赤本山 (已結業)

最近發現咗一間喺將軍澳海濱附近嘅食肆，叫做赤本山。佢本身係Omakase餐廳，但喺10月中轉型做居酒屋，推出左更多款式嘅小食、熟食～雖然餐廳外觀唔起眼，但一踏入去就可以感受到日式風格。餐廳有席前位置同埋卡座，廚師都好友善，而且見到好多將軍澳嘅常客，睇嚟真係好受將軍澳居民歡迎！轉左Menu後，有更多唔同種類既食物選擇，我地問下廚師意見，每樣類別都叫左一啲黎試下：🍽️ 十勝薯仔沙律：呢個沙律係由廚師推介，一黎到，竟然係一杯雪糕？原來上面鋪滿脆口嘅薯片。裡面配搭美味嘅薯仔沙律，口感好特別。🍽️ 雪茄春卷：呢個春卷形狀似支雪茄，裡面原來係包住枝豆同蝦肉，好似煙灰既其實係竹炭岩鹽，外觀得意同時味道都好出色。🍽️ 味增牛筋煮：呢道菜用蘿蔔同牛筋一齊煮，牛筋咬勁十足，味增湯汁煮得好入味。🍽️ 辣肉碎麻醬伴手工麵：手工麵配上香辣嘅肉碎同麻醬，比出面既專食麻醬麵更出色。🍽️ 刺身三點：刺身依舊保持Omakase水準，肉質鮮嫩，廚師刀工亦好好，仲帶有微甜。🍽️北寄貝壽司、玉子壽司、粒貝壽司、 蟹肉蟹卵壽司：壽司我地揀左幾款平時既至愛，壽司飯依特別一讚玉子壽司，玉子好厚實鮮甜，粒貝更係用左原粒既北寄貝，比係出面既更大粒更鮮味。味道：🌟🌟🌟🌟🌟環境：🌟🌟🌟🌟🌟如果你想喺將軍澳搵間質素好嘅居酒屋，真係好推薦去試吓赤本山。餐廳位置唔多，記得去之前book定位啦～📍 餐廳：赤本山🌍 地址：港鐵將軍澳站 A2 出口, 步行約8分鐘…查看更多

將軍澳南真係好多好野食，今日去左播道書院行入d既日本菜，依家仲有得食居酒屋路線，有定食，真的好不錯，選擇又好多，而且餐廳環境好高檔，入到去有張長長嘅吧枱，可以望到廚師煮嘢食。裝修好有格調，好有日本feel。今次唔洗行到海旁已經有正野食，太好了！三文魚親子丼出色嘅刺身，新鮮嘅口感，鮮味十足，真的好值得回味，而且丼入面既刺身種類都不少，不錯！滑蛋吉列黑豚送上枱嘅時候仲。熱辣辣即叫即炸，黑豚外層香脆，咬落有質感，又唔會太靭。滑蛋好滑溜，同個飯好夾，味道真係好好味。芝麻雞翼即叫即製，食嘅時候仲燙口，外層香脆，味道十足，內層雞肉好嫩滑，正～赤本山，真係值得一去，食完你會有想再去既想法，因為真係好好既服務同質素。將軍澳好少咁高質既日本餐廳。…查看更多

