金御海鮮酒家

紅磡區酒樓 比較好有兩三間 這間其中一間腸粉有大隻蝦但粉皮蒸得比較厚 ❤️❤️咖哩土魷濃汁 個底係咖哩薯仔❤️❤️❤️❤️蝦餃 味道good ❤️❤️❤️❤️叉燒包 佢啲叉燒 軟熟又有汁 ❤️❤️❤️❤️奶黃包 好好味 ❤️❤️❤️❤️❤️叉燒 軟熟又入味 ❤️❤️❤️❤️❤️燒肉 個皮好鬆脆 ❤️❤️❤️❤️❤️蘿蔔絲酥 即整皮酥脆,入面味道爭d❤️❤️❤️臘腸卷 懷舊食品 唔係間間有 ❤️❤️❤️❤️鮑魚雞粒炒飯好食 ❤️❤️❤️❤️之前食其他嘢，十樣九樣都唔錯 ,易搵位！比紅磡其他酒樓佢種類都算繁多.但係呢間舊商場入面冇乜人知 無論價錢同食物都性價比 唯一佢地方唔華麗。買叉燒斬料去呢度買唔錯，好過出面紅磡嗰啲,一係價錢貴 一係叉燒對住條街唔衛生。 請客食飯就去返黃埔花園嗰邊 ,但唔介意沒華麗環境 ,同下屋企人飲茶食飯呢間好。…查看更多

寫食評時，已經來過兩次，都是吃午餐，分別在於１次是假日、１次是平日。第１次是7月17日(星期日)，點了：#普洱茶：解油膩，不錯！#鹹蛋叉燒飯：叉燒偏瘦但肉質不柴，挺好的；鹹蛋沒啥特別。#點心併盤：蝦餃、燒賣、菜苗餃各２件，３樣都好味！#紫菜糯米卷：紫菜配糯米，好好味！第２次是10月14日(星期五)，點了：#普洱茶：水準保持。#燒腩仔飯：皮脆肉香，比叉燒好吃好多！#點心併盤：蝦餃、燒賣、潮州粉粿、菜苗餃、叉燒包、桂花糕各１件，比上次的組合更豐富、多元，更好味！#香芋糯米卷：我是個糯米控，但這個糯米卷很失望！蒸得太久，芋頭皮全糊了，中間的糯米飯也太軟。…查看更多

金御海鮮酒家既早茶真係超值之算，每次去都好多老人家，所以我又會叫佢做老人家酒樓。而且附近仲係紅磡街市，飲完茶去買餸勁方便。已經黎過好多次飲早茶，就算星期六同日或者紅日去，每款要加多兩蚊，兩個人食左九樣野都唔洗200蚊，埋單只係187蚊。個人推介孖寶既蒸飯同埋鮮蝦菜苗餃。不過佢地既點心有時質素都會有唔同，個日去食腐皮卷就好咸，腸粉滑但係皮厚。雖然賣相同環境無一般酒樓咁光鮮，但係食物都唔錯，價錢又親民。…查看更多

之前一路黎開叫餸食飯，呢排見到有火鍋就打算一試，點知就成肚氣，上菜野食唔係你所點既野食，等成個鐘先黎一轉，問佢又話佢唔會流單，百百坐係到成個肚，水都加左兩次，完全無打算理會食火鍋呢邊既顧客，啲牛黑色，魚有黑點，野食選擇小，野飲連可樂都無，各位睇路…查看更多

星期日朝早7點半就去到，今次係第二次。呢間都算係舊式酒樓，大部份都係老人家同搭枱，我就選擇唔搭枱。佢啲孖寶最貴個果都係30幾蚊，星期六同日加兩蚊，都係蒸飯，粥或炒麵再配一樣點心。所有點心同飯上枱熱辣辣，唔好睇小個飯以為好細，都好多米。我食咸魚肉餅飯，價錢經濟當然肉餅都唔會好大舊啦，我就覺得肉餅飯好食過章魚肉粒飯啦。我兩個人叫兩個孖寶加一籠點心，點心有款係蝦餃，燒賣，菜餃每樣兩粒。呢個價錢同質素都算係咁，本來影左孖寶個張點心紙，點知唔見左🤣…查看更多

