越來越愛

外卖贵妃鸡河粉， 会汤粉分装 ，唔怕浸淋，而河粉有韧度，可口； 贵妃鸡皮滑肉入味， 越式汤头香浓好味， 配有洋葱芽菜 ，而青柠及辣椒粒自加。价钱唔贵，实属抵食。椰子菠萝沙冰不会死甜， 感觉新鲜。…查看更多

唔系第一次去买早餐，之前嗌嘅蛋治系劲饱满足料，觉得都值30几蚊，所以再帮衬但今次真系极度失望D蛋少到，咬好多啖都系食紧斋包33蚊一份早餐，食到一肚气！严重偷功减料！…查看更多

因朋友关系，近来经常到达祥龙围村、北区医院一带。倾吓倾吓，又到午饭时间，坦白讲呢带餐厅真的只有寥寥数间，选择很少。Big_Big_Foodie基本上已经试匀附近餐厅，决定将呢一间越南餐厅介绍俾大家。越式火车头河粉 60我本人比较喜欢吃檬粉，所以点了越式火车头汤檬，当中包含生牛肉、扎肉、牛腱、牛丸、猪肉丸及鸡丝，汤底清甜，份量十足。青柠同辣椒另上，大家可以按自己喜好添加。顺化香茅猪扒捞檬 57另一次到访，点了顺化香扒猪茅捞檬。猪扒有两大块，有咬口，香脆。檬粉的份量多到吓死人，真系食到顶住心口，枱上捞檬越南酸汁，比我用了一大樽才食完😂，可想言之份量有几夸张。Oreo 拿铁沙冰 30呢度有不少特色饮品，最重要，是跟餐叫选特色饮品可以正价六折。点了一杯Oreo拿铁沙冰，很大杯，又不是死甜，坦白讲味道非常不错👍🏻如果经过这边，不妨选择这浩瀚美食沙漠带中的唯一绿洲🤭。@Big_Big_Foodie…查看更多

喺附近做完野近近哋去咗越南餐厅食饭中午嘅时间都几多人, 要等咗差唔多五分钟先有位越式火车头河粉(转檬粉)超级多𩠌一碗面, 有 札肉、生牛肉片、鸡丝、牛展、猪肉丸同牛丸, 汤底有浓厚嘅牛骨味, 里面仲有洋葱、芽菜, 芽菜条条都好肥大, 咬落去超级爽脆, 肉方面都系好味嘅, 食完唔会黐牙跟餐嘢饮：冻柠茶正正常常唔会太甜, 亦唔会系超级多冰𠮶只调味料：青柠、辣椒有啲辣椒仔同埋有半块青柠另上, 钟意食辣嘢嘅朋友记得加多啲辣椒咗碗汤度啦！我就加到三四粒就觉得好够辣！…查看更多

【北区】【越来越爱】今日系一个好特别嘅日子，对大家嚟讲可能系好普通嘅一日，但系对我嚟讲意义深远。虽然已经事隔七年，但系当日嘅每一个画面，每一个细节，喺我脑海里面都萦绕不散。每次经过返𠮶啲位置嘅时候，每次我都勾返起啲回忆。嚟到呢个我从来都未见过嘅祥龙围邨，第一次见识上水啲新公屋，佢有两间餐厅，大家乐我就唔食啦，剩返呢间就好似系越北牛肉粉啲副线，招牌个「越」字好似，不过我冇刻意去揾，反正我只系入去食嘢，冇乜嘢想调查。第一次去叫咗个下午茶嘅「焗澳门猪扒包、煎蛋伴野菜沙律及美国薯条」，我明知自己会去唔止一次，所以只系食咗呢份，好麻麻，水准话你知点解佢有四样嘢都只系 $33，加 $19 要嘅「珍多冰」简直后悔，咁就剁我 $52。唔好食都冇办法，我想写吖嘛，第二次去叫咗个细碗嘅「越式爽腩生牛肉汤河粉」，真系乜菜都冇，啲牛腩系车仔面𠮶啲，食完喺返晒牙罅度𠮶只。生牛肉亦都唔系大家谂紧𠮶啲肥牛、牛肉片之类，不过冇啲牛腩咁差我就算。今次呢碗 $42 又唔算好贵，加 $3 要杯「冻咖啡」夹埋先 $45，一啲都唔过份㖞咁，而且杯冻啡几好饮，挽回咗唔少分数。我觉得呢间都系当佢茶记咁，食份热辣辣炒嘢配杯普通嘢饮算喇，啲所谓特色嘢根本系呃生客。喺公司打呢篇嘢都系断断续续咁打，七年前嘅呢啲时间我都系喺一个暧昧嘅阶段里面，谂返起都冇乜点。因为我知道佢系我要揾嘅人，唔好拖时间就尽快处理好咗件事。喺呢啲咁唔恰当嘅回忆深陷时段先见到女同事，扮做嘢算。。。（地址：上水祥龙围邨地下祥龙荟 5 号舖）…查看更多