通達食店

营业中

休息中

細個果陣係附近學游水，學完家姐就會帶我黎食野。到大左都一直有幫襯，不過加價幅度高，而家腸粉＄８有４條,以前小食＄１有１件，而加＄５先得３件。叫左腸粉，魚蛋，３件小食（紅腸，豆腐同蕃薯餅）同豆漿。腸粉較粗身，一如以往既滑，且有米香，加混醬一齊食，好惹味。魚蛋咖喱味夠，可惜口感太死實，細細粒，唔夠彈牙。小食方面，最愛蕃薯餅，薄薄地，炸得幾脆，唔易同皮分離，點甜豉油食最好。紅腸邊位少燶，連魚肉一齊炸，但唔會搶走紅腸既味，唔錯。豆腐就炸得有點兒過火，太乾，皮位實，較為遜色。豆漿有豆味，不過衰在過甜同明顯溝左水。

以前成日食因為平~兩年前係3蚊串魚旦/燒賣1蚊1粒三寶而家10蚊先兩串魚旦5蚊先3粒三寶...仲點會再去食...又唔係真係好好食...而家堂食好烏糟....

早兩日比佢d咖喱香吸引左入去.長話短說,揀了三個餸:豬腸-有up味,又無咬口紅腸-又林又淡咖喱魚蛋-咖喱幾香,但魚蛋就...唉,又係無咬口+淡總之一次貨仔啦!!

呢檔魚旦食咗好多年，早輪行過又拮一串,嘩加到6蚊(20%) ,今日又拮一串啦, 比咗6蚊, 隔離有一男一女幫襯問魚旦幾錢, 個四眼拮魚旦姐姐答6蚊一串10蚊兩串, 望倒牆上貼了寫6元一串10元兩串, 當時我的魚旦剛剛拮好, 我就說要多一串, 嘩估唔到阿四眼魚旦妹會咁答: “而家買多串要6蚊, 一次過買兩串先10蚊”當時我都未拿起我的魚旦, 使唔使咁呀! 我好肯定剛剛加到6蚊時冇呢樣嘢的, 四眼仔老細我會繼續幫襯, 但請教吓四眼妹錢唔使賺到咁盡ga !!

入舖的街頭小吃，環境相對舒適，也沒有以前在葵涌廣場時的老店擠。環境好了，食物質素卻有下降之嫌。是人大了，還是店變了？不得而知了。但經過油麻地時，偶爾也會去吃顆魚蛋、來一碗魚肉翅的。

小時候經常來吃腸粉和魚肉燒賣，那時候只有一間鋪而已。其實常常路過，但都滿座所以總不想和人逼。可是今天突然好想來．．就算是星期六中午也決定要來！已有心理準備會爆座，果然沒錯，但都不需要等位．．太好了！車仔麵（食送）菜＄３﹣＄５都好合理，我最喜歡“填紙仔“型式的．．夠清楚麻！蘿蔔：淋度適中，沒有過甜的假（糖和味精）味道～魚肉：好煙"un"，細細粒，口感好過癮。豆卜：外脆內鬆軟，來吸汁一流！紅腸：有不錯的肉味，喜歡它夠淋。大腸：好乾淨啊！不會有一陣“酥“味。夠淋！生菜好新鮮，好甜！！沙爹汁不辣但就好野味～不得不提就是這裡的四眼哥哥和啊姐們都好nice嫁！今天好滿意自己的決定，以後一定經常回來！

(20/1/07)移民朋友說,每次返來都要到此食魚旦,都幾好食喎!少許\煙韌,辣度適中。不過我覺得,唔辣好味D,魚味出D。

彈完婚禮後, 會合頌揚大隊. 繁忙的星期天, 午餐都未有下文, 就一齊食個茶. 姊妹P帶隊到這裡, 搭地鐵成日經過, 食就係第一次.一行九人, 花了一番氣力才有位坐在一起, 環境不算太好.辣魚旦: 7分, 幾辣, 不俗的.腸粉: 7分, $12 有7條, 大堆頭, 熱辣辣, 其實腸粉無乜好評, 幾難整得難食.凍利賓立: 5分, 凍利賓立一定要甜度剛好, 太甜就好難飲. 而度就充得幾甜, 我充得好味過佢.坐得辛苦, 外賣好過, 下次再食茶, 我可不可說不可以來這裡.過海再食過.

