車厘哥夫餅店

車里哥夫諗住買一磅曲奇，收銀嗰個人磅完曲奇爭一塊，就直接用手（冇手套）拎曲奇放入我個袋， 嬲到唔想要，但係又唔想搞大件事， 希望店主自己見到依個留言叫員工注意衛生！真係好污糟，佢隻手又收銀！ …查看更多

每次經過車厘哥夫，總會想起細細個跟媽咪買曲奇嘅快樂時光。今次特意買咗同曲奇，驚喜發現水準依然保持！朱古力曲奇入口即化，濃郁可可香在口中蔓延，餅底牛油香氣十足，完全唔會乾硬。咖啡曲奇仍然保持水準，滿滿嘅咖啡香濃，唔會覺得好假或者淡口，亦完全冇燶味，食完喉嚨冇唔舒服覺得又乾又慶，回味無窮。比起其他不斷加價又跌質嘅老字號，車厘哥夫定價合理，$136一磅大大袋，份量足料，沒有因為時代變遷而偷工減料。塊曲奇的厚度、大小都保持著數十年來的一致，這種對品質的堅持，讓人吃的不只是曲奇，更是一份情懷。與其追逐網紅名店，不如回味這份歷久彌新的經典滋味。無論是自用還是送禮，都是不會出錯的選擇。…查看更多

買半磅曲奇，可選兩種味 。一直喜歡這間的曲奇。 上星期三放工 ，開開心心去買 ，卻被店員無禮態度激親。 我想兩種味分開兩個袋， 最多咪加$1但結果係比佢大， 原本$6x半磅 ，甘樣要收$80 當我買兩個1/2 of 半磅，收每款錢😰我同佢理論 佢大我話收$80 就分袋 話寫明，你甘即係明大我唔會比$80, 個副嘴臉衰到呢😫事實係寫如買半磅的一半收$40 ! 唔係半磅分袋每袋收$40！強詞奪理 態度差劣！ 我話要同佢公司反映 佢中聲話你咪反囉！ 原本靚靚心情一掃空，換來一肚氣！ 幾好食都無用啦！…查看更多

車厘哥夫總係人來人往，麵包唔係亮眼展示個種，西米布甸係代表作，店內外總會充斥濃濃牛油曲奇香。豬公係老婆控，而豬妹係麵包控，但卻很少到車厘哥夫幫襯，今次唔買曲奇，試左2款抵食麵包蘋果包外型四四方方，麵包鬆軟，中間包滿蘋果肉，加埋肉桂味更香，甜度適中，酸甜蘋果肉好開胃新疆合桃包看似平平無奇，但有驚喜，外皮微脆，內裏鬆軟，味道咸咸地，係有層次嘅咸咸地，而中間有好多合桃粒，好有咬口，好食…查看更多

話說係6月8嘅時候買左半磅朱古力味曲奇同咖啡味曲奇，返左屋企一個鐘已經比屋企食曬咁食過返尋味，就係6月9號由將軍澳出發去太子買左$100朱古力味曲奇，返到屋企食第一塊嘅時候就發現咗唔同味，在望清楚啲發現同前一日買個啲曲奇啲顏色好唔同，原來係燶咗~真係唔明點解燶左都可以賣比人，仲要專登係將軍澳出去買，心情都差曬，為左賺錢可以做咁～…查看更多

由細細個食開呢間既曲奇，今日再去尋找那懷念嘅味道。進店既時候冇乜客人，所以想問吓店員簡單問題。點知佢一開口就係惡夢既開始。首先佢嫌我買得唔夠多，態度已經麻麻。之後我決定買半磅，後面明明冇客，但佢用極其不有善既態度吆喝：「講啦，要乜嘢味呀。」我見唔到佢包裝，到交比我既時候係一個白色膠袋，冇得封口。一來曲奇容易碎，冇得封口d碎會跌到週圍都係。二來香港天氣朝濕，冇得封口既話好容易變質。問佢有冇好d既包裝，當然繼續比佢鬧。其實冇咪冇囉，唔駛鬧人既。但其實佢有，於是心不甘情不願咁幫我過袋。估唔到買包曲奇都要受氣，全程都係冇人排隊，我唸我明白點解喇………查看更多