平時比較少飲茶，今日就約了朋友去行街，所以先到紅磡金御海鮮酒家飲完茶再去。點心拼盤先上，有蝦餃、菜苗餃、燒賣各兩粒，人少少每人一粒都頗好味。陳村粉蒸排骨，排骨有部分都比較肥，但味道頗不錯，陳村粉味道則比較淡。山竹牛肉球都很腍滑，不過牛肉味道淡少少。點心孖寶下午茶覺得比較抵食。薑蔥牛柏葉份量比較多，牛柏葉夠腍。不過北菇棉花雞就反而有少少失望，味道較淡。…查看更多

現在是疫情期間，部份酒家已停止營業，不過有部分酒樓還是按政府新規定而照常營業，今日就來到紅磡的金御海鮮酒家食下午茶。現在餐廳都不是很多人。山竹牛肉球山竹牛肉球有比較多的芫茜及蔥，牛肉味道較淡及稍鹹了少少。點心拼盤有蝦餃、燒賣及潮州粉果各兩件蝦餃的蝦不是很大粒，不過都有蝦味。燒賣2粒，食落口感都帶爽，及肉味帶鮮甜。潮州粉果裡面有很多配料，不過感覺好像少了瘦肉，所以感覺欠缺了少少肉味。孖寶雙拼豉汁蒸鳳爪及蜜汁叉燒包。豉汁蒸鳳爪夠腍，不過味道略咸了點。蜜汁叉燒包味道帶少少甜及咸，與一般食開的味道相約，尚算ok。…查看更多

2人lunch時份來，唔洗等位，直入呢間嘢不是特別好吃，也不是特別難吃我們經常跨區來幫襯，貪佢坐的闊落好多時都唔洗同人搭檯叫個原籠馬拉糕先真係成籠上，熱辣辣中間好鬆軟好似食緊雪芳蛋糕咁2你叫個回心拼盆又好，樣樣一粒有蝦餃、燒賣同鮮蝦菜苗餃菜苗餃特別大隻雖然都知一定少蝦多菜，唔期望多蝦但唔緊要，多菜感覺健康個皮好晶瑩蝦餃略為遜色，因為皮太厚從外觀看不到有蝦的顏色，因為皮太厚了而且內餡也不是多蝦，只有1-2粒蝦肉冇筍絲，所以個餡較實鹹水角不過不失啦我比4星係因為佢上檯時熱辣辣嘅餡就不是好也不是不好普通肉碎，冇乜口感唔似粉果有沙葛呀、蔥蔥呀咁.....大食2人 組嫌唔夠，再叫多碟乾炒肉片河（佢$53激激激大碟，但我吃了一半才記得影相）味道是夠的，也有很多芽菜和蛋絲但豉油香不太夠，雖然賣相很好呢間嘢坐得闊落，食完又可以慢慢吹水不錯…查看更多

