道頓堀御好燒專門店 (希慎廣場) (已結業)

行到去food court 樓層，見到有御好燒，就入去挑戰下自己。叫咗個豪華二人套餐，都包咗好多野食，沙律，御好燒，海鮮燒肉拼盤等，全部都要自己 DIY。- 道頓堀雜錦御好燒最期待既菜式，材料已經調好曬，可以跟製作教學去整。其實都係用計時器計時，夠鐘就反一反，最後就加啲醬油。出黎既賣相，味道都唔錯，又好玩。- 黑椒芝士雞肉炒飯依個要靠自己，冇教學，不過都係見熟就加野落去，撈一撈。鐡板炒飯，望落真係好勁。- 海鮮拼盤 (蝦，帶子，魷魚)份量比較少，煎完都好爽口。- 雜錦燒肉拼盤 (牛皮腱，雞肉，1cm厚切加拿大豬腩肉)全部肉已經調咗味，主要都係黑椒，而且係冇其他醬料，比較失望。其實，都係滿足 DIY 願望，有得玩，有得食，已經好開心。不過，員工比較少，有時唔肯定點做，就揾唔到人問或都幫手，同埋冇其他醬料提供。…查看更多

道頓堀御好燒專門店(希慎廣場）有得食有得玩，材料有帶子，蝦，魷魚，章魚，椰菜碎同埋生蛋。餐牌有教學，先撈好材料，令空氣入去，然後落油在鐵板，再放搞好嘅材料燒，等5分鐘後，再反另一面再等5分鐘，然後再反另一面，添加自己喜愛既醬汁就完成。我就咩都加左d, 有鰹魚碎同沙律醬。食物：道頓堀七品御好燒地址：銅鑼灣軒尼詩道500號希慎廣場12樓1202號舖價錢：$118#銅鑼灣美食 #hkfoodie #hkfood #food #美食推薦 #美食推介 #香港美食 #銅鑼灣灣 #hkig …查看更多

好耐之前已經想食呢間食大板燒放題，岩岩個星期五(20/10)大約7:30PM就同朋友黎左排隊取票，我地係005號票，而佢仲未叫過飛，仲係000。其實除左叫飛之外，其餘時間職員都唔會係門口(但等左半個鐘都係叫左兩張飛)，而係8:05PM左右職員就突然出黎將「2小時放題」的餐牌收起晒，咩都唔講就咁行番入去......我地要自己行去門口(表示想搵職員問問題先有人理你)😥😥，我地問係咪無得食個放題，佢答：9點就截單，而家都未有位，如果你唔怕食唔夠兩個鐘，其實都可以選擇叫放題。當時已經叫到003，我同朋友都見到開始有人離開，決定等多陣，時間短少少我地其實都唔介意。( 其實我覺得職員無啦啦收起D牌，咩都唔講...咁前面拎飛等緊D人, 其實係無人知發生咩事, 我見有兩班人都呆左, 最後有D就咁就走左)我地等到8:20PM終於可以入座，我地照選擇$348個「極上放題」，佢本身有個牌寫住星期一至五 「極上放題減$30元」，咁諗住係$318啦，入到去坐低，職員唔知係邊度餐牌拎住話星期五﹑六﹑日要額外加$20...當時我地其實等左差唔多成個鐘...我都餓到暈暈地...就算數照叫...但事後諗番...其實都有少少欺騙成份囉...PS. 2小時任食放題，但個舖頭細，座位唔多基本上返唔到台，大家預左6點果轉入唔到，就要有等到8點的心理準備。佢係寫紙落單，有一種食放題寫紙仔的傳統感覺。海鮮其中叫左「大蝦」，但黎到一望就只係好普通的蝦，同我之前在其他放題食的「大蝦」SIZE都差左一段距離，都叫左一大碟肉，但我想講佢所有份量都係亂來，我全部寫1 OR 2, 但佢所有野都係黎4-8...或者呢度係當你要「一碟」「兩碟」?好在勁食嘅我，大部份都同佢食晒...因為真係唔想浪費食物，但個所謂「極上放題」，牛肉都係非常普通，質素極之一般。黎多都唔緊要，仲要黎左一碟我地無叫的食物(蟹捧...紫薯...)。我地當然有叫大板燒啦，叫左三款試下，大板燒的確係幾好味，而朋友都整得好靚，最正宗就得個大板燒。最後每人包左一杯飲品...同埋一杯雪糕，9:40PM左右，職員企埋一邊討論緊野，我地等左成5分鐘，要自己行出去搵職員，問係咪仲有一杯雪糕，不過職員都好有禮貌問有咩幫到我地~總括而言，呢個放題，所有野都十分自助，減完你30蚊再加番你20蚊仲要收你加1服務費，我諗都無下次 (我估佢地都唔想D人再去食🤣🤣)。…查看更多