從來未寫過食評，但今次真係忍唔住......由細到大都好鍾意食車厘哥夫嘅曲奇，當中最欣賞佢哋嘅朱古力曲奇，每年都會專登走去買幾次，之前試過有一次買到燶燶地嘅朱古力曲奇，已經覺得好奇怪，燶左都賣比客？今日買完，可以話完全失望，以後都唔使去買喇！店員阿姐話唔夠朱古力曲奇，咁就加少少合桃囉，點知返到屋企，跟本大部份都係合桃，重點係啲合桃曲奇真係好難食，曲奇餅身乾到爆，而且一啲味都無，係完全無甜味，從未食過咁難食嘅曲奇，就連其餘嘅朱古力曲奇都唔好食。真心話，真係好失望，其實130蚊一磅真係唔係平，計返仲貴過小熊曲奇。好了，到此為止，以後唔會再去買，呢個價錢應該會有質素同服務好一啲嘅餅店。…查看更多

太子地鐵站附近嘅呢間懷舊餅店,經過都會聞到一陣陣香噴噴嘅曲奇餅味道,招牌嘅牛油曲奇更加係成日賣晒!牛油曲奇最少可買4oz, 約有10款選擇,有朱古力醬曲奇,士多啤梨果醬曲奇,藍莓果醬曲奇,咖啡味曲奇等~🌸牛油曲奇 $68 半磅@3隻味原本其實只想買4oz ,但要半磅先可以揀3隻味,掙扎下都係寧願食耐啲試夠3隻味🤭, 牛油曲奇只得號碼牌,冇標明味道,所以都係憑賣相去揀, 我就揀咗朱古力醬, 紅莓果醬同杏仁呢3款😚曲奇牛油味重,口感鬆化,令你忍唔住食下一塊又一塊,款式雖然傳統但簡單得嚟依然好味,可惜食多幾塊就有少少乾,揀有醬嘅曲奇就會好啲🌸朱古力醬曲奇朱古力醬呢款好受歡迎,見差唔多個個買親曲奇都會揀,果然係最好味🤤鬆化嘅牛油曲奇配一pat邪惡嘅朱古力醬,好香甜美味🥹🌸紅莓果醬曲奇酸酸地嘅紅莓果醬配上曲奇,味道甜甜酸酸咁, 所以食落唔會咁易膩🌸杏仁曲奇見呢隻味淨返唔多諗住咁多人揀係正野就叫左佢🌝,點知呢隻少少伏,主要係杏仁太硬好難咬,配埋曲奇我只感覺係乾上加乾😶﹍﹍﹍﹍﹍﹍﹍﹍﹍﹍﹍﹍📍車厘哥夫太子彌敦道760號聯合廣場地下G29號舖…查看更多

行經車厘哥夫，又入去望吓有咩曲奇先。雖然有個告示話6點岀爐，不過重離岀爐重差15分鐘，又見到架上已經有朱古力味曲奇，就買半磅先。依舊憑個🍪曲奇個樣去揀。半磅（$64）可以選擇3款曲奇，揀咗🍫朱古力味，原味有朱古力碎碎款，同紅色果醬味三款。曲奇香鬆，牛油味重，三款口味都唔錯👍，不過紅色果醬就唔仍然唔太食得岀個果醬係咩味道🙈…查看更多

每次經過車厘哥夫都見到入面好多人，不過又真係好想買佢哋嘅曲奇餅，唯有入去迫一迫。半磅曲奇 $64可以揀三款味道。曲奇櫃只有號碼，無列明曲奇味道，只係知道藍莓味果醬啱啱岀爐，所以另外兩款就憑感覺曲奇充滿牛油香，又香酥。藍莓味果醬唔算岀；咖啡味相對明顯；另一款有朱古力粒粒味道最好。…查看更多

