醉辣鮮 (天空之城)

营业中

休息中

最中意食海鮮既我，今次介紹埋天天媽咪一齊去食蒸海鮮🦞呢度比較遠離市區，但其實都好方便，我地係荃灣過黎，搭既士都只係半小時😳講返正題先，入到黎真係好似去左旅行咁，好似泰國啲燒烤店🥰出面有幾個大魚缸，裝滿生猛海鮮🦐入面半露天既座位，仲有love band，一邊食，一邊聽住音樂，叫埋杯啤酒，真係chill到爆😌我地叫左最basic 既$218餐，都已經好夠食！我地第一時間帶兩個小朋友出去夾海鮮，天天baby玩得勁開心，偽韓仔親細膽啲，不過都夾到👍🏻👍🏻啲海鮮夾完上黎，先會交入廚房處理，真係勁鮮😍我地親可以返埋位食住前菜先，有溫泉蛋同老火湯，兩樣都唔錯😆呢個時候就可以蒸個雞比bb食下先😁呢到啲蔬菜都係任食既，真係唔怕缺少纖維吸收😂蒸菜原來係咁鮮甜架🥳呢到仲有個教學教埋你每樣海鮮蒸幾耐，咁就唔怕過熟啦😉我最like就係個蟶子，雖然佢唔係超大仔，但係佢係非常之鮮味，爽口彈牙，但係又唔會韌，勁好食😋其他海鮮都好新鮮，冇得彈呀！鮑魚都係鮮嫩彈牙，完全唔韌，超正👍🏻👍🏻

一般嘅蒸海鮮都係處理好咗俾客人自己計時蒸熟 今次搵到一間可以自己捉海鮮嘅餐廳 都算係一個幾好玩嘅體驗門口有幾個透明缸 店員會預先話俾你知要捉嘅海鮮份量 之後就可以大顯身手啦捉完之後仲會有師傅幫手處理 今次嗌咗人氣龍蝦海鮮餐 🦞HKD298包括咗半隻龍蝦 同其他海鮮如果想食一隻龍蝦嘅話 就可以叫原隻龍蝦海鮮餐 HKD388 多90蚊就多半隻龍蝦🦞講返食物先 夾完海鮮返翻位 已經準備咗杞子蟲草花蒸雞 雞件味道少咸 作為第一項菜式有啲奇怪因為多數餐廳會放蒸雞喺最後🤔另外仲有一碗椰子雞湯 飲落冇咩味精 而且好足料湯飲一半嘅時候 店員上咗一隻溫泉蛋本身以為係用嚟點嘢食 問完先知原來隻蛋就咁食😂搞完一輪終於可以品嘗吓海鮮首當其衝一定係蒸龍蝦！肉質鮮甜彈牙 最緊要係有膏🤩貝殼類有花甲 沙白 蜆 大部分都乾淨冇沙而我最中意沙白漲卜卜 又夠鮮✨鮑魚蒸嘅時間啱啱好 所以有口感得嚟唔會韌 蟶子略厭較細隻 冇乜肉扇貝都好鮮甜 加埋喺自助蔬菜吧拎嘅蒜同粉絲 可以自己落好多蒜 正啊😆肉蟹其實係普通水蟹 肉就唔多㗎啦 勝在膏夠多夠香食哂海鮮之後以為會有人幫手煮粥點知原來要自己嚟🥲 粥底有豬骨 粟米等 比其他餐廳遜色

