農圃飯店

媽咪生日，我選了這間酒樓慶祝，因為無論服務及食物水準都非常高。四個人點左以下菜式：**糯米雞翼**  酒樓招牌菜，賣相一流，味道更是無可挑剔，強烈推薦。眼見每一台既客人都必點，就知名有幾好味！**鵝肝焗響螺**  我本身好鐘意食鵝肝和響螺，當這道菜上桌時，香味四溢，入口後果然沒有辜負我的期待。**杏汁豬肺湯**  在訂位時已經提前預訂這道經典的杏汁豬肺湯。自己在家製作會花費很多時間和精力，都係外面吃算了。湯裡的豬肺白雪雪，十分乾淨，若製作不當會有股腥味。這碗湯除了有很多豬肺之外，還包含了瘦肉、花膠和金華火腿。雖然收費560元，但物超所值！**南乳燒雞**  使用新鮮雞肉，烹調得皮脆肉嫩，實在好味！**籠仔荷葉蒸龍躉**  我個人非常喜歡吃龍躉，魚皮充滿膠原蛋白，因為用了陳皮，讓魚的鮮味更添陳皮的香氣。**是但**  這道招牌是但絕對不容錯過，蛋白香滑，料中更有帶子、鮮蝦和絲瓜，鹹蛋黃等，這道菜也強烈推薦。**流沙壽桃**  因為是生日的緣故，提前訂了四隻壽桃，熱辣辣的流心奶黃味道非常好。**杏仁茶**  杏仁茶是贈送的，香味濃郁，甜度恰到好處。**紫米露**  紫米露也是贈送的，內裡有很多材料，甜度同樣剛剛好。由於前菜的牛展非常好味，所以我要了一盒外賣。整晚的菜餚都非常美味，家人們都十分滿意，最重要的是大家吃得開心！…查看更多

昨晚和友人到銅鑼灣打算買雪糕月餅，行行吓去咗農圃酒家晚飯，已經有15年或以上沒有到訪，想當年的糯米雞翼、杏汁燉木瓜都非常出色，再次去到就必然叫雞翼做頭盤，由於只得兩個人，所以不能試太多餸菜，之後叫咗個孖寶（炒班球和花膠煲），吃完已經好飽，甜品也吃不下，整體來說，味道都沒有退步，但價錢略貴，前菜和茶介兩位加埋都要$110（未加一），抵唔抵食見人見致；歺館內只得12張枱，得一半客，所以招呼都好，但那些待應在我們坐低下就推介蒸魚、燉湯和鮑翅，不貴不介紹，頗沒趣！不過，下次可以試吓中午去、點心續粒叫、適合三五知己。…查看更多

🌟 香港歷史悠久的「農圃飯店」，已在香港屹立二十多年，遷至銅鑼灣新寧道，依然保持著高水準的粵菜料理。這家餐廳以「名人飯堂」聞名，更連續兩年被米芝蓮指南評為一星餐廳，吸引眾多食客前來品嚐。除了誠懇的服務外，「農圃飯店」的廚師們以精湛的廚藝著稱，堅持絕不添加味精，追求食材原味，讓食客能品嚐到純粹的美味。此外，他們不斷將傳統與創新結合，推陳出新，讓菜單更加豐富多樣。🦐「冰鎮鮑魚瀨尿蝦」（時價 $3,724）是本晚的第一道菜，盛裝四隻瀨尿蝦和八件南非鮑魚。瀨尿蝦肉鮮甜爽口，南非鮑魚肉質鮮嫩，整體口感令人滿意。🦑接著是「腿絲高湯紅燒鮑翅」（$480），每位可享用2.5兩魚翅。高湯熬製三至四小時，灑上金華火腿絲，帶有淡淡的鹹香味，令人回味無窮。🍗必試之選是「農圃古法釀雞翼」（$88/ 隻），糯米飯包裹炒得香口，口感豐富層次，絕對值得一試。🦀「黑胡椒焗大肉蟹」以澳洲肉蟹製成，肉質鮮甜，味道令人難忘。🐟「厚花膠扣鵝掌」（每位$480）口感豐富，厚花膠肉質飽滿，鵝掌入味鮮美。🐟「鹽煎活東星斑」（$2,240/ 2斤）煎得香脆嫩滑，保留魚肉本身的鮮甜，令人回味無窮。🥩「回味香辣牛坑腩」（中份 $716）香辣味濃郁，牛肉軟嫩可口。🥗「啫啫蝦乾唐生菜」（中份 $376）蝦膏蝦乾味濃，唐生菜鮮脆，帶有獨特的鑊氣。🍜「魚茸魚湯米線」（每位 $50）以新鮮魚骨熬湯，湯頭濃郁奶白，搭配手打鯪魚滑，清爽可口。🍨最後的甜品包括「蜜味脆麻花」和「椰香萬壽果」，口感香甜適中，完美結束美食之旅。🌶️特別推薦的勁辣皇醬 ($90) 和農圃自家製的XO醬 ($138)，絕無添加物，純天然原料，深受食客喜愛。…查看更多

