逸派咖啡

真系超抵食‼️估唔到而家仲会有$35.1个饭有饭同埋其他面食可以拣 问过职员 都有四款选择仲要跟埋汤同嘢饮 汤仲有中西汤可以选择虽然只可以拣热饮 有中国茶、柠茶柠水但系呢个价钱嚟讲 真系算几好个份量都好足够 一般人嚟讲绝对够饱唔知几点开始供应 🤔我见有时朝早10:30已经开始有 有啲比较晏返工嘅人 真系可以当系brunch真系附近上班族、街坊嘅恩物 👍👍另外 佢嘅沙律都相当唔错 $30以下嘅价钱有鸡扒 沙律菜嘅份量都好足真系值得推介👍…查看更多

睇到电视介绍四星级酒店竟然有$35嘅外卖饭卖，特登过嚟试一试。可惜嚟到当日佢大部份嘅饭都卖晒，最尾唯有拣个鸡肉沙律，成为$30，但因为唔系午饭，所以冇得跟嘢饮同例汤。佢个沙律都系Standard嘅沙律，鸡就有四至五片。以$30嚟讲，已经非常好！…查看更多

好抵，酒店质素，茶餐厅价钱，星冰乐最贵$41，烧春鸡$50 , 1磅蛋糕$180，生果杯$20 ，泡芙大大个$18，喺呢个世代食嘢咁贵，佢仲可做到呢个价钱，真系有良心 …查看更多

行过维景酒店见到有个餐牌，外卖饭盒$35，仲包汤包茶，2023年喇㖞，有冇咁平呀？睇吓啲选择，都系啲大路嘢，黑椒鸡扒饭粟米猪扒意之类，都明解嘅，咁嘅价钱唔通俾鲍鱼你食咩。我叫咗个虾饼炒乌冬，即系平时泰国舖啲炸虾饼切条，用类似上海粗炒嘅做法，食落都几惹味。份量足秤，好坠手，同平时茶记碟头饭咁上下大细，够饱的了。餐汤有中汤西汤，我选西汤，橙红色比较杰身，好浓蕃茄味，几开胃好饮，但又唔似港式罗宋汤，唔知系咪蕃茄忌廉汤。餐饮问侍仔有咩拣，佢话热柠茶或热柠水，咁热柠茶啦。维景酒店虽然比较豆泥，但衰衰地都系一间正式酒店，所以啲餐具餐盒都会用好少少嘅，起码个胶袋都印住酒店个招牌，唔似一般茶记求求其其，啲胶叉热少少都鬈。喺而家呢个食老麦都成$40嘅时势，$35可以食到酒店饭，算系非常难得，绝对系两𩠌饭以外嘅一个好选择。…查看更多

今日我又太子行去深水埗我嘅路中途，见到有职员好诚恳地叫人入去试吓里面啲面包，所以我就入去拣一个买来试吓啦。呢间咖啡厅，位置喺酒店里面，不过我对佢哋期望都冇好高，始终唔系啲咩五星级酒店。入到去见到啲面包出奇地平，甚至比一般面包店更加平！好抵食！菠萝包鸡尾包只系$6 ，我谂好多地方都已经做唔到，甚至好大部份茶餐厅已经卖紧双位数！我就买咗一个肉桂卷， $20 ，超级超级大个！面包口感唔错，好实在，并唔系空气面包， $20咁大个真系超级抵食！不过留意番佢话系肉桂卷，正路应该要有玉桂味，睇外观同横切面的确见到有少少玉桂粉，不过食落去完全冇玉桂味，可能因为面包香味太香，如果当系一个普通面包，咁都算唔错！…查看更多