邁爵斯 (福華街)

营业中

休息中

晏晝時段買咗個外賣肉醬意粉，打開嘅時候啲肉醬嘅顏色同以往嘅爭好遠，仲係偏紅色未熟，啲意粉林得滯，記得以前都係買外賣嗰陣都唔係咁，完全keep唔到以前係又平又好味，而家係得個平字

幫襯左一段時間見邁爵斯有新嘅餐牌出所以今日同同事請先過嚟試一試睇吓會係點樣，因為見到有意大利飯價錢同埋都好抵😬😬😬我同同事叫咗一個lunch set E 係黑松露雜菌，意大利飯，先至$52。而且仲送飲品真係勁抵另外一個就係lunch set D 係日式牛扒沙律配意粉，係$48 都另外有送到飲品呢個時勢做呢個價錢個lunch真係好抵食仲有叫咗一個lunch set A 蔥花牛肉飯，$38元牛肉好多，而且都好惹味佢係配一個珍珠米所以鍾意食日本米嘅朋友一定係要你試吓🫥🫥🤭另外我哋仲有追加多一個叫香芋番薯丸，呢個真係炸得好香脆好食，紫色一粒粒，不過可惜忘記咗影相我哋惠顧左$200另外仲加送左一隻七周年嘅幾年，真係好窩心，原來開咗有七年了

以前已經周不時都會嚟食呢間，今次返嚟發覺好似轉左老細😂😂每次嚟到都一定係會叫個香蒜白酒蜆肉意粉。一見到個意粉真係會嘩一聲！佢個份量大碟到真係兩個人先食得晒，如果唔係食得多嘅就記住帶多個朋友嚟先好食啦。而且佢嘅就只係賣緊$38一碟，唔通真係搞手只求打個和🤘🏻佢嘅配料好足夠，食極都唔厭，不過食到最尾會感覺有少少油膩。如果下次嚟到會煮得乾身返少少就更加完美啦！👍🏻另外我仲叫咗一個趣味薯角，表面唔會搽咗大量嘅蜜糖。不過聽老闆講因為轉左薯仔入貨嘅品種，所以呢種食落薯仔感覺上比較硬身啲冇咁脆口。在我而言就有少少失望，希望佢會入返以前嗰隻薯仔啦🥲

已經食過唔止一次 但竟然覺得一次比一次好食🥹蜆肉意粉🍝 (評分:⭐️⭐️⭐️⭐️⭐️/5)特別係個意粉 超級多意外都算 仲超多蜆肉 食極都仲有 每啖都可以有蜆肉同意粉一齊食！-趣味薯仔🥔 (評分:⭐️⭐️⭐️⭐️/5)其次都好好味嘅係趣味薯仔😋其實就係蜜糖炸薯仔 $28 竟然有咁大兜😧 又係食極都食唔完另外薯仔炸得好好味！-黑松露薯條🍟 (評分:⭐️⭐️⭐️/5)原本prefer係黑松露醬 所以四十幾貴過一個意粉蚊都嗌結果係真係黑松露(碎)加炸薯條其實如果係其他餐廳$42有咁量同炸得咁脆嘅薯條已經稱得上好味加掋食不過 下次再食嘅話 我會拎$42試其他嘢因為對比起前2個 佢CP值冇咁高而且平凡少少2個人食到飽到痴咗線 先108蚊🥹又平又好食仲咁大分 而且又唔收咩加一服務費人撚除返開先$54 平過大家樂大快活嘅晚餐所以真係勁掋😆！ 雖然的確啲枱 餐具有啲油油地嘅感覺不過其實可接受 抹下就ok 本身覺得出街食係咁 有時只係你冇見到污糟所以本次體驗非常好整體評分:⭐️⭐️⭐️⭐️⭐️/5

性價比超超超超超超級高❣️真心講個句你話好好食就絕對唔係但真係勁勁勁大抵又勁抵大份都嚇死 個人認為唔叫其他野食淨意粉都很可以因為性價比太高 所以排一陣都值啊~🌟香蒜白酒蜆肉意粉$35咁大抵真係要求唔可以多多窮人之選🤣😂