🌟赤本山🌟係將軍澳嘅高級日式料理店🇯🇵，最近Fine Tune咗份Menu📖，晚市Omakase Set只需$800起，最貴都只係$880，計埋加一都唔過千，係新手體驗Omakase嘅必然之選👍🏻！🇯🇵本 $880/位包括🌽先付、🐟刺身四品、🔥御料理、🍣壽司七貫、🍣卷物、🍲湯品、🍮甜品🍱先付有清甜爆汁嘅🌽白粟米、酸酸哋滑溜溜嘅🌊水雲醋物、仲有清新嘅🍋青檸啫喱，都係用嚟warm up味蕾嘅！🐟刺身四品切成直條嘅🐚白象拔蚌，以岩鹽同埋青檸作調味，突顯貝類嘅清甜同埋爽口😋！肥美嘅🐟秋刀魚係秋天🍂必吃嘅食材，油香感滿滿，魚味香郁👍🏻！北海道嘅昆布森🦪真蠔size都幾大隻，蠔身肥嫩，入口勁綿滑🤩！岩手縣嘅帆立貝🪸，浸完薑蓉豉油再🔥燒至半生熟，包埋紫菜🍘一齊食，鮮甜度幾出！🔥御料理採用出名肥美嘅🇹🇼台灣馬友作一夜乾處理，🔥烤至皮脆肉嫩！🍣壽司七貫充滿魚油嘅縞鰺🐟，肉質爽嫩，十分鮮味👍🏻！以新魷魚🦑作為食材，更見幼嫩美味！季末嘅🪸石垣貝仍保持鮮嫩，輕輕一拍即大幅收縮，爽甜可口😉！近魚骹位嘅🐟中拖羅，特別肥嫩！魚味同埋油香同時兼備，正🤤！為保留🐚北寄貝軟嫩嘅口感，師傅👨🏻‍🍳刻意反轉再炙燒🔥，甜度勁出，效果非常好！時令嘅生食級🐠真鯖魚魚味香郁，令人回味！打成蝦滑嘅🦐甜蝦，鮮甜味被放大，唔錯！來自🇯🇵北海道嘅根室白海膽，瓣身比較大，口感非常綿滑😋，滲出陣陣嘅清甜味，Nice👍🏻！🍣卷物拖羅太卷🐟味道層次同埋口感都好豐富，仲好肥美🤤！🍲湯品｜甜品以魚湯同埋🍮焦糖布甸作結！…查看更多

朋友介紹個位呢一間Omakae抵食又高質，今次黎試試先，lunch 有唔同同價位或者有其他熱食單點，今次揀左（$560/pp)軟殼蟹沙律🥗炸得脆而不膩茶碗蒸🥚好滑同鮮味，有雞肉同菇北海道金目錭薄切🐟魚味同又油份平衡，紫蘇提鮮同解膩三文魚子海膽杯🐟❤️❤️❤️，北海道白海膽，醬漬雪文魚籽味道偏甜☺️，再加左少少青檸皮，味道清新北海道鱈魚白子🐟呢個月份開同始有白子❤️，口感非常之creamy，配以酸汁啫喱，蔥花，七味粉，感覺更惹味真錭🐟油份味道平均深海深魚🐟好肥美靜岡縣金目錭🐟鮮甜嫩滑阿根廷赤蝦🦐爽口，鮮甜梭子魚🐟油份偏重，超香 北海道獅魚🐟肥美無比蝶魚邊🐟爽又有魚油香青魚🐟魚味濃，開始入秋油份更重池魚🐟魚鮮味濃郁中拖羅🐟甘甜，肥美，味道平均白海膽🐟Creamy，入口即溶鰹魚汁烏冬🍜煙韌❤️開心果雪糕💚綠有粒粒開心果😍…查看更多

今日嚟到位於將軍澳澳南海岸SAVANNAH嘅赤本山，餐廳位置都幾隱蔽，不過呢度相當寧靜優雅，非常舒適，入到嚟仲有一個大大嘅吧枱位置可以近距離睇到師傅精巧嘅手勢。先付~北海道白粟米，非常清甜。之後食鹹香嘅紫菜白飯魚，白飯魚壓碎左之後連同紫菜炸，口感好酥脆。最後再有沙葛，代替吾係當造期嘅蘿蔔，沙葛咬落清爽多汁，味道酸酸甜甜好開胃。刺身四品~真鯛薄切晶瑩剔透，睇落相當吸引，真鯛鮮味再沾上酸酸地嘅醬汁，味道更加濃烈。~北海道白象拔蚌味道清甜爽口，鮮味十足，再加上岩鹽同青檸汁嘅調味，令到味道更加有層次感。~三文魚籽白海膽清甜得嚟creamy，另外師傅仲加咗少少青檸汁，中和左個味道，食落口甜而不膩回味無窮。~秋刀魚刺身時令當造，味道相當肥美，而且魚味濃郁，輕輕點上少少嘅醬汁，味道非常濃厚。御料理~吉列帶子呈現半山熟狀態，帶子同吉列嘅口感，令到整體食落好有層次感，帶子味道好鮮甜，亦可以沾上白松露醬，令到味道更香濃。壽司7貫~深海池魚，口感爽口，仲有特有嘅鹹香味。~鮫鰈魚魚邊，有出眾嘅油脂感，非常肥美。~新魷魚，其實就係魷魚BB，經過火灸燒完，識落更加有口感。~中拖羅，油脂感岩岩好，而且口感嫩滑。~醬油漬赤身，醬油漬之後，嘅保留左赤身濃郁嘅魚味，口感亦變得更加嫩滑。~鯖魚，時令當造，口感較為滑身，魚味亦都更為香濃。~甜蝦他他，有紫蘇花碎，味道更加提鮮，食落更加鮮甜，他他亦都更加帶出甜蝦嘅口感。卷物~紫菜白海膽，白海膽非常甘甜，回甘味十足。湯付~鰤魚岩岩入季，所以鰤魚熬出嚟嘅魚湯更加鮮甜濃郁。甜品~自家製朱古力慕絲蛋糕，口感又綿又滑，味道又吾會太甜。…查看更多

