金山海鮮酒家

营业中

休息中

今早去佐敦上課， 同友人於平安夜第一次去金山海鮮酒家晚飯，見網上推介雲英雞, 雞蛋焗魚腸，黃金墨魚餅就試試菜。雞蛋焗魚腸又稱砵仔焗魚腸，是一道順德菜，以鯇魚腸、鯇魚肝、雞蛋焗成，通常以瓦砵盛載。雞蛋焗魚腸亦是不少老香港愛吃的菜式，工序繁複， 但吃起來的甘香滋味叫人難忘。金山啲雞蛋焗魚腸果然名不虛傳，雞蛋焗到金黃色， 充滿住濃濃嘅蛋， 魚腸又肥又唔會腥， 時間掌控得非常好， 乾濕度恰到好處， 值得讚賞。雲英雞產地廣東，廣東人把未下過蛋的母雞稱為“雞項”，“雞項”過去曾稱“雲英雞”，有些高雅的餐館還保留“雲英雞”這個菜名。此店雲英雞雞味濃， 雞肉嫩滑， 有水準。金光閃閃的黃金墨魚餅， 夠搶眼，一層香脆炸皮內包住了彈牙的墨魚 ， 新鮮炸起， 香脆可口， 加上墨魚鮮味濃郁有驚喜。

收工想近近地食海鮮，想起久違的金山海鮮酒家，打電話預約7:30的位子。到達後跟以往人山人海的景況不同了，坐位隨意挑選，或許跟最近的交通控制所影響友人立馬點了蒜蓉粉絲蒸蟶子皇及椒鹽賴尿蝦，剩下由我決定。先來的是君度香橙骨，雖然熱辣辣，但仍有點失望，味道偏甜，香橙味微弱，還有點油。是唯一吃不完的一道菜。椒鹽白飯魚，正。佐酒一流。炸得酥脆，一點酒膩感也沒有。椒鹽比例做得好，沒有太咸或太辣。蒜蓉粉絲蒸聖子，蒸得剛好，聖子也鮮甜,蒜香濃，唯獨豉油重手了，粉絲吸收了大部分，所以很咸。賴尿蝦大大隻，外殻炸得脆脆，蝦肉富彈性，而且有膏的。砵酒焗蠔一般般，蠔是很大但就是不夠惹味整體而言食物：蒸及炸的火喉控制得不錯，海鮮也新鮮，價錢相宜服務：以往侍應們都忙得沒時間招呼，現在不爆滿，服務快速又細心環境：傳統酒家格局

家人想出外食飯聚ㄧ聚，所以找來老字號「金山海鮮酒家」跟他們ㄧ起食過夠。酒家地點很方便，地鐵站出5分鐘便到。到了店內時間還早未滿座，待應殷勤的奉上熱茶和餐牌給我們慢慢看。其後我們決定㸃六個菜式慢慢食。紅燒脆皮乳鴿外皮燒得好脆，鴿肉又嫩滑，味道剛好，不會過咸。家人食到舐舐脷。瑤柱琵琶豆腐豆腐混入金華火腿和香茜，經油炸後，外層香脆，內層軟綿綿，再淋上瑤柱汁，碟底還墊了幾棵白菜，真係拌飯ㄧ流。韭菜花蝦乾吊片大量爽脆芽菜和韭菜花，配而大大隻蝦乾，吊出咸香鮮甜味道，再加上新鮮吊片ㄧ齊快炒，食得出這道菜鑊氣十足，口感清爽。招牌雲英雞(半隻)$128 不得了!好久沒食過這麼好食的雞，外皮不油膩，肉質好嫰滑，好有雞味，碟旁還有雞腎。我們食完半隻雞後，真係有衝動再叫多半隻來食。銀山砵酒焗鱔球$108 又ㄧ佳作，新鮮鱔球經油泡後，用乾葱和砵酒煎炒，再用錫紙包好焗ㄧ焗，令醬汁香甜味透入鱔球中，咬落肥美，令人食慾大增。雞蛋焗魚腸$78每次見到都會點，因家人甚喜歡。上檯時熱騰騰，割開後飄出陣陣雞蛋香，砵內有好多魚腸，還有魚肝，甘香可口。但ㄧ定要熱食。我們食到尾聲，侍應還送上ㄧ道蛋散作為飯後甜品。家人和我都十分滿意

話說慶祝朋友生日，大家又想食海鮮又想食中餐，所以選擇了這家酒家而且地點非常方便，我們一早訂了位子所以到了就可以入座，朋友介紹豉椒炒蟶子皇、豬肺湯兩樣都賣曬😆太厲害啦！那我們就即刻叫咗其他美食，砵酒焗桶蠔、蜆（有冬陰公味道）、避風塘煎釀三寶、鍋貼饟魚肉、螺頭湯、煎肉餅、仲送蛋散俾我們食！有啲食物名已經忘記了，但每一樣都好好味，而且服務亦都非常好👍🏻