有一天經過這間小店門口發現有很多人排隊，所以就跟着排隊起來了。攞一張餐牌看了看，發現價錢真的很優惠你一般的西餐反而便宜很多，難怪這麼多人排隊因為價錢都是三十幾到七十幾元這次我惠顧了一個意粉和一個牛角酥，另外點了一杯朱古力裏面有兩款珍珠配合，首先講一下意粉我點了一個香辣海鮮意粉，這個海鮮意粉十分之嘢味而且不會很辣味道剛剛好有一種像是泰式的感覺。然後蛋沙律牛角酥不過不失 但未豐富而且鹹了10分多所以是10分的抵食而朱古力珍珠的珍珠剛剛好不會太硬 總括來說是有認真的用心製作所以這個價錢這種質素我覺得我會再來惠顧。

某日睇完脊醫之後，偶然走過對面馬路，見到一間特色的小店，主打意粉、墨西哥捲餅、炸雞、仲有特飲，特別推介榛子朱古力，玫瑰雞翼，炸雞，忌廉菠菜汁青口意粉，炸水牛芝士波，滋味洋蔥圈，趣味薯角………..，太多太多美食，一時真的難以盡錄真心覺得每樣食物都超水準仲要係平民化價錢，晚餐時間要排隊入座的，不單止是年輕人最愛，我覺得只要你食過一次，便會一試難忘，好快又會掛住它的味道大家記得啦，行過路過，千萬唔好錯過了

呢間2年前都已經食緊，到今年再來試，價錢都係咁平，份量都係咁多，食物質素都唔錯👍🏻👍🏻😍。不過略嫌較差就係衞生。😐食到一半，有隻蚊仔飛左落我地碟野。🥲不過整體我都俾好高分。我超鍾意食佢個香辣海鮮意粉同埋趣味薯角。係每次來都必食。😀意粉辣味好過癮，雖然海鮮份量唔算多，但絕對對得住個價錢。😁趣味薯角就超脆，配左蜜糖漿，係幾特別幾好食，薯仔味都好突出。😋每次都必叫另外叫左個凍既三文魚長通粉，都不錯。飲品就中規中矩，呢個價錢可以做好小小。💪🏻整體都係唔錯，性價比夠高，絕對可以再戰，只係衞生差左小小，但還可接受！

鍾意食牛角酥嘅我第一時間就諗起過嚟邁爵斯 M.Y Majesty 食牛角酥因為價錢好抵都食咗好多年了 最近見佢有新餐牌推出所以過嚟試吓我係叫咗呢個碎蛋沙律牛角酥配薯角你幾年前經常來食呢個碎蛋牛角酥，新餐牌從出江湖，喺個包度加上左新鮮嘅沙律菜令到整個包嘅口感提升更加有口感鬆軟因為碎蛋會出水 用咗個沙律去到夾住左個包，令到個包冇咁易林更加鬆軟好食之後我再嗌左佢哋呢個新嘅甜品，日式麻薯總共有六條有雲呢拿或者青蘋果醬，呢個口感好好用來做飯後甜品一流我選嘅係雲呢拿醬 清甜好夾 值得一試

初初經過以為係酒吧黎，之後先知係西餐廳。上網見到佢仲有個別稱，叫「窮人恩物」😂試吓先！［經典卡邦尼意粉］$43正常味道，唔會太水太淋，夠creamy。但個份量真的好誇張😂所以佢有呢個稱號係無錯😂［蜜桃酸尾尾］$29乳酸系列飲品，超·濃·味。仲要有埋珍珠同乳酪味爆珠，口感好正！

今日係專登開個OpenRice嚟試吓寫食評因為見咗呢間餐廳實在太抵真係忍唔住要開個OpenRice去讚一讚。原本同朋友諗住去南昌街飲番杯咖啡下下晝經過呢度見到一間輕便裝Cafe而且價錢好平就入咗嚟呢度食個意粉30幾蚊去到七十幾都有二70幾蚊就可以食到三文魚扒仲有意粉真係超級抵，再加上飲品都好特別仲有我最鍾意嘅寒天特飲好啱使我哋想減肥嘅女士我哋今日試咗 呢個白汁忌廉菠菜汁青口意粉，真係好抵食先$55熄咗呢個質素所以係大讚我仲叫咗一杯草莓酸微微，又有口感而且又開胃真係十分之正$30有找而且係大杯裝700 mL真係值得再返嚟試

