過橋麵檔

营业中

休息中

話說今日同幾位同事出黎食午餐，有人建議去呢度食雞，以前過橋麵檔係主打車仔麵，以前個價錢好平20蚊就有個兩餸麵加枝可樂，不過已成歷史。大裝修後都有車仔麵，但唔再係主打，變左小菜館主打係雞，之前都有試過佢d小菜都唔錯，午市同晚市價錢會有少少分別。霸王雞飯，由於只係黎食午餐所以個人叫左霸王雞菜飯，雞既份量都幾多，面頭鋪左好多蒜薑蔥，雞味都幾足不過唔算好滑。豉油雞，醬料味會比較重d，份量都係幾足。鹹雞菜飯，有同事揀左招牌菜鹹雞菜飯，特別之處係用新鮮走地雞，價錢略貴份量都睇落較少，同事食落話唔算好出色，唔太抵食。都有同事選擇左車仔麵，但而家睇黎真係唔想做車仔麵咁，好多餸都無得揀，連麵底都唔多選擇，睇黎過橋麵檔都唔想賣麵。幾個餐都跟一杯凍西柚茶，唔洗加錢，幾有特色，茶底係用返檸檬茶果隻紅茶，只係檸檬換左西柚，飲落都幾好飲。雖然過轉左營後質素都唔差，但無左以前係度食車仔麵果種情懷，有點可惜。

見好耐冇食過橋麵檔，咪諗住去食吓！我以前食過佢個車仔麵都okay，就諗住叫黎食下！點知見到佢遞上已經好失望，食完之後仲失望！今次俾劣評嘅原因有好多：第一，啲餸得好少選擇！第二，每個餸收10蚊，冬菇得4粒，係勁細粒嘅冬菇，仲要冇味，醉蛋同醉腎味道算叫好啲，但分量就係少得可憐！第三，個湯淡到呢，似鹽加水！第四，碗湯仲有隻嘢！第五，啲嘢分開晒，雖然話疫情關係用外賣盒，但係視覺上真係好冇食慾！呢碗野加嘢飲要$50，真係嬲咗！不過佢嘅霸王雞嘅味道雖然冇咩點變，但係份量都少咗勁多！食完，都唔知自己食咗啲咩！

幾年前食過一次 記得當時的味道和份量驚人連菜飯也做得好入味相隔多年經過再試雖然份量比以往的縮水了不過蔥香雞味仍有保留著 依舊的嫩滑 平日不食蔥花 也少有地掃光光雞面的蔥蒜配料不管是巴辣雞的紅油香椒辣味 還是霸王雞的炸蒜香蔥雞香豉油它們的醬汁也是拌飯靈魂⸜❤︎⸝ 𓇠𖤥 過橋麵檔༶ 霸王雞+菜飯༶ 巴辣雞+菜飯𓇠

疫情下 都係避唔到要中招🤦🏻‍♀️日日屋企煮到攰 又無啖好食所以一出關就真係放監咁😂 要外食下 不過風險仲係幾高 都係揀外賣了外賣半隻霸王雞$113 除咗一大盒雞 佢另外分別裝起一杯鼓油 同一盒蔥蒜油❤️我覺得幾貼心 返屋企隔2個鐘 先食都無問題！一打開盒雞先見到有勁多芽菜鋪底😍😍 好驚喜 嘿嘿！味道有少少辣 豉油係唔會好死咸 雞就當然好滑啦 份量都可以叫做3人份🤤🤤不過我地兩公婆都係一晚清哂😂 好味又好飽😋會回頭🙋🏻‍♀️

卡卡其實都算幾幸運～OT加班通常都係半小時內就收工唯獨今日比較夜😝本來諗住咁夜收工唔食飯...但應承左喺屋企湊仔嘅卡佬買宵夜佢食但點知佢點名間食店要等40分鐘先有外賣得拎...唯有自己都食返個夜飯🤪(晚飯+宵夜)等佢個宵夜啦～#過橋麵檔 嘅#霸王雞飯 出名好食雞滑帶有少少咸味 ，雞胸肉也不會嚡薑葱及墊底的芽菜係重點美食豉油絕不是咸豉油！岩哂少鹽少油嘅我！淡淡的豉油味，更能帶出雞味！配埋個菜飯及有4塊鮮檸檬🍋嘅檸檬茶收63蚊絕對係良心價～繼續會支持食店～❤

