影片
港铁铜锣湾站 D2 出口
继续阅读
电话号码
36145181
开饭介绍
简约日式风格为设计主轴，浅木色的装潢配合巧妙的座位设计，既舒适又私密，特别适合与朋友悠闲地聚餐，享受静谧的美食时光。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
「酒津」位于铜锣湾澳门逸园中心，就在SOGO旁边，位置得天独厚，其为一家日式居酒屋。食物质素高之余，现时优惠几吸引，分别有星期一至四及六晚市九折、星期日全日八折，以及指定酒精饮品买一送一，优惠且可同用。自家制梅酒 ($68 - 买一送一): 优惠$34/杯再九折，梅酒均为自家酿制，并不是采用一般嘅青梅，其以大量熟梅子，即话梅酿制而成，饮落去就好似食紧话梅咁，酸酸甜甜，味道香浓，生津解渴，特别之余，几好饮。即使冰块溶化，浓度都无减太多。另外，其冰块都有唔同造型咁Chill，我呢块系一朵大玫瑰花。甘鲷立鳞烧 ($178): 一般造法是以热油淋于鱼鳞表面，使鱼鳞立起来，如蜂巢般，卖相吸引，吃的便是其酥香，甘鲷肉质紧实细嫩，唔会一夹就散，鱼肉清甜美味，高质！A4和牛刺身 ($188): 牛肉刺身采用A4和牛，油脂比例较高，油香丰富，牛味香，拌匀蛋浆质感更加嫩滑。牛肉鹅肝卷 ($128): 一客共有四件，半熟灸烧牛肉裹著寿司饭及鹅肝，油香突出，层次丰富，几好食。炸双重芝士年糕 ($38): 系一般芝士年糕加上两款唔同嘅半溶芝士，Actually系三重芝士先岩，奶香丰富，芝味十足，口感非常软糯，简单令平凡变得不平凡，超好食！烧鸡肝、鸡心 ($28@): 串烧烤得唔错，两款都好好食，均带有丰富肉汁，质感软嫩，鸡肝亦略带颗粒感，巨香！
继续阅读
朋友带我嚟食dinner，好近铜锣湾地铁站出口门口块黑板写晚市星期一至四、六有9折啱哂我地今晚我地坐bar枱，环境都几好，干净舒服仲有几块黑板系special menu同推荐嘅嘢食苹果汁Orion冲绳生啤好饮苹果汁唔会太甜生啤好爽拣咗2款黑板special menu嘅嘢食黑豚荔枝串好食豚肉包住粒荔枝，再有啲黑椒调味荔枝清甜多汁，同豚肉好夹烧墨鱼饼烧到金黄色，仲食到墨鱼粒，好食汁煮花螺好好食，好入味，仲好易咬而且侍应有提供湿纸巾，够哂贴心，唔惊整污糟只手铁板牛舌侍应会喺我地面前淋汁，出哂烟好正牛舌唔会过韧鸡软骨烧得好食配啤酒一流！免治鸡肉棒 呢款都烧得好靓好味特上鱼生卷一条卷包咗几款鱼生，有三文鱼、虾、仲有款唔知咩鱼上面仲有海胆同三文鱼籽好满足黑松露蟹肉冷荞麦面呢款真系啱哂夏天食食落好清凉，而且大大旧蟹肉食完好满足整体食物都好味，而且侍应都好nice, 会问下我地觉得啲嘢食点有机会一定会再嚟食
继续阅读
今日嚟到呢间楼上居酒屋，装修好靓，贴满鬼太郎嘅装饰，真系有feel 🤌🏻白见贝 🐚✨即系象拔蚌刺身，摆盘好靓好有心思✨味道浓厚鲜甜，口感爽脆利落，轻轻点小小豉油同 wasabi已经好够味，加埋青柠汁就更加清新 🍋 鸡皮饺子 🥟 ✨新鲜炸起，鸡皮表面炸得香脆，一咬开肉汁流出，加埋酸酸地嘅饺子汁，非常过瘾🤪矶煮鲍鱼 🍶✨$68一只真系 CP 值好高，食落阵阵日式酱油同昆布甜味，肉质柔嫩🥰牛油果沙律 🥗✨牛油果切粒加上沙律酱，上面铺上满满嘅蟹籽，下面就系淋上和风沙律汁嘅沙律菜，够晒健康烧明太子饭团 🍙✨呢个真系非常有惊喜！✨明太子酱烧完之后好重咸香✨饭团外围烧得刚刚好，咬落劲香劲脆，有种食紧煲仔饭饭焦嘅感觉，入面嘅饭粒带点软.，口感够晒丰富✨店员仲主动帮我哋2个人切一半方便share，真系细心！😋.串烧 🍢✨白鳝配金山寺味噌串🐟：鱼肉鲜甜，鱼皮烧得微微焦香香脆，上面加上小小酸姜同咸香味噌，味道丰富✨鸡软骨🐓：烧到皮面非常香脆，但咬开质地又唔会好干身，系我食过最好味嘅鸡软骨✨安格斯牛小排🥩：熟度刚好，肉味浓郁✨牛舌🐮：牛舌 size 都几大块，烧完后油脂香口，咬落肉质爽弹唔会韧，加上小小黑椒作调味，食呢一串真系享受.呢度Menu 仲有香港好少见嘅提灯串烧，可惜今次无晒，下次一定要同朋友再嚟食！