可以到金御飲茶真幸福，稻香點心大陸工場生產，質量差劣難食勁多味精，不要預我 ﹗曉廚曉色香味比金御百倍，用料及手藝比金御好千倍。全體同事補足壽星女生日，以茶待酒，生日快樂﹗幾十籠點心，多到影唔晒啊 ﹗難得十幾廿個同事興緻勃勃飲茶，半間公司同事有成 16 位，浩浩盪盪操來飲茶，認真熱鬧。坐迫少少都無問題，親近一點、開心一點﹗老闆竟然殺到出席，同事們突發寄想打算夾錢請老闆飲茶，最終都係老闆埋單啦，多謝多謝。中國五千年歷史損腳趾，大家都啜得高興開心又暢快 ﹗羅漢齋鴨掌、滷水豬腳仔、豉汁蒸鳳爪、藥膳雞腳、鮑汁炆雞腳、沙薑雞腳，損沙薑腳趾！再損豉汁腳趾！羅漢齋鴨掌，墊底的齋碎只作裝飾吧，如此賣相完全提不起興趣。斬成 3 節的鴨掌滾上齋芡慢慢啜，咸香加醬油味，爽爽腳皮搭彈彈腳筋，過足口癮。積奇最愛的點心，見您掛住同斯里亞猿吹水非常好，那幾節鴨掌轉眼就被我消滅掉啦﹗金御蝦餃，皮薄嚥韌微彈，蝦爽帶鮮，熱烘烘併埋豆瓣醬格外惹味。香芋糯米卷，造型幾得意，薄薄一片芋頭卷住糯米飯，我唔食芋頭架，糯米飯黏黏味濃不油仲香噴噴，淨食都好味。蠔皇鮮竹卷，薄薄腐皮半透明，餡料若隐若現狀甚誘惑惹人犯罪。立即原條隊入口，大啖一咬燙死寶寶了 ﹗貌似靜蠅蠅沒煙沒氣，誰知只是被厚厚蠔汁遮掩著啊，熱辣辣味濃肉香甜美可口，要搶住食呀。炸明蝦角，其實似足炸蝦餃，外皮鬆脆，內裡蝦爽鮮甜。我較喜歡有沙律醬包在一起的，來點酸咪咪濕潤的味道。燒腩仔，肥美兼靚仔，高質層次分明，入口皮脆肉嫩，肉汁豐富，咸香恰到好處不嗆不膩，豬皮脆卜卜，瘦肉濕彈彈，留香持久。蒜拍青瓜，陰沉室溫的味道，沒被鹽醃過所以味道偏淡，蒜蓉醋味在外，爽脆多汁，過過口癮可以。叉燒包，馳名中外，滿分可作招牌點心 ﹗包皮超勁軟塾有彈性，手感一流，放在手中暖笠笠，渣到欲罷不能。撕開觀賞，餡多濕潤爆晒汁，叉燒醬芳香撲鼻，食落甜味得宜。白灼油麥菜，沾點淡豉油，清新的味道，爽甜鮮嫩無比，好食喎。白灼菜芯，水味突出沒有菜甜味，幸好夠嫩不老亦無渣，靠晒您喇淡豉油。豉汁蒸鳳爪，趁熱食味道剛好不油淋淋，醬甜豉香椒惹味，一啜骨肉分難，皮爽筋彈，損腳趾開心又暢快。布拉腸粉，溫度夠熱，微滑濕潤散發米香，滾上混醬還不錯。山竹牛肉，巨大肉球滾熱辣，破開兩邊在涼浸浸的喼汁上翻騰幾回，溫度稍降就可以掉到舌尖慢慢嘆。馬蒂芫茜混合球，幼滑帶彈，淡淡然的牛肉味撞著醒胃喼汁，平凡合格。滷水豬腳仔，豬皮爽爽脆脆，瘦肉多汁嫩滑，筋彈彈有咬口，白滷水浸得入味可口，損到停不了。蒜泥白肉，酸味濃郁，大量蒜泥密麻麻鋪在表面，惹味出眾，酸酸甜甜十分開胃 ﹗薄薄白肉火腩迷人軟綿極具彈性，索汁好味道﹗魚香茄子炆伊麵，平時我自己食都會要求全走，走蔥走芽菜走韮黃。點解師傅勁落韮黃芽菜架？兩樣我都唔食，又要花時間慢慢挑走喇﹗咸魚梅香吸引，肉鬆嚥韌，茄子爽滑，伊麵調得味濃微辣，過濕過腍而油淋淋，不過不失還入得口。醬皇金錢肚，極度爽彈，醬皇厚厚芡芡亦不能掩蓋微弱羶味。咖哩牛孖筋，新產品？碎濕濕牛筋粒，腍滑微辣淡口，試一次便夠。糯米珍珠雞，懷舊包法有咸蛋黃在內堅香口堅好食百倍。油紙吸去多餘水份及蒸氣更加乾爽，而且將所有精華及香氣都包得緊緊在內。糯米黏黏濕潤，散發強烈荷香及飯香，肉碎醬汁調得出色，無投訴。椒鹽黃金磚，炸得金黃奪目，賣相吸眼一流。雖然外脆內嫩豆味純厚，最敝唔夠熱呢，味道大打節扣 ﹗香煎蘿蔔糕，這世上只有阿媽的蘿蔔糕最好食最真材實料，無可替代 ﹗幾粒叉燒碎、幾粒蝦米碎，食到蘿蔔味但食不到蘿蔔絲，溫度夠熱而兩面煎香，入口鬆散，鬆性欠奉，味道合格的。