基本上由門口開始已經worse到傻 唔洗排隊 邊個大聲邊個有位 點都唔會夠大陸人爭 人少都好啲 人多嘅話就下一間更美好 入到去lum住用張電子coupon cap圖 問佢用唔用得 佢話唔係會員本人唔用得 (fyi會員個app要apple機先用得 去旺角尖沙咀都係cap圖就得）然後就係不斷俾人串 話唔係本人點會開唔到啊 其實唔用得唔緊要 我咪俾正價lo 我俾錢入黎食放題 唔係俾你串🙄然後就唔知係咪得罪佢 叫野食一係俾錯 一係俾漏 提左幾次都仲係咁 擺到明係到玩野 態度差到以後唔會再去…查看更多

今日同朋友收工路過呢間餐廳，因為疫情太耐冇去過日本，想體驗吓大阪燒就入咗去我哋叫左1. 海鮮五品特選2. 廣島燒佢一開始嗰啲菜已經切到好細，我哋將食物材料同埋醬料撈好，然後跟住佢提供好貼心嘅煮食指南，同埋Timer。照住做就可以整到好靚嘅大阪燒❤️雖然佢調味都因為嗰啲😂😂，但係每一款都好特別！我哋叫嘅呢2樣野，一款係飯底第一款係面底加蛋，各有各特色！如果再去多次嘅話，下次應該會叫下佢既甜品☺️份量好夠 兩個人食到好飽☺️☺️最開心係仲可以享受烹飪嘅樂趣！…查看更多

今日5月2 6日（約八時入座）同屋企人一行四人到e間野食飯受到十分之不禮貌的對待。:(我哋order咗298 個set 公眾假期仲要加錢仲要比服務費，不過見到佢可以自己燒御好燒幾得意，咁諗住去試吓，其實啲御好燒我自己又覺得整得幾唔錯嘅，不過額外叫嘅肉好似豬五花咁樣實在太油我哋將啲油煎咗出嚟滋潤左個爐面就將啲油渣掃左入個爐隔離個洞入面，咁燒野嘅期間我都有不停括走黐住喺個爐上邊燶咗野，之後突然間就被店內嘅一個男職員阿叔鬧我哋叫我哋啲嘢食唔晒，唔好掃入去個窿入邊，佢哋話咁樣太滿會清理唔到，我嗰下即刻成頭問號🙂？然後佢仲拎咗我哋煎野嘅鏟喺度不停擠壓同埋搞個爐旁邊個窿入邊啲廚餘（入邊係充滿着一啲焦油，同埋癡住咗喺個爐上面嘅燶咗嘅物體）然後佢再將嗰個搞完嘢嘅鏟放返喺我哋嘅爐上面。這個舉動令到我們食慾全失，完全不知道你們的職員有沒有衛生常識！…查看更多

呢間餐廳嘅特點就係可以又食又玩，最啱情侶考考默契，仲可以大展廚藝添🤣 今次黎到玩咗御好燒，廣島燒同pancake。廣島燒嘅難度最高，口感亦係最豐富，建議大家叫黎挑戰下😎 御好燒相對簡單易控制，我地叫咗有年糕配料嘅，不過食落就唔係太感覺到年糕。而pancake同樣都係較簡單，整出黎份量比想像中多👍…查看更多

今日同朋友系銅鑼灣行街經過見到一間有得挽又有得食既日式鐵板燒，發覺幾得意，我哋就決定入去試吓😜⭐️道頓堀御好燒,材料有雞🐔有豬🐷有海鮮🦐配料有埋椰菜同埋雞蛋,非常豐富,餐牌上有埋教學教您點整,好貼心🫶🏻⭐️明太子芝士燒飯團🍙飯團配上芝士去燒,食落去口感系脆卜卜架🤤⭐️雜錦炒麵,棉質粗身彈牙,配上芽菜同埋海鮮🦐自己DIY去炒,非常好味🤣⭐️牛肉,豚肉,雞翼,肉汁醃得非常入味,而肉嘅質地都非常之薄,好快就燒熟🤓…查看更多

