餐厅：越北牛肉粉专门店地点：西湾河太安楼菜式：越南菜餐牌：下午茶餐超多款，有汤粉、汤檬、捞檬、饭类等，包热饮，冻饮加$3，可以以优惠价追加小食。越北火车头河粉 $68 越北火车头河粉大大碗热辣辣上枱，牛肉多片，真系粉红色上枱，肉质都好嫩，唔会太肥。牛丸三粒，好弹牙多汁。牛展两片，嫩口有牛味。汤粉类可选河粉/檬粉。河粉好幼身，非常嫩滑，分量好多！配个清清地既牛肉汤好味道。配料有芽菜，洋葱丝，金不换，葱条同葱花，加添口感同味道。仲有淋甜白萝卜一大件。另上青柠一片同红辣椒粒比你自己调味。越北生牛肉牛肉丸汤粉 $62 呢碗越北生牛肉牛肉丸汤粉就只系少左牛展。越式酸辣凤爪 加$28 越式酸辣凤爪一共8件，好爽脆，配有红萝卜丝，洋葱丝，西芹，垫有生菜丝，味道酸酸辣辣，唔会太辣，好开胃。越式烤猪颈肉 加$28 呢个越式烤猪颈肉系跟餐小食。猪颈肉一客6片，热辣辣上枱，烧得外脆内嫩，好食呀。面头加上脆脆同葱花，伴有酸甜萝卜丝同垫有生菜，可解腻。椰汁红豆冰 加$8 椰汁红豆冰好香椰奶味，口感食到有碎冰，下底吸到香甜红豆，系一杯好正既甜品。热柠水热柠水有三片柠檬，可暖身。今餐食物唔错。茶餐特别抵食，好钟意食牛肉粉！地方光猛干净。服务员态度友善。…查看更多
