金泰城

因為老虎覆診的關係，間中便要來荃灣一趟。診所附近有一間叫金泰城的泰國餐館，海南雞飯挺美味。今次同樣為來海南雞而來，但店員端來的海南雞飯太濕潤，口感不太好。米飯以黃薑粉來煮，但已沒有以往那股椰香。以前奉送的清雞湯，現在亦已經沒有影蹤。就算去骨雞肉尚算嫩滑有雞味，也無法否認時間已經徹底改變了記憶中的味道，只有那個甜酸辣汁還可以。另一個下午茶餐點了自選鮮雞湯底粉麵餐，配料選了海南雞絲。首先，湯底清澈透明亦無雞味，應該是清湯底而非雞湯底。河粉碎碎的斷開，有部份更一團一團的黏起來，吃的時候不太方便。另外，這個明明是泰式粉麵，不太明白為何店方棄用香茅、九層塔之類的泰式香草，反而放滿了蘿蔔生菜。這個湯河的海南雞絲份量很多，雞絲堆疊起來絕對比一客海南雞飯還要厲害，可惜吃時不難發現雪藏味。以前同樣時段來光顧，基本上都爆場，如今只坐了三檯客人。不知道今次店方是偶有失準，還是真的退步了。但無論如何，人流對店子和客人雙方都是一種重要指標，客人比以往少了一大截，店方應該正視。…查看更多

其實,這餐廳,我已是第二次來光顧。生菜包, 今次明顯失準,肉粒欠調味, 吃了幾口已忍不住要求更換此菜。幸好,店員也很合作, 更換過後也可接受。炸蝦餅, 不會炸到乾爭爭令人難以入口, 恰到好處。但,蝦餅份量再多點會較好,因伴菜份量過多,我們要加在生菜包一起吃。如果, 此店能做加錢配特飲的優惠,會容易吸引多些食客,願意再來光顧。…查看更多

I am living in Tsuen Wan. This is not the first time of my visit. Usually for the sake of convenient I will go this restaurant for a set lunch in weekend. Last Saturday I was thinking to have something more decent with my wife and son for dinner but we don't want to go far so we decided to try here. Ordered satay (6 pcs Pork), grilled fish, fried rice noodle, pan fried oyster and sashimi shrimp. All of them are completely dissapointed. Satay - the pork is so dry. It was a re-cook of the leftover (see photo). There is no way it looks like this!. The meat was so rough and hard to chew! I told the staff and rejected, finally this is cancelled and they took back. The reply is "our satay are like these. Even you change to chicken meat it will be the same!" What a poor reply. Grilled fish - after waiting 25 mins we are expecting something good, at least to look similiar to the menu. My god! Not fresh, dry meat without good taste. Fish skin is not thoroughly cleaned. Only taste salty at one side. $98! I won't pay this for even $30!. We just eat few small bites and leave it!Friend rice noodle...pork meat was fat and not cooked thoroughly. There wasn't a lot of customer so why they use their time to cook better? Portion is very small, worse than set lunch. But it cost $58!. Pan fried oyster. Looks to far from the photo in menu! Watery without the taste of "fried". Only a few small size oyster mixed with fried egg and onion. Sashimi shrimp. Even much worse compared to those restaurant in Kowloon City, but this is the only dish we finished!. Overall we think this is only a place for quick set lunch. Don't be confused with the photos posted on the wall, in the menu, or outside the window!. Go and try yourself, if by chance, compare to those at somewhere else in similiar price range, then you will see the big difference!. …查看更多