🦀🦞🦪自己夾海鮮即揀即劏，保證新鮮！ 早幾日同老公去開錦田，見到「醉辣鮮」門口嘅自夾生猛海鮮區，有多種海鮮：龍蝦，生蠔，鮑魚等等，樣樣都好生猛呀！咁吸引，即刻入去試下呢度最出名嘅海鮮粥底蒸氣鍋先！ 我地叫左🦞人氣龍蝦海鮮餐$298🦪醉辣鮮海鮮餐 $218 首先自己去揀海鮮先！職員好體貼啊！會教你點揀海鮮！揀完就俾職員劏！仲有任食蔬菜🥦，前菜係溫泉蛋🥚+老火湯🥣！而調味區仲有【醉辣鮮】特製🌶嘅麻辣醬，香麻辣都俱全，加落海鮮到非常惹味！蒸氣鍋頂層係🐔紅棗杞子蟲草花蒸雞醃得好入味啊！雞肉質地好嫰滑添呀！ 之後按時間表🦀🦞🦐蒸海鮮！龍蝦最好味！肉質鮮甜啖啖肉！粉絲可以自製蒜蓉粉絲扇貝。勁好味呀！ 蒸氣鍋底層粥底係南瓜芋頭排骨粥🫕，好足料好大鍋啊！食完仲有芋頭西米露，好抵食呀！ ⭐️套餐包兩枝荔枝汁飲品添架！🥤

最近錦田有新樓盤關係好多宣傳，其實錦田除咗新樓盤外一帶都有好多隱世美食，之前Venus 都介紹過。今次呢就去錦田食海鮮，食海鮮就無咩特別嘅，但係依間【醉辣鮮】就可以比客人自己揀海鮮，揀大隻d都唔會另外收費㗎，實行自己海鮮自己揀！蒸海鮮+粥底鍋係唔同餐廳都食過好多次，【醉辣鮮】加咗任食蔬菜，比起其他限咗份量係有優勢嘅！加上套餐有溫泉蛋前菜、老火湯、甜品非常豐富，加埋有海鮮食價錢真係好抵，街坊生意價^^自己揀海鮮時職員都會提示點揀海鮮？例如蠔要揀隻殼厚又圓又大先多肉。揀完比職員清洗處理就等蒸記得係調味區拎醬汁，依到d麻辣醬係【醉辣鮮】特製，香麻辣都俱全，可自行加上大量蒜蓉+炸蒜真係非常惹味香口蒸海鮮前職員準備好套餐入面紅棗杞子蟲草花蒸雞，雞件超入味、又香又嫩同行朋友大讚！之後按時間表蒸海鮮，頭先揀果d海鮮鮮甜肉厚，係任拎蔬菜區有粉絲可以自製蒜蓉粉絲扇貝。每款海鮮都鮮味十足！份量足夠2人食，加上任食蔬菜真係抵食！粥底係南瓜芋頭排骨粥，加上全晚海鮮精華勁入味非常鮮甜，職員仲比咗一碗仔炸米比我地增加口感，太飽關係食咗2碗其他一大鍋打包拎走當晚甜品係紅棗元肉桃膠，非常滋潤養顏，每碗糖水都好足料，勁

好耐以前同姨姨食過一次🤣前日又想去好在住得唔算太遠🙈入去都算方便💕外區人可能就冇咁方便🙈餐廳有個liveband舞台,不過可能疫情期間冇開～而且海鮮仲可以自己夾🤣幾好玩整體評分：7.3/10味道：7.3/10服務：7/10環境：7/10人均消費：$200-300地址：醉辣鮮 (天空之城) (元朗)元朗錦田高埔村110號天空之城地舖我哋揀咗$298/位嘅套餐，入面包括：✨是日精選老火湯 ✨溫泉蛋 ✨龍蝦(半隻) ✨日本元貝(1隻) ✨肉蟹(半隻) ✨蟶子(1隻) ✨鮑魚(1隻) ✨本地生蠔(1隻) ✨紅棗杞子蟲草花蒸雞 ✨海中蝦(2隻) ✨沙白( 1 份) ✨花甲( 1 份) ✨蜆( 1 份) ✨蒸選時蔬(任食) ✨海皇粥底✨精美甜品💕所有海鮮都可以自己係魚缸夾,夾完之後職員會幫你處理💕其中紅棗杞子蟲草花蒸雞、龍蝦 、蟹同鮑魚 都值得一讚❤️紅棗杞子蟲草花蒸雞幾好味,好香酒味同杞子蟲草～雞肉好滑而蟹同龍蝦唔算大隻，不過肉質緊實又鮮甜😍鮑魚彈牙新鮮好好味～另外燉湯同溫泉蛋都唔錯😋個湯好似係椰子雞湯，好超清甜～溫泉蛋配上醬油都好正👍而自助蔬菜有各種蔬菜例如蕃薯🍠、玉米、茹等食到最後就可以飲埋個