最近迷上左食Omakase，所以會周圍揾有無D特別既Omakase試下。今次就去左位於將軍澳既【赤本山】，最特別之處係價錢比其他Omakase親民好多，平時食夜晚最怕都要起碼$1K起跳，【赤本山】兩個set都唔過$1K。今次就試左【本】set，包括先付、四款刺身、御料理、7貫壽司、卷物、湯同甜品。先付：燒姬松茸、柚子山藥、醋漬水雲。姬松茸非常香、加少少鹽燒。柚子山藥爽脆、柚子味唔算太重。水雲似髮菜 酸酸滑滑。鮫鰈魚刺身：油分重魚味唔算重、紫蘇花解膩。中間火炙左嘅香味會重少少。白象拔蚌：肉質爽口、加左岩鹽同青檸汁提鮮。會有少少腥味，不過好爽口。三文魚籽杯（本身有海膽）：因為我本身唔食海膽所以走左。三文魚籽好甜唔會太鹹、漲卜卜。加左青檸皮好清新。秋刀魚：依家係當季，所以好肥美魚、魚味濃但唔腥。吉利帶子配白松露醬：吉利皮味有少少濃蓋過帶子鮮甜，不過白松露好香。真鯛：魚味油脂味都好平均、肉質爽甜新魷魚：BB魷魚、肉爽、彈牙金目雕：用左兩個步驟、先熱水逼出黎之後火炙。好香、肉爽甜。石恒貝：上碟前師傅會先拍一下、肉質緊實、爽脆、清甜。中トロ：半肥瘦 肉質比較緊實、油脂味重牡丹蝦：加左黑松露醬，蝦肉超級鮮甜軟糯梭子魚：肉質會比較軟、皮炙左好香北寄貝：燒2-3成熟會比較甜。用背面縮唔會縮太多、肉質爽口鮮甜蔥花吞拿魚手卷：無咩蔥味、不過吞拿魚味濃白味增魚湯：有少少鹹、而且魚味偏重抹茶蛋糕：好creamy、抹茶味唔係太重…查看更多

呢間omakase應該算係性價比幾高嘅餐廳，$880「本」有齊先付、刺身、御料理、壽司、卷物、吸物及甜品。先付係用木盒盛載奉上，作為開胃前菜我覺得滑嘟嘟嘅日本水雲口感幾過癮亦好食。刺身做得非常出色，白象拔蚌味道鮮甜，北海道白海膽配魚籽真係超好味，濃郁嘅海膽香甜配上一咬超爆汁嘅大大粒魚籽，好想食多幾杯，至於生蠔入口好creamy，但最驚喜嘅係八爪魚，大廚話由早上開始已幫八爪魚做「按摩」，然後慢煮8小時，煮到極軟淋，醬汁亦非常入味。作為最重頭戲嘅御料理，係大聖子配極品鱘魚子醬，一粒粒晶瑩嘅金魚子醬及圓潤飽滿嘅黑魚子醬係口裡面破裂，釋放出豐富鮮味，大廚建議配少少辣粉食，味道更加突出。壽司嘅質素都唔錯，全部都好新鮮，跟住大廚嘅建議由淡味到濃味，越後越好食，火灸燒過嘅魷魚更加有口感，深海池魚有特別嘅鹹香味，帆立貝加點青檸汁味道更清新，鰤鱼肉質濕潤飽滿，海膽當然夠甘香鮮甜，金目鵰脂肪好豐厚肉嫩，燒左嘅北寄貝切得勁大粒厚身，大拖羅超級肥美完全沒有筋。然後係汁煮胡蘆瓜乾手卷，酸酸甜甜味道清新。豬骨湯味不算太濃，不過都飲到淡淡嘅肉脂香。最後甜品係焦糖布丁，質地比較結實，入口有蛋香，完美結束呢餐omakase。…查看更多