自從金山海鮮酒家裝修後，便沒有光顧過。為慶祝Honey忙碌的六月過去，今晚和Honey重臨。我們叫了｢晚飯套餐｣($228)：有豉油雞半隻和香煎蝦王一份。豉油雞不錯，皮薄肉滑，入味，而不太鹹。但，香煎蝦皇，就麻麻地！蝦的size太細，而且，所謂香煎，是炸得太乾！乾到連蝦肉應有的水份都沒有！有點｢乾爭爭｣的感覺。另外，又叫了豉椒炒蟶子皇($158)：價錢不便宜的，但所謂｢聖子皇｣……只有幼幼得幾條……再看看相片……就知道那個比例……而烹煮的手法，也……聖子本來已經不大條，烹製得過熟，蟶子肉又硬又實！今晚舊地重臨，確實有點失望！兩個人三個餸的晚飯，接近$500，實在……怪不得從前座無虛席，要在外面等位。今晚是星期五，仍然有不少座位……我明白原因了！

又係放假時，決定懷念那些年，依家要搵一啲傳統嘅酒樓，真係好難搵，終於上網見到呢間金山酒樓，之前食過晚飯都幾好食，原來中午時間都有茶飲、點心食，一於嚟試吓先原本諗住有早茶飲，原來都係開11點，一開門上到嚟都已經好多人等，今日已經係星期六，都好多人嚟呢度飲茶，應該都唔差呢度都要寫點心紙，首先叫咗個魚蓉粥，配油炸鬼，見差唔多每一枱都叫，觸感真係充滿好多魚肉，十分足料叫咗碟蝦腸，佢哋啲蝦都好大隻，好有鮮味，果然同夜晚啲海鮮出品一樣咁好，唯獨啲腸粉皮比較厚其他點心都好懷舊，好耐都未食過呢啲真心好味不過呢度啲服務就唔好要求咁高，大部份侍應生都係上咗年紀比較有性格

金山一向都是與同事們午餐的好去處。雖然環境不是很華麗，但食物質素是不容置疑的。椒鹽茄子豆腐:一向很好吃，不過今次炸得有點乾菜苗蝦餃清清哋，幾好味。餡料亦不會過油牛柏葉很香薑葱味，亦十分爽口燒買誠意之作，不會很油膩干蒸牛肉每次必點之選。香港酒樓已經很少見到干蒸牛肉。喜歡牛肉帶著陣陣香茅味叉燒包熱騰騰，不過略嫌太細個蛋散鬆脆，加上蜜糖，十分香口豉汁味菜涼瓜排骨煎米粉涼瓜味甘，分量充足。米粉略嫌煎得未夠乾身。茶樓內大多是上了年紀的老夥記，也有一批相熟的茶客，這樣的鄰舍關係在香港買少見少。

再次到佐敦莊士倫敦廣場的金山海鮮酒家吃晚飯， 味道雖然好，但是其中食物有點不乾淨。家人吃完胃痛。這碟沙拉骨仍然保持水準，抄得入味。看來胃痛疑凶不是它。這碟金銀蛋時菜也中規中矩，可以接受，也應該不是它引起胃痛。燒乳鴿其實也不差，大家都吃得很滋味，算不上是上頂的乳鴿，燒得也不錯，肉的鹹味適中。因為是招牌菜的緣故，叫了這一碟英國蟶子皇。預期般，份量很少。炒得非常辣，聖子肉吃完留下一點點甘味，不過有一些沙，應該洗得不夠徹底乾淨，可能是胃痛疑凶之一。這一碟用錫紙包着的砵酒焗桶蠔，肉質肥厚和甘甜，不過是否每隻都全熟就難說了。也可能是胃痛疑凶之一。這一碟福建炒飯炒得很有鑊氣，不過吃到尾飯有點燶。最後以免費蛋散為結束。價錢不算太貴也不便宜，味道其實不錯，很可惜食物看來不乾淨。作為一間食店若不能保持食物乾淨，反而讓客人食後感不適，是不良的先號。

今次三月之星嚟呢度慶祝，之前本人都試過喺呢度食飯，服務態度果然可以保持一貫咁差 🤣🤣我哋呢班慣常都有 10 至 12 個輪流慶生，通常有啲早到，有啲遲。 。 。係遲半個至一個鐘，所以早到嗰批會叫啲小食食住等。今次叫咗豬手仔，沙薑雞腳，皮蛋菜莆，前菜都美味，係個皮蛋菜莆怪咗啲，先係為主配子薑夾啲 😁人齊上菜，叫咗燒鵝，生炒骨，金銀蛋莧菜，芥蘭炒牛肉，墨魚餅，炸大腸，泰式炒蜆，大頭蝦，蒸班腩，窩貼鮮蝦小棠菜同龍蝦伊麵。燒鵝有點驚喜，話晒呢間係海鮮餐廳，估唔到燒鵝咁好味，反而炒蜆有啲沙唔係好得，鍋貼鮮蝦小棠菜好得。咁大班人要揾地方食飯都唔易，又要好味又要可以坐得耐，所以服務唔好都要忍一忍，但唔知係咪加大張檯加咗塊皮，檯面比較高，夾餸要抬到隻手好高唔太舒服。晚飯送蜜糖蛋散，帶蛋糕又唔收費 👍