昨晚來個蒸氣火鍋之夜🥘打完邊爐係咪因為食得滿足所以特別好訓，我訓左11個鐘先醒😂黎到天空之城，依度既夜市真係好熱鬧，原來好多餐廳呢，揀左入醉辣鮮食個蒸氣火鍋，入到去已經人山人海，有唔同既海鮮餐俾你揀，揀左野食就可以去活捉海鮮，好喜歡依種地道既感覺啊，如星期六日黎仲有live band添，氣氛一定好正！醉辣海鮮餐 $218/位(醬油費$10)依個海鮮餐包含是日精選老火湯、温泉蛋、日本元貝、鮑魚、本地生蠔、紅棗杞子蟲草花蒸雞、蟶子、海中蝦、沙白、花甲、蜆、蒸選時蔬(任食)、海皇粥底、精美甜品，好豐富啊！飲個老火湯食隻軟滑温泉蛋，然後就開始食食食la！首先食個蒸雞先，好夠味，吸收左紅棗杞子蟲草花等既精華，味道豐富好好味，日本元貝好大隻，成隻手心咁大，好鮮甜呢，仲有其他既海鮮，全部都好鮮甜，其中當然我最仲意就係自己親手去捉既鮑魚同生蠔la🤣自己捉既就係最好🤣生蠔好大隻好鮮甜肥美，鮑魚大隻厚身好彈牙！食到咁上下就可以叫職員開下面既粥底食la，吸收左各種海鮮既精華，依個粥底好正，仲有南瓜、芋頭、排骨等煲左咁耐，真心好食！職員仲遞上一碗脆脆俾我地灑係粥上面食，第一次咁樣食，仲更加好味呢！出面仲有任夾

自己海鮮自己揀☺️第一次自己夾起咁生猛嘅海鮮🦞即揀即劏，夠晒新鮮位於元朗嘅「醉辣鮮」海鮮粥底蒸氣鍋入門口就係自夾生猛海鮮區唔係任夾㗎‼️當然要跟返自己個套餐夾啦🤭人氣龍蝦海鮮餐$298@（另+1）一嚟先有紅棗杞子蟲草花蒸雞蒸雞嫩滑，醃得好入味新鮮嘅海鮮原汁原味蒸係特別鮮甜龍蝦啖啖肉，鮑魚好爽口蟶子、蜆勁鮮甜最不得了梗係粥底啦🤭精華所在，唔講大家都明有幾咁香甜🤤吃飽飽仲有芋頭西米露作結尾真係飽到上腦呀，抵食‼️⭐️套餐唔包飲品

一場黎到元朗，當然食埋晚飯先走，爾巒附近有個地方叫天空之城，係錦上路站出面有架小巴去爾巒，坐左10分鐘到就到，行過對面就係天空之城天空之城就有幾間食肆，我就揀左比較多人幫襯既蒸海鮮，揀左醉辣鮮海鮮餐，除左有指定既海鮮，出面仲有d疏菜係任夾，星期六或日仲會有駐場live band，都幾特別紅棗杞子蟲草花蒸雞佢有張蒸各種海鮮同食物既指南卑大家參考，先上左個紅棗杞子蟲草花蒸雞，雞件都幾滑又入味，味道帶點甜味老火湯老火湯卑我想似中好飲，以為會好稠，但飲落味道都幾濃郁海鮮門口有一缸缸新鮮生猛既海鮮卑你自己去捉，揀完清洗乾淨就可以開始蒸海鮮有日本元貝、鮑魚、本地生蠔、蟶子、海中蝦，沙白、花甲 & 蜆，全部海鮮都夠晒新鮮，清蒸既食法更能食到佢既原汁原味蔬菜時令蔬菜可以係出面任夾，蒸完後都幾清甜海皇粥底蒸之前一早已加米同水，一邊蒸海鮮，一邊等佢既精華流晒入個粥底到，不過個味道就同我想像有d出入，唔夠鮮美同濃郁，較淡，同埋佢落得太多米，變左好多粥，飽到食唔晒環境我就覺得似係大牌檔咁，加上我係坐最近live band個張枱，佢一唱歌，個喇叭對正我真係好嘈，真係一d都唔enjoy，不過$198呢個價錢係幾抵