聽聞赤本山性價比高，今晚特登入將軍澳食飯！「本」套餐$880一位，有齊前菜、刺身、壽司、湯、甜品等，系幾抵食。前菜三款用木盒仔裝住，有日本栗米、水雲醋物同青檸jelly ，全部都系好refreshing嘅前菜，喚醒味蕾準備食大餐。第一道刺身系北海道鮫鰈，即系右口魚，師傅切咗兩個部位，腩位肥美，另外兩片配紫蘇花一齊食，口感清爽。之後就到時令嘅嘅秋刀魚，油脂豐富、魚味香濃，肉質有咬口，秋天真系一定要食秋刀魚。白象拔蚌師傅切咗粗條狀，加咗少少青檸、岩鹽，味道已經好鮮甜，口感爽脆，大家都好鐘意！接住嘅北海道昆左森生蠔都幾大只，口感比比一般嘅日本creamy啲，師傅配咗自家制酸汁提升鮮味，都幾夾。食完刺身就到壽司，食材全部都好新鮮！縞鰺即系深海池魚，肉質細緻，魚油豐富!文甲尤魚比較淡味~火炙嘅金目鯛油脂豐富，魚肉軟諗鮮甜!石垣貝同北寄貝兩款都好爽口清新大拖羅系最正嘅壽司，放入口咬一啖，油脂大爆發!!!白海膽味道清甜，唔算好濃味。之後仲有碎吞拿魚腩手卷，即刻叫師傅俾少啲飯😂 食完成餐凍嘢飲碗熱辣辣嘅魚湯，感覺好正。多謝師父今晚落力款待。…查看更多

記得第一次食omakase，就是去位於尖沙咀的KUNO花晨月夕，給了一個非常美好的回憶。原來KUNO店主在將軍澳都開了分店，一於去體驗一下！ 身處遠離主戰場的將軍澳，賣點就是「價錢」💵，一樣的質素，卻以吸引的價錢作招徠，CP值爆燈！餐廳位於SAVANNAH，與地鐵站有點距離，都要行10-15分鐘。店舖門口非常低調不易察覺😆，入內是一個非常典型的日料店，只有吧枱，可容納10人左右，好有VIP的感覺。另外亦設有2間私穩度十足的小廂房。有三個套餐選擇：「赤」、「本」、「山」，選擇了套餐「本」 $880，是最豐富也是CP值最高！✨先付前菜是一道非常精美的寶盒，裡邊有幾道非常開胃且有特色的小菜，包括有1）🦪廣島蠔 ，加入了友馬山椒蠔肉肥美味道清新；2）用了紅菜頭汁 淹製而成的🍠沙葛 ；3）🦐瀨尿蝦，上面加了少許辣椒蘿蔔蓉，味道鮮甜；4）☕️水雲醋物✨刺身四品然後是續一送上各款刺身，每一款都用心製作，有味道有賣相，包括有1）🐟北海道鮫碟魚，加上了竹炭鹽和紫蘇花，油脂超級豐富，配搭紫蘇花帶點清新中和油膩感；2）🦪北海道白象拔蚌非常新鮮爽口，配上少許青檸汁和粉紅岩鹽更添鮮甜味道；3）🐟沙甸魚磯邊卷 當造 芽葱 明河（薑）解膩沙甸魚鮮甜，味道層次豐富；4）🦪汁燒北海道帆立貝，加紫菜包著，熱辣辣味道濃郁✨壽司七貫之後就是主角壽司🍣，用上了赤醋米，煙韌適中，多款壽司都會加上適當調味，令食材鮮味提升。🍣岩鹽燒文甲魷魚 - 加上少許青檸汁，味道清新🍣真鯛 - 白身魚之王，沾上了醬汁，味道平衡🍣縞縿 - 即深海池魚，油脂豐富，加入了青柚皮，比較清新🍣赤貝 - 非常新鮮，加上少少青檸汁增添清新味道🍣大拖羅 - 油脂分布均衡，肥美到極點，上加了少許紫蘇花和紫蘇葉絲🍣真鯖 - 魚皮經過輕輕炙燒迫出油脂，入口非常嫩滑🍣鮟鱇魚肝 - 來自神隱島，使用清酒醃製，配上醃奈良西瓜，口感如芝士，入口即溶🍣小肌 - 經過醃製，不會太酸或太魚腥，鮮甜🍣白海膽 - 來自北海道，口感creamy如食雪糕一樣，味道清甜✨卷物然後是送上一個卷物，有吞拿魚蓉和醃蘿蔔，好味🤤✨御料理這次的料理是雞和釜飯。雞是麻雞，使用了中式做法風乾一晚，再用滾油淋致脆面，是心機之作！釜飯加入了金蟹籽、炸京蔥絲、牛蒡絲、菇，口感層次非常豐富又好味！✨湯魚湯非常濃郁，鮮甜清香✨甜品最後以自家製的抹茶紅豆作結尾。大滿足😌總結：$880 有這麼豐富的omakase，真的是CP值爆燈，一個很婇的體驗，誠意推薦👍🏻…查看更多

