遇見小麵 (淘大商場3期)

2025年8月17號夜晚返完工同同事過嚟附近食，本身諗住食隔離打邊爐但禮拜六日冇定食，行多兩步見到呢間啱budget又有冒菜食，於是乎就坐落咗嗌嘢食，叫咗個蕃茄安格斯冒菜，啲肉都唔差，夠味，又多配菜，80幾蚊埋單絕對係極具性價比。員工服務周到，由於採用同內地一樣嘅數QR code順便落埋單嘅系統我同啲同事都唔係太識用，店員好有耐性教我哋點樣先至可以做到白飯任裝，最後叫咗個冰粉做甜品，味道都幾好，九龍灣呢度嚟講絕對可以再encore！…查看更多

之前喺大陸成日見到呢間餐廳，都未試過，而家見到香港周圍都開咗就試吓啦。叫咗呢個窩，肉就唔係好多，但係就有好多配料，豆皮，紅薯粉呢啲。味道唔錯嘅，不過食完好口渴，同埋味道都偏辣，冇得唔飲嘢應該短期內都唔想再去食…查看更多

上次行街經過尼頭去左尼間试下，叫左個炸雞扒同擂椒鹵肉面，來到塊雞扒一D都唔似雞扒，好細件，食落係好脆，但肉好霉，一D都唔好食，垃圾!甘碗面味道都还可以但果D擂椒又淋又黄又淡味，好似D隔夜預制菜甘，好難食!下单又好麻煩一定要电子支付，除非你叫樓面下单，所以下次唔会再食了!…查看更多

真係失望😞，完全食完係唔會有下次感覺諗住呢類應該叫重口味點差都會夠味點知叫外賣上黎食係完全有失預算（住附近），所以食物係重好熱叫左一個撈麵，雲吞，牛肉串，羊肉串，一份菜，豆腐串先講撈麵+雲吞係夠溫度熱嘅，但係好似食緊一pac 漿糊甘，真係好差勁牛肉串和羊肉串算正常入得口，叫做似大陸味道overall口中嘅野係得串豆腐稍微叫做ok 以後都唔會再想食呢類大陸餐廳，係大陸食過類似餐廳人地雖然重口味但都叫好食呀，呢間簡直唔掂，唔知堂食係唔係甘…查看更多

早排見佢新開，本身入嚟諗住試吓佢嘅麵點知比餐牌上嘅牛肉冒菜吸引咗😂冒菜鍋湯底可以自己揀辣定唔辣我就揀咗唔辣嘅蕃茄湯底🍅蕃茄牛肉冒菜湯底酸甜開胃，蕃茄味濃郁，牛肉片嫩滑唔韌，仲有啲薯粉、金茹同豆皮索晒湯汁仲有配埋白飯，超級飽！如果飲品可以有得揀走甜走好，蕃茄鍋好適合配無糖嘅茶…查看更多

星期日夜晚同家人試下哩間餐廳，我們一行4人， 首先入到去， 冇人理， 如果唔係之前有其中一位食過，都唔知係自行搵位， 跟住見到好多一人或兩人用餐既人霸住曬d 4人枱， 2人枱就吉左2,3張出黎.. d員工好似咩都睇唔到咁， 又唔識安排一下， 調動一下，就咁我地企係度等左陣。。好啦， 入左座， 自行手機落餐，連結算都係手機支付。 其實對後生黎講問題不大， 但對年長一點既客人來說 = 唔洗食哩間餐廳..野食都算唔錯， 手機落單時有標明 辣/免辣。無論串燒， 飯， 麵， 整體我地都覺得哩個價係算唔錯。 仲有哩間餐廳個檸檬茶是甜度不可選，冰量只有有冰或走冰。 當檸檬茶黎到我就明點解甜度不可選， 因為飲落應該係雀x檸檬茶。只係哩間餐廳真係毫無服務可言。。員工既作用只係幫你拎野食由廚房出菜位拎到你張枱而已。。。如果係咁 xx壽司條高速線都可以幫到你，d 員工根本唔需要存在..真心建議哩間餐廳，放個牌係門口： 繁忙時間4人座供3-4人使用，多謝合作，面斥不雅。…查看更多