三人一齊食中午，係樓上坐，每人$58。點左水煮牛肉、霸王雞、巴辣雞配菜飯同米線。個份量都幾多，大份既。每個餸望落都色香味俱全。首先係兩碟雞先上，一碟約有十舊雞，雞肉都嫩滑。霸王雞有好多蔥絲，乾蒜，個汁係清清地既。食落好順口美味。巴辣雞，對我呢個食開十小辣既人來講，係刺激少少，食左一小塊，覺得都唔錯、幾香，比霸王雞較鹹同濃味。兩碟雞底下都鋪滿芽菜。個水煮牛肉係最遲送上，一睇，成個鍋咁大擺上枱。牛肉嫩，湯料好麻，入邊有秀珍菇，好滑，正啊！香料好多辣椒，花椒個類。味道還可以。碗米線有蔥花，清清地，OK既。總結係，雞比較好食。霸王雞巴辣雞水煮牛肉三人午餐，滿足。

2020/08/11 晚餐趁着app有七折優惠，試吓一路我都想食，但覺得貴冇試過嘅菜式，就係鹹雞菜飯、鮮果咕嚕肉、杞子黃金南瓜蝦球、OREO碎紅豆冰鹹雞菜飯：唔明點解特別貴，鹹香味只係好普通，我覺得霸王雞好食好多。鮮果咕嚕肉：鮮果只有菠蘿一種，大約有三舊，有渣嘅，咕嚕肉並不是用五花腩，用肉排，冇用炸粉咋，所以並沒有做到外脆內軟，就咁將豬肉炸熟，跟住用甜酸汁再煮咗一陣，並不是我想的，炸到香口再用甜酸汁兜一下再上碟果一款。杞子黃金茄子蝦球：明明餐牌寫住杞子黃金茄子蝦球，但係返到屋企一食原來茄子變咗做南瓜，變成杞子黃金南瓜蝦球，蝦球有六大粒，尚算合格，因為轉左南瓜，快左飽肚，好漏。OREO碎紅豆冰：面頭有少少Oreo碎，有好多cream，白色嘅水我唔知道係乜嘢，唔出鮮奶味，又飲唔出椰汁味，我又唔覺得佢係淡奶，紅豆大大粒有咬口，成杯野沒有一種味道突出，如果唔係自己叫紅豆冰，其實我真係飲唔出呢杯係乜嘢。

Our day in Yuen Long was coming to an end and we decided to finish it off with a dinner before heading home. We cme across a place called 過橋麵檔 (English name: Kau Kiu Noodles). But it didn't serve noodles but various chicken dishes.The place isn't very big but you can opt to sit outside. Menu is in English and Chinese.I had the steamed chicken, ginger and spring onion with a vegetarian rice ($57 for a small size). For a small size, it was pretty big! The rice was shaped like a pyramid and wow ..

過橋麵檔在元朗有兩間，這間是第二間分店，在大坑渠附近，好近大馬路！位置方便容易搵，座位不算多！今天我叫的是一個霸王雞菜飯，份量是非常多的，雞多飯多蔥多蒜多，乜都多😂😂而且雞又好滑，配上豉油汁送飯一流！其實仲有豉油雞，鹹雞，巴辣雞可供選擇.......下次會再試其他！

幫襯左新店2次第一餐食no.115 霸王雞+菜飯 $64今次比左下庄位置，連雞胸位置都好嫩滑，同總店相比，鋪在雞上的蔥蒜唔夠辣，菜飯味道怪怪地，有少少生水味。見到隔離枱叫咖喱牛腩飯，好似好正咁，隔日來食第二餐外賣咖喱牛筋腩飯$58佢另外有比一盒椰汁，食嗰陣自己再淋上去咖喱好味道，咖喱底有些零零碎碎嘅蔬菜，薯仔有2小件，牛腩有3小件，其餘都是牛筋約有10小件，略嫌牛腩過少，如果喜歡牛筋的人，今次就正啦！如果可以平均分配，一半腩一半筋就完美了，但係靠員工隨手畢上去，真係要睇命水