(14/11)煎釀五寶、辣魚蛋，經過碧街時常常惠顧，熱辣可口，美味非常。是次經過完bc，想起了魚肉湯、粢飯，便入內堂食。甫坐下點了小吃後，等候其間，相對而座的那顧客，吃的是豬扒麵，眼看那豬扒是不錯，不知味道如何？不消一會生菜魚肉湯先上桌，賣相已減了分，因那魚肉的一邊是直的，似乎是剪、切過，惟魚肉吃下是爽口彈牙，湯底是有麻油味，生菜碎亦不少，不錯。即製粢飯，賣相亦減了分，因那表面是不完整，有缺口，若然包得完整是更佳優勝。油條是脆，榨菜、肉鬆味道可口，輕微的糖分拌入，但鹹味佔主道，糯米不會過黏性，亦不會過爽口，是可以一試的粢飯。當舉機為食品拍攝時，店員對於服務多加留意，惟恐有不週之處。有時我會趕快地為食物拍照，生怕店員看見，導致有偏差。

妹妹話呢間舖既出品唔錯。話時話，好耐冇品嚐過呢類街頭小吃，趁今日經過就買5蚊試試。要了最傳統的魚旦、茄子和青椒各一。整體來講算ok，起碼是熱騰騰的。青椒幾爽口，但只得好少肉釀在內，茄子亦然。材料不算太足。可能是太耐冇一邊行一邊食小吃，又有另一番滋味喎！

間唔中到附近開會也會來吃點小食, 最最鍾意係辣魚旦(腸晒辣,又彈牙)和腸粉(夠熱,夠滑,醬汁好味). 這裏勝在選擇多,經濟抵食.又,其實通達以前在葵芳葵通廣場都有分店,非常之旺場,那時最愛兩溝,足料又好味,後來好像是遭食環署檢控(無牌經營?)而關門了,令住在葵通的食友們失落了好些日子. 現在通達的兩溝沒有以前的水準,但其他小食還是很得手.

回應每日一食- 呢度出名既係車仔麵呀！由於公司係附近，我成日都會幫襯的，同佢地都好熟，有4眼哥哥同肥妹仔(4眼哥哥係咁叫你的)，仲有其他阿姐。唔行過呢度都唔覺呢舖既架在，但其實呢間舖成日都迫爆的(lunch time)，好多學生妹幫襯。至於你話既twins 介紹，我反而幫襯左咁耐都無留意到。煎讓三寶唔係佢地最拿手的(其實都可以，但問題係成日都係凍的，所以先覺得唔好味)。黎呢度一定要試佢地既車仔麵，真係唔錯的！推介：炸魚皮/牛腩(牛筋好好味- 你可以圈牛腩mark 牛筋，咁就會俾牛筋你架啦) / 雞翼尖/ 雲吞/ 魚肉/ 辣魚蛋/ 豬紅(我唔食的，但同事成日都叫，佢話好味)，呢度既油渣麵都好出名(不過我又係唔食)，其他送就一般啦。有清湯/ 牛腩汁/ 沙爹汁/ 咖喱汁，我覺得沙爹汁最好，咖喱就辣左少少。除左車仔麵，可以試下"痴"飯，糯米雞之類。lunch 有個set 係柴魚花生粥/ 皮蛋瘦肉粥+ 腸粉/ 炒麵/ 珍珠雞$15 (唔記得而家15 定16)，我好多時lunch 叫都無晒珍珠雞，但四眼哥哥好好人，佢俾左肥妹仔電話我，話如果我lunch 黎食，就打俾佢叫佢留俾我。可以試埋呢度既豆漿

以為係一間普通o既魚蛋小食檔,行近D睇原來有twins o係雜誌o既推介,o係D咁o既地方,認真神奇.試D五蚊四舊o既煎釀三寶,其實麻麻地,好一般,唔知twins推介D乜?