治療過程不似預期，令心情忐忑，閨蜜反倒過來安慰一番。自從閨蜜抱恙，便不再在外吃雞，然而今天卻想破戒，便選了農圃因閨蜜對這中菜館的釀雞翼聞名已久。茗茶點了菊花，送上的是以剔透玻璃壼盛載的菊花水，菊花金黃燦爛，賞心悅目，同時奉上還有三小碟包括燘牛𦟌、小黃瓜和XO醬，當中的牛𦟌燘得肉質軟爛，醬香味濃，多吃也不厭。釀雞翼的頂與底皮薄如威化紙，非常鬆脆，糯米餡料充滿蝦米的香氣，鹹鮮有緻，難怪是招牌食品。點心紙標示豬潤燒賣是美食，豬潤既是主角因此對之充滿期望，現實卻是豬潤口感並不怎麼柔軟，水準合格有餘卻也浪費了本已很低的膽固醇額度。蝦餃味道清淡，「師傅」應該下得不重，算是亮點。蝦餅煎得香口彈牙不油膩，清爽的苦瓜粒豐富了蝦餅的口感及風味。同樣被標示為美食，小粉棵餡料簡單，味道清鮮，確是值得推介的美食。魚雲是一致好評的美食，同蒸的子薑及麵醬的香氣與味道完全滲透到魚雲中，激發食欲，令胃口大開。柚皮處理得恰好到處，不僅去除了苦澀味卻仍保留了柚皮的獨特口感，配以味道濃厚的蝦籽醬汁，滋味可口。流沙包如權頭大小，流沙包的包子鬆軟，奶黃餡料則細膩順滑，是嗜甜友人的獨享美食。…查看更多

#香港都有好野食 前菜是 #煎藕餅原塊爽口蓮藕片，夾着適中份量的豬肉，配着芡汁，作為醒胃開口，不容置疑。跟著是#石鍋老干媽黑豚肉條 石鍋熱辣辣，炒軟豬肉條，加豆角已配合得天衣無縫，只是略為咸了一點。#䜴油雞 超嫩滑又入味甜甜豉油汁半隻雞四人分分量又啱啱好#梅菜蒸芥蘭 清新脫俗甜甜的梅菜帶起清爽的芥蘭香味#瑤柱蛋白薑米炒飯清清地，不過都幾好味都算足料有瑤柱加蛋白後加一個 #肉絲炒麵不過不失炒麵算炸得甘香#銅鑼灣好去處 #性價比高的中菜選擇#農圃飯店…查看更多

招呼要求高的長輩，必定來農圃飯店，傳統裝修，但非常端莊得體，服務周全。先來每人一客招牌糯米釀雞翼，已生炒的糯米釀雞翼，雞翼皮香脆嫩滑，吃完一隻已3分飽。之後來一個滋補蛇羹，調味非常出色，整個人渾身血氣運行。牛腩煲燉得非常腍，長輩都能夠輕易咬開，蘿蔔更是入味到不得了。脆皮雞皮脆肉嫩。蒜蓉蒸開邊蝦，蠻多的蒜蓉，不過蝦比較薄身。整體來說，前菜招牌糯米釀雞翼及滋補蛇羹，會是我再次到訪的主要原因，太過回味無窮了。其他食物都高質，但因為單價也高，所以性價比不算太抵。…查看更多

