那個ㄋㄚˋ ㄍㄜ (軒尼詩道)

营业中

休息中

星期日1點同朋友經過門口見有幾個人排隊，5-10分鐘度入到去，裝修都幾光猛乾淨。雞球便當嚟到覺得份量比想像中大，比起雞球，應該叫大雞塊，炸雞淋了甜咸味的滷汁十分滋味，部分位置淋醬後仍然能夠保留脆的質感，口感十分喜歡。配菜方面有炒雜菜、粉絲及粟米粒，好味而且有花功夫，起碼唔係白烚菜。飯量加左大，仲可以免費加飯好貼心。湯麵湯汁較甜，朋友很喜歡，附送一串豆皮十分特別，吸滿湯汁好食。炸雞排厚肉且不乾柴，枱面仲有三種調味粉提供，我地最鍾意紫菜味。雞扒份量非常多，所以食到最後可能會膩，同朋友交換餸菜就Perfect。加左一個地瓜球小食，味道香甜好食，但好像內裡中空位置不大，粉糰層比較厚。講真今時今日呢個價錢，有咁大份量又好食，我地認為呢間餐廳高質素，會再經常嚟食。

屋企對面新開咗冇耐，老婆就一直都想試吓，今日落雨，所以就帶埋小朋友一齊去試一試依間餐廳依間餐廳環境都OK ，不過有兩個門口，我哋坐正門口位，成日都開開關關，所以覺得個冷氣唔係太夠，除此之外，環境都尚算OK主打台式飲品加台灣食物，我就比較鍾意食台灣滷肉飯，所以今次叫咗個雙腸的滷肉飯，另外叫咗一個拌麵，同埋兩個迷你飯，呢個係雞肉滷肉個人覺得佢哋個餸係大大件，的確幾吸引，略嫌加多啲啲飯就會更好另外佢哋個撈麵，甜甜地，我就唔算食得太習慣，不過味道方面尚可當然亦有點到佢哋地道的奶茶金鳳奶茶王，不過台式嘅奶茶始終都唔夠本港的奶茶吸引下次都可以試吓其他唔同種類的飲品.整體味道和環境都唔錯，如果晚餐你計價錢都完全太貴會再幫襯

I had been dying to visit 那個 and was disappointed when it announced that it was closing its Tai Kok Tsui location, but was happy to learn of its expansion in many districts lately. Finally paid it a visit last night and it did not disappoint. I ordered less rice because of the satisfying portion of protein and side dishes, and even so there was still plenty of carbs to go with my meal. The chicken was tender but still chewy, the pop of flavor from the sakura shrimp chili oil really taking it to

晚餐只有單點沒有套餐，嗌咗份滷香雞飯，嗰層炸皮又鹹又甜，咬落去嗰浸油益味好難頂，然後嗌咗杯鳳梨冰茶，杯野成$36 ，諗住有啲鳳梨，點知成杯嘢就好似川貝枇杷露 成一篤糖漿喺個底 仲要自己攪勻佢🥵 ，成杯咳水咁L樣。總之，野又難食，價錢又唔合理 。唔會再試。

見佢新開張又有人排隊就入去試吓啦，點了鹽酥雞扒同炸蝦两個餐，上菜時間都ok ，十分鐘就有嘢食，點知嗰塊炸雞扒的味道真是難忘，嗰種油益味應該係用咗成個禮拜嘅千年油味道，感覺很差！ 果杯果茶，淡而無味。 呢間店無下次了！

｛那個｝灣仔分店新開張🎊經常都聽到人講依間台灣菜餐廳好食，但一次都未食過🙈餐廳走復古風，有寬闊嘅卡位，周圍人亦有不少裝修小擺設，氣氛唔錯～✴️嘉義雞肉拌麵✴️依碗拌麵好好食，非常有驚喜！！😍佢嘅雞肉好有咬口，但唔係好韌會索口水個種雞肉！雞肉份量多，塊塊都好大好厚🐔不過重點係拌麵，平時食台式拌麵嚟嚟去去都係肉燥汁，依碗拌麵嘅醬汁帶甜，有陣豬油嘅香氣，所以每條麵條都有光澤✨面頭有炸乾蔥、蔥、炸蒜，撈勻食加分不少！✴️紅茶✴️大大杯，茶味甘醇，入口唔會苦澀👍🏻👍🏻

曾經在北角搭車見過呢間「那個」，由於個名有點兒那個，所以灣仔見到就認到。覺得開得分店應該都唔錯，見佢話試業就試下啦。結果我係錯既，有分店都可以係唔好食。首先係價錢，唔平架，$70-$80 一個麵仲要無野飲跟餐。今次食左花枝麵同埋嘉義雞肉拌麵。花枝麵都有5粒花枝，但係其實只係平時既普通花枝，無特別，個湯既古古怪怪，只能夠講唔岩我口味，可能係台南味啦，我未去過台南我唔識。至於呢個嘉義雞肉拌麵，我就有資格講喇，因為我真係去過嘉義食過佢地既雞肉飯。呢隻雞肉味最多只可以叫雞肉拌麵，叫嘉義雞肉拌麵就實在太過份，嘉義雞肉都唔係呢個口感，無嘉義都可以有7分，但講明係嘉義雞肉只有0分。嘉義雞肉絕對唔會係咁既！最後要俾差評既就係野飲，未飲過咁難飲既奶茶。整體來講，員工態度唔錯，價錢偏貴，食物好一般，野飲係難飲。不過就見佢仲係試業，比個中評佢啦，有好大進步空間。不過我本人就會永久blacklist佢，就當係口味唔岩。

