農米莊 (豉油街)

营业中

休息中

大約十一點鐘入到嚟農米莊，諗住11點後應該無早餐供應啦呱，但原來佢地早餐係11點後都仲有供應嘅。環境都係一如以往地逼。雖然都幾肚餓，但見到餐牌上面有黑松露炒蛋厚多士，好似幾吸引咁，所以今日就唔食米線住。跟餐檸蜜正常發揮重頭戲嚟啦，就係呢個黑松露炒蛋厚多士。不過多士偏硬，硬得嚟又唔脆口，咬好耐先咬得開咁。黑松露醬雖然比得唔少，但係係無黑松露香味嘅。下次嚟農米莊都係食返米線好過

懷舊藥膳雞湯米線😎椰子雞湯米線😁每碗$58，好多選擇揀😏滑雞幾好食，夠嫩夠滑👍米線份量都幾多😂湯底濃郁😋配料都幾多😚藥膳味道好特別👍椰子雞都唔錯😘不過藥膳始終係我首選👍農米莊 (旺角)旺角豉油街68號地舖

之前睇雜誌介紹米線專題 見呢間米線主打健康藥膳米線 覺得幾吸引 就尼試下黑蒜雞湯米線 $58個湯底好香好濃郁，仲有少少藥膳味道木耳冬菇豆卜好入味，仲有我最中意既金菇，索哂湯真係好滋味我差唔多成碗湯飲哂椰子雞湯米線 $58湯底非常清甜可口，椰子味好香同埋佢 d 雞件份量都算多 農米雞嫩滑又多肉 同個湯好夾配飯食應該都好正~爆芝黑松露燒大菇 $34呢個賣相真係好吸引 大啡菇上面除左滿滿既芝士仲有一大 pat 黑松露  比我想像中落得多 咬開超 juicy!勁愛黑松露既我絕對可以食哂成隻~

旺角真係好多好嘢食，因為我自己個人好鍾意食米線，所以都會試吓唔同地方嘅米線。咁啱經過近旺角東嘅地方，入咗去農米莊試吓佢好出名嘅養生米線，果然冇失望。我同朋友分別叫咗椰子雞米線🍜同蟲草花雞米線🍜兩碗味道都感覺到冇乜味精，可以連個湯都飲埋

有朋友推薦農米莊食米線，主打 「一碗可以連湯都飲晒嘅米線」，讓人不禁對呢度的米線特別有所期待，所以特定同埋媽媽嚟呢度試吓健康米線。店舖地方不大，客人都唔少，我哋兩個人就可以即時找到座位，牆上面都貼了各款米線和其他食物的名字和照片、同埋雜誌報道，方便比客人見到推薦菜式同埋招牌！迫不及待當然要叫返呢度嘅招牌試吓啦！總共叫咗兩款米線。⭐️椰子雞湯米線一啖飲起嚟，椰子湯底好搶味，好驚喜嘅味道。湯味清甜可口，椰子味道好香，估唔到同米線咁夾。另外一個重點係雞，呢度主打農米雞，食落口好有味同埋好光滑！雞件嘅數量都唔少，相配埋米線，兩者都好滑，整體而言呢碗米線係行清甜可口路線⭐️叻沙雞湯米線相比起椰子湯底嘅清甜，叻沙湯底較重口味，尷尬嘅位係重口味嘅沙嗲有少少搶咗雞湯嘅味。米線同配料都同上一碗差唔多，煮得啱啱好。呢度有唔少嘅湯底我都好有興趣，下次可以再挑戰其他嘅湯底。確是值得推薦， 尤其適合喜歡養生的朋友們。

附近睇完舞台劇就響度搵野食醫肚見到餐牌幾吸引 就入左來試下我叫左麻辣豬紅雞肉米線朋友就叫左花雕酒雞肉米線我都有試到佢果個個人覺得花雕酒湯底幾正香得來唔會苦但麻辣湯就真係麻麻好辣但唔夠咸米線都算幾滑整體來講算ok我地另外叫左5隻黑金雞翼其實即係黑蒜雞翼呢個真係有驚喜香口得來又唔會太濃味啖啖蒜香味叫左一杯凍阿華田 一杯凍好立克兩人埋單$158

去旺角搵舊同學食飯，佢食過話呢間好食！就推薦帶我嚟食，又話啲湯好正，可以飲埋咁話喎😯咁咪try try囉~自己食完就覺得普普通通啦🤷🏻‍♀️配料又唔係真係話好多好足！個湯的而且確覺得都幾鮮甜，但米線嘅口感又唔係特別好食啦😟呢個價錢講真又唔算係好抵，如果出邊其他食米線嘅鋪頭，呢個價錢已經嗌到好多餸啦😖所以都係食一次就算🙏🏻

夜晚係豉油街搵食要趁早結果2個人晚餐時段都好難搵位見到呢間米線咁旺場就入去試下叫左兩款經典, 都係推介既 龍蝦雞湯米線 ($98) & 椰子雞湯米線 ($58)可能小妹之前都食過幾次龍蝦湯底, 同椰子湯底呢間2種湯都唔算好出色, 配料都係一般以椰子湯底黎講 $58蚊都算性價比高鐘意奶香味既朋友仔可以一試, 但係椰味就唔算濃, 所以都有少少失望相反龍蝦雞湯龍蝦味唔會好濃郁靠隻龍蝦黎食先有味... $98 蚊性價比較低, 要食龍蝦湯底的話會去返 "村親戚"個間食另外呢兩碗既雞都好實好鞋口可能係個別事件, 但係今餐食完, 米線D雞真係一D都唔吸引原本想叫蝦餅, 但係已經售罄, 結果轉左叫 爆芝松露墨魚餅 ($38)墨魚餅上面舖上黑松露, 味道唔算好出, 應該本身用既松露問題不過芝士+墨魚餅呢個配搭都好夾各位女士們雖則米線唔算太邪惡但呢碟小食偏油, 要做返咁上下運動黎消耗返啦~