今日平日，一行三人去咗農圃飲茶食午餐。一嚟到就已經有兩個前菜，包括一碟青瓜同埋一碟炆牛腱。青瓜新鮮，味道正常。牛腱炆得好入味，筋肉之間林得來都仲保留住一啲咬口。點心有部分可以逐件嗌，不過最少兩件起。如果小人黎食啱晒。可以叫多啲款式。我哋嗌咗3件燒賣，3件蝦餃，一碟鮑汁雞腳（4隻），一碟煎鹹薄餐（6件），一籠奶黃馬拉糕（3件），一碗魚蓉魚湯米線，2件糯米煎釀雞翼，2件蘿蔔糕，2碗杏仁茶，一杯芒果涼粉。當中燒賣（有肉汁+蝦爽口），鮑汁雞腳（汁濃+雞腳重膠質大隻有咬口），魚蓉魚湯米線（湯好濃郁），蘿蔔糕（食到好多蘿蔔同臘味），糯米煎釀雞翼（皮脆）都好好味。埋單$78X. 得閒會再去幫襯。…查看更多

公司食飯要搵好少少嘅餐廳俾老細， 農圃真係絕對值得一試！環境舒適， 唔似一般酒樓咁嘈， 服務超好， 會定時幫手斟茶， 分菜，有專人服務我一枱。價錢中上，但質素絕對值得！呢間前菜超有驚喜， 有青瓜、涼拌苦瓜同紅燒牛肉😍3款都好好食。青瓜爽脆， 可以清新味蕾。苦瓜有苦瓜味，食苦瓜嘅人會明幾好食。 牛肉做前菜係第一次見， 唔辣， 肉質軟腍。隔離有碟瑤柱xo醬， 瑤柱勁多。 唔知茶位幾錢， 但呢個茶位比得化算😂店員推薦鎮店，糯米雞翼，好大隻， 我地開左2邊都夠分， 糯米好軟腍， 雞翼皮炸得好脆， 好好食。另外叫左2個商務套餐， 同單點左點心。豆腐冬菇豆卜上湯小棠菜咕嚕肉， 釀青椒雜菜煲，苦瓜蛋餅， 家鄉薄餅豆腐鯇魚湯， 每碗都有魚， 魚肉都但好好味， 當然唔好同一碟蒸魚去比較。最後一道菜有鯪魚滑米線，個湯同上一碗好似， 米線偏軟，都好足料。最後跟餐甜品有蛋散&糖水3選1， 我芒果涼粉，蛋白杏仁茶，麥米粥。芒果涼粉自己加奶， 涼粉口感係台灣仙草， 煙靭同無草藥味。蛋白杏仁茶超正🤤 唔會太甜，誠意滿滿。有人生日所以嗌左壽桃包，亦都散點馬拉糕， 馬拉糕放到最後同甜品一齊上， 當然全部都熱辣辣。 呢間壽桃包係奶黃流沙一款， 超大隻包，一口咬唔曬就流到成手都係😅餡料好多。…查看更多

幾日前到農圃食午餐,叫咗2隻薑蔥炒蟹,上枱時有2隻大蟹蓋蓋在上面已經感覺好少蟹,蟹件又斬到好少件,已經很奇怪原來無咗四隻蟹鉗都未知,想不到這家老字號做這些欺騙的行為,大家去幫襯時要小心…查看更多

星期五晚同朋友食飯，她很揀擇，揀地方食飯是很頭痛我，所以訂了這間她很喜愛的農圃飯店😏。每次必食的糯米雞翼是我們的頭盤，可惜喜愛的杏汁豬肺湯今天沒有預訂，點菜時已經售罄，好唔開心，我地話一定要預訂先。點了家常的咕嚕肉，肉質爽口，甜酸醬做得剛剛好，不是一般的死甜。另點了石鍋翠玉瓜豬豚肉，石鍋熱騰騰，最適合秋冬季節食用。加埋冬菇竹笙扒生菜，簡簡單單便是一餐。最後這裏的蛋白杏仁茶亦是必食的，甜度適中杏仁味香濃。大滿足😋😋…查看更多

歷史悠久的農圃，可以話喺銅鑼灣屹立不倒，所有食物都一絲不苟，連茶都特別講究，一直保持着高尚的格調，食物質素保持不變，請菜是自家製牛展，牛展牛筋淋滑黏口，冰鎮苦瓜清爽，兩款前菜各有特色，清爽味蕾，雖然很多點心都是以件數來計算，自家製蘿蔔品質素非常好，蘿蔔絲極多，配合不是非常多粉的蘿蔔糕，口感較軟，食落去比較外面的很大分別，好想食個懷舊尖椒，很有童年回憶，蓮藕魚餅送酒一流，魚湯米線，我將所有魚湯都全部飲晒，因為事實上真材實料，最後，必吃的芒果涼粉，賣相已經冇得輸，分量充足，實在完美。…查看更多