Omakase set 分別有赤、本、山，本比赤貴$80但多了刺身四品 ，御料理和卷物； 赤則比本多5件壽司；本以熱食為主照顧唔同飲食習慣既食客。為左試不同種類，選擇了- 本，因為呢個set 實在太豐富，所以要分兩個食評先show得晒。先付🌽白粟米多汁🐚廣島蠔用山椒醬油醃過，好入味，紫蘇花點缀多左分清新🥔沙葛分別用柚子醋，紅菜頭醋醃製，開胃刺身四品🐚白象拔蚌岩鹽青檸汁，爽脆，鮮甜🐟秋刀魚當造薑蔥豉油肥美， 師傅已經拔曬骨， 起得非常好冇整爛啲魚肉， 仲保持到魚肉嘅鮮味，有驚喜😚 🐚日本蠔Creamy，海水濃味，加左酸汁balance 🐟梭子魚用火槍燒咗啲魚油出嚟，更香口， 魚肉一梳梳的，好好味🍲食完又凍又爽口既刺身，上番碗超熱辣辣又濃厚魚湯，個胃好舒服! 寿司七貫⬆️北海道白海膽： 其實係食晒7年壽司先上，但成啖過實在太感動，要排第一。成口都塞滿晒海膽，味蕾品嚐到既時候海膽已融化左，果重份量感同滿足感係成正比的，保持到新鮮冇腥味，會為左佢番黎。🐟深海池魚：爽口又彈牙有啲似蒟蒻嘅口感, 又有魚嘅鮮甜，呢個有驚喜。🦑魷魚bb：切咗十字紋，食落有膠質果種將住個口，甜。🐚赤貝：正路，爽口，入面比較多山葵，刺激! 🐚石垣貝：產自岩手縣比赤身口感唔同，係軟啲既爽，扇形嘅構造同口感，師傅會拍一拍先上碟，已經尾水，下次黎就冇得食了。🐟池魚：用咗薑蔥點綴, 辟一辟腥味, 魚味比起其他魚更加重。🐟鰤魚：6kg既油甘魚先至會叫做鰤魚， 因為通常都係野生冇可能養到咁大, 魚味豐富，油份大到好似食緊大拖咁，令我頭一次中意佢多過拖羅。🐟長崎原半養殖大拖羅：口感比鰤魚更入口即溶, 大拖冇得輸。卷物江戶前產物 ，汁煮葫蘆瓜偏甜漬物遇上醋飯，酸酸甜甜，正好。御料理🐓燒麻雞，風乾先再燒皮脆肉嫩多汁。另外仲有碗釜飯，香菇味濃，面頭既魚籽晶瑩通透脆卜卜，米飯係軟糯煙韌中間，中意食飯既人表示好好食。甜品🍮宇治抹茶奶凍，只係紅豆有甜味，奶油甘香，完美的一餐收結。店內坐位不多，bar 台大概十個位，但可以book房，氣氛輕鬆和諧，師傅好好笑容，可一又可再。…查看更多