有人見到新開餐廳，午市排長龍，所以想試吓標榜台南，不過睇menu就唔係好有台南feel🧐🧐玖香啤酒豬軟骨湯麵，豬軟骨好稔，好入味，櫻花蝦味幾香，不過食左半碗左右開始覺得好鹹😅香酥脆雞便當，個雞真係不得了😳一咬落去成口粉，係好似直接倒左成羹麵粉落口咁🤢炸粉唔酥唔脆，做左幾十年人都未試過😮‍💨黑糖波霸奶茶🧋，金鳳奶茶王淡淡嘅茶味，唔係，應該話淡到近乎冇茶味冇奶味🙄已經少冰，不過啲冰溶左我都唔敢攪勻杯野，因為啲冰未溶都已經平淡如水🫠天呀🤯我寧願飲水好過。台式料理連杯奶茶都難入口🙂只能怪自己冇睇食評就入咗去😢如果味道有得俾零分，我唔會俾一分….

星期六下午同朋友食lunch, 被餐廳內嘅裝修吸引,用傳統玻璃嘅吊燈, 調味料嘅盒子吸引.坐得舒服，服務態度好！原本對餐廳內食物嘅質素，都唔會抱有太大嘅期望, 同朋友叫咗一碗秘製豬軟骨麵和牛展牛肉麵,第一啖食豬軟骨嘅時候, 真係”嘩”咗一聲, 好大嚿好入味,豬軟骨又入口即溶嘅感覺, 啲面質好煙靭,雖然食到最後有啲咸，整体都好味另外，牛展都好淋，有入口即溶，最欣賞係食完無口渴感覺，已經要讚！亦點出酥酢魷魚，但太硬，最後放棄無食。雖然外面好多人等，但服務員都好有禮貌，無趕我哋走，當然我哋識做，立刻埋單。再有機會，再幫襯的。

比裝修吸引，點知原來甘難食，連基本煲飯啲米都可以唔熟，啲雞個皮層粉厚到基本上全部唔食得，得幾啖肉，排隊又等得耐真係唔值得食。仲有員工服務態度都有待改善，個著風褸染髮(懷疑係店長?)啲語氣都幾有問題

放工經過諗住食「那個」..見仲有一張枱就入去，3個人食飯叫左兩個飯+兩個小食+飲品（跟餐-$15）滷排骨飯，一上枱係「哇！」好大塊呀！但係太大塊好難放入口，問店員先俾刀我地，排骨，冇味，唔香口，肉好實….飯凍嘅，有粉絲，粟米配，但係粟米唔熱又霉…香脆酥雞飯，三大塊雞！個囡一見到好開心，一口咬落去，咬唔到，爸爸一試，粉多又返炸又唔熱，……啲飯又係凍嘅！仲有三星蔥餡餅和黃金流心魚丸…唔好提啦！樣樣都係凍嘅！樣樣都唔掂。好失望🥴😮‍💨🤦🏻‍♀️🤦🏻🤦🏻‍♀️食到有點兒那個！食到一半已經好想走！一間咁靚嘅裝修餐廳，除左食環境，食物品質先係最緊要！

味道就見人見志呀, 份量都好夠. 不過你啲冷氣好似三號風球咁吹住張檯, 我食到第二啖啲野食已經凍晒. 你啲野幾好食都冇用啦,基本野都唔做好,過左新屎坑時期之後就執得啦.

舊肉嘅物體的確係好大塊嘅好似我個頭咁大但係凍嘅， 個粉漿仲厚過大戲妝， 而且咁大件肉都冇幫人完全切開但又冇俾刀人， 係直至我食到7788先有個樓面問 使唔使畀刀叉我🤦‍♀️無言……麵係腍曬嘅， 湯底佢話係牛湯但我覺得係一個糖水湯，牛味真係飲唔出😅 飲品就不過不失啦，係夠大杯同夠凍囉，埸內坐嘅環境唔迫嘅，冷氣都好夠凍( 因為好多餐廳都 冷氣唔夠凍，搞到好焗或者有油煙味) ，但 食物嘅質素就真係 有好大改善空間喎 ， 樓面員工亦好似個個都混混噩噩咁樣 😅明明響大角咀嘅時候啲人讚㗎喎， 點解灣仔呢間咁樣 😰

簡單嘅珍珠奶茶，幾次都唔啱，冇珍珠就話冇啦。落左order到左，先講冇珍珠，或者就咩都冇講，就咁兌滴寒天落去。apple對pear，唔系咁嘅⋯今時今日，咁樣嘅服務系唔得嘅～費時去幾次，我嘅時間都系時間啊！其它價錢偏貴，味道麻麻⋯

lunch time ，出面排長龍，入面走咗幾枱客，啲職員全部唔執枱，唔入客，叫人係出面等，話好快有位，等咗15分鐘，再有三枱客走咗，完全無入過客，亦都冇職員理過出邊排隊嘅客人趕時間，就算有位都唔好等，唔會安排座位俾你