經過旺角見到有幾間面包店～同一條街三間麵包舖～諗住嚟嚟去去都係嗰幾款呢間有麵包、蛋糕仔、蛋糕、蛋撻～麵包款式差唔多～不過攞起手都幾重～唔似D連鎖麵包食兩個都唔飽～見到有一樣好特別嘅栗子卷～外型長形睇落似雞尾包～見其他店都冇嘅～咁就試吓啦栗子蓉餡都算多～應該就係生日蛋糕上面嗰D粟子蓉～加埋個咸嘅包～食落唔會覺得好甜幾特別～比起平時嗰D麵包～成日食嚟食去嗰幾款好悶～呢個係唔錯嘅選擇～大人、小朋友都鍾意食 $9一個都算係咁上下…查看更多

雖然呢間餅店主打鳥結糖同曲奇餅，住喺太子嘅朋友話佢啲麵包都幾好食😛 店內環境簡潔整齊，左邊有各式各樣嘅傳統麵包🍞 而右邊就有一排玻璃櫃放曲奇餅🍪 🧈 奶油椰絲包 $9.5打開包裝後奶油味沖晒出嚟超級無敵香😆 麵包非常鬆軟而且cream多得嚟又唔會好膩🥰 幸福感滿滿，十分推介！！🍇 提子十字包 $8 有啲似麵包同埋曲奇嘅混合版😜 外表比較結實但味道同埋質感都好正，幾特別😙 另外提子乾都俾得幾多，夠足料👍🏻🍞 雞尾包 $5.5 麵包鬆軟，咬落去有香甜嘅椰蓉絲🫣 攞去焗爐叮一叮後更加好食🥰 性價比都幾高，推介！🥐 合桃提子鬆餅 $8 質地比較濕潤，無平時鬆餅嗰種香濃嘅鬆脆感😢 記得對上一次食嗰陣啲牛油味出啲㗎！今次就做得比較普通啦～ …查看更多

次次經過太子站出口都聞到好香嘅曲奇味，香到不得了，但好多時都忍住冇買。今次真係香到忍唔到，衝咗入舖頭買一袋曲奇，即刻食咗幾塊。熱辣辣係最香最好食嘅，曲奇夠酥化，牛油味香濃，朱古力好夾曲奇。多數呢款朱古力曲奇都係舊式麵包店先有，的確個價錢比較貴，所以今次只買咗一小袋都已經接近$40。除咗朱古力曲奇，仲有好多其他款曲奇、花生朱古力、面包。好多都好吸引，下次經過再買嚟試吓～不過曲奇好肥吓，建議唔好食太多。…查看更多

好耐之前食過呢間曲奇幾好食，所以今次想食就特登黎買左半磅，$60半磅，可以選3種味。我要咗朱古力、腰果，同埋紅色應該係果醬？朱古力同果醬係正常鬆化好食既，但腰果味就差唔多全部都焗到燶曬，食到燶咗嘅苦味。唔明點解焗到燶晒都可以照賣？…查看更多

都喺度買咗曲奇好多年，有陣時甚至會特登過去買朱古力曲奇，因為呢度嘅曲奇真係好好味。首先就係因為曲奇本身好鬆脆，但又唔會太硬，同出邊一般西餅店嘅曲奇唔同，都幾難得見到呢一種曲奇。再加埋佢有大大Pat嘅朱古力醬喺上面，每一口都係大滿足平時亦都會再搭埋另外一個紅色醬嘅味道，雖然都唔太清楚係乜嘢味🤣食落酸酸甜甜，比起朱古力曲奇，呢個就唔會太過膩，但依然好好食。但係呢度嘅曲奇都偏向鬆脆，食嘅時候好容易整污糟，記得要墊住先好食如果唔係就好容易食到成身都係曲奇碎…查看更多