今日晚餐去食叫左六個餸，其中一個蝦球伊麵，即左一半之後發現全碟都係蟲！一共有幾十隻， 非常嘔心！啲蟲係黑色，有大有細，有腳嘅，唔係普通嘅菜蟲，我都未試過食嘢見到咁多蟲，好恐怖。向經理投訴之後只獲取消該餸，講講吓仲走咗去，完全冇事我哋，過咗好耐之後個老細搵咗個細嘅來講，話呢度冇負責人，完全投訴無門。應該係啲食物放左好耐，生咗好多蟲。本來住佐敦每個月都幫趁，依家應該唔會啦，唔想食物中毒的話，去之前真係要三思。

相信很多人都喜歡吃海鮮，我和身邊的好朋友也不例外。這天我們就特意去試這家餐廳的海鮮，叫了一滿桌的海鮮，簡直令我們興奮極了。不要以為海鮮只要鮮就一定好吃，我曾經吃過一間餐廳新鮮的海鮮，但是煮出來味道難吃極了。這家餐廳的海鮮不但新鮮，無論用炒、炸、蒸，各種煮法都能帶出海鮮的鮮味及其獨有的味道。我只能用一個字形容「正」。👍😋👍😋

27/1 兩公婆十二點左右去到佐敦金山樓飲茶，門口見有人等位，我同帶位阿姐登記兩位，其後有一對穿著西裝男仕和女仕亦同帶位阿姐登記。人不算多，只是等幾張枱。差不多輪到時，帶位阿姐叫咗個對西裝男仕入座，我詢問不是輪到我地，阿姐話這個人係老細朋友，我同阿姐講睇住佢同妳登記兩位，跟著阿姐話依道飲茶係噉，你飲唔飲。這個帶位阿姐服務極差，倒老細米，當時等位不是很多人，如果想招呼熟客咪叫佢企埋一邊，唔好好似老馮，仲要趕客👎😡

今天天氣頗好，有太陽！一睡醒，噢十二點啦！我約哥哥 直接外出尖沙咀吃午飯！今天又來金山海鮮酒家！這裡食物質素真的很好，只是價錢高！點心也不會令人失望！即叫即蒸，非常足料！坐下來先嚟碟海蜇酸薑皮蛋！酸薑酸甜合度，口感爽脆，亦帶點辛辣！不過人造色素影響顏色太紅！溏心皮蛋晶瑩剔透！中間的蛋黃很黏軟很不錯！伴旁的海蜇都不少！粗條地切割令到口感份外的好！極爽口，極彈牙！只不過，我嫌麻香味不夠！紅燒乳鴿上枱未食已經聞到其香氣十足！入口，豉味香濃而且充滿了肉汁！肉嫩味香濃，極度吸引！棉花雞看起來就不夠棉花了！棉花即魚肚浸得不夠身！雖是這樣但雞肉也夠多！綿花吸雞油雞汁的味道！充溢了整個小碟，香、甜味集一身！吃落魚肚非常之爽！蝦餃，味道是傳統的！是蝦肉粒加荀絲的餡，皮夠晶瑩剔透！除了前菜，兩籠點心及乳鴨！感覺仲係差少少差少少咁！看見隔離的炒粉麵也很吸引！所以亦叫了碟XO 醬排骨炒麵！排骨份量不少，夠香口惹味！麵質不會太軟！因為是XO醬炒，所以味道有點濃！不過邪惡感沒有，但美味感十足！算是保持到其強勢的水準！

今日一班人食生日飯，唸住叫海鮮高興下，點知叫乜無乜。之前訂位已經問清楚有無野要預訂，又話無要來到先叫。🤦🏻‍♀️🤦🏻‍♀️🤦🏻‍♀️點知無蜆無聖子無元貝！只叫了一些燒味，幾個餸，最得係個個翠皮小唐菜同個蛋散！其他野食好似都係一般吧🤷🏼‍♀️

平時返工放Lunch多數同同事食飯！上星期，難得有假期，跟哥哥來這裡飲茶...平日都成兩點多呢間鋪頭都幾多人光顧！先點了籠蝦餃，都算幾熱，薄薄的皮之餘！一咬入口明顯很爽口，因為都幾多的荀！加上蝦也是爽口！而且有陣不錯的有鮮味！蝦餃、燒賣算是點心卡路里比較低的類別！我可以比較放心食！我因為近排少食菜.....同友人清清地叫左1份芥蘭芥蘭份量很多,朋友說略為硬身左d！但是我認為咁先有咬口！海鮮炒河粉少油做到十足！很多細細隻蝦,鮮魷魚爽口,魚片切件~確實幾大碟,真係好驚喜 最後我地都食唔晒d河粉,實在太多了..........邪惡食物燒腩仔....但是哥哥話係舖頭重點推介之一！即管一試....皮脆係基本，燒肉肥瘦相間，肉質都嫩！但未去到鬆化嘅境界，而且肉味夠香唔洗講多，有圖為證！食了幾件立即飲成壼茶！飲茶可以消脂，變相飲多了水！增加飽肚感。不容易肥！Hehe