以前一路都係住喺港島區因為工作關係所以又跳返過嚟九龍區住喺太子附近所以又可以再返嚟光顧邁爵斯Majesty ，以前是剛剛開業的時候港股一直都未有機會返九龍住所以現在終於可以返嚟仍然見到他屹立不倒真的覺得佩服而且更想支持一下今次同朋友一齊過嚟試咗幾款食物，試咗碎蛋沙律牛角酥配薯角呢個係經典之作以前我都有食過個碎蛋真係好香蛋味配咗好好嘅沙律醬之後就試咗一個 白汁忌廉雞肉長通粉，呢啲白汁就好似卡邦尼嘅質地一樣出邊都起碼都要$88 ，喺呢度買只要$45實在太抵了咁多年都唔加價簡直係我哋嘅之星5/5👍🏻👍🏻👍🏻

店舖位置偏離地鐵站 需要D時間搵下⏲️餐廳意粉選擇多 份量係巨無霸 價錢平 絕對係糧尾恩物香蒜白酒蜆肉意粉$36 味道OK 主要係來自蒜味 意粉量驚人  配料亦唔少  兩三個女仔食都夠食辣醬雞肉墨西哥捲餅$29表面既辣醬似Tabasco 裡面有沙律醬 生菜 洋蔥 同 連皮雞肉味道普通 好大卷 一個人食都夠醫飽肚 +$20轉跟餐配薯角/沙律菜（選一） 及熱紅茶薯角我地就揀左薯角 好好食 外層應該搽左蜜糖 香甜又酥脆  必食送既熱紅茶就普通茶包熱情果梳打$26唔係太特別 可以唔點

M.Y Majesty 邁爵斯（Prince Edward）想食大大碟又抵食嘅意粉西餐🍝 哩間你一定有聽過💭💭 依家佢係中環都有分店添喇～ 事隔咁耐 小編都要去回味下先😗⌖ 芝士肉醬意粉 🧀🥫🍝💰$38賣相OK 但竟然係超失望嘅一款😢😢 肉醬同意粉完全分離 意粉無咩味 雖然呢度嘅肉醬係用牛肉🐂 不過亦係比較淡🤥 同埋可能成本上升 整體份量都比以前明顯少咗😬😬⌖ 忌廉蘑菇雞肉長通粉 🍄🐔💰$45長通粉夠掛汁 忌廉白汁濃郁😋😋 可惜雞肉大細唔太均勻 而且偏老😥⌖ 雙重芝士牛角酥 🧀🥐🥗💰$26原本想嗌吞拿魚點知當日舖頭就冇 芝士配牛角酥都係正常發揮😌 牛角酥唔夠脆 不過牛油味幾突出🤔🤔 隔離仲有啲加咗麻醬嘅沙律菜🥗 ⌖ 香烤鴨胸墨西哥捲餅 🦆🌯️💰$28捲餅食落都係中規中矩 可能烘嘅時間唔夠耐 所以表層唔夠脆🥴 入面有撈左沙律醬嘅椰菜同埋一大塊鴨胸 不過鴨胸係淡口版 唔夠惹味😢😢 反而作為配菜嘅薯角就有驚喜🤩 熱辣辣夠脆口🔥🔥 ⌖ 蜜桃乳酪🍑💰$26乳酪偏稀 底部似罐頭蜜桃加糖漿 夾埋一齊飲味道還好🤨 不過餐廳俾咗細飲筒 就唔係好食到蜜桃果肉😅😅⌖ 玫瑰荔枝梳打特飲💰$26酸酸地嘅梳打 用嚟

邁爵斯呢間鋪頭聽就聽得多試就真係未試過聽啲朋友講話飽過自助餐我真係當堂嚇一跳 然後就得啖笑有冇咁堅呀？今日就一定係去挑戰架啦一去到門口已經好多人排緊隊 唔意外既我見到門口有塊板寫咗少少野食既價錢都係30幾40 唔通真係咁抵等咗差唔多半個鐘終於入到去啦睇咗一陣餐牌 就決定要個香辣海鮮意粉其實一直都見到其他人叫既意粉都好大碟但當自己果碟出現喺自己面前真係有啲震撼 我冇辦法相信 咁大隻碟佢又真係裝到滿哂疊到咁高一路食一路諗起嘉頓雜餅 五餅二魚原來係真係食唔哂仲好似愈食愈多 本來仲想叫小食好彩冇叫 最後食飽再打包既時候竟然係可以裝到一個外賣盒原來五餅二魚個故事係真架！！下次仲想食既話 懷疑真係要餓幾日先再黎 唔好做大哂鬼