影片
以上资料只供参考，请与餐厅确认详情
首先一入铺头，本身有张枱未执，店员见我地入去就即刻执比我地，但执完之后张枱系抹得极唔干净，枱面又油，枱罅又摄住左劲多上手食净既污糟野，咁我地接受程度都算高架啦，自己揾纸巾抹下都当睇唔到就算。然后到落单个阵，老细就sell我地话佢地d鸡系新鲜鸡，唔系冰鲜鸡，所以叫左个醉鸡煲黎食，咁我地就紧系食住鸡又饮埋d醉鸡汤，点知食到最后先发现原来成煲都系虫。(第一张图入边白色弯弯地细细粒既全部都系虫黎)发现左之后已经即刻同店员讲，佢都净系话帮我免左个醉鸡煲，但讲紧成煲都系虫，我地一直以为白色一点点个d系芝麻或者其他野，点知睇真d原来全部都系虫，铺头既人完全冇谂住有d咩表示，连say句sorry都冇，但我地就食左成煲虫落肚。其他食物又细碟，讲紧一行6人，每人夹得一两旧黎食已经清晒成碟野，特别系个咖哩虾，直程d肉系梅既，一摆落口已经散晒，讲紧每人食得一两只虾已经要298蚊，完全唔值，另外花螺一蝶要成357又系唔值，真系当人水鱼。今次真系我食过咁多间餐厅以黎体验最差既一次，不论系食物质素，味道，份量，环境，同店员对我地煲虫既处理手法都好差，我强烈表示极度不满。
继续阅读
朋友介绍我，好兴奋话发现咗一个隐世嘅地方，一定要我过嚟试吓，你都门口见到佢个招牌写车仔面，唔系啩，叫我黎试车仔面？好难好食过文记㖞，仲要铺面好噏耷，唔似会有好嘢食㖞，点知..嚟到呢度千祈唔好嗌车仔面，唔好俾佢个名呃咗，佢嘅小炒非常之出色，仲有𠮶啲烧海鲜，𠮶啲蒜蓉同𠮶个酱汁真系不得了，简直出色过好多出名食海鲜嘅地方！佢个水煮鱼真系好滑同埋猪红大肠好入味，真系辣得好过瘾！仲有佢嘅招牌避风塘牛坑腩，外脆内软入口溶化，仲有好香嘅牛味，一定要嗌！！绝对有惊喜！
继续阅读
几年前食过正正常常。昨天偶然经过，入到去坐低已经后悔，因为坐位又迫又汚糟，好后悔冇走番出黎。剔纸仔叫咗碗猪皮猪肠猪红红薯粉，碗嘢黎到已心知不妙，猪皮颜色红红哋，食落口系有阵臭益味，猪红又系有阵怪味，最后食咗D红薯粉就投降，呢间一定唔会有下次。
继续阅读
坐低食碗车仔面。价钱亲民吾贵。选择都够，不过有啲招牌菜要加2蚊。今次食牛腩墨丸粗面。汤底清无味，牛腩似煲汤肉甘，一丝丝肉，吾淋又吾又味。墨鱼丸似潮洲鱼蛋，吾好食鱿鱼猪红大肠猪红有阵怪味😑鱿鱼🦑无味，大肠好似白洽甘。。。吾好食。。好彩枱面有樽醋！咁就可以食哂碗面啦。不过吾好食无下次
继续阅读
睇住佢装修，初初红纸盖住个名时以为文记开分店。个招牌同落单都好似抄深水埗米芝连文记，所以试左一次。不过价钱就好平，食物普普通通。其实如果唔系抄人风格，我会觉得几好，起码够平够贴地。不过都明白租金贵，装修上引到客人去试都系一种手法。都希望香港有多点小店可以生存
继续阅读
您可能会有兴趣的...