醉瓊樓酒家

今次又因为呢几个字句我走左去试*怀旧*、*结束营业*我又走左去试。呢间餐厅不论系我系附近返工定系住港岛区，都未主动去试。是日午餐三人行去食，我地叫左个四人套餐，有东江豆腐煲，有佢的招牌菜鸡同鸭，仲有个猪肺汤，因为我个事是外地人，对所有菜式菜名都好好奇，后来我地仲要多左个伊面。除左个鸭，所有野都系淡而无味，鸡都唔系滑𠮶种，汤最好系加盐番煲𠮶种。佢的𩠌唔系平价，咁的价钱，去其他地方食都得啦。所以佢而家继续营业，我都唔会再帮衬，性价比太低。…查看更多

呢间有两层嘅酒家位于湾仔，装修保留住旧式酒楼格局，餐椅、地毯、所有布置都好有怀旧味道。早排见佢出通告话十月尾结业，即刻约几个朋友嚟帮衬，叫咗个四人套餐，顺便回味下旧香港嘅味道。粟米鱼肚羹 ~ 呢煲羹一上枱真系吓一跳，好大煲，够四个人饮两转都仲有剩。羹底稠度适中，唔会太杰亦唔会水汪汪，粟米味算香，但鱼肚无乜口感，食落唔太突出。茄子班腩煲 ~ 个煲仔上枱仲好热辣辣，茄子煮到好腍，吸晒啲汁，入口够味，拌饭都算啱，但食多几旧会觉得油腻。椒盐焗排骨 ~ 排骨炸得干身，咬落去都几香口。盐焗鸡 ~ 味道偏淡，盐焗味唔够入，鸡肉味道一般。另外再加碟咸鱼鸡粒炒饭，份量啱啱好，炒得干身，粒粒分明。最后每人送一碗糖水 ❤️「醉琼楼」有情怀、有气氛，今次嚟主要系为咗怀旧，感受下旧式酒家嘅风味~~…查看更多

屋企七个人落大雨，决定叫外卖。从来未试过醉琼楼，无论堂食同外卖都未试过，但见佢几多嘢拣同埋近屋企，就叫咗酿豆腐、中式牛肉、咕噜肉、时菜炒斑球、咸蛋黄金虾（应该系另外一个名）同梅菜扣肉，份量算好多，味道都几好㖞。唯一系中式牛柳有少少硬，梅菜扣肉嘅肉都唔系好冧𠮶只，但净系个味道我都觉得真系几好食。虾份量少啲，但我觉得都明白嘅始终又唔好忘记嗌外卖有折，而且最紧要系全部嘢嚟到都几热（我住跑马地）。我阿妈话以后嗌外卖就锁定醉琼楼😂…查看更多

放假！红日客饭加$18，系咁推我叫二人世界餐，$三百几，大佬，我430行入嚟点食得落，二个人收$10茶钱，$10花生叫三样错三样， 上次平日来出品正常。先上时菜班腩饭，一咬旧班，腥加个皮咬唔开，弹咗，转粟米肉粒饭走饭再上盐焗鸡饭，鸡一般，不太新鲜，最大镬D菜有宿味再来粟米肉粒，汁系一般家佣嘅质素，最衰D肉，全瘦肉，冇处理或腌过，似直接灼水再倒入个汁。猪肉吃了两粒后全冇食。纵使收银最后冇收茶钱，应该冇下次…查看更多

很久没吃客家菜，今晚决定来这间传统酒家一试。一入座，服务员就奉上花生小吃。这款前菜相信只净传统酒家供应了。我们点了一份四人餐，首先是银杏猪肚汤，汤底清甜。然后有招牌盐焗鸡皮脆肉嫩，盐香四溢，配上沙姜汁，非常惹味，难怪是招牌菜。客家菜中梅菜扣肉实在是必点的，肉质软滑，入口即溶，梅菜的香气提升了整道菜的层次。时菜斑球新鲜爽口。最后，奉送的红豆沙甜而不腻，完美作结。…查看更多