有日去朋友屋企附近食饭，呢间餐厅主要做街坊生意，佢成日都帮衬开就系度开饭。餐厅环境比较细间，无卡位，坐得唔太舒服。不过都知道香港租金贵，粉面店好多都系咁格局。餐牌种类都唔算太多，但基本野都有齐既。朋友叫左碗双拼猪手牛筋面，份量都算OK，猪手同牛筋都煮得几淋都易咬开。双并云吞牛筋面啲云吞略嫌有少细粒，一粒云吞半只虾都无，肉馅有啲少，有啲到喉唔到肺感觉。而且云吞馅里面啲花生油香味都唔系好够。面既质地还好，如果葱花上面加多少少炸蒜蓉会更加香。牛筋都炖煮几淋既，而且份量都够。呢个都值得一赞。油菜呢度要讲下，味道一般般啦。如果有啲菜叶个部份会好啲。香港都特别多粉面舖，呢间质素不过不失，起码无食到未煮熟既云吞先。如果要比较既话算系中规中举个种，如果自己一条友谂唔到去边食，都系一个不错的选择黎既。…查看更多
