影片
以上资料只供参考，请与餐厅确认详情
星期六运动前，是但求其吃⋯⋯门口餐牌大大只字写著午餐$49起⋯⋯于是豪不考虑下走进去吃碗越南粉吧！今天天气有点热，打算吃个越式捞檬热落神花茶~餐饮可选落神花茶不用加钱，但完全没有落神花感觉，反而觉得有点像某品牌的黑加伦子啫喱粉煮好啫喱那时的感觉，有趣。自家制春卷~餐另加$20有两条迷你春卷，木耳配肉碎，热腾腾炸起，小心烫嘴。香茅猪扒捞檬~猪扒香茅味未算特出，肉质也未算松化，檬粉内那青瓜丝及酸菜切得颇粗，未能感受到越式的影子。捞檬的酱汁颇甜整体来说:没有越式感觉，味道扁向港式，以$80这样质素的午餐来说比较贵。
继续阅读
平时食开另一间越南汤粉，同frd买完嘢想偷吓懒索性就喺连城食。我同我frd都唔系第一次嚟呢间，不过我差唔多成两年冇食过，记得味道OK嘅，唔知有冇变度。入座后嗌咗两个下午茶餐香茅鸡扒饭$49生牛肉汤河$55生牛肉河d牛肉好韧咬唔断，个汤味道怪怪地，完全唔似其他餐厅咁香口，饮两啖已经唔想继续。至于鸡扒饭，呢碟饭上到嚟同frd对望真系打晒？？乜鸡扒咁细旧？睇番其他食评d肉明明好大旧㗎，唔通份餐主角系泰国香米？鸡肉唔好食，好柴，都系有浸味。以下午茶嚟讲，呢个价钱（包热饮唔使加钱），喺沙田唔算贵但完全唔抵食，唔知口味变咗定系点，重点系—唔好食。谂番平时食𠮶间，相差无几嘅价钱味道好好多。入嚟之前冇睇食评，以前食过印象冇咁差，呢次直情觉得中伏。见其他食客有讲态度问题，今次唔觉态度差，入座落单埋单都正常。不过用餐半个钟，系有见到送错餐/送漏嘢/隔离一食完就即刻收嘢。连我哋都系，冇话问声仲要唔要就直接收嘢（个场唔full一半吉台亦冇人等位）。仲有用餐时店员喺度扫地？！系有就住就住咁扫，但我哋𠮶边坐咗几张台，用紧餐唔系话食物掉咗落地，都要系𠮶阵扫地真系第一次见。眼见同一个店员做几样嘢，可能赶住收工～
继续阅读
见到啲食评，全部清一色负评，话好服态度好差，但系呢日真系又赶时间，又想食越南嘢😂所以都系嚟咗一试，不过有啲出乎意料㖞冇食评讲得咁差，特别系啲餐厅职员几好下，比好多舖头都友善，唔知系唔系因为晚市冇咁多人，冇做得咁辛苦，所以态度好啲呢😂嘢食方面就正正常常不过不失，捞檬汁都系食开𠮶款， 酸酸甜甜开胃一流，份量都适中， 男仔食就应该唔够饱㗎喇，可能系另外加多份小食或者嘢饮， 女仔食就应该啱啱好啦， 我都应该会返兜嘅
继续阅读
一间完全不懂得尊重人嘅餐厅特别系个位脾气暴躁女侍应-晚上接近9点入座人已经唔算多，只得数枱客但两款食物可以同时出错系唔多客之下，仲要张餐碟放喺食物上面，完全极不卫生同极不尊重人客-最过份地方系侍应自己出错食物，仲向我哋爆脾气大骂「你哋到底食啲咩，想点啊」发完脾气后，成餐饭一句歉意都无-晚上9点人客又唔系多点解要放餐碟系食物上面？同佢讲，又扮听唔到之后送错餐，又系到发脾气闹客食餐饭都要受职员气，真系难以接受
继续阅读
虽然知道繁忙时间，搭枱同调位都好正常。通常野食未黎之前都唔介意转下位。搭枱直头冇所谓，反正食完都走。但都唔系一餐饭调三次座位吧。~~~~两次既经验都麻麻地。两次我入去个时，餐厅都冇乜人。第一次既经验，我被安排座位后，就立即叫野食。系等野食过程中，有个戴眼镜既女职员话，依家系繁忙时候，希望我调一调位。反正未有野食，咁我调左位。第二次，野食黎左，之后我食左少少，同一个女职员又叫我调位，咁我又再调多次。反正都系刚开始食。第三次，我食左一半，佢又继续话好多人，叫我再调位。第一次食饭要调三次位。~~第二次经验，我同样都系被安排座位，个度啲位全部都系2人位，啲枱可以拍埋变4人个种。咁岩我被安排坐系拍左做4人枱既枱。张所谓既4人枱，其实仲有另一个女士食紧饭，而我个野食又送到，同埋我又食左一半。又系同一个女职员叫我调位。今次我话：「唔好意思，我唔调啦！」女职员态度劲差咁话：「佢话唔肯调位㖞！」之后就安排左啲客人坐其他枱。仲要一边安排客人，一边好大声咁讲：「唉，啲人又要坐系度，阻住啲四人枱。」其实，都唔洗咁样讲野挂？一开始坐边，又唔系我选，如果咁惊一个人霸住自己啲枱做唔到生意，不如直接贴住「只招待两人以上既客人」。
继续阅读