皮蛋瘦肉粥，我自己都估不到會讚酒樓粥品，真心煲得不錯喎 ﹗粥底棉棉帶著甜美瘦肉味，連粥帶料齊齊食格外精采。生煎包，食肉獸完全體的我對包類及粥粉麵都提不起勁呢﹗厚厚油油的包皮，一丁點的豬肉餡，雖然麵包味香甜非凡，都係再見吧。家鄉煎薄罉，傳統客家菜色，阿媽好喜歡在家中自己煮弄。微暖咸咸油油，趙落綿綿有蔥油香有少少焦香。燒味併盤，基本五味，海蜇燻蹄、蜜汁叉燒、玫瑰油雞，燒鵝。海蜇燻蹄，金御海蜇燻蹄味道居然跟我兒時味道一模一樣，使人非常懷念，第二間食唔到。淋上麻油酸醋，醒腦震奮 ﹗燻蹄豬肉味甜味非凡，瘦肉質感夠軟綿，豬皮膠彈有嚼勁，咸香討人喜歡。海蜇雖然不及兒時粗條爽脆，不過味道一樣出類拔萃 ﹗蜜汁叉燒，乾鞋有點韌，食到到蜜餞，只有咸咸的味道。玫瑰油雞，大肥雞的髀，黃色肥膏一舊舊，咬掉食得更舒服，白肉嬌嫩滲著雞汁，薄薄雞皮全滿甜豉油味道，食得過的。燒鵝，肥騰騰油淋淋，一咬爆油吃不消，幸好肉香帶滑又帶甜，平凡唔難食。白灼芥菜，甘甜味出眾，爽嫩爆水，最緊要趁熱食，放涼使到菜甜味大打節扣。炸魷魚鬚，硬硬魷魚殼不鬆脆，魷魚鬚韌韌的不爽彈，唯有可取味道鮮甜，浸上喼汁同吃十分可口醒神。蟹子燒賣，我最愛的肉球，食肉獸的良伴。半肥瘦甘香啖啖肉，結實彈彈不鬆散，豬肉甜、蝦肉鮮，熱騰騰新鮮出爐，燙燙的美味。四寶雞紮，我都話最憎芋頭咯﹗都唔知何時開始用上芋頭，兒時都係用豬肚、火冬菇、蟹柳、等等，好味百倍。雞柳泛著隔夜酸縮味，火腿條極大條，咸度指數十分高，不過非常彈牙，魚肚薄薄細細，吸汁力微弱，爽爽似豬皮。腐皮蒸到過火乾爭爭，雖則唔好食，但我都食晒無浪費。薑蔥蒸牛柏葉，腍劈劈不爽不彈，薑蔥芡厚厚一舊舊有點可怕。咖哩魷魚，顏色暗淡黑媽媽，水魷鬚震騰騰，咖哩汁彈到滿檯都是了 ﹗清淡的咖哩水，爽爽的鬚及彈彈的身，簡單普通過口癮。香滑雞粥，足料大量雞件，雞肉沒什麼味道，但掛上綿綿粥底竟然味道鮮甜，真的要食多兩啖。錦滷響鈴，普通的炸響鈴配上甜酸汁吧，香脆開胃。蘿蔔酥，凍凍的使到油膩感倍增，酥皮鬆化，蘿蔔蓉餡清甜，造得蠻有水準。豉椒蒸排骨，油光立立令反晒光，骨多肉少非常失望。川芎白勺魚頭湯，個個同事都勁客氣怕醜，客氣生疏食少好多﹗話知理，我唔客氣獨佔成碗湯咯，好好飲呀 ﹗我最最最愛的魚湯 ﹗雖然不是大魚頭，又不是奶白色的湯汁，味道質素已經不俗 ﹗濃濃藥材味，淡淡魚鮮味，清澈的湯底，飲完暖笠笠，啜埋魚頭損得乾乾淨淨更暢快。豉椒排骨炒河，味道煮理恰到好處，多汁惹味可口，咸甜辣十分平衡，最衰粉粉散碎不夠完整，未能一氣呵成大啖大啖地吸啜。細細粒排骨排烚烚，質地乾硬鞋。我需要辣椒醬，不過酒樓經常只給豆瓣醬，味道咸而不香辣，還食到成口都係辣椒皮，激死我﹗北菇棉花雞，北菇彈彈多水，魚肚軟棉嫩滑，雞柳香甜入味，齊住所有材料一齊食才是皇道，百味融和豐富，那有不好吃的理由。沙薑雞腳，咸味得宜，雞腳黏滑兼備，每口充滿雞汁與沙薑味，味美滾動。潮州粉果，脹卜卜的芫茜蔥粉果！青味太濃食不到，抱歉。叉燒腸粉、牛肉腸粉，勁蔥叉搭勁蔥牛，免強頂得住那股青味，腸皮滑但厚厚的，夠飽肚啦。豉油皇鵝腸，爽脆滑溜，豉油清香不濁剛剛好，大注大注塞入口，爆汁舒到到震。乾炒牛河，琪姐您碟乾炒牛河走牛肉加扣底嗎？點解得幾條河粉，芽菜同蔥就勁多喎，牛肉在那啊？靜態地演繹，暖暖的沒有鑊氣可言，幸好生抽老抽比例均勻清甜香氣脫俗。鮑汁炆雞腳，無敵膠滑黏，入味多汁，啜得開心。衰在炆到甩皮甩骨，賣相驚嚇。口水雞，另類煮理加入勁多豆豉，造錯豆豉雞嗎？花生香、豉味濃，油而不辣配上雞肉軟腍還可以。松草花蒜蓉蒸排骨，似乎多此一舉、畫蛇添足，草還草、骨還骨。大大舊鞋口排骨滲著蒜香，話晒都有啖肉食。…查看更多

