道

单纯凭个人观察，得出香港青年人好喜欢日本拉面的结论！而我可能不再年青，所以比较爱吃港式鱼蛋粉和牛腩面！自2023年情况有点改变，假如老公说要去吃拉面，我不再喵嘴，更会愿意陪他一起在拉面店门外排队，因为我也喜欢上「道」。凭什么喜欢？首先是「道」的汤底，完全没有过咸、重口味和太腻滞等以往拉面带给我的感受。「道」的汤底很有层次，主打的鸡和酱油，平衡且来得清晰细致，喝一口你会感觉到汤头的深度！纵使是单纯的鸡白汤，在迷惑的鸡香下，浓度和稠密度也不会产生腻感！另一方面，常说日本拉面不太健康，但我体会到「道」是香港鲜有注重选料，结合本地优质食材和使用纯正水的拉面店。例如选用本地的农舍鸡、本地面粉掺合日本面粉，出品有著新鲜健康和本土的风味！「道」营业时间为中午十二时，2023年那些年，我们会趁著星期六客人相对较少，十一时半抵达排队，经过登记和取票，肯定能成为第一轮12位入座的客人。可是最近一年多不行了，试过两次的失败，如今非要提前一小时抵达！鸡白汤拉面 HK$98、塩鸡清汤拉面 HK$98、酱油鸡清汤拉面 HK$98和浓酱油鸡清汤拉面 HK$118 是「道」主要四款主打。我们常选的是酱油鸡清汤拉面和鸡白汤拉面，可以感受到汤与酱油的细致度；与及熬制8小时、除了少许盐，并无添加的纯美浓香鸡汤。然而浓酱油鸡清汤拉面算是当中较重的口味，除熬制18小时鸡汤，更混合5款以上酱油之多！味玉淡淡然的味道来得刚好，与四款汤底极为匹配。叉烧不是焦香版，而是九州华味鸟鸡肉的结实口感！龙虾沙律和唐扬炸鸡是「道」两款小吃，个人喜欢多汁的炸鸡多一点！刚星期六的一趟，发现「道」除了印制新餐牌，原来也有一些新转变，遇上期间限定的山椒塩鸡汤拉面 HK$138 是其一。每款拉面亦可加 HK$60 升级至特盛 ，即额外猪肩肉、鸡胸肉和山椒鸭胸各两片。每款肉也不错，就连鸡胸也十分嫩滑。而面条亦可选择多加水面和低加水面，前者较软，后者较扎实。屯门拉面有「道」！不管广东面食或日本拉面，挑好的来吃就是错不了。…查看更多

🍜鸡白汤拉面进化版实测：▪汤底大升级！比以前清爽但鲜味不减▪保留招牌泡沫层次感 饮晒成碗都唔腻▪九州华味鸟鸡肉依然结实有咬口🐓▪新加「水面/低加水面」选择（软身vs扎实）💡师傅推荐食法：食到中段加柚子碎！立即提升清新感完美平衡汤底浓郁度 细节感满分✅其他口味试过一轮最终回头率100%都系返唔到转头食鸡白汤（个汤真系饮到一滴不漏）…查看更多

今日本身想去食米线，米线冇开，就谂住喺附近兜吓睇吓有冇其他嘢食。跟住见到呢间有啲人排队 我就试吓啦。我哋叫咗佢嘅盐鸡清汤拉面，（之前去日本试过佢嘅函馆盐味拉面，人哋个函馆盐味拉面其实都油，但系佢𠮶个系好热嘅油，没油腻感。）喺屯门呢一间嘅盐鸡清汤拉面系得个油字，热佢唔系好热，但系你觉得𠮶个汤底讲到叫盐味应该系清嘅，但系佢又好大层油喺上面。味道真心好普通啦，其实个面只可以话系冇咩特别，但系叫佢个特盛仲要系$158。佢比𠮶啲鸡胸仲有少少似人哋减肥食𠮶啲即食鸡胸… 总括嚟讲我唔可以话佢系难食，但系唔会再去。:(…查看更多

