越男仔 (已結業)

放工返到大埔老公已經搵定位食新派越南菜，皆因有越男仔精選推介好食又抵食！蒜香牛油燒生蠔 $12/隻，因為做推廣所以咁平，一口氣叫四隻，即叫即燒，鮮味香濃厚肉多汁，等耐啲都值得嘅！越式五香烤雞皮 +$10 老公話越肥越好味，一場黎到點都要試吓 ，皮脆油香，好似食炸魚皮咁又唔覺得好油膩。咖喱海鮮煲 $128配豬仔包可以點咖喱汁食，簡直係吸收晒啲海鮮嘅精華。海鮮都好豐富㗎！有魚柳、青口、魷魚、蔬菜，咖喱味香濃惹味！法式芝心蝦多士 $68真係邪惡軸心，流心芝士半溶質感、蝦肉彈牙鮮味，多士酥脆有芝麻香。一場嚟到食多碗招牌粉，手撕雞拼滑雞 口感軟滑，亮點係個湯底～椰汁湯酸檬粉，香濃嘅椰汁味帶點酸甜，真係幾特別！而我只係叫凍咖啡估唔到係用滴漏嘅形式上枱，已經睇得出店家好有 heart ! 街坊價錢高級質素，得閒一定會成日來幫襯！…查看更多

行到大埔安慈路附近，見到間叫越男仔餐廳，見個名咁得意，於是入去食番個下午茶先。一坐底睇餐牌，原來系正宗越南風味餐飲，我們一行5人一於叫幾碟小食& 飲品，一齊享用。一黎就叫左幾杯越式飲品解渴先薄荷龍眼冰龍眼肉多，甜度適中，再加埋薄荷，很適合呢個天氣帶點清爽。小食既牛油雞翼又點少得個咖哩包都真係幾大份呢一整隻魷魚已經佔左大半隻碟有多，加上魷魚內釀咖喱炒飯，已經分量十足，照顧埋怕唔飽既朋友，加埋特製濃郁醬汁，非常可口。最後叫多碟椒鹽軟殻蟹同大家分享，軟殻蟹肉質同椒鹽味道分明，加上炸至脆身的蟹殻，可以成隻食落肚，唔洗整污穢隻手，咁就可以繼續行行大埔。…查看更多

在大埔中心想吃新食物，看到彩虹舊址開了一間"越男仔"，好似有些特别，便入去試試。店員服務友善，細心講解今期特選。先來一個正價飲品+$19的海南雞飯=$46！分量適中，雞肉入味，肉質不鞋口，有雞胸丶雞肶、和雞中翼; 黄飯甘香不油膩; 特製醬汁甜甜酸酸，很少許辣味，配與雞肉，味覺好享受！加$10牛骨湯生菜，大大碟，底吃！燒茄子袋牛柳粒，牛柳淋身，茄子吸收了牛柳汁的精華，加上軟綿綿的口感，不錯的選擇！生牛肉牛骨湯河粉，牛肉半生熟，入囗最好味，軟滑適中，加上牛骨湯的配合，更顯牛肉味，愛吃牛的朋友不要錯過！蒜香牛油燒生蠔一定要試$12一隻，是用日本廣島蠔，燒的時間剛剛好，蠔肉入口鮮味，沒有半点腥味。龍眼抽子蜜配合得宜，最適合秋冬的天氣！這個煎餅内有綠豆蓉，很特别的配搭，不太甜！總體而言，食物水準不容，有新鮮感，下次要再來試試其他食物！:)…查看更多

就係因為呢張相，就係因為見到張家輝，我就二話不說入左呢間餐廳一整隻軟殼蟹就放係我面前，上面勁多炸蒜，而且炸到非常香口雞翼就五隻，炸都需要d時間，大家要耐心等候魷魚中間釀入金黃色既咖哩炒飯，非常創新餐廳用左原隻大魷魚，落足本呀d飯係炒到一粒粒金黃色架呢個大脆包真係同個名一樣脆，仲有五隻新鮮蝦同下面一大埋粉絲，d咖哩汁都幾正宗，一d都唔稀，辣度剛好，用黎送包認真一流食左咁多煎炸野，最後就叫碟菜清清腸胃，蒜蓉夠哂多，未食已經聞到陣蒜香咪，真係會食上癮最後飲品都好值得推介，因為都真係幾多料，左上係三色冰（$30），見到成杯都係料，右下係薄荷龍眼冰（$33），入面都好多龍眼肉架…查看更多