食咗一次真係唔會再食，無論食物同態度都好差。 以下內容係我嘅用餐體驗*（長文慎入）*。明明入邊就有位，同個職員講返，仲係咁話執咗臺先，咁唯有喺出邊等。等到開始有多啲人要排隊嗰陣，就開始叫我嚟撳飛。執張檯喺咪真係咁困難？更何況入邊有位都唔俾入？入到去淨係收電子支付，但坐入邊連訊號都冇，要Load好耐先落到單。而且環境衛生都幾差，地下嘅垃圾完全冇人清理。本來叫咗個酸菜牛肉麵套餐同埋一碟薯仔（鍋巴土豆），等一碗麵已經等咗15分鐘，味道一般，啲餸份量少但啲麵就好多，完全唔值56蚊。用咗廿分鐘食完碗麵之後，碟薯仔都仲未嚟，就叫職員幫手跟一跟單。啲職員淨喺係度傾閒計，完全唔理人，叫咗佢哋起碼5次，先同我講等一陣，然後去處理外賣單。處理完之後仲要隔一段時間走過嚟問：「係咪有人嗌我哋？」同其中一位職員講：「唔該，差碟薯仔可唔可以跟一跟。」之後嗰位職員見隔離檯（該座位已經有人用餐）有一碟冇人食過同埋放咗好耐嘅薯仔，就走去問隔離檯「有冇叫過碟薯仔」，隔離檯就話冇。於是佢就拎咗嗰碟薯仔返去廚房，然後我仲要見住佢即刻將同一碟嘢拎俾我。我將隻手放喺嗰碟嘢上面，完全Feel到係涷晒，我就叫佢換過碟。隔咗5分鐘後佢拎咗碟嘢俾我，我又將隻手放喺上面，都係完全Feel唔到碟薯仔係熱嘅，個職員見我咁做，仲同我講話碟嘢係熱。我之後咬咗啖，係完全唔熱，仲要淋晒，我將呢16蚊豪俾佢算。我決定放棄掙扎。啲職員完全唔理會顧客，衛生又差，食物質素又差，根本就唔係一間餐廳。以後一定絕對唔會再嚟食呢間！…查看更多

新開了「遇見小麵」，早餐總是很多太太及老人家食，lunch時間有好多寫字樓客人，這樣應該價錢唔會好貴。自助掃枱上邊的QR code下單，選擇食物，然後線上付款，非常方便。 如果老人家真的不懂，可以叫侍應幫手下單。價錢真的很便宜，選擇很多，除了麵食，還有飯，和串燒。軟骨丸子小鍋冒菜套餐 $54有埋一碗飯，及飲品，真係算抵食，而且非常之多，還是熱辣辣的，好像一個小火鍋。軟骨小丸子味道都唔錯，但可能個人比較不能吃辣，覺得太辣了。安格斯牛肉串（三串） $19普普通通，冇乜肉味，而且是冷的。脆皮半只雞麻辣小麵套餐 $56有半隻雞，炸得香脆嫩滑，麻辣小麵都係比較偏辣。陽光番茄牛肉麵套餐 $54蕃茄湯蕃茄味很淡，但是份量也很多。蔥酥骨湯抄手套餐 $49小雲吞是豬肉餡，沒有蝦，細細隻，幾好食。套餐飲品選擇有六款，凍檸檬茶，不能夠選擇甜度，只可以走冰。白玉酸梅湯也是不能夠選擇甜度，個人覺得有點太甜了。價錢真的是比較便宜，而且有串燒可以選擇，但個人覺得味道普普通通，間唔中食吓有時可以的。…查看更多

🤬😡態度極差！店員全部都冇禮貌！啲店員好似個個剛剛喺學校小息過嚟做part-time一樣，根本個個都冇訓練過及冇工作經驗！完全唔理客人嘅投訴及真正所需！食物遲遲都唔出，啲店員完全都唔理，個個客係咁催單，啲店員完全冇反應！要人受氣！這間嘢真係黐線！坦白，今次食咗一肚氣！所以已經對所有食物都已經係差評，完全食得唔開心，所以當時當下所我都覺得所有食品都唔好食，仲有一件要提大家嘅事，這店只有一種付款方式！就係一定要用WeChat pay 俾錢！unfriendly! 嘥氣！真係唔會再幫襯😡搞到咁，真係唔好怪香港人人去晒深圳食嘢！😡🥵😡🤬🥵😡🤬🤬…查看更多