继续阅读
同朋友食生日饭朋友介绍呢间位于铜锣湾嘅居酒屋餐厅摆设了好多鬼太郎公仔仲有好多清酒樽同贴纸在墙上整个vibes好日式居酒屋feel好适合朋友聚会//一夜干 $198//店员介绍一定要试一夜干一夜干即系烧马友鱼肉经风干后仍可以带出油脂香入口肉质口感仍然新鲜以日式烧烤技术又带出了咸香鲜味用来佐酒边食边饮边吹水 真系一流 //铁板牛舌 $98// 用铁板放上牛舌保持温度牛舌口感超级软淋 牛舌味好出加埋洋葱一起吃 加上了一份甜 //鸡颈x2 $56////鸡翼x2 $56////黑豚腩 $38//几串串烧都相当出色师傅控制火喉时间做得刚刚好入口有炭火味 鸡颈肉有咬口鸡翼烧至外皮金黄脆口但仍然Keep到鸡肉嫩滑锁住肉汁黑豚腩半肥瘦 烧至外层微焦洒上少少盐 口感满分 //松露油鲷鱼薄切 $158//鲷鱼以松露油及海盐调味鲷鱼切得非常薄入口鱼肉鲜嫩爽口松露油香气浓郁个鱼油加松露油味真系超突出 口感好丰富食完仲闻到阵阵松露味不用再点酱料 直接食就已经系无敌 //特上鱼生卷 $98//以新鲜鱼生做成嘅寿司卷包住三文鱼、吞拿鱼同牛油果顶层铺有海胆同三文鱼子食材新鲜 入口食到晒几种鱼既鲜味 //地鸡杂炊 $88//唔食粥既我表示呢个地鸡杂炊真系好出色 一定要试亦都会因为呢个粥而再黎过米粒充分吸收鸡肉精华地鸡鸡肉新解嫩滑搭配香菇香葱等配料仲要最正系加埋日本温泉蛋整个粥都香气四溢食完就是暖笠笠的幸福感
继续阅读
铜锣湾食饭好多时都贵，但今次真系揾到宝啦 呢间出名性价比极高嘅居酒屋，早有耳闻，今日终于嚟试。用亲民价钱享受到高质料理，确实难得，是闹市中的一股清泉。😊 入到去感觉好舒服，有日本居酒屋嘅氛围。餐牌选择多，有刺身、寿司、卷物、串烧、炸物等，价钱喺铜锣湾嚟讲都算吸引，令人选择困难。 鹅肝多士 $78 鹅肝煎得外微脆内软滑，油脂感十足，配上甜酱汁同香脆多士，油润甘香渗落多士，口感味道平衡得好好。 甘鲷立鳞烧 $198呢个必试嘅焦点菜式，连鱼鳞一齐炸，鱼鳞炸到香脆卜卜声，而鱼肉依然保持鲜甜嫩滑。双重口感加埋鱼鲜味，值得一试！ 海胆酱玉子烧 $88 玉子烧够厚实，滑溜湿润，上枱时热辣辣。面头咸香嘅海胆酱提升咗蛋嘅甜味，吊味功力一流，食落舒服满足。 烧牛舌（两串） $58 串烧必嗌烧牛舌，呢个价钱食到咁高质素嘅牛舌，真系惊喜。牛舌厚度足，烧到外焦脆内嫩滑，牛味浓郁，黑椒调味啱啱好。😋 明太子长芋 $38 日本淮山烧过后微脆带粉糯，口感得意，铺满咸香明太子酱，清爽又咸鲜，味道层次丰富，性价比高。 生蚝（两只） $48 生蚝够新鲜，肉质爽滑带鲜甜，滴少少柠檬汁已经好开胃。作为头盘或过场菜式都相当适合。🦪 牛油果软壳蟹卷（六件） $138 馅料丰富，包括软壳蟹、牛油果同蟹柳。牛油果香浓Creamy，软壳蟹炸得脆口唔油腻，口感丰富，味道非常夹。 星期日至四啤酒激赏 $19一杯 呢段时间期间生啤只需$19一杯，喺铜锣湾呢个价钱好吸引。食串烧配冰冻啤酒，真系一大享受。🍺 呢间铜锣湾居酒屋嘅体验超出预期，由头盘到卷物都保持高水准，有啲菜式甚至惊艳。最重要系价钱亲民，性价比非常高。喺铜锣湾想食到高质料理又唔想大出血，呢间真系值得推荐。下次一定会再嚟！👍
继续阅读