黃埔金御，雖然個商場其貌不揚，但點心即叫即蒸之餘，質素拍得住酒店，大大件但個樣好得睇。如果依個質素，酒店大約貴一倍。幫襯多年，真心推介俾大家。不過提提大家，早餐時段好快賣完，有時為咗心愛嘅食物，特登上去酒樓捱貴少少，又冇位可以坐低，同埋態度一段，始終拎走又未必會多。叫咗食物之後大家可以於半個鐘。自己行入去多幾次。佢哋唔會有人提你拎得ga。不過為咗自己鍾意嘅嘢，又唔係成日去，都值得嘅。住得近亦都可以索性叫屋企人落埋你一齊坐喺度食。推介菜式：蝦餃、燒賣、菜苗餃、粉果、鳳爪排骨飯等 …查看更多

一家人黎金御食野，晚餐優惠真係好抵食，水準都唔差，除左北京填鴨，個皮厚過塊面，鴨又切得差，條魚同乳鴿中規中矩，個豬手好抵食，但真係好膩，我地有半隻係打包左，雖然唔係話好正，但家人聚餐係唔錯…查看更多

酒樓大廳裝潢一般，重點不有等位，食物味道和價錢都非常大眾化，小炒種類算多，價錢最低28蚊至68蚊不等，兩人叫咗一條清蒸沙巴龍躉先98蚊超級抵食～味道亦非常不錯👍！…查看更多

羊腩煲 - 份量一般, 肉質也可以, 但整體不出色. 本身偏好吃羊皮, 而肉質則偏好較軟的乳鴿 - 竟然不夠熱, 可能是翻熱不夠. 而且一口咬下去有稀液流出, 沒有鴿味. 因不熱, 香味當然不隆片皮鴨 - 沒有叫二食. 這款見有不少人叫, 於是仿效, 不失望也沒驚喜. 用來包蒜和肉的饃皮太薄易爛, 味道也麻麻. 鴨本身就一般吧, 總比那乳鴿好.…查看更多

依間都食過幾次，D野都算OK! .....服務:侍應態度都唔差，有小朋友都好照顧。價錢:抱歉...過左太耐唔記得!食物:酸菜豬肚浸花甲 - 花甲大隻冇沙鮮甜，酸菜豬肚一般水準 。片皮鴨 - 比較肥但都唔差，配料算係咁! 個包鴨皮都幾薄唔"UN"。片皮鴨二食 - 醬爆涼瓜鴨肉，鴨肉比較"鞋"但幾野味。總結:食物唔差，係比較肥油多D，算抵食。…查看更多

農曆年假前 department 團年飯飲個靚茶 ﹗過幾日要飛美國三個星期，日日麥當奴，無啖好食架喇 ﹗叫左好多點心呀，多到唔記得，約三十個掛。多謝阿姐請飲茶 ﹗海蜇爽口彈牙、燻蹄肉香軟腍、拍青瓜清新爽口。蝦春卷香脆、炸魷魚鬚香口彈牙、牛肉腸粉嫩滑、叉燒腸粉香甜。菜芯鮮爽、生菜新鮮多汁。三杯汁炒麵美味彈牙，等等。全部都中都好好味，第一輪混戰開始 ﹗珍珠雞荷香常、鳳爪甜美軟棉、燒賣不肥不瘦啖啖肉、牛筋夠膠夠嚥靭、叉燒飽香甜味美、蝦餃新鮮爽口皮薄餡靚、四寶雞紮五種味道五種享受、棉花雞雞肚皆香滑好味、等等，滿意滿意，好好食呀。第二輪混戰 Go Go Go ﹗…查看更多