放完暑假，去旅行的節奏要停下來了。兩個老母唯有喺香港食 omakase… 今晚我哋就去咗赤本山。鮨店範圍不太，裝修簡潔，播住輕鬆嘅音樂，氣氛唔錯。我哋食咗「本」套餐，OpenRice 訂位有優惠，性價比高！先來前菜三款，最鐘意水雲醋物，加入wasabi調味，酸酸甜甜，係好開胃嘅前菜。然後就開始我哋好期待嘅刺身環節😍 第一道係來自北海道嘅鮫鰈，亦即係右口魚，肉質爽口，配紫蘇花一齊食，味道都幾夾。不時不食，當季嘅秋刀魚油脂充沛香濃，肉質爽身有咬口，好正！白象拔蚌味道好鮮甜，口感爽脆利落，配少少青檸、岩鹽已經好好食。北海道昆左森生蠔比一般嘅日本蠔creamy啲、海水味重啲，配上自家製酸汁都唔錯。之後有壽司：縞鰺、文甲尤魚、金目鯛、石垣貝、大拖羅、北寄貝、甜蝦他他同埋白海膽。縞鰺又叫深海池魚，白身魚當中算係油份重嘅魚，而且肉質細緻爽口，推介！金目鯛同大拖羅油脂都好豐富，大拖羅尤其甘香，食完真係齒頰留香。石垣貝又係好出色，食材非常新鮮，鮮味十足。最後食埋碎吞拿魚腩手卷、魚湯同甜品，真係飽到上心口！…查看更多

呢間赤本山新開張一排，朋友介紹話抵食，唔使$1000就已經可以食到海膽同生蠔🦪。作為foodie 既我，點可以唔試下。現時坊間閒閒哋夜晚食都過千。不過佢位置就會比較隱蔽啲，將軍澳站行過去都要少少時間，門口裝修比較簡潔，入面以吧枱為主，可以望住師傅一路整一路講解，好有互動。⛩️要左”本” 一人前$885首先會安排先付，佢上菜方式好特別係用一個寶盒咁打開🎁，可見賣相充滿心思，價錢抵食得來係有質素。師傅建議左至右吃，白粟米多汁爽甜，廣島蠔用上柚子皮代替檸檬，比較清新又可以去腥。最右係用上柚子醋腌沙葛，紅色用上紅菜頭，酸酸甜甜，令人開胃。刺身類: 🔹白象拔撲加了岩鹽代替豉油同青檬汁去腥味，更爽口清甜🔹選用當做秋刀魚，油分重都較肥美 🔹北海道真蠔🦪肥美肉厚，較濃味加左酸汁無咁咸🔹梳子魚鮮魚湯壽司類:🔹深海池魚 爽口油份徧重🔹魷魚 赤貝🔹鰤魚 野生 無咁油膩 🔹拖羅長奇縣 肉質較結實🔹真池魚 加薑蔥去腥 😍最令人驚喜就係北海道白海膽，師傅一啲都唔吝嗇，大啖大啖咁，食落去比較清甜，唔會滯最後佢仲有燒雞炒飯，同甜品。期間師傅仲會問你夠唔夠飽，但食到壽司嗰下已經食唔落炒飯😂 估唔到整體份量超級足了大食人士都啱晒！呢個價錢真係CP值高！…查看更多