星期日,去邊到食飯都好多人。行下行下去到金泰城，門口都有約10人等候。餐廳門口有好多食物既相及雜誌報導，感覺吸引。不過餐廳地方唔大，而安排輪侯的方法未見成熟。因為見到有客人拿著已過的號碼回來，餐廳員工仍然為他先安排入坐，感覺有點不公平。建意餐廳參考其他餐廳的做法，例如: 已過的號碼若超出3個輪侯號碼，必須重新輪侯。言而，服務生做事都很勤快，要求加水等工作，都一叫即做。輪侯期間，同餐廳員工吹水得知若在星期一至四到這間餐廳用多款信用咭簽帳都會有折扣優惠，但今天是星期天。等了半小時多，終於有位啦!餐廳佈置都唔錯，有些泰國裝飾物及食物相片，色彩鮮艷感覺好開心似的。今晚我們叫左4個餸，包括泰式生菜包、椰子海鮮炒飯、芒果絲軟殼蟹及泰式咖哩羊架。芒果絲軟殼蟹: 個名好吸引，因為有芒果和軟殼蟹，但出來的結果有點失望。因為軟殼蟹炸得比較耐左，而且醬汁加上芒果絲青瓜絲等材料後口感太酸。泰式生菜包: 肉方面一般，有可能是因為炒的煱氣不足，但我欣賞它的生菜新鮮。泰式咖哩羊架: 賣相有點失望，而且咖哩汁唔太濃，羊架有點難咬，羊架so味很濃，咖哩味完成被蓋住。而且食佢，我飲左好多水。椰子海鮮炒飯: 最like都是佢其實呢個餸好多泰式餐廳都有，但我欣賞它的椰子粒粒有咬感，而且海鮮炒飯味香，完全食到椰子、海鮮和炒飯一起既味道。…查看更多

又是春雨連綿的大雨天,雨天的大壩街定比平日少人很多,一列多間食肆除普洱門外仍有人龍外,每家也仍有座位,連平日多次想試但每次也望而卻步的金泰城也不例外,一於在收到泰國手信的一天再吃個泰國午飯吧。泰式午餐$33有幾款炒粉麵飯還包飲品,比著名金坊的價錢便宜一點也沒那麼遠,難怪平日也座無虛設了。蝦醬炒飯一放在桌上,蝦醬香已即時滿足了我們的嗅覺,急不及待的趁熱嚐試一口,炒得有蝦醬香及乾身,油份不多的飯粒分明乾爽,每粒飯也有均勻地有著顏色,蝦醬微鹹又香的炒得很好吃;配料簡單的只有一點豬肉碎及一隻炒蛋,最惹味是兩片泰國腊腸,跟中式腊腸甜一些的很好伴飯,看似辣椒絲的小紅蝦和爽脆豆角碎令炒飯更多點爽口,好吃的蝦醬炒飯。泰式炒金邊粉紅紅的看似很像樣,金邊粉有韌性,沒有加青檸汁的炒金邊粉其實不酸不甜,味道其實不太特別,當伴勻那花生碎後情況較香口,加上淡而無味的冷凍玻璃蝦仁令食味更沒變化,兩款來選還是喜歡較濃香的蝦醬炒飯多一點。在泰國菜館飲的熱奶茶意外地有勁道,比坊間很茶記更有茶味口感更豐厚,奶及茶比例不錯,就算不加糖也很好飲,我也不拘泥這杯究竟是泰式奶茶還是港式了,總之夠勁道對胃口就成了。一小時的午飯時間分享了歡笑和感動眼淚,一向也明白凡事皆有得失,很高興在工作上找到兩位可信任的同事,亦很榮幸地得到他們的信任,這種互信的感受的確難得,謝謝他和她。…查看更多

