金泰軒

彩華附近真係慘，星期一好多食市都休息！小弟唯有試下其他舖頭，咁岩想飲冬蔭功湯！所以想試下食呢間，但好多街坊都叫我唔好試！小弟又中伏，首先就係講所謂菠蘿海鮮炒飯，呢個炒飯除左飯上面既豬肉鬆係好食之外，成兜野我食左三啖就放棄！ 唔知呢間野係出自泰國邊個市，炒飯可以落咁多油，油到可以每一啖都有大量油份包住d飯，搞到連菠蘿，蟹柳等等全部都係油味！最慘係擺係底既生菜，嘩，多油到呢！ 70蚊一盒飯😅，我要食油我去超市買一樽都得啦！ 跟住就係鮮蝦冬蔭功湯先講味道，完全唔辣，係1d辣都冇！ 再黎就係好酸，呢種酸度係飲一啖都會好抗拒果隻！ 其次就係小小甜...都唔知整d甜味黎做咩，完全比酸既味道遮掩哂！不如幫我倒左碗野落廁所好過啦 100蚊碗比d咁既湯我，我驚我飲完真係會（湯） 最後就係講 鮮蝦！ 點解要剪哂d蝦頭？我連蝦膏都食唔到，何為鮮？最慘係你不如將d蝦殼剝剩蝦尾啦😅 最少能夠方便盡食，剪左個頭又唔去埋蝦身d殼！搞到我用手剝殼時，10隻蝦有8隻蝦d肉都係（霉霉地），我當我自己比100蚊食兩隻蝦算數！ 下次不結剪剩蝦尾部分去煲冬蔭功湯算啦！呢間野真係唔值得試，我寧願去美景果間食，又平又好食過佢😅…查看更多

今次經某外賣平台，買左兩個飯試下，仲有八折添，做唔到份量超多，而且價錢相對平。泰式海南雞飯 $46黃薑飯，超多飯，但冇乜黃薑味，海南雞份量都多，不過肉質過淋，好彩冇雪味，醬汁微辣，不過不失菠蘿海鮮炒飯 $49配料有菠蘿、魷魚、蝦仁、蟹柳、雜豆，配料都唔少，但菠蘿完全冇甜味，好淡口，成個飯都冇乜香味整體黎講，份量大，價錢平，但食物質數普通，唔難食，不過都唔係好食，如果對食物冇乜要求，只想填飽個肚，呢間的確係唔錯既選擇。…查看更多

又貴又難食 賣相唔評論 生菜包嘅肉炒到濕嘅 外賣一打開一pat野 辣椒膏炒鮮魷份量超少 冇辣味 係油浸冰鮮魷魚 盛惠116蚊 簡單嘅油飯都唔好食 其他食物都費事講 呢間野簡直垃圾到不得了…查看更多

食泰國菜我最鐘意食豬頸肉呢間《泰式🐽豬頸肉》都好食好食既程度係去到有人會食食下食到無哂唔記得留返俾另一半食🫣所以係必選第二愛就係食《泰式炒粉絲》每次去都係食呢個然後就叫左個開胃既《泰式🐔鳳爪》味道偏辣份量不多 可以接受的《蜜汁🐮牛仔骨》呢個我覺得都正 肉控必選雖然有骨 都啖啖肉架比較偏甜既《雞絲茄子🍆鍋》呢個唔似泰菜 🙈叫左呢個隔離枱個個都望住應該無咩人食過廚師👨🏻‍🍳心諗：鋪頭開左甘耐 我都係第一次煮終於有人點呢個菜🫣飲品- 《芒果🥭沙冰+鹹檸7》我叫開呢個但見到多人飲椰青水這是男友最愛的泰菜…查看更多

係屯門玩完又想食泰國嘢就想試吓未食過既鋪頭就嚟左尼間啦都幾好野食而且價錢都合理平過係九龍城食食泰國菜點少得既冬陰功湯我地叫左個冬陰功海鮮湯個湯幾足料 又唔會太spicy兩個人食 叫兜細既都夠晒個炒飯幾夠獲氣好味個幾串串燒底食60蚊半打可以自選肉類我叫地左兩串牛、兩串雞、兩串豬感覺上豬冇咁好食牛比較嫩口仲有個椒鹽蝦球食新鮮炸既蝦好味夠脆不過冇擺咁耐咪唔脆Overall服務幾好最好係佢既上菜時間係幾快唔洗等好耐就有得食最怕要等得耐嘛😬…查看更多

屯門區真係大把泰國菜今日我處於一個較尷尬既狀態時間7,8點 又唔餓 但又怕夜晚餓既一個狀態都怪自己下午茶太晏食加上人懶 最後都出左去 食小小野屯門區我地有三間心水 啲間係其中一間金泰軒等左一陣就有位生蝦刺身蝦肉咬落帶爽 沾上辣汁(定律)口感味道提升青咖哩什菜粉絲煲真係好多菜 我諗啲人會以為我地食齋😂菜淋 粉絲好入味飲品方面芒果沙冰椰汁沙冰正常味道 兩杯都好飲蝦餅拼春卷熱辣辣 新鮮炸 蝦餅彈牙成為$22x收費無加一好似真係食得太多菜 其實應該食咖哩蟹 下次吧…查看更多

中午無咩人, 佢D LUNCH SET 都係40,50蚊, 幾抵架,食過2次。1次食左個炒金邊粉, 份量唔大, 勉強夠食GE, 炒得幾乾身, 唔會太油, 加D 類似魚露GE汁, 幾醒胃, 加十幾蚊叫多個薄餅, 不過係酥油皮,都幾油架, 上次就咁食就DRY D, 最好有多碟咖哩汁...另一次叫左個咖哩豬扒飯, 係黃咖哩, 完全唔辣的, 似港式咖哩汁, 塊豬扒都幾大, 啖啖肉, 但乾左D。小食叫左蝦餅拚春卷: 蝦餅係2塊切開4舊, 份量正常, 幾香口, 熱辣辣即炸的, 唔算好油, 粉又唔厚, 好食GE。春卷入面係素菜的, 有粉絲, 紅羅白果D, 幾香脆。以前試過夜晚來, 叫過鐵板蠔仔蛋, 蛋好滑, 蠔仔夠大又多, 幾正, 不過油左D, 到而家都仲想再食, HAHA。…查看更多