贊和豆品

行过见到价钱好平，一碗豆腐花只需七蚊，好多人买完就企喺街边食，男女老幼都有，场面几热闹。舖头系街边小店，冇座位，简单但干净，一位姐姐负责叫完即刻勺畀你。买咗一碗姜汁豆腐花，姜汁、糖浆同糖粉都放喺一旁，可以自己按喜好加落去。姜汁唔系坊间𠮶啲糖浆味，食落感觉似而系自家煲嘅姜水，唔甜但够香，入口有啲暖意。豆腐花本身非常滑，有淡淡嘅豆香，质感细腻，食落有惊喜。以呢个价钱嚟讲，真系抵食又有质素，唔怪得咁多人宁愿企喺街边都要买嚟食。…查看更多

今日喺荃湾路德围赞和豆腐花，叫咗两碗豆腐花，价钱超抵，七蚊一碗。虽然系闲日三四点，但系依然有人喺度排队，生意相当唔错。今次叫咗一个冻薏仁白果豆腐花同冻黑芝麻豆腐花，我几钟意啲薏仁白果，但系黑芝麻就一般般啦比较水D，豆腐花好滑，但系冇乜豆味。好似比以前退步咗，记得以前黑芝麻糊会浓郁啲。呢度仲可以自己加唔同嘅配料，呢个价钱算系几抵食，不过味道就一般般啦。桂花冰糖味道唔错，另外见到佢有花奶味，下次可能会试下。…查看更多

自从荃湾豆腐花大战之后，经常都到这间豆品店买豆腐花。这次买了三个外卖每碗$7外卖+1比起很多店舖都还要便宜。豆花滑溜，但豆味比较淡。配搭嘅红豆沙同绿豆沙，味道唔错，搭着豆腐花食唔会太甜 。绿豆沙唔系一般嘅海带绿豆沙，而系加咗一种草，系传统嘅味道。红豆沙除咗沙之外，亦都有一粒粒嘅豆有咬口。芝麻糊唔会期望佢自己磨自己煮，毕竟价钱喺度。但开份起码唔会开到199。整体比较满意。…查看更多

荃湾呢条为食街嘅呢间豆腐花铺，由昔日嘅$3碗食到依家$7碗，依然系平靓正，个个行过都忍唔住要整返碗😁。豆腐花，仍然系又滑又抵食。仲有好多款唔同配搭。通常住附近嘅街坊都会买返几碗返屋企慢慢叹。有黄糖，桂花冰糖水，冰糖水及鲜姜水随你添加。真系好贴心。食多几碗唔同味道都唔过份。…查看更多

赞和豆品赞和豆品同隔离糖水铺咁多年都一直斗平益食客，斗到你死我活。上星期经开荃湾顺便睇下佢哋依家点，结果赞和赢咗，平咗1蚊，记得以前豆腐花最平系卖$3一碗，到今时今日不得不加价，但依然最平卖紧$7，最后我无买豆腐花，反而买咗香滑芝麻糊、香草绿豆沙同陈皮白莲子红豆沙外卖走！1.香滑芝麻糊$9＋$1外卖（9/10）呢个芝麻糊好滑，芝麻够浓无沟水，够「杰挞挞」，唔会好甜，正爆！😋😋😋2.香草绿豆沙$13＋$1外卖（8/10）呢个绿豆沙够多绿豆，而且煮得够耐起到沙，有少少香草味，又唔会好甜！👍👍👍3.陈皮白莲子红豆沙＋$1外卖（8/10）呢个红豆沙食到陈皮味，用几多年陈皮就唔知，入面仲有白莲子，而且煮得够耐起到沙，唔系红豆汤，又唔会好甜！👍😋😋3人总共价钱$38个人口味总评分：8.33/10地址：荃湾荃兴径6号昌泰大厦地下5A舖…查看更多