西蘭花, 白菜仔, 菜心, 旺菜 淋身入味 不過份量少咗啲🥦🥬仲有瑶柱碎同大量蝦乾 好足料🦐揀左雞湯底 味道偏鹹 素菜湯應該會清新啲🤔.📌豆沙鍋餅 $70平時多數係微脆煙韌嘅煎餅皮 但呢到比較似酥餅 較硬脆🫓紅豆餡好多 口感綿滑 但偏砂糖甜 唔夠天然清香🫘…查看更多

越做越差但越黎越貴下午茶平均每人90-100蚊都食唔飽，份量極少，雲吞清雞湯加小籠包三隻$88，排骨擔擔麵加兩隻雞翼$78，雞翼好細隻唔入味，而且亦都冇乜服務提供，樓面只有一個人落單全菜都係佢，係咪就黎執…查看更多