呢間餐廳係疫情之前都試過佢既海鮮粥底火鍋，環境，氣氛，服務，同食物都係我食過最好嘅一間！但疫情，佢推出左個盆菜，所以一於試下！買左個1488既盆菜同屋企人食，份量4至5人都有剩，好飽👍🏻！同坊間一般盆菜唔同，佢有龍蝦，帶子，鮑魚！而佢既味到同當時我食粥底火鍋既味道有9成既水準，雖然係外賣，但真係好好食！係一家人都推介既好餐廳👍🏻值得回味

平時蒸海鮮就食得，但係自己捉海鮮再自己蒸，就真係第一次🌟又幾好玩！海鮮全部都好生猛新鮮，大隻細隻都任你自己捉，捉完之後就會有人幫你清洗好，係咪蒸海鮮之前，可以食住蒸雞先，食完之後，跟住就可以開始蒸啦💗而出面都有配料俾你拎嚟配合蒸海鮮，我哋都拎咗粉絲，你整粉絲蒜香海鮮😋整體感覺好食又好玩，海鮮新鮮生猛，有大隻，真係好好食😋真心唔錯👍🏻

以前係錦上路番工，今日重回舊地，點知發覺以前的飯堂(有冇人識 NZ餐廳😂) 變咗打邊爐的好地方😱.格局冇變，但格調提升了！依舊寬敞及有分室內外，而室外地方仲有 liveband的舞台，下次要預啱時間睇 show😎.🟥藥膳雞煲🐔配粥底火鍋🟧首先上紅棗杞子蟲草花蒸雞，超香甜酒味。雞件值得一讚😍因為好嫩滑好juicy，連雞皮都好鮮甜💯好味到停唔到口，如果淨食雞呢個不夠喉！.🟨$198套餐：8款海鮮🟩食完雞煲，再上8款海鮮，包括：元貝，蟶子，蝦，沙白，花甲，蜆，鮑魚，生蠔.🟨$238 套餐：加多蟹及波士頓龍蝦🟩.近餐廳門口有一堆大魚缸，所有海鮮都係自己係魚缸夾，龍蝦&蟹都超級生猛周身郁，彈到我濕哂，而鮑魚啜個缸實一實好新鮮。夾完俾職員處理洗淨，之後番位等食~.蟹&龍蝦🦀超級多膏♥唔係十分大隻但勝在肉質好鮮甜。.生蠔鮑魚🦪夠飽滿，啖啖肉☺鮑魚又夠彈牙.餐廳仲大量供應蒜蓉碎及粉絲，實行可以自己整⏩蒜蓉粉絲扇貝/蟶子，加少少辣椒豉汁非常惹味😋.🟦前菜🟪等食海鮮的時候，除咗蒸雞，仲會先上燉湯及温泉蛋。今次係五指毛桃湯，超清甜潤喉同！💯 而温泉蛋未算好流心，但都非常滑嘟嘟。.⬛自助蔬菜吧⬜飲完湯仲可以去

主要食生猛任食海鮮蒸氣火鍋$198/位（原價$278）醉辣鮮海鮮餐包括：是日精選老火湯、溫泉蛋、元貝、鮑魚本地生蠔、蟶子仲有呀！海中蝦、沙白、花甲蜆都包括埋，連埋任食蒸選時蔬、海皇粥底，甜品，你話係咪抵到爛？😍$268(原價$368）人氣龍蝦海鮮餐包括：是日精選老火湯、紅棗杞子蟲草花蒸雞、海中蝦🦐、沙白、花甲、蜆除此之外，仲有溫泉蛋、龍蝦（半隻）、日本元貝未算呀！套餐仲加埋肉蟹（半隻）、蟶子、鮑魚、本地生蠔等等正正正！位於元朗爾巒對面街嘅地方😋😋天空之城🥳🥳

