【金川汤米线食评｜抵食夹大碗！汤底一试难忘】今日收工特登去咗金川汤，谂住试下佢哋出名嘅米线。一坐低就叫咗个金川汤底，再加咗鸡肉、鸡翼同准山。等咗十分钟左右，碗米线热辣辣上枱，真系吓亲我——个碗大过我块面！个汤底真系无得顶，饮第一啖就知中奖。唔系普通嘅麻辣，系有层次嘅香浓，饮完成个口都仲留到阵香味。鸡肉够滑，鸡翼煮到好淋，一啖就离骨。最正系啲准山，索晒啲汤汁，咬落去外软内脆，正到呢！埋单𠮶阵都系六十几蚊，真心抵食。隔离枱个熟客话佢哋个酸菜汤底仲正，下次一定要试下。呢间绝对系我会encore嘅店，食完仲心思思想再食！…查看更多