Shopping咗成日,都累了,食埋晚返再戰!本想到Ruby Tuesday, 耐何沒有VIP卡,以原價食實在太貴..只好找找其他代替品..突然想起附近的金泰城,未曾食過,問問媽媽想不想食泰國菜..想不到媽媽很是興奮,連連說好好好..店不大,,只能容納50個客人左右,,我們入座時只剩門口旁的一張4人台,自動門一開一閉,風很大,吹得我頭疼,只好等其他食客埋單後換位,但我感覺店員不太helpful,一副唔憂做的嘴臉,令人很反感…我們只有3個人,,但卻叫了6樣野食,,開始時都擔心食唔曬,,但可能大家都餓了,,竟然清到場,,厲害厲害!第一味: 生菜豬肉包細個媽媽成日都會整醸豆腐,,加上密制辣醬,,用新鮮的生菜包住熱辣辣既醸都腐,,配上香辣的醬料,,唸起都流口水ar,,haha,,呢道當然冇得食啦,,只可以包豬肉碎..豬肉的質感好”鞋”,不辣,包埋生菜食就顯得有d淡,我覺得一般,但望見四周的食客,很多都有order,難道大家都是像我一樣,只是想試下?! 但媽媽就覺得咀嚼下都幾香,幾好味..我只能說各人口味不同啦..如果D肉碎可以滑d,,辣d/濃味d,應該好味好多!第二味: 黃金皮蛋呢個係d蝦膠承載住d皮蛋,,外表炸得金黃香脆,,中間既皮蛋蛋白是軟的,,最上面的皮蛋蛋黃好香,,蘸d泰式辣醬(甜酸醬),,正! 但我覺得”金坊”整得好d,一黎分量多d,,二黎賣相靚d,,最重要係口感豐富d,,大件d又厚身d,,價$$仲平d添..第三味: 碳燒羊架唔臊,,我唔食羊既人都食到,一定要蘸d醬汁,好味d ga..但燒得過熟,好鞋ar><”樂觀d唸系口感好,有口感law..第四味:冬陰功湯呢度既冬陰功湯不太辣,Bill大叔好怕辣噶,距都飲咗兩碗,哈..三隻大蝦,,樣幾靚,但肉質好”鞋”,,完全冇蝦味..講返淡湯,,奶奶地,,洋溢著香葉味道,,不太辣的感覺都啱我飲,但如果辣d就更加有風味啦 第五味:醬爆蟮球醬料好濃味,,掩蓋咗蟮的鮮,,分辨唔到d蟮新唔新鮮..但份量都算多,,有成10件..配菜有肉豆,,配埋d醬汁,,送飯一流!第六味:海鮮菠蘿炒飯半個菠蘿,,起肉炒飯,,一上枱就是滿滿的菠蘿香..…查看更多

下午茶時段來到荃灣大壩街搵食，這條街餐廳的選擇很多，最後選了金泰城，一來食物選擇很多，價錢不算貴，二來店內尚算整潔，人也不多，於是便一試。入到店內，裝飾精緻，甚有泰國特色，但坐位有點狹窄，與鄰桌的隔離非常接近。下午茶的餐牌，食物都是三十多元，包一杯港式熱飲。隨便叫了一個泰式少金邊粉和香茅豬扒飯，飲品要了熱好立克和檸茶。先到的是香茅豬扒飯，一看之下，啡的汁裡面混入了煮得軟腍的洋蔥，這個其實是洋蔥豬扒飯。洋蔥汁和豬扒的份量都算多，有一塊生菜墊在汁和肉底下。試試其味，果然是洋蔥汁，香茅味道不濃，但豬扒也有水準，鬆軟而不柴皮。白飯是涼的，飯和汁撈勻後飯餸只是微暖。金邊粉可能是要即炒，等候時間較長。份量也不小，配料有芽菜、蛋、豆腐乾、蝦仁等，同樣有一塊生菜墊底。醬汁酸酸甜甜，很開胃，但金邊粉炒得不夠乾身，而且較腍，吃到最後，不少油份留在墊底的生菜上。金泰城的下午茶，價錢合理，不用加一，下午茶食物的水準不過不失，份量足，是茶餐廳以外的另一選擇。…查看更多