Okonomiyaki is a Japanese savory pancake, and it was a unique and enjoyable experience . One of the things that makes Okonomiyaki so fun is that you can customize it with a variety of ingredients to suit your tastes.But the downside to Okonomiyaki is that the cooking process can create a strong smell that lingers on your clothes and skin. While this may not be a dealbreaker for everyone, it is worth noting if you are sensitive to strong smells.Overall, I would recommend Okonomiyaki as a fun and tasty dish to try if you are looking for something new and different. Just be prepared for the strong smell that comes along with it!…查看更多

最近去咗希慎廣場嘅道頓堀御好燒專門店🔥 一入座坐低諗住落單點知發現佢哋嘅落單系統唔太完善，冇啥介紹，仲冇實體menu，真係唔知食乜好，有少少失望。不過食物上得好快嘅🤣🤣肉同海鮮，都好鮮美。啲份量都幾夠，啲菜都唔會煮得太爛，仲保持住啲口感同香味。有啲燒物仲會加啲特別嘅醬汁，增加啲層次同口感。唯一有啲可惜嘅就係啲價錢有啲貴，不過都係值得一試，特別係燒物控🤩 不過小弟嘅手勢麻麻燒到啲菜成日儂左😂有點可惜另外餐廳嘅環境都幾好，氣氛舒適，啲位都幾寬敞🤌🏻 …查看更多

𝓐𝓵𝓵 𝔂𝓸𝓾 𝓬𝓪𝓷 𝓮𝓪𝓽 ! 𝓬𝓻𝓮𝓪𝓽 𝔂𝓸𝓾𝓻 𝓸𝔀𝓷 𝓸𝓴𝓸𝓷𝓸𝓶𝓲𝔂𝓪𝓴𝓲 （前菜 沙津 鐵版燒 雞肉 牛肉 豬肉）平時去日本最鍾意去鐵版燒，今次去呢度尋找日本嘅味道😋😋😋御好燒同文字燒 最大分別是 文字燒上面比較濕潤黏稠 但文字燒的底部有一層鍋巴，兩種層次交疊的口感十分美味…查看更多

去到門口約20：15，完全冇職員帶位，行入去想搵個職員都無，結果門口等多5-10分鐘，見唔對路就入去再睇下，淨係見到一個員工，咁只好自己搵位坐低。一坐低個職員就講5分鐘後20：30就last order，本身唔知佢咁早收，但一心想食就照坐低落單，但佢個落單系統乜介紹都冇，實體menu又冇，完全唔知食乜好。以前有menu都會介紹下咩係文字燒、御好燒，又有詳細材料資料，而家電話落單咩都無。好都算了，只好快快手求其揀左兩款食物落單先，跟住想再叫野飲(時間係20：29左右)，個系統已經唔比我下單話職員出左單。之後又左等右等搵到男仔職員嚟問，好似叫Francis。佢態度超惡劣，而且極度唔客氣，劈頭第一句就話佢20：30已經出左單，你飲品係之後入，但我好肯定我係落完食物之後已經即刻入飲品， 但個系統不停load唔畀我落單， 同返個職員反映，佢仲要隊張單埋黎證明自己啱哂我地錯曬咁，最後即刻決定唔食走人。整體黎講，未用餐前嘅體驗已經非常之差， 成間餐廳得一個職員，仲要態度超級惡劣，下次一定唔會再幫襯!…查看更多