位於天空之城既呢間蒸氣火鍋店最大既特色竟然有live band，不過好似吾係日日有的，聽住歌再食住海鮮真係人生一大享受😎前菜有老火湯加溫泉蛋，大部分海鮮係晒門口，店員會帶你自己夾的，睇到海鮮們都非常生猛🙈龍蝦好彈牙個頭仲好多膏，蒸生蠔好飽滿 蒸完都冇縮水，肉蟹都好鮮甜，全部海鮮都好新鮮，蒸完吾需要點任何調味料已經好好味😋外面仲有蔬菜區可以自己夾，食完晒海鮮同蔬菜就可以食個粥底了，個粥吸收晒海鮮既味道，勁正！雖然我已經好飽但都食左兩碗😂最後仲有埋糖水食，飽到差啲行吾郁🤤🤤🤤

每次經過高埔村都會看到這店的招牌，心中暗暗已記低要去一次。坐下挑選好自己心儀的海鮮套餐後，在等待海鮮上菜之前，可以先喝足料無味精的老火湯，再吃上一溫泉蛋。粥底放好之後，首先會先蒸紅棗杞子蟲草花雞。雞件經紅棗、花雕酒、蟲草花醃製，十分入味，肉質嫩滑，份外鮮甜。沙白、花甲、蜆、蟶子、扇貝、海中蝦都是按人數由店家預備好，而客人就可以到外面幾個大魚缸自己挑選鮑魚和生蠔，店員會替客人清洗處理乾淨，再上菜。每款海鮮都有特定的蒸煮時間，客人只要按相關時間蓋上蓋子即可，操作簡單。沙白、花甲同蜆粒粒飽滿，鮮甜又多汁。蟶子爽口juicy，扇貝鮮甜，鮑魚彈牙，海中蝦很新鮮，生蠔肥美嫩滑。款款鮮味十足。而蒸選時蔬也有不少蔬菜選擇，生菜、娃娃菜、翠玉瓜、金菇、冬菇、粟米等，不能錯過的是粟米和蕃薯，都十分香甜。在蒸煮完海鮮和時蔬後，就可以打開鍋中的寶藏，粥底有芋頭、南瓜同豬骨，結合雞肉、海鮮和蔬菜的精華，每一口都十分幸福。最後，一碗紅棗燉桃膠，真是又甜又蜜。這樣鮮甜的海鮮，真是性價比之選。

天氣開始凍喇😳又係時候食蒸氣火鍋，作為元朗人就係元朗食啦🤓去左間好多人食嘅蒸氣火鍋入門海鮮餐 $198套餐入面咩有齊晒基本海鮮，最得意就係佢哋有得自己出去夾海鮮~我哋嘅套餐可以自己夾鮑魚、生蠔。成個過程好得意有得自己落手玩🤗夾完之後比職員即時清洗、開殼。坐返埋位後，職員即刻攞咗椰子雞湯俾我哋🤭暖笠笠，好香椰子味，飲完個人暖曬。然後就到蒸氣火鍋，一打開就有紅棗杞子蟲草花蒸雞，雞肉好滑，好香藥材味😳，好食。鮑魚、生蠔、日本元貝、海蝦、花甲，每種海鮮都新鮮，大家記得睇返相應蒸煮時間😙咁就食到最好食嘅海鮮~自助吧枱仲有好多蔬菜🥬任食，粟米、南瓜、娃娃菜等等。食曬所有蒸海鮮，仲有更加精彩嘅粥底火鍋，入面有大大件排骨、南瓜🎃所有海鮮嘅精華都落曬去，大滿足🍲最後原來仲有甜品，紅棗桃膠糖水，唔會太甜，桃膠份量好多，好有咬口。🌟值得一讚就係所有職員都好好禮貌，好快手幫手收碟，主動問有無野要幫忙😳👍🏻讚