今日晏晝有啲時間，見之前朋友帶過我嚟食一次，之後一直都念念不忘，所以又返轉頭再食多次啦！一入到舖，員工好快就幫手落單，今次依然都係揀咗呢碗懷舊藥膳雞湯米線，因為感覺真係好養生、好足料，無落味精可以飲哂嘅湯底，而家出街食真係唔係咁易搵！嗌咗野食無幾耐碗米線就送到啦！唔洗點等。午市包埋野飲total埋單都只係$50。呢個價錢，食到呢個質素嘅米線，抵！

食到一肚氣既一餐😤經過見到啲米線好似好吸引就打算試下見到門外有幾個人等緊 就入去收銀度拎飛點知個濃妝收銀呀婆已經好唔禮貌甘即刻叫我出返去我以為唔使拎飛 但過左一分鐘佢又拎張飛出黎比我 我唔係好理解點解當時唔可以比飛我（無客比緊錢）仲要用啲甘差既態度Ok fine 我照等 等左十分鐘到有得入我同男朋友兩個人同另外兩個人搭張4人枱因為我地兩個都有背包 個位置坐得好唔舒適 連對腳都周不時撞到對面到落餐時就係戲肉啦.......我地坐係收銀隔離 諗住叫個收銀落單第一次叫佢已經好唔耐煩甘叫我地等下 好多人我地都明白可能唔夠人手過左一陣再叫佢 佢終於肯幫我地落但！！！我地叫到一半有人黎比錢 個收銀就即刻唔聽我地講野 顧住收錢 收完錢我地繼續嗌 嗌嗌下又有人比錢 佢又係即刻唔理我地 如是者我地落左3-4次單都比人打斷 重複左落單步驟幾次...你收錢緊要我明白 截停一次半次都可以理解 但3-4次都係甘我真係接受唔到 係咪一直有人比錢就可以一直唔落單？ 係咪唔可以叫比錢既人等等？去到呢度其實我已經好想走 但男朋友唔想煩就照食我地等緊餐既時候見到對面個女仔果碗野有隻蟲..... 食慾已經大大減低到我地啲野

佢地既藥膳雞米線無得輸，又平又好食，d雞好滑又多肉🤤🤤個湯底既藥膳味又好出，仲有佢地既黑金雞翼超好食！隻隻都好入味，每次黎都一定要叫！仲有梛子雞米線都好正！

有兩間分店 不過重點推介都系旺角呢間天氣開始轉涼 比起一般米線 🍜呢間真係唔同，個雞雞湯底清既唔算好油所以飲哂都唔會好脹胃，反而有種暖入心既感覺！叫左招牌菜：懷舊藥膳雞湯米線雞肉都好嫩滑，另加蟲草花，食個米線都好似好養生甘！正所謂食療食得好，瘦腰無難度，最緊要說係識飲識食！再另外推介可以額外加呢個年糕芝士魚蛋，又有咬口又QQ，真系好好食😋價錢都好實惠，自選兩餸都係30幾蚊（因為第一款餸係送架），都算米線界抵食之選！環境系好貼合香港蝸居作風👍🏻

我好鍾意食米線，試過好多間唔同嘅米線，發現好味嘅米線實在係可遇不可求。朋友介紹旺角有間隱世小店，佢既湯底健康又美味，直程可以連湯都飲埋。主角到了！椰子雞湯米線，果然冇介紹錯，湯底好清甜，飲得出佢係冇加味精嘅。不過d雞就略嫌鞋左少少，唔夠嫩滑！另外嗌咗碗黑蒜雞湯米線，聽聞黑蒜有抗氧化成分，好健康㗎！個湯底好濃郁，好香好好味，d木耳腐皮豆卜索哂d味，好入味!!整體黎講都好唔錯，有機會再嚟試埋佢其他湯底。

兩個人食，嗌左藥膳雞米線，熱柚子蜜熱檸水野食嚟嘅速度都幾快👌🏻👌🏻個湯好好飲，配埋米線簡直一流，啲配菜好足料不過份量可以再多少少，咁樣於perfect一定會再食😋

不難發現各大社交媒體常常推出米線地圖、十大米線排行榜等，但這間以 “飲得嘅雞湯米線“ 卻未曾榜上有名。來到掃街聞名的旺角，這次一反傳統，光顧新寶戲院旁的農米莊。椰子雞湯米線．HK$58濃濃的椰子雞味籠罩整個小店，真係名不虛傳唷。menu 的九款雞湯米線，當然要嘗嘗這養顏首選的椰子雞湯米線。內有椰子絲、冬菇、雲耳、枝竹、豆卜、菜同雞肉等材料，湯底好清同椰孑味好重，真係令人一飲再飲。大大豌米線配多款食材，食極都食唔完咁，豆卜同雞肉吸收了椰子雞湯，口感提升不少。沒有添加味精的湯底，即使不斷飲都不口喝，確實好味。食米線，大家又多個選擇喇！