拆禮物日去咗食鐵板燒放題，地點係希慎廣場既道頓堀御好燒專門店，放題套餐有3款，我地揀咗中價既嚴選放題，成人$288，公眾假期加$10，另加一，時間120分鐘，呢度用QR code落單，基本上落完單後食物好快就上比你。呢個價錢包9款御好燒，兩款文字燒，4款前菜，4款燒牛，3款燒豬肉，2款燒雞，3款燒海鮮，11款燒一品料理，7款飯麵，同4款沙律。海鮮5品御好燒揀咗呢款御好燒，材料有帶子，明太子，蝦，魷魚，章魚。份量非常迷你。配有椰菜碎同一隻迷你生蛋。餐牌有教點整，先撈好材料等空氣入到去，然後先鋪落塊落咗油既鐵板燒，等5分鐘後，再反另一面再等5分鐘，然後再反另一面加自己鍾意既醬汁就食得。我地加咗唔少黑色甜甜地既醬汁，再加紫菜碎，鰹魚碎同沙律醬，好好味，好似出街食個d。芝士4重奏文字燒文字燒我都係第一次聽，呢款個底主要係椰菜絲，餐牌教先將除咗麵糊以外材料炒好，然後整到成個大型冬甩形狀，再將麵糊倒入中間個洞，呢款無叫你加醬。其實係炒椰菜絲，可惜芝士味又唔夠，呢個非常麻麻地，主要係食菜。個人認爲係主角既燒肉類試過有:牛舌：好韌，無encore。牛板腱：肉質算嫩唔韌，而燒肉汁醃得幾好食，值得不斷encore。牛五花：醬汁味道更好，可惜太肥，唔係我杯茶。一口牛：明明加左黑椒調味，但係都無乜味道，肉質都較韌，麻麻。一口豚：都唔錯，比一口牛好，有豬味同較腍。豬五花：好薄切，而豬皮好有彈性，有質感，唔錯唔錯。豬頸肉：肥膏好多，不過食落果然又爽又脆，值得encore。海鮮有:清酒煮青口：青口都頗韌。墨魚仔：好脆口。鐵板泡菜魷魚：好大碟，魷魚質感異常鮮脆，可惜配有過鹹既泡菜，如果唔係可以encore。一品料理試左：燒玉子：我地燒到外面燶燶地，而入面就甜甜地，都幾好食。煎餃子：自己都可以煎到脆皮。入面有菜有肉，唔錯。日本小甘薯：燒黎食都幾好食wor，好滑又甜甜地。年糕燒到皮脆都幾好食。前菜有：柚子大根：係大根絲加左柚子去醃，味道甜甜地好清新，夠特別。枝豆：正常。泡菜：較鹹，麻麻地。和風冷豆腐：普通豆腐加豉油，非常清淡。沙律有4款。和風蕃茄沙律：番茄質素可以，雪得好凍，下底椰菜就太油。大根海藻沙律：呢個好清爽，大根絲同海藻都清淡同清爽，醬汁唔會太多，下底生菜都比椰菜清淡。豐盛鹽麴椰菜沙律：椰菜比較油膩。粟米沙律：生菜底加番茄粒同粟米粒加胡麻醬係較清爽既組合。包單球雪糕一客同一杯$25或以下飲品，基本上都係汽水同簡單飲品，我地揀咗乳酸水同乳酸梳打。我杯乳酸梳打都唔錯，好解膩，不過無飲管就差d。單球雪糕係Cocoberry冲繩海鹽味，都好過無。呢餐食得好飽，有菜有肉，肉類除咗牛板腱同豬頸肉較好之外，其他都麻麻。肉類拼盤面頭都灑上蔥花。鐵板煮野食夠快，唔洗等。好既地方係基本上叫幾多上幾多，唔會扣單。不過抽風頗差，成身油煙味。服務都可以，只係圍裙同紙巾都要叫先有，扣少少分。總括而言，肉類質素普通，呢個價錢都勉強可以啦。…查看更多

▪️道 頓 堀 特 選 御 好 燒 $118𝑴𝒐𝒅𝒆𝒓𝒏 𝒀𝒂𝒌𝒊.Haven't had okonomiyaki for long tim and it seems fun to make it yourself. This set included okonomiyaki, ramen and two eggs. However, they didn't mention how these are supposed to get together, and it's even difficult to find a staff to ask about that (literally could not find them)🫠. So I just did it my way lol. Also, the staff would just turn the heating pan on in low temp, but not the temp ready for cooking. Took me a while and realized the reason why my eggs are still raw after I put them on the pan for quite a long time. Overall, the okonomiyaki was ok (esp with all those sauces) and there is room for improvement of their service.…查看更多

呢間餐廳排隊嘅安排真係好差，明明已經叫號到我地前一個，排左三個字都未到我地。原來係佢地中間又插左三四個過號嘅人，比佢哋入先都唔同我地解釋。之後都唔會再去呢間餐廳！！…查看更多