話說琴晚趕住開工,是但搵間野食,朋友話呢間海南雞好正就去試下我地全部都叫左海南雞飯另外再有碟馬拉棧炒通菜個菜先上,偏辣,但咸味完全唔夠火候都可以接受跟住一人一個雞飯上菜先唔講味道,淨係份量都好有問題!有乜理由四碟飯,有兩碟係明顯少左起碼三舊雞!仲要我上黎睇返食評,見到人地張相勁多雞,我地好似係將兩碟既份量勉強分比四點咁!極唔專業!然後食雞,勁多肥膏,如果唔食D皮,基本上D雞得返一半然後仲要係半生熟...冇流血,但咬落去基本上係FEEL到佢生生地(係嫩口,但亦都係生既感覺)咁都不特只...連D飯都係未熟...硬到好似糙米咁!!!太過份了,不過趕住做野拿拿聲食完就要走,就冇媽叉佢而且係BOSS比錢,廢事搞事 不過如果同FD一定唔會再去…查看更多

泰式去骨海南雞飯(下午茶時段$30) 份量有無比午市或晚市少咗, sorry 唔知道！ 雞皮脆滑, 雞肉唔嚡, 但係雞味就淡, 有味飯是煙韌口感, 味道就有些微雞油香氣, 鹹鹹地幾吸引加$8換地道青木瓜沙律, 所有材料都是生鮮果蔬, 除了撈沙律的辣醋汁外, 最正是能吃到果蔬本身的清甜加$9嘆由原枝泰國製梳打做成的青檸梳打, 梳打勁長氣又夠冰涼, 梳打氣泡幼細緻, 泡泡順喉, 爽~…查看更多

或許是我太偏見吧，又或者我根本不愛吃泰菜，總覺得香港沒有太好出色的泰國菜館，相對好的也只會聚集在九龍城。離開了該區，就是那些只會迎合香港人口味的二線餐廳，所以我一向不感興趣。那天跟波友激戰了一輪，完場後大家齊齊找吃，對方說在荃灣嚐過一間挺不錯的泰國菜館，建議來晚餐。大頭蝦的我，若不是他提起，真的已遺忘這餐廳的存在。雖不是十分吸引，但也無謂Reject別人，反正我也想不到去那裡用餐好了。推門入內，見其裝修擺設都有點泰式風情，加上朋友的極力推介，對這店子竟產生了少許期望。這裡的招牌食物好像都已貼在牆璧上，就來那幾款好了，另叫杯飲品。食物製作需時，飲品先來。我杯青檸梳打，用的是泰國入口的象牌梳打水，感覺良好。自行把梳打水倒進杯子內，順手篤幾下青檸，攪勻糖漿，大口的喝幾啖。是幾清新的，還好。食品陸續送上，最快送到的肯定是大蝦柚子沙律。驟眼看，有青瓜絲、菠蘿、柚子及大蝦等材料，面頭少少辣椒皮。味道酸酸辣辣，理應挺開胃的。事實上，卻又有欠清新，感覺總像不太新鮮的，我沒有吃太多。波友抱著不要浪費食物的態度，才把整碟完成。蝦餅釀雞翼是我想吃的。因我從未吃過此味，感到好奇。這味的最大優點，是熱呼呼的送出來，有著燙口的感覺。雞翼本身沒什麼問題，但裡頭的所講蝦餅，既不脆，又沒有彈牙口感，把整件事都拖垮了。接著來店家的招牌食物鐵板香芒牛柳粒，上桌時發出沙沙聲響，煙紛紛冒出，是鐵板吸引人之處。煮過的芒果總唔會太酸，牛粒不韌，還有些辣椒、洋蔥等配料，夠晒蔥味，是全晚最好吃的了。是晚的甜品係芒果椰汁鴛鴦糯米飯，白糯米疊在黑糯米之上，口感豐富又煙韌，加埋椰汁的香甜，甜魔喜歡。但芒果肉未有完全切開，吃起來比較麻煩，是美中不足的地方。胃口不大的我們，吃了以上的食物，又有甜點，已經飽得要抱著肚子離開。…查看更多

