越男棍

元朗越南棍真系几有惊喜🥖我试咗佢哋嘅香菜包牛肉法包（$50），第一啖已经闻到阵阵香叶味🌿牛肉碎用香叶包住再烤，味道特别香浓；配上微辣酱汁，酸酸辣辣几开胃🔥入面仲有腌过嘅红白萝卜丝、芫茜同肉碎，馅料超丰富～每啖都食到唔同层次😋法包烘到外脆内软，有少少湿润感，唔会干到一地面包碎👏🏻面包本身厚实、有𡁻劲，整体size都几大，食完一个几饱足💯整体香气、口感、味道都平衡得好好，难怪元朗人会推介～想食返个有诚意嘅越南法包，呢间可以一试🇻🇳📍 元朗凤攸东街好顺意大厦A座🕒 11:00–21:30…Read More

总结：烤鸡法包几脆，鸡几香嫩但稍咸；春卷捞檬卖相唔错但味道相对普通；班兰牛奶都系卖相唔错但味道相对普通。整体偏中上水准。叫左嘅食物有：1. 烤鸡越南法包（$ 50）：烤鸡几香嫩，但调味对我黎讲稍咸，个法包几脆，连带一块生菜，都几爽脆。偏中上水准。2. 春卷捞檬（$52）：卖相唔错，但捞檬汁对我黎讲口味偏甜，春卷唔太脆，个馅比较谂。比较普通水准。3. 班兰牛奶（$15 [跟餐价]）：卖相唔错，一层鲜绿嘅班兰汁再跟下面一层鲜奶，但饮落唔太觉有班兰嘅香味。甜甜地嘅牛奶咁。偏中上水准。总恬黎讲，虽然味道未算太出色，但卖相同性价比都唔错。评分：7.３/10详细评分解释：综合各方面嘅因素, 包括食物同饮品（味道同卖相），环境（气氛，空间同卫生），服务，性价比。比分偏重食物同饮品（味道同卖相）。1‐5分：不推荐5‐6.9分：普通，低机会回访7‐8分： 都可以，会考虑回访8.1‐9分：相当不错，大机会回访9.1‐10：各方面都好好，一定会回访…Read More

其实我每个星期都一定会食一次，食过发包，但系我多数都系食饭嘅，每次都系配杯越南咖啡，一路都觉得好好食，但系有时会食得开心啲，有时会食得无咁开心，好似今日咁，饭嘅豉油落多咗食完觉得好咸，凉拌瓜丝又落多咗令到我感觉个饭少咗，啲牛有阵时多啲有阵时有少啲，葱油有时少啲，有时就落好多。就系因为个份量冇揸紧，就会影响到佢嘅水准。建议员工要好谨慎咁样落好每一个份量先至可以keep住个水准，如果唔系，连我呢啲每星期帮衬一次嘅都开始有啲犹豫。…Read More

香叶包牛肉法包 烤猪法包 呢排成日心思思想食越南发法包， 所以周围揾黎食， 见咁多人赞呢间， 就满心期待特登揸车去买黎试下。 首先，个法包焗得唔够脆， 入面d 凉拌瓜丝竟然系加沙津酱去做个酸味，令我谂起系咪整紧热狗🙄🙄， 只能说港式做法， 加沙律酱可能悭水悭力。 要讲正宗既凉拌瓜丝个酸味， 应该系用醋掩浸去做个清新而酸既味道， 所以呢个越南法包并不是越南味道。 里面d 肉就无咩特别， 普通味道。平时好食既越南法包， 我可以一次过食两个， 呢间， 我同女友每人一个都食唔晒放弃左， 无下次。 …Read More

有诚意而性价比高的小店系值得推介，这店我哋叫了5款食物（法包，捞檬，烤鸡饭，春卷及鸡翼）我地2个人全部都吃哂，就系因为好味希望小店继续努力，好味有诚意既，系一定要赞🌟…Read More