12.45pm點了餐，1.05pm還沒有來（因為同枱的已來了午餐), 我問D阿姐有餐未？因為我之前由40號枱移去11號，我專登同佢講我個超級碗係11B而不是40B, 佢話ok.結果，1.15pm才有另一位阿姐走來，說漏咗單。我就話一係五分鐘內俾到我，一係refund, 最後1.20pm才有飯食。我點的是微辣，但係來的是重𪊴辣。算！因為我趕時間，嗱嗱臨食完了事。食材說不上新鮮、好食，因為一辣蓋三醜。食到一肚氣，依間又係”無下次”系列之一。真係不會再”遇見”了！…查看更多

專登等位想試下味，點知落完單等佐超過半個鐘都等唔到個麵，期間追佐4個服務員，完全冇結果、冇跟進，谷到一肚氣。望住個出餐位望到頸都長，個個顧住pack外賣，咁就唔好做堂食啦…查看更多

食串燒一定要嚟呢間 好有返大陸嘅風味 麻辣醬好香， 地方方便 舖頭夠大 又夠冷氣， 食物多樣化由基本串燒小食到打邊爐都有，方便就腳， 價錢大眾化一啲都唔貴， 座位舒適地方夠大 真係一個好去處…查看更多

平時間唔中返下大陸但係都未試過呢間 lunch行過見乜乜銷量第一第一新裝修幾乾淨就入黎試下入到嚟見到 個牌寫住‘’把一件小事做好‘’心諗咁有格調 睇下你咩料先落單嘅時候 就發覺冇八達通畀錢嘅個人覺得新增埋八達通會 方便啲睇餐牌都冇乜考慮就招牌嘅招牌‘’安格斯牛肉‘’加個葱油餅啲人嘅服務態度幾好嘅不過新舖開張有啲手忙腳亂等菜嘅時候左右兩張枱都有啲蝦碌野到我自己時候都漏咗碗飯都體諒既期待‘’把一件小事做好‘’菜係點D菜一上隱約聽到陣陣直升機既聲音首先係安格斯配菜係唔少嘅上面嘅牛肉就有‘’3.5‘’片咁多食咗咁多年安格斯上面嘅牛肉紋路就冇乜見過味道上嗰種酥味都畀平常食開嘅濃烈同埋誇張至於係啲咩安格斯 我就唔多作思考 畢竟我唔係專家其次係個蔥油餅係冇葱味最重要係佢上碟既狀態令我感受到‘’ 把一件小事做好‘’ 係點嘅樣可能係過嚟咗香港成本嘅問題佢對比起我返大陸嘗試嘅食肆排名係好墊底 而一路食直升機既聲音就越近越大最後個蔥油餅真係哽唔到落去就走而本來唔寫食評既 都難得為此開咗個account…查看更多

新開嘅過江龍遇見小麵終於嚟到淘大，今日就試咗佢個蔥油拌麵餐價錢都係$49連飲品，仲試咗麵筋同串牛仲有蔥油餅全部都熱辣辣，可惜羊肉好早就賣晒，下次要早啲嚟試，仲要試埋佢個早餐。呢到地方夠大，而且夠乾淨，啲光仲好充足，啲嘢食都上得好快，而且唔使點等位，試過深圳嘅店舖同香港食都冇分別，終於近近地都可以食到重慶嘅味道實在太方便啦。 天氣凍，下次燒埋佢個小窩隔籬枱啲小窩全部都熱辣辣食完應該好暖笠笠。淘大果然唔係美食沙漠…查看更多

誤打誤撞 遇到 遇見小面，裝修精緻，待應服務周到，掃碼點餐，面十分好味，雞熱辣辣又多汁，豬扒香噴噴，還有整齊乾淨的自助吧，有冷熱水無限供應，有兩款小吃任食，食辣配酸梅湯一讚！真幸運！…查看更多