到荃灣廣場一定會經過大壩街這條食街裡面嘅餐廳大都試過今晚就試試這間裝修比較有泰國風味嘅哩間啦雖然環境細細但尚算OK還有餐廳播放著泰國音樂添都幾有feel喔我們倆口子點了泰式蝦子炒分邊粉蝦子好大粒仲已為會俾蝦米添"好味"金邊粉炒得剛剛好，一啲都唔濕, 啲蝦好爽味道不是太濃，唔錯^_^泰式拼盤( 有蝦餅、魚餅、春卷三款 )蝦餅有蝦味:味道幾好一個"正"字，魚餅都唔錯一啲都唔"腥"，只係個春卷油了些， 而且另外配了一小碟嘅泰式醬汁同啲食物好甲喔好味泰式燒魚新鮮呀條魚一啲都唔"腥"而且啲魚肉仲好滑呀好味好味，直得推介喔估唔到今餐有驚喜下次要試下佢其他野啦…^_^…查看更多

小妹本身是台灣人，不過，來港嫁了人已經十幾年了，古靈精怪的老公說要跟我看電影，又說定了枱吃飯，其實是慶祝我們在香港相識的紀念日，心水清的我怎會不知呢！但在這種情況，我當然要扮作不知道。放工後，老公駕車接我到荃灣廣場泊完車後步行至廣場對面的泰國餐廳。噢！泰國菜，正是「MY 飛弗」，可見老公頗有心思呢！老公點了炒蜆，生蝦，芝士蝦丸，冬蔭功，炭燒大眼雞魚，爆炸炒肉蟹。這幾樣菜式都是我的至愛，這店做的味道也頗合我口味。多謝老公。晚飯後，我們跑了去附近戲院看電影。…查看更多

聽朋友說,很喜歡來這裡食,去到時已經有很多人客了,好在得3個人,很快便有位了,雖然比較上擠迫,但總好過要等位吧!我們叫了燒原隻鮮魷、冬陰蜆湯、生蝦刺身、飛天炒椰菜苗和香芒蟹肉炒飯。燒原隻鮮尤配酸辣汁有口感又入味,值得一試!冬陰蜆湯酸味辣味都好夠,可惜太辣,下次叫佢少辣,湯料幾足. 椰菜苗幾特別,在香港少機會食到,幾爽趣.味道算幾好,但可惜座位迫左啲,下次有機會再來.…查看更多

岩岩食完，真係一肚火！！話說我同女友去到坐落，覺得好熱落單時順便同果經理講開大d冷氣，點知呢個所謂經理居然同我地講"係你地入黎時唔關門走冷氣咋，我都幫你唔到！"，之後樣衰衰咁走去關門，我當堂火都黎，我地入黎時我睇住我女友關好門先坐低，度門係之後其他人開既，條友求其就入我地數！講真我入黎係食飯既，唔係黎同你關門既！更加唔係入黎受你氣！好好地一餐飯比d咁既人破壞晒！不所所謂！！…查看更多

呢日 lunch 原本打算同男友仔去食碗粉粉...不過行到去, 忽然醒起呢間泰國野一直都未試...於是....就殺左入去了!!!o岩o岩好有位, 真開心 =)menu 上面都有好多唔同既 choose~男友仔要左: 咖哩豬扒飯 配 椰汁冰我就要左: 海南雞絲冬陰公粉 配 熱好立克先講個飯, 賣相相當豐富, 香味飄飄的說~咖哩甜甜的, 唔辣, 好多配菜, 豬扒夠入味, 仲有大量咖哩汁, 送飯唔錯至於我既粉粉, 賣相亦唔差, 色澤鮮艷的說~湯底既冬陰公屬微辣, 有條大大長長既紅椒, 雞絲一D 都唔 "鞋", 唔錯飲品方面就真係麻麻, 淡淡的無咩味...男友仔仲話椰汁冰個味有 D 怪怪的.... (不過我就無試 XD)呢餐食得好飽, 味道唔錯, 不過唔算好好食, 但可以再黎 =P…查看更多