睇youtube見到有人介紹呢間平民餐廳，住係大西北既我就一定會去試下既😌2個女仔飽飽地食唔到2個飯餐，所以就嗌左一個霸王雞菜飯加一碟滷水三拼。一上台，我都比菜飯既蔥量嚇襯，簡直係多蔥多蒜下飯一流，但由於我中意食啲熱辣辣既野，就略嫌唔夠熱食得唔夠舒服😂 不過佢既滷味好入味，豬頸肉亦到做到好淋身，配埋雞腎既爽口簡直一流🤤

聽聞呢間小店係雞飯比較出名，但係我比較鐘情佢既車仔餸，得閒無事做又唔知食咩好個陣就會過黎食車仔餸～朋友叫既霸王雞飯，雞份量都幾多，而且都算滑既，不過我個人比較重口味啲，鐘意食啲再濃味啲既醬汁。菜飯都ok既，正常發揮！因為淨餸要三餸起計，今次就揀左豬潤，豬紅同埋牛腩。牛腩真係啖啖肉，調味又唔會太濃，係好食既。豬潤比左好多塊，而且都爽口同新鮮。豬紅就次次都係我既必點之選！我本身就好鐘意食豬紅，呢間既豬紅新鮮，口感又好，味道都好，係正既我地去食個排可以加錢換葡萄柚茶，雖然無叫到少甜，但佢本身甜度唔高，茶味濃，果味都ok，好評！睇menu見佢都仲有唔少其他小菜食，不過我次次都掛住食車仔餸，都無乜機會試。

過橋麵檔位置元朗有一間開業超過十五年，我通常中午一定會到店選擇車仔面麵，因為每款餸菜實在太大碟，今晚有兩位朋友陪我食飯一定要食該店最吸引既雞🤓🤓我哋點了霸王雞半隻（雞香肉汁鮮味）、太極磨菇鴛鴦炒飯（用料十足）、韮王雞絲炒麵（炒麵到不得了）、香脆魷魚酥，我哋三位大食王都食唔晒要打包🤣🤣

每次有人問我介紹元朗美食, 我就一定會講呢一間, 過橋麵檔, 但食的不是麵, 而是雞飯。舊店食得多了, 即管試試新店吧, 新店較近輕鐵站及大馬路, 地點位置上較為方便, 只在元朗出名的"大坑渠"旁邊吧。其實到過過橋麵檔已不下10次有多, 但每次也是叫這一個霸皇雞菜飯套餐, 連凍飲, 盛惠71大元。說平嗎, 不是太平吧, 不過, 真的很愛炸蒜, 浸了是油的牙菜, 雞方面亦不錯, 很大碟的, 對於女士來說, 夠突呀。不過個人感覺, 新店不及舊店的美味吧。另外地方方面, 有2層的, 樓上位亦很多, 冷氣亦夠, 比起舊店寬敞吧。

7.27星期六，享受這個假日就要到元朗購物、觀光，希望善用這個難得的假期。可能太多人想探索元朗區，所以多間食店爆滿，亦有部份食店怕生意太好、難以招架，所以索性關門停業。去到呢個馳名鋪頭，入去前都有一刻懷疑，因為openrice咁多好評，竟然咁少客。不過肚餓限制了思想，我已經急不及待入內落單。雲吞雞扒米粉：- 雲吞好袖珍版，食落無咩感覺，只可以講雲吞層皮索晒辣椒油- 雞扒用黑椒腌制，肉身夠厚，所以咬落幾有口感，配合埋椒油真係一絕- 米粉幼而彈，估計唔係用平價貨，無出現一夾就斷既情況車仔麵菜單看似好多選擇，但實際已經諗唔到第三個餸想食咩。