契婆生忌晚宴設於「農圃飯店」，據悉老字號以不少經典懷舊菜式聞名，初次到臨嘅小肥當然好期待啦！位於銅鑼灣嘅中菜廳地點好易搵，只係交通比較擠塞，大家記緊要預鬆少少時間出門口。用餐大堂面積唔算好大，不過擺出行半嘅四人散座都好整齊。十人派對被安排入座D區嘅私人廂房，雖有專人服務，但感覺姐姐要一個人負責哂酒水、換碟、上菜等工作也未免太吃力了，幸好其態度誠懇，細佬都有幫忙加酒。餐桌上擺有齊備嘅自用及公用餐具，由於主人家早已訂好菜單，賓客只需飯來張口。等待人齊時，先有三款開胃小食，包括爽脆嘅青瓜、苦瓜，最正係甜濃嘅紅菊醃牛根拼牛𦟌。古法糯米雞翼：此道糯米雞翼乃「農圃」所創嘅鎮店名菜，師傅要先將雞翼去骨後再釀入糯米飯，都幾多功夫架。雞翼脹卜卜，外層嘅雞皮巧薄香脆，皮下嘅糯米飯混入咗蝦米、臘味同雞翼本身嘅雞肉，咬落煙韌帶脆，油香豐潤，每人半隻嘅份量極之恰當。炒雜菌：炒雜菌惹味軟腍。椒鹽排骨：炸至金黃嘅椒鹽排骨外層香脆，肉質鬆爽，送酒一流！焗釀蟹蓋：焗釀蟹蓋鮮濃有嚼口。雞腳白肺湯：呈奶白色嘅豬肺湯甜潤滋補，暖胃非常，湯料中嘅豬肺洗得好乾淨，食落仲好腍滑。冬菜蒸沙巴老虎斑：旁邊嘅長輩夾第一件時已經俾XO仔見到幾條骨，恐懼症喺有酒精影響下有增無減，結果梗係影相當食咗啦。枝竹羊腩煲：滾住上嘅羊腩煲熱力十足，無奈羊腩同枝竹均未腍得哂，且唔夠入味，似乎係煲煮時間唔夠耐所致。冬菇扒豆苗：大大隻冬菇厚潤多汁，墊底嘅豆苗全為翠綠幼嫩嘅豆胚，真係好少見最尾上嘅清菜竟然咁快清，嫩菜果然係受歡迎啲！蜜味脆麻花：橙美亮麗嘅脆麻花鬆化巧脆，甜而不膩，堅掂！雖則最後有贈送生果，睇落西瓜色水都唔錯，不過小肥情願盡食哂啲脆麻花。「農圃飯店」環境企理，但就有欠缺人手之嫌，經典菜式優質味佳，當中以「古法糯米雞翼」及「蜜味脆麻花」最為出眾。…查看更多

今日同朋友食晚餐，兩個女仔食$17XX，惡劣嘅態度服務，真係貼錢買難受，啲職員都好奇怪，其中一個阿叔仲奇怪，唔知佢係經理定係高級少少服務員，淨係見到佢周圍行嚟行去唔做嘢，我同朋友食緊蟹膏魚翅就話呢個整得幾好味好濃味，個阿叔聽到走過來即刻大聲講咁我下次叫佢哋整清淡啲！我同朋友都覺得佢好奇怪，點解要咁樣講？我哋不再理會，但佢多次走過來搭嗲，無論我哋講乜嘢都走過來搭嗲，我地一邊食飯一邊講緊gel甲去邊度整靚啲，佢又可以走過來搭嗲，成餐飯落嚟搭嗲咗10幾次，有一碗係魚肉米線，見到個樣都唔開胃，一來多嘢食，二來都飽飽地，所以我哋冇食到，原封不動擺喺度，個阿叔走過來問我哋係咪唔要，我哋就話唔要啦唔該，佢就好大聲咁樣講：啲米線唔要呀！ 唔好食唔要呀！快啲收返入去！啲阿姐又好奇怪，我同朋友講緊嘢嗰陣時就會無啦啦問你仲要唔要啲餸，明明啲餸仲有一半以上，擺到明就係講你哋唔好再傾偈啦快啲食完走啦，成餐飯食左咁貴仲要貼錢買難受，垃圾服務，成個場得三台客，我哋係其中一台，兩台熟客安排喺前面靜嘅位置，我哋安排喺最後尾啲職員出出入入嘅位置，淨係見到個阿叔對其他兩 台嘅客人笑騎騎叫人哋乜生乜太，亦都唔會去阻住人哋食飯同搭嗲，好明顯係熟客，對於我哋呢台生客嘅態度簡直就天同地，但係熟客亦係由生客做起，咁樣嘅服務態度應該都好快執笠，老闆請到咁樣嘅夥計唔知老闆知唔知道，講返今日食嘅餐，小籠包普通，蛇羹普通，蟹糕魚翅幾好味，啲蟹好細隻，冇肉食，米線個樣都唔開胃，糯米普通，裝修環境又普通，如果你想去食嘅，又想一邊食飯一邊煩住你不停搭嗲你可以試下…查看更多

