重慶燒燒烤專門店

有时去食，食物好新鲜，味道无乜野，不过质素越做越差，唔稳定，唔知系咪少左人去d食物摆左好多日，本身想试下烤鱼，话无入到货，所以试鸡煲，劲难食，又多油，完全唔系半只鸡，好多有骨无肉部位，好似将成只鸡无肉既位拿来整鸡煲甘，唔怪得成日无乜人唔洗排队，有一次同三个朋友去食，三个都食到肚疴，d菜同肉完全唔新鲜，有缩味，d菜好明显系烂娃娃菜，食完大家都唔饱，又贵，我依加先知蚝壳会重用，卫生程度可想而知有几甘好...…查看更多

星期五最开心就系放工之后可以休息一下，将所有烦恼放空，食最想食嘅嘢！今次就拣咗食重庆烧，因为我真系好钟意食辣野！呢间重庆烧有分店，佐敦就已经有两间，但我认为最好食都系呢间！自从以前系四川食过烧茄子，我就念念不忘，虽然有时会食街边档嘅烧茄子，但都唔够重庆烧好食！烧茄子嘅秘诀系要够多蒜蓉又多，又唔可以太油腻，呢度嘅茄子软绵绵，蒜蓉又非常足够，味道又唔会太咸！呢度最好食一定系牛脷，真系嘅，要食到软绵绵，入口即溶，够味道，又唔会过分老嘅烧牛脷系非常难，呢度真系好好食！我见到每一台都有叫茄子同烧牛脷，就知道呢度嘅招牌菜就系佢啦！佢呢度啲烧海鲜都偏贵，但系我真系好想食所以都尝试了，不过都OK ！带子烧得太耐了，有啲干，反而圣子就几值得食啦！不过都有令我失望架，呢度嘅消暑仔好干，有冇味道，都成＄15架，得三片，真系唔应该叫！呢度嘅食物上得都几耐，我哋叫咗个烧鸡脾，等足一个钟头先有得食，催左几次，都系话鸡俾肉比较厚所以冇咁快得！但一个钟点都整好挂，其实系佢嘅人手不足以应付咁多客人！所以我都建议大家如果星期五要去就早啲去！…查看更多

本身谂住去川烧，点知人多到喊，对面又见到间重庆烧，唔多人咪去试下，海鲜冇味夹多油，食物队海鲜无得小料外，如烧青椒…13蚊. 佢真系烧一条咁大把，街市6蚊一袋，真系夸左点，都味坐满客，上菜同法国餐差唔多，等5min上一样野你食位先啰不过牛羊等肉类唔错几好味，但冇下次！！讲唔多出200字，无语中…查看更多

因为朋友讲过呢间嘢嘅烤鱼几好食，所以就本著一试无妨嚟到食。点知中伏嘅一餐开始了....可能系假期嘅关系，去到唔使等，直接坐低，叫嘢食。大半条烤鲩鱼，泡椒口味，小辣。烤蚝，烤鸡皮叫完菜，好!等食。咪住!!!!水都唔俾杯我?啲筷子仲要系即用即弃嘅。我响呢个情况只可以安慰自己。（冇嘢嘅，呢啲未叫做大陆风味啰。响大陆食宵夜档都系咁啦。）十五分钟后...烤鱼到左了。er~~如果冇记错，我好似嗌泡椒。可能啲泡椒切碎左姐，点知真系一颗都冇。食左一阵，有啲腥。条鱼仲要唔新鲜。同佢讲，佢居然答我个雪柜唔够冻，一系重新整返条俾我。（咁样第二条鱼唔系放响同一个雪柜嘅咩？）答佢唔使，叫多2碟菜食。算。但老实讲个烤鱼嘅味道都几好嘅。烤蚝居然系重用嘅壳，重用都唔紧要。但个壳可唔可以唔好咁烂?一睇就知系重用。啲蚝肉相信系桶装果啲，但真系唔知放左几耐，冇味道。鸡皮系冻肉店买果种。见到真系有啲尴尬。埋单，free左2碟菜，同我讲唔好意思。（真系觉得唔好意思，条鱼就唔好收足钱啦。好明显，响佢眼中，我应该系啲X街客）总结:唔会再去第二次。（可能我自己有啲怪，我去餐厅食嘢。见到即用即弃嘅餐具会觉得间舖冇尊重啲客）Ps.相，我就冇影。信不信由你。…查看更多

上次去咗食海鲜锅，今次就食烧烤。去咗佐敦一间开咗几耐嘅串烧店食，都唔系第一次嚟，不过以前就只会食吓羊肉鸡翼𠮶d，今次叫d海鲜食吓。我哋两个人，七点半去到，入面唔算多人，始终未系𠮶度嘅黄金时间。鲍鱼同蛏子都好新鲜，用蒜烧味道好夹。尤其鲍鱼，绝对推介，就算要到38蚊一只都值回票价。细龙虾就叫咗一只芝士，一只蒜烧。个人一向都钟意食芝士焗龙虾，呢只都差唔多口味，几香口，芝士味好够；蒜烧就不过不失啦，龙虾本身都算多肉，整体唔错。只系以呢个size，58蚊一只就略贵了烧羊肉串系呢间舖嘅名物，可惜第一串失准，烧过咗肉质比较韧，味道亦一般；好在后来encore𠮶串先回复水准。辣酒煮东风螺系成晚比较失败之作，辣味唔够，香味亦唔够，个汁只一味咸，螺本身亦好细只，58蚊唔算抵。烧茄子都系呢度名物，都系水准依旧唔错，茄子口感好好，配蒜蓉好夹。烧鱿鱼须都好食嘅，唔会太韧，用日式照烧汁亦夹，只系又唔会特别推荐咁解另外仲叫咗烧鸡翼同芝士牛油焗帆立贝，不过冇影相。鸡翼就失准，略烧焦；焗帆立贝都系食个芝士汁，保持水准吧。整体嚟讲海鲜水平唔错，但其他食物嘅水准冇以前咁稳定了。两个人食连埋饮品，埋单差唔多600蚊，当然贵啦，不过唔系成日食咁嘅价钱，当weekend豪吓啦！…查看更多