赤本山 (將軍澳)📍將軍澳至善街3號澳南海岸SAVANNAH Place地下G07A號舖記得第一次食Omakase 就係去尖沙咀嘅花晨月夕！而今次我哋就去咗將軍澳新開嘅赤本山，而佢哋兩間都係同一個老細架！餐廳位置距離地鐵站唔算太近，亦都建議先用Google map set 好個導航先好行，因為對於區外人嚟講真係好易會行多咗冤枉路！赤本山雖然唔係開係旺區，佢嘅取勝之處就係性價比高，價錢比旺區開平好多，最貴嘅套餐都只係$880，而且都一樣非常豐富，食材亦都上盛嘅！🔆先付🔆🔹友馬山椒廣島蠔飽滿又肥美，加上友馬山椒更加開胃🔹日本沙葛用咗紅菜頭汁醃製，所以賣相好靚，呈粉紅色🔹瀨尿蝦瀨尿蝦用咗辣椒蘿蔔蓉再加入用瀨尿蝦殼整嘅汁醬🔹水雲漬物 用咗沖繩種，所以味道會帶酸🔆刺身四品🔆🐟北海道鮫鰈魚，薄切經過灸燒迫出油香再用咗竹炭鹽提鮮，連同紫蘇花一齊食可以中和油膩感🐚北海道白象拔蚌有原片同切條兩種食法，口感較清爽，加入岩鹽加青檸做調味🐟沙甸魚磯邊卷沙甸魚係今期當造，油份重！賣相都圓轆轆咁，呢種做法最特別係佢冇飯中間加入咗名荷同埋芽蔥，散發淡淡薑味🐚汁燒北海道帆立貝呢個以紫菜包住用手食，一絲絲元貝質感，鮮味十足🔆寿司七貫🔆🍣岩鹽燒文甲魷魚文甲魷魚本身清淡，所以師傅特登用岩鹽加青檸作提鮮🍣真鯛真鯛油份口感都比較平衡。日本人稱佢為白身魚之王，而家基本上一年四季都有🍣縞鰺口感同味道都同深海池魚好相似用咗青檸汁做調味比較厚身，口感較爽帶油份🍣赤背師傅上碟前輕輕拍打一下後會有輕微收縮效果，目的係令佢撐開，肉質會更加爽口，加咗少少青檸汁調味🍣大拖羅見到都嘩咗一聲！特大厚切大拖羅！油脂極豐富，塗上少少醬油，亦都加咗紫蘇作解膩入口即溶好香好正🍣真鯖鯖魚一般油份都比較強，質感比較嫩滑所以加咗紫蘇絲作調和用火槍輕輕燒咗一下可以令本身嘅銀皮魚味減少，而且味道更香🍣鮟鱇魚肝食材選擇較為上乘嘅鮟鱇魚肝用大量Sake 醃製再進行蒸煮面頭再加上西瓜漬，目的令到清酒味更出，以中和鮟鱇魚肝嘅油膩感。有驚喜，因為口感似Cream Cheese，原來鮟鱇魚肝可以咁細滑！完全推翻以往對佢嘅印象。🍣小肌小肌係江戶時代嘅代表作，師俄做咗特別嘅處理，令到味道唔會太酸或太鯹。而且size愈細條就更加會帶多一點甜味。🍣北海道白海膽好少會食到呢種口感啲海膽，入口好Creamy， 而且本身都凍冰冰，感覺好似似食雪糕咁，而又不失鮮甜味。🔆卷物🔆🍣吞拿魚蓉蘿蔔🔆御料理🔆非常有幸可以食到師傅提早兩日預先準備嘅日本燒麻雞釜飯！麻雞皮下脂肪比例低，有利於製造脆皮效果。過程需要吊起一日嚟風乾，之後再用滾油焯表面以做出香脆效果。肉質好嫩滑又多汁！呢道係心機菜式，要食就要早兩日預訂啦！至於釜飯都有好多細細微位令到味道更加好食。配料用到牛蒡、菇、金蟹籽、同埋炸京蔥絲去令到味道更豐富！如果唔介意重口味的話可以加埋豬油，味道完全係可以提升到另一個層次！🔆吸物🔆香濃魚湯，滾熱辣嘅乳白色魚湯好鮮甜，入邊仲有兩件整肥美嘅白身魚肉！🔆甜品🔆今晚嘅甜品係自家製綠茶紅豆奶凍！師傅特登做咗低糖，所以食到最後都唔會覺得好太膩！紅豆起晒沙而且布甸都好細滑！…查看更多

