連豐燒味餐室

唔怪得成间铺得我一个人，啲饭就冷饭嚟嘅，嗌佢多饭多汁，啲汁多到好似汤饭咁全部都成底都系豉油，啲油鸡冇味嘅，啲烧鹅韧嘅，啲姜蓉全部都系葱嚟嘅都唔紧要，连葱味都冇嘅剩系得浸油味…查看更多

开咁耐帮衬咗咁耐，定期都会帮衬，因为系公司安排，所以冇得拣，瘦肉叉烧红皮白肉有嚼劲，食开香滑淋叉烧嘅朋友一定唔啱，烧肉肥瘦分明，一啖肥膏一啖瘦肉，无论叉烧同烧肉都系柴皮，鞋烚烚，而唔系𠮶种肥瘦纤维纵横交错，睇落瘦，食落淋，入口熔嘅感觉，不过相信喜欢有嚼劲，似嚼香口胶嘅朋友会好钟意食。…查看更多

落雨湿湿入来避下顺便吃个下午茶，点知阿姐唔俾下午茶menu。本来都以为无就算啦，点知吃到一半见到隔离台竟然有$35下午茶但系我地叫晒常餐，即时心情低落。佢有每日特价餐，$45烧鸡餐送热饮或例汤。例汤是青红白萝卜粟米汤，饮落够大碗汤料都足，呢个抵食。烧鹅俾饭要$120仲无嘢饮。但烧鹅濑就$55！不过烧鹅骨同肥膏多，无咩肉食，而且最唔掂是个汤粉唔系真正唧濑粉啰，呢个非常唔开心。佢地橱窗有外卖，油鸡俾$15一只就抵食好多。…查看更多

完全全全唔掂一次喺朝早嗌啲饭完全唔熟叫叉烧饭,比肥叉结果畀咗啲拍散嘅叉烧(几次都系)不特止仲要畀琴日用净嘅叉烧𠮶啲粉味经过几次加热之后特别苦涩,同埋有种特别嘅臭味同佢哋讲完全冇跟进佢仲要喺呢个位置,有阵时见啲油鸡髀放喺室温又唔冚住佢放喺马路旁边,我想然知食晒尘礼貌又非常之差,叫咩同你讲完全唔理,又话冇又斩少少,所以先咁平,尤其头巾𠮶个有一次嗌外卖连啲𩠌都唔见晒,啲饭又超冧烧肉个皮又唔脆又霖仲有超咸,质素维持唔到…查看更多

连丰烧味｜抵食选择铜锣湾食嘢乜都贵，午餐动辄60至70元，真系小数怕长计。间唔中使大咗，想食平少少，都有平靓正嘅选择。鹅颈桥附近，有间烧味档，单一或者双拼，都系$33。叉烧、油鸡、切鸡、烧肉或烧鸭，可以任拣。唔想食饭仲有濑粉拣，平平地算唔错。想要中汤或者饮品就要另加钱，另外15元有只豉油脾，𠮶日想lunch 食平啲，都有选择嘅。…查看更多