酔々炭火燒居酒屋

采用真炭烧制串烧，睇住几位厨师不停烧 🍗火同烟全晚无停，转头又见厨师同客人干杯热热闹闹，日本居酒屋气氛 🍻🔹大力推介 🔷🔅鳕鱼干🔅免治鸡皮烧得脆卜卜，好香口，倾偈、送酒一流🔅牛肉春菊卷🔅莴苣豚肉卷牛肉同豚肉烧过后充油脂香卷住大量爽脆多汁嘅蔬菜，即时减低油腻感觉 🔅白鳗鱼皮烧得微脆，肉质细腻又有点弹牙不过小心佢有幼细骨仔🔅甲罗烧配法包唔止有蟹膏，重放入蟹柳蟹籽鲜味浓郁，而且咸香十足🔅茶渍饭 (明太子)加入芥末，咸咸辣辣又带点清爽可以解一解串烧嘅腻食完有游戏金币，可以夹「公仔」，有机会夹中折扣优惠。交重学费多年嘅小编，成功夹到，抽中A4和牛肉眼一份，又要再去喇✌️✌️✌️…查看更多

今日约咗好耐冇见嘅朋友食饭朋友一早订定位带我食好嘢, 呢间系一间好有特色嘅日式居酒屋,装潢好有日式风情, 炭火烧烤香港少有，好似去左日本咁。 呢度主打串烧同佐酒小食， 师傅即场炭火烧烤， 即烧即食，好有风味火喉十足。除咗串烧，居酒屋仲有多款日式靓酒，啱晒三五知己约埋倾偈聚餐。酱烧鱿鱼筒：鱿鱼筒大大只份量十足，表面沾满酱油，鱿鱼新鲜，食落爽口弹牙。明太子玉子烧:玉子烧蛋味香浓，质地好棉密，表面明太子酱更添惹味。大葱鸡脾肉：鸡髀肉嫩滑，大葱新鲜香口，配埋特制酱汁，真系食到停唔到口。甲罗烧：蟹盖里面有蟹肉蟹膏好鲜味加上蟹籽 ，放上香脆嘅多士上面食，口感层次丰富。自家制免治鸡肉烧日本季节蚝：肉质鲜甜饱满，炭火烧蚝火候刚刚好唔会干水。紫苏墨鱼卷：墨鱼卷柔软鲜嫩配上紫苏独特香气，上面嘅蟹籽粒粒饱满， 口感清爽不油腻。最后仲送两枚扭蛋金币 ，可扭蛋抽唔同嘅优惠券， 我哋抽到免费甲罗烧券可以留返下次用，正！…查看更多

好朋友生日，拣左呢间串烧店，入到去已经好有日本feel, 感觉好正 😍😍地方唔算大，不过都坐得好舒服，只系争左小小冷气，但系佢地都另外加左风扇，所以都ok嘅，好明白炭炉烧，的确系有啲热嘅，辛苦员工们烧啲咁好食嘅串烧俾我地😁😁食物方面非常新鲜好味， 烧豆腐，鸡肾，鸡颈肉，豚肉包生菜，呢几样都极力推介👍🏽👍🏽😋真心好味道😋😋鸡肾大大粒，好有口感😍豚肉包生菜上面仲有啲牛油果酱😍我地仲开左3支sake 最后不得不赞，每个服务员嘅态度都超好，又玩得，又好笑，重点系呢间餐厅冇限时，而家想揾间餐厅无限时，真系有啲难度，下次一定会再帮衬👍🏽👍🏽👍🏽今晚真系玩得好开心😁😁…查看更多

订座当天下雨，六点准时到达，入座安排二人火炉前Bar枱，应该在两组客人之间，可能炭烧引致该位置非常闷热，地下安排了风扇通风也无帮助该区通风。强烈要求下，才改为另一区冷气充足，空气质素好二人枱。…查看更多

实在好耐冇去日本咁啱今次朋友生日想食炭烧串烧就决定嚟呢一间喺尖沙咀山林道嘅上楼居酒屋呢度地方细细但相当似去咗日本一打开门已经见到师傅喺开放式玻璃厨房烧紧串烧非常有feel ！食物款式唔算好多我都系随便点咗几样心水食物前菜点咗个蕃茄仔同埋𩽾𩾌鱼肝蕃茄感觉唔系日本甜蕃茄仔似系本地大蕃茄烧猪腩都ok 但炭烧味唔系好出🧐之后都点咗好多唔同类型嘅串烧同埋小食每样个质素都OK嘅但唔知点解就系冇乜炭烧味明太子蛋同烧鸡皮最啱我胃口😌年糕就唔系太好食口感硬又dry 芝士年糕个外型几得意𠮶啲似菠萝包😛不过就有少少漏紫苏墨鱼𠮶个配搭比较得意好可惜食嘅时候上面啲飞鱼子就跌晒出嚟整体嚟讲食物就不过不失不过都要大赞佢哋个气氛系相当好嘅👍🏻👍🏻地方细细装修好有日本地道风味员工们都好Nice我喺订枱𠮶阵安排咗生日蛋糕当我试佢哋拎出嚟嘅时候员工仲即刻播生日歌所有员工都一齐唱生日歌（包括整紧嘢食嘅师傅）所以个服务体验系唔错嘅😸好warm 好有人情味呀！不过可能我哋错位嘅关系前方系洗手盆有时师傅洗手会弹咗啲水出嚟我地块面到😹…查看更多