今日到大埔探朋友, 他最近到過越南旅遊, 愛上了越式咖啡, 想到此店回味一下。 其實我忙了整個上午已有餓感, 正好試試這裏的食物質素如何。見餐牌「越男仔精選推介」, 應有不錯的選項。 還有四款「十一月期間限定」, 那就一定要先選其中一款。 咖哩海鮮煲 (配豬仔包) : 這個煲下面有一個小火爐不斷加熱, 使食物不會放凉 用料豐富, 有蠔丶青口丶魷魚丶炸魚柳丶茄子丶白蘿蔔和蔬菜。大大隻蠔和青口新鮮。 咖哩汁香味濃, 但不辣, 不會蓋過食物本身的味道。 見豬仔包賣相一般, 但原來經廚師烘熱, 包面鬆鬆脆脆的, 蘸咖哩汁吃, 好美味。 燒吞拿魚柚子檬紙卷 : 燒呑拿魚和柚子頗配合, 檬紙卷内是粉絲和蔬菜, 口感清新。 三色雞翼拼盤 : 蒜香牛油雞翼丶金蒜脆雞翼和蒜椒脆雞翼三款, 每款兩件。 每件雞翼都做得惹味而肉嫰不乾。 越式咖啡 (凍/熱) : 越式滴漏咖啡 (凍 $30 / 熱 $27)。 滴漏完後, 我把咖啡與杯內的煉奶攪拌, 然後倒進裝滿冰粒的杯內, 便完成了一杯越式冰咖啡。 越式咖啡味濃且滑, 真不錯呀。…查看更多

難得今天放假，就約了朋友聚一聚👏，朋友提議去大埔景點一日遊👍。由朝行到晚，經過昌運中心有間「越南仔」係時候食晚飯，試下啦！越南仔精選推介餐牌，既然係推介就點下啦！😍先來一碟小食《冰鎮蜜糖凁番茄》🍅＄37，原個番茄沒有番茄皮，吃落充滿番茄汁，味道感覺有少少似柚子密糖，甜度剛好😋再來《燒吞拿魚柚子檸紙》＄108，吃落層次分明，面層柚子鮮甜，吞拿魚肉質不乾，生菜包圍著粉絲加雜菜清爽口感，另有一番風味😋主食是《生蠔青口椰汁粉絲煲》＄148，用明火加熱椰汁湯底煮生蠔青口，吃落熱騰騰的，內𥚃豐富嘅配菜食材，椰汁香味融入粉絲，味道一流👍最後來《串燒菠蘿》🍍＄55，分量非常大，店員好細心❤️分享切菠蘿方式，方便吃👍，菠蘿味道鮮甜多汁😋吃到飽，好滿足一餐😘…查看更多

今日入大埔搵個朋友，講起話越南風景都幾靚，Resort d房又大又平，物價又低，May 2019 去玩返幾日先得。講到興起，即興去左附近越南餐廳食。越男仔裝修都幾骨子，配上近期好興嘅現代工業風必備嘅燈膽佈置，用色由牆Green到落櫈，細細間但設計幾有心思。餐牌都幾多選擇，不過對於有選擇困難嘅友人同我，我地決定從特別menu同精選推介入手搵我地想食嘅野，最後我地揀左呢兩個菜式:招牌原隻魷魚釀咖哩炒飯 $138魷魚原條切片上，淨係賣相已經滿分。時間煮得岩岩好，肉質彈牙，一d都唔韌。咖哩炒飯粒粒金黃，幾乾身，咖哩味不算濃烈，香味為主，不會過咸過辣。加上甜甜地嘅海鮮醬，味道更複雜，亦能帶起魷魚味，好好味呀。招牌原隻軟殻蟹豬仔包 $108漢堡包面好脆身，但裏面又唔會乾，焗嘅時間剛好，牛油味幾香。配料方面用上一般常見嘅生菜、蕃茄、青瓜，再加上越南酸菜，味道酸酸甜甜，幾有趣！軟殼蟹外面炸得幾香脆，薄粉唔會油，咬落肉質仲係juicy，值得一讚！咸檸柚子蜜 $30一入口係柚子蜜甜，慢慢就感受到咸檸嘅咸，又咸又甜，好矛盾呀，但又幾有趣！新鮮椰青 $39椰青非常新鮮又大個，椰青水好清甜，飲完仲可以食埋d椰肉，幾滑幾厚肉。總括黎講，都幾好味嘅一間越南餐廳，菜式方面幾有特色，將越南傳統醬料配菜融入新派食材裹面，有機會會再試下其他。…查看更多

