影片
营业时间
今日营业
11:30 - 00:00
星期一至日
11:30 - 00:00
以上资料只供参考，请与餐厅确认详情
相关文章
📍环境 & 地理位置：贵香园其实位置上算方便，都近地铁站嘅，不过呢度长期都排晒长龙，尤其系午市同晚市繁忙时间，想食预左要等下位。舖面细细，座位逼夹，走廊窄到拎住个袋都难转身，搭枱系必然嘅，如果想静静哋食餐饭嘅就未必适合喇。 🍜鸡丝猪膶云南米线：小锅米线系贵香园必食，汤底有酸辣、麻辣、沙嗲等等畀食客拣，辣度今次试咗小辣，汤底酸度够劲，辣度温和，仲有少少肉碎同炸蒜吊味，饮落唔会死咸，食完都唔算好口渴。 🐔鸡丝：唔系一般嚡烚烚咬唔到嘅鸡胸丝，而系似手撕鸡个种，都有keep到少少嫩滑，份量都几多，捞埋汤索晒汁一齐食都浓味！ 🐖猪膶：算系厚切风格嚟，煮得刚刚好，唔会太熟变硬口，咬落去仲有少少粉，汤底关系食落完全冇觉得有腥味，叫做过关喇。🍜米线：煮得啱啱好，烟韧弹牙，唔会太淋或者好易断开一截截，挂汤能力一流，每啖都食到汤底嘅惹味。 🌟总结：贵香园嘅米线水准保持到，汤底够浓郁，鸡丝同猪膶都合格，算系旺角区高性价比米线之选！不过环境真系逼夹，服务就睇彩数，繁忙时段可能会有甩漏。唔怕排队可以一战。
继续阅读
今天去了旺角的金鱼街买鱼，顺便先在那里吃了午餐选了一间云南米线吃-贵香园。😍😍😍😍😍😍😍😍😍😍真的好多人排队，我自己都要等大概六七个才可以进去,点了一个小小辣加韭菜饺还有五花白肉，我已经很久没来这一家吃了，他的味道还是很好吃很香很浓，难怪那么多人排队，价钱也很合理，我点了整个套餐才要$58，所以才是他排队主要因素，便宜又好吃😋🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰
继续阅读
呢间铺系排队小店，我大大话话帮衬咗起码十年，几时想食都会特登搭车去食，我贪佢同南记、谭仔唔同，酸辣汤底够浓够味，𠮶阵啲猪膶仲好大块，炸鱼蛋系另上，特别好食。仲记得疫情𠮶阵我都keep住有帮衬 …我IG仲成日post佢地啲相添。呢排系少咗去，寻日再去返，唔知点解整体感觉好差。🙁首先，间嘢其实不嬲坐得好迫，走廊只够一个人出入，如果你拎住一袋二袋就劝你唔好去食喇——因为无位俾你摆嘢，我寻日就系揽住个袋揽住件褛好辛苦咁食（因为坐得太迫+又热+焗住同成餐饭无停过用乡下话bilibala嘅优质食客搭枱），然后发觉食完见佢地抹枱系乜都扫落地下 🤢。讲返食物先，我食亲米线食嚟食去都系胆拖猪膶+韮菜，或者再加鱼腐三个𩠌，寻日去食就唔知道佢地无鱼腐，我就拣咗竹笙，跟手冻奶茶少甜。碗嘢嚟到…咦？点解我额外加嘅韮菜都系得几条铺响面？我问佢：呢啲韮菜少到呢！仲衰过配菜㖞！佢之后就烚返一碗韮菜俾我…咁…咦？啲猪膶呢？以前系一块块挞响面架㖞，而家呢？揾下啦，汤入面碎湿湿的确系有几块嘅… 😒杯奶茶唔驶讲啦…有啲似我屋企饮剩两啖奶茶跟住拎只杯去浸咁样啰。咁样嘅用餐体验，盛惠$71蚊…仲要，我发现我已经唔系佢哋嘅「目标客户」，你明吗？我其实宁愿啲嘢「无咁好食」，我都会拣返干净好多、坐得舒服些少摆到嘢，仲要平些少的南记或谭仔啰。
继续阅读
喺旺角嘅话有时唔知食乜，又想食米线，第一间就谂到贵香园，酸辣汤底一如既往咁出色，唔会太咸，瘦腩肉嘅腩肉瘦得来唔会好韧，猪软骨亦都好软腍腍，午膳时间去食要排队，不过自己一个人就比较方便可以搭枱唔使等太耐
继续阅读
本身系见到有人推荐呢间米线先去食（因为本身好中意食米线）但其实系唔知食左啲咩应该系普通正常既米线吧（？）一入去我地三个人被安排坐左系最入𠮶张枱米线一送到黎 只系食左一啖我就瞄到旁边个柜就爬左只小强出黎已经净系想即刻走但又已经食左几啖 就快快手食多几啖就埋单走（坐喺我哋旁边𠮶个 见到呢个情况都用最快嘅速度食完走咗）所以我都唔记得左个米线系咩味一到望住佢爬一直怕佢跌落黎咩味都冇下次😵💫😵💫😵💫
继续阅读