想试呢间超人气鸡白汤好耐🥺决心要去排队食！今次星期六中午去 估唔到都唔系排咗好奈😝 当日情况如下：13:00去到拎咗43号票 + 叫到20头13:35 见到派到53号 + 叫到30头13:45 中途不断叫票但冇人 结果入得！⚠️留意排队规则：1）企喺门口等职员得闲就会出嚟俾飞 唔好入去打扰佢哋 2）拎票要齐人先拎得Btw 原来道系附近开咗间新嘅拉面分线 主打沾面同酱油拉面 唔想等嘅人都可以去试吓！——————————————————————鸡系用上本地繁殖饲养农舍鸡🐔自家制面条采用九龙面粉厂mix日本面粉仲有分多加水 低加水 去配合唔同汤头🙏🏻不得不称赞小店嘅用心✨🧂盐鸡清汤拉面 （$98）清澈金黄嘅鸡汤头非常悦目汤上浮著层闪亮嘅鸡油🌟但入口却鸡味欠奉 清淡 略有盐味🙏🏻未必适合追求汤头香气 复杂层次嘅人 不过佢嘅嫩鸡卷就好高质！👅外层包著鸡皮 肉间夹着鸡脂口感软嫩 带有烟熏香 好出色！👍🏻🐰耳仔飞起指数：6/10🐔鸡白汤拉面 （$98）每枱必点人气之选🔥 同样都有嫩鸡卷奶白色汤头虽则不黏杰厚身但一入口便感受到鸡白汤嘅醇厚浓重🤌🏻有种食紧忌廉蘑菇意粉嘅错觉⋯但佢嘅浓郁感系重得容易腻口😖连及后加嘅柠檬叶都冇乜帮助相比湾仔黑龙⋯黑龙鸡白汤入口初带鸡油的膻味🤌🏻及后甘醇鲜甜 层次分明 冇咁易济😖个人觉得黑龙仍位居第一😣🐰耳仔飞起指数：7/10🥩特盛 （+$60）建议嚟到一定要叫特盛试吓$60有成三款肉 各有2块 猪肩肉似轻盐版prama ham慢煮鸡胸做到日本高质拉面店嘅质素山椒鸭胸系最为惊为天人！！软腍滑嫩 有食日本牛舌嘅质地估唔到呢度嘅肉先系我最钟意⋯🍗唐扬炸鸡 （$28/2件）即叫即炸 炸得皮脆如薄片肉身亦的确大件厚嫩 但调味太咸 配埋鸡白汤更腻⋯🙏🏻🐰耳仔飞起指数：5/10——————————————————————…查看更多

喺日本我试过排队两粒钟食碗拉面，但香港嘅话我就唔愿意等多过半粒钟。不过凡事总有例外，早前为咗食传闻中嘅新界第一拉面，我破戒啦。𠮶日喺闲日黄昏，目的地系偏离屯门市中心，位置唔起眼嘅「道」。六点晚市开始，提前15分钟嚟到极有日本传统拉面秘店feel嘅门口攞飞。我应该排第13人左右，刚好排唔到第一轮客，结果要六点半先入到场，即系等咗45分钟。虽然呢间店嘅鸡白汤拉面好出名，但我点咗自己最爱嘅盐鸡清汤拉面（$98）。拉面卖相靓仔，个鸡汤底又鲜又清，饮得舒服，睇资料店家话个汤用本地鸡熬制18个钟，所以真系好有鸡味。面用咗偏幼身嘅面，同个汤好夹。配料就有鸡叉烧、味玉、紫菜同两种葱，简简单单反而突显咗汤底本身魅力。值得一提嘅呢度嘅鸡叉烧用咗九州华味鸟慢煮制作，相当嫩滑，有惊喜。小食要咗两件唐扬炸鸡（$28），超级好味，肉够滑又juicy。见open kitchen内有一人专门负责炸鸡，更用上好专业嘅厨用温度计，经常去观察鸡肉嘅温度，难怪做到外酥内嫩嘅效果。好耐冇喺香港食过可以拍得住日本嘅拉面啰，呢间铺冇令我失望。值得一提嘅店家坚持人齐先可以攞飞，所以唔好谂住揾人提前嚟排队。…查看更多