整體黎講都係正常水準，野食都算細緻，但未試到星級既感覺。可能因為係食午餐，未食到啲主菜。下次可能要試多啲主菜試真啲。有啲驚喜係佢前菜有白苦瓜，唔係好多地方有～牛仔骨，佢用西式煮法可以揀黑椒，燒汁同紫羅，因為唔知紫羅係咩野就諗住點黎試，黎到侍應解釋話紫羅係菠蘿咁解🤣🤣🤣🤣個牛仔骨煮得幾好，同埋揀得幾好，幾大舊肉～松茸餃，十足真材實料！ 裡面啲蔬菜都好新鮮！食落就知係新鮮做起，有心之作！大腸好食，而家好少高級餐廳會煮大腸，因為又要洗又賣得唔貴，呢到既大腸大大份，仲要煮得好食，都幾難得。…查看更多

嘆點嗜人的我，景然忘記此處，老闆登一聲提起，來。 我們不是坐大廳，有的神秘感，侍應帶我們往一間大房，內有四張枱，相隔都寛，雅緻清静，有部大電視機在播馬，啱老闆，最滿意:)。 枱上有碟XO醬，瑤柱多及香，接受微辣，但不及夜上海，但此處收$40,貴的。 餐前小食本是牛，都幾吸引，因老闆不食，轉涼瓜-甘甜，另一小食青瓜-青甜，二款都爽口及顏色碧綠，加香油及芝麻，我反而歡喜。 早前得悉，巳故點心太斗勛叔，改良玉液义燒包要求，酸鹼中和，雀型及皮饀比例46，適當爆口，好講究，好多時高级餐廳做到，除咗皮餡比例,但此處做到，皮4餡6，义燒漲滿，义燒香及嫩，咸甜得宜，皮爆口開花靚靚@16。 煎焗蓮藕餅$72，以前食過多數蓮藕粒與肉餅攪埋煎，此處是二片夾鯪魚肉及豬肉兩邊煎焗，賣相吸精像一個個金錢:)，意像吉利，但蓮藕不爽不粉，差少少，但餡有魚鮮味，香煎後混合一體，咸甜有道，也蓋其不足之處。 煎素鵝$88，淺金黄色，好似一件一件金磚，心想齍腐皮又幾好食，咁我就錯，一層薄脆外皮，軟绵腐皮肉經油炸洗禮後，爆發美妙豆香滋味，但又不油膩，正 珍珠雞@30，打開聞不到荷香味，發現原來只用鮮荷葉，無用乾荷葉，扣分，2隻飽魚～薄，鲍味欠奉，有蛋黃（好少酒樓有加入，特別帶起色香味，我係好恨有），臘腸，蝦米，豬肉，冬菇，足料，糯米軟糯，以此價算合理。 蛋白杏仁茶$45,蛋白溶於杏仁茶，香滑，因食過香宮杏仁茶後，已經是除卻巫山不是雲，但此價巳做到滿分。 燕窩流沙壽桃$28,外皮香軟，有光澤，外形不像桃，有粒的，似乜？:)，撇開真的流沙蛋黃香彈出，起沙有丁丁啫喱-燕窩，奶黃味蓋過。 …查看更多