今日入大埔揾朋友食飯，友人推介越男仔，所以下午來到此店享用午餐。餐廳內裝飾都幾有玩味，貼了很多不同抵死又搞笑的語句。海膽炙蝦沙律味道淡淡的生蝦，配上濃味海膽，兩者互相平衡。加上生蝦經過火炙，入口又多一個層次。而沙律十分清爽，配上清新的醬汁，酸酸甜甜十分開胃。生蠔拼生蝦椰汁酸湯檬粉食湯粉之前，當然要先喝一口湯。湯㡳有著很香的椰汁味，而且帶有温熱，令人很舒服的感覺。而配料則有兩隻大大隻既鮮蝦及生蠔。蝦肉吸收了湯㡳的精華，入口十分新鮮；而生蠔鮮味十分，非常肥美。如果中意食辣或想加其他調味，店家都有提供調味品。招牌椒鹽軟殻蟹軟殻蟹肉質十分嫩滑，我覺得可以用Creamy來形容，加上外層經油炸至脆身的蟹殻，一嫩一脆。不過椒鹽始終有點膩，多人分享較佳。薄荷青檸梳打店家會送上一樽梳打水及薄荷汁，然後自己把兩者混合。這樣能確保於飲用時，令飲品保持有氣。…查看更多

今日夜晚八點幾先番到大埔一支公食晚飯 原本諗住去xxx 但果邊好full 就是但走入一間食. 因為好肚餓 所以見到有位 無睇menu 就入去 一見個menu 真心當堂嚇一跳 最平碗粉都要70幾 仲要無野飲！！ 作為cheap 精ge 我唯要叫左個雞翼豬扒撈檬 收得咁貴 自然滿心期望會好好食～ 點知黎到 sorry ～我真心食唔到個粉有幾好食過其他鋪頭 雞翼有2隻 豬扒有3件 都叫炸得脆ge因為坐得唔舒服 野食無咩驚喜 我諗到有咩原因要俾多20蚊去食碗粉 如果一碗越粉正常價係55-65， 佢加埋一收85 係貴左30%平心而論 如果係叫餸share 食 個價就正常好多 因為佢d 餸就唔貴 大約70-130 所以呢間野唔識合一人晚餐…查看更多

知道昌運中心開咗間新嘅越南餐廳, 同埋啲同事出嚟試下佢個餐牌既嘅食多到不得了啲嘢都頗貴不過anyway試下啦!! 叫咗一個生牛肉湯河, 另外同事叫咗椰汁雞絲檬.個椰汁雞好香椰汁味, 感覺上係好好味, 不過有D濃, 佢亦都畀咗一啲調味料我哋同事話基本上椰汁蓋曬所有雞味, 我唔知咁樣叫好唔好味, 但係食得出椰汁好香!!我自己就食生牛肉湯河我想講生牛肉湯河嘅牛肉好滑好滑, 滑好軟, 啲湯好清甜 , 完全食得出係真係牛骨嘅湯味!  下次試埋啲小食先…查看更多