約左朋友黎將軍澳，打算一試成日爆場的omakase，離將軍澳站A2出口唔遠。但門面偏向低調，我同朋友差點錯過了。整體環境簡潔寧靜，除左吧枱位置，仲有小包廂，private程度高。難得同朋友仔飯聚，梗系嗌全場最貴啦！估唔到加埋一最貴都只不過是$880/位，性價比極高。入座後，就有一杯玄米茶提供，飲住茶睇住廚師們用心制作，感覺好chill‼️ #前菜🩷柚子蠔，肥美，帶有淡淡海水味，混合柚子味，鮮甜。🩷柚子沙葛，爽口微甘微酸。🩷瀨尿蝦，蝦肉飽滿，口感豐富。🩷水雲醋物，入口滑溜，中和之前所食之濃味。 #刺身🩷北海道白象拔蚌配青檸岩鹽口感爽脆新鮮，岩鹽帶出微微海水咸味，原隻青檸揸汁，清新青檸汁帶出甜味。🩷沙甸魚刺身，用沙甸魚當做卷物，太肥美啦‼️當中夾入鮮青葱解油膩，紫加了2-3粒蘇花，帶有淡淡紫蘇味道，入口超級滑溜。🩷秋刀魚刺身，當做入季，口感彈牙，肉質厚實，魚味濃無腥味，入口非常鮮甜‼️👍🏻🩷北海道昆布森生蠔，加入少量酸汁，肥美真。入口果質感好似食緊忌廉，味道淡淡的酸味，海水味唔算好濃。 #壽司系列#飯有赤醋🩷真鯛壽司，魚肉質感厚實，比較爽口。🩷炙燒松果切魷魚青檸壽司，口感少量漿口。🩷縞縿壽司，縞縿類似深海池魚，口感飽滿厚實，油感唔重。🩷活赤貝壽司，廚師拍一拍令佢收縮，口感爽脆彈牙，新鮮貝類的甜味。🩷鰤魚壽司，味道似油甘魚！🩷奄美大島大拖羅壽司，此部位系吞拿最肥三角位，齒夾留香，肥美油份足，但肥而不膩，入油即溶。🩷手撕帆立貝壽司，表面加入青柚汁，有一梳梳的口感，塞滿成個口腔。🩷池魚仔壽司，魚肉鮮甜。🩷甜蝦他他壽司，蝦肉起膠，滿滿蝦味。🩷利尻禮文產的白海膽，新鮮creamy，溶晒落口的感覺，非常滿足。🩷碎蔥呑拿魚腩手卷，淡淡蔥味，袪除呑拿魚本身腥味，肉質肥美鮮甜。 #熱食🩷燒麻雞配釜飯，麻雞油脂唔多，外皮香脆，釜飯配料好多，配上自家制豬油，油而不膩！🩷𩶘魚湯，一定要趁熱飲，奶香味重，內有𩶘魚肉同葱白，非常鮮甜。 #甜品🩷自家製抹茶奶凍，奶味香濃，奶凍軟硬適中，抹茶味足，紅豆夠粉，有菊花點綴，令奶凍有淡淡清香，中和口感。 📍赤本山 @ankayama_hk地址: 將軍澳至善街3號澳南海岸SAVANNAH Place地下G07A號舖 …查看更多

將軍澳嘅赤本山係日式鮨店，新Menu晚市Omakase Set只係$800起，當中不乏高級食材同埋時令海產，性價比超高！店員相處融洽，令場內充滿快樂嘅氣氛，用餐經驗良好！本 $880/位先付白粟米 - 爆汁清甜，係喚醒味蕾嘅良品！水雲醋物 - 酸爽開胃！青檸啫喱 - 微酸清新，get ready for 刺身環節！刺身白象拔蚌 - 切成條狀，更顯爽口！簡單以青檸同埋岩鹽去調味！秋刀魚 - 時令嘅秋刀魚，魚油勁充足，肉質爽嫩，正！生蠔 - 來自北海道嘅昆布森真蠔，蠔身肥美飽滿，溫和嘅海水味同酸汁勁夾，尾韻係令人愉悅嘅蠔鮮味，good！帆立貝 - 以薑蓉豉油漬過，再輕輕燒至半生熟嘅岩手縣帆立貝，甜美之中帶醬香！御料理鹽燒馬友 - 是日御料理係來自台灣嘅肥美馬友魚，一夜乾處理後再香煎，肉質變得緊緻，魚嘅鮮味亦頗為突出！壽司深海池魚 - 油份重，肉質卻爽口嘅縞鰺，鮮味十足！魷魚 - 採用年幼嘅魷魚，𠝹花炙燒過後，爽嫩甜美！石垣貝 - 超級新鮮，輕輕一拍已經收縮到差唔多反艇！中拖羅 - 近魚骹位置嘅中拖羅，魚味濃郁，同時有滿滿嘅魚油香，特別滋味！北寄貝 - 反轉再炙燒嘅北寄貝，保留住軟綿中帶一點爽口嘅口感，而甜味亦放到最大，really nice！真鯖魚 - Seasonal嘅真鯖魚可以直接生食，仲好肥美！甜蝦他他 - 打成蝦滑嘅甜蝦，鮮甜味變濃咗，份外美味！白海膽 - 北海道根室白海膽，軟綿清甜，大滿足！卷物齊晒中拖羅、大拖羅、仲有拖羅蓉嘅太卷，口感豐富，味道可口！湯品熱辣辣嘅魚白湯，飲落圓潤甜美！甜品Ending係布甸加焦糖醬！…查看更多