原本諗住與同事一起去食晏, 請她的好了; 誰不知由她請客。  入去越男仔, 就好想食撈檬, 但個MENU實在太多選擇, 食物圖片又細, 好難辨認; 不過錯有錯著就第一次沙爹撈檬, 味道不錯, 大家好喜歡CREAMY又重沙爹的, 可以選擇這餐。  不過個人喜歡, 還是酸酸地的撈檬係最LIKEMENU上的圖片細了少, 不過貼WALL在的又幾清楚。 生牛肉漡河, 最保守又好味道的餐了.....同事LIKE沙爹香芧豬扒撈檬 : 是酸酸地的撈檬係最LIKE越南咖啡 : 跟美式咖啡好不一樣。 越南式是用罐罐一滴一滴甘滴入杯內, 同時加入煉奶; 大家LIKE太甜, 記得要落單時, 要減奶, 真的真的好甜。  7月去了峴港, 唔知道, 就飲了超級超級甜的咖啡。  不過一個午餐有杯越南咖啡 飲下, 已經好開心, 滿足。  嚐試一下無妨......…查看更多

當晚8點返到大埔， 唔知食咩好，佢又剛好有位直接入去。之前想試下，有位的但野食要等45分鐘，所以走人。心諗終於可以試下，結果超失望點了幾樣都冇， 焗住叫其他野:(越南菜必食ge生牛河完全不合格，冇生牛全是熟牛，湯一D都唔熱又唔夠，好似煮好咗放咗好耐先上菜吹左好耐冷氣 (fb 呃人的，好多打手)咖哩烤肉跟包只有1個字鹹，烤肉原來係肉碎手撕雞米卷超普通呢間野唔會再去，超失望，性價比超低 這裡為何有咁多好評，完全唔係嗰回事…查看更多

昌運呢個位, 一直都係甜品店. 以前係大中就多數來呢度食甜品. 但間野越做越差, 幾個月前終於接左. 取而代之係間越南菜. 見到開越南菜都幾開心, 因為大中好似無一間似樣既越南菜今晚唔煮飯, 專登同老公來試下越南菜必飲越南咖啡. 另外見佢有越式拉茶又試下. 飲落同泰國拉茶差唔多味蝦餅豬頸肉撈檬: 呢樣一向係我至愛. 呢個豬頸肉烤得好香脆. 食到尾都仲係脆邊, 正!叫左串燒拼盤. 夠曬入味, 就算唔點醬都夠味. 最驚喜係有燒菠蘿, 勁甜呀!再叫多個炸軟殼蟹. 即叫即炸夠曬熱, 隻蟹都有蟹糕. 食完呢餐, 都係要去搵間甜品店作結尾, 就滿足!…查看更多

今晚約了表姐出來敘舊，她說越南仔的食物真的不錯,平時約朋友吃飯的地點都是在越南仔。店內已坐滿不少人，享用他們的豐富晚餐。她最愛吃越南仔的招牌原隻魷魚釀咖喱炒飯。就是因為這個原因，我們點了招牌原隻魷魚釀咖喱炒飯。一上枱就非常吸引，魷魚好彈牙，在沾上燒烤醬汁, 更加滋味，再配上入味的咖喱飯 ，真是好味道啊。另外一個點了越式車頭河粉，表姐說是必食推介之一。材料非常豐富，有彈牙的牛丸，入味及牛筋，鮮甜的牛肉，爽口的牛柏葉,湯底美味，鮮甜及順口,而河粉細滑。店家還提供辣椒, 青檬及自家制醬汁。隨自己的愛好，自由加添美味。海膽炸春卷大大啖海膽夠鮮甜及春卷炸得非常爽脆，好味道。 越式咖啡 得意及好味咸檬七喜酸酸地又甜甜地，好滋味。…查看更多

差！差！差！差！個服務員一邊按電話，一邊落單，我地講食乜野，距有“嗯，結果等了4.5個字，連張單都冇一張，只見個服務員一直拿住電話聽！即刻問“五該，幾時有得食”，大佬竟然拿餐牌問我地食乜野！！！！講完，跟住行去落單機睇，，原來根本冇落單！仲走去廚房叫人即刻整！當時個店鋪得2臺，甘個服務質數。。。真係！！即刻起身走人！以後都五會黎！想試下新野。。結果會係甘！！！！！！！！！！！！！！！！！！！！！！…查看更多