豬大王 (多寶大廈)

好耐冇食豬大王！ 因為不是住在新界 ， 以前多數食旺角店 後來旺角沒有做 ！就沒有再食了！ 因太掛住 所以 從九龍揸車入黎！ 咁耐冇食！依然有驚喜！ 保持到水準， 豬扒麵！鬆軟多汁， 豬潤麵，超爽好味！我會多d黎幫襯…查看更多

啲豬扒又鹹越嚟越難食，仲要飲一杯檸檬茶發現咗隻曱甴叫個侍應過嚟佢只係講一聲唔好意思完全冇理成隻曱甴有晒腳仲好新鮮咁衛生問題極度有懷疑希望佢哋可以改善過得人過得自己飲完杯茶搞到囉囉攣成日驚肚痛諗起隻曱甴仲核突…查看更多

食嘢各有口味，人人唔同，好難話邊度啲嘢食係最好食，就好似試過好多間米芝蓮，但最後都係失望而回。不過今次入開屯門，竟然遇到一間我願稱之為最強嘅炸豬扒，真係完全冇諗過。兩個人入到去，地方有點窄，不過都有幾張四人枱。坐底揀嘢食，朋友見到呢度應該係出名食豬（豬大王嘛😆），就揀咗最愛嘅豬潤米粉，而我見佢寫住皇牌豬扒泡飯，就試下呢個皇牌如何。豬扒上枱見個份量都可以，雖然有點薄，但顏色看上去炸得均勻透徹，豬扒調過味，咬落去非常非常入味香口，適合喜歡濃味嘅我。泡飯湯底也很不錯，加點辣椒油，湯底更加香。至於豬潤米粉，普普通通，冇乜特別。果然豬扒才是皇牌~…查看更多

依間位於屯門叫豬大王嘅餐廳，一聽個名都知道係專門食豬啦！小店座位唔多，只有幾張枱。繁忙時間通常都要等位。今次係黃昏時間去，所以就唔使等位可以直接入去。當然要食必點嘅皇豬扒湯麵啦！今次叫咗豬扒配米粉，豬扒都係即叫即做，所以都要等一陣先至會上菜。豬扒又大塊又肉嫩多汁亦都唔會太過油膩，仲要預先幫你切好非常貼心。豬扒調味都非常之惹味，但唔會太鹹，十分之好食！湯米粉嘅豬骨湯底亦清清地幾好食！米粉亦都唔會煮得過腍，質感啱啱好。…查看更多

豬手泡飯 $56好味指數 4.5/5 🍭🍭🍭🍭🍬{今日試下佢地既豬手泡飯 份量好多 一碗有3隻豬手而且好大隻 肉好多入口骨膠原滿滿 湯飯很清甜 還有很多菜芯粒很足料}金牌八寶泡飯 $89好味指數 4.5/5 🍭🍭🍭🍭🍬{這款八寶每次食都感覺豐富和滿足 每款餸約有3件 而且不細件 豬味亦唔會好腥 每款都好好味}…查看更多

係屯門景峰好多年既小店店舖座位不多 星期六日或者平日嘅Lunch 都要等位！每次黎到都會食佢既雞翼泡飯加凍奶菜雞翼係即炸 需時15至20分鐘外皮炸得香脆 咬落去好juicy 火候控制好重要👍🏻泡飯 多蒜多蔥入邊有肉碎同埋菜粒 相對上較健康 而且味道唔會太鹹 夏天冇乜胃口嘅時候 係一個唔錯嘅選擇😋不得不提杯凍奶茶絕對係港式奶茶 茶底夠濃 飲落去係滑既🥰而且侍應姨姨成日笑容滿面 好Nice👍🏻如果入嚟屯門嘅朋友，不妨試一試呢間隱世小店🫶🏻…查看更多

第一次寫食評，覺得有需要為這種香港少有的特式小店宣傳平時食開旺角分店（不過執咗），難得到屯門，去試總店。豬肺麵：個人最愛，難得有地方食豬肺，一個「正」八寶麵：一次過可以食哂全豬宴，尤其豬肝，大塊同爽口炸雞翼：炸到啱啱好，鎖到肉汁麵：軟硬適中湯：唔會鹹p.s. 有樣嘢好特別，野食夠熱（新鮮滾熱辣），唔會似連鎖店，煮好放係到好耐先比你食如果大食嘅朋友，可以試埋豬排，師傅特登揼鬆d豬排，所以食落特別軟熟缺點：熱飲一般…查看更多

都唔明點解有咁多正評，之前佢試過豬扒撈粗，個豬扒係失敗中嘅失敗，林pat pat，醃到個質感奇奇怪怪，諧霎霎，其實塊豬扒差，但你份量都ok ，個湯都唔差，但係可惜啦主角就係塊豬扒，冇下次…查看更多

難聽d講，不知所謂既餐廳！首先聲明，已經隔左1年再食...唔明點解全部都好評！第一碗叫牛丸麵，點知返去打開係豬肉片麵....落單果位阿嬸已經問我係豬肉丸定牛丸....我話要牛丸...答完你又係比豬肉片我首先豬肉片醃到有d咸....其次係個湯太重味精！第二碗叫 類似金牌豬扒撈麵....返到去打開....又係一舊凍左既麵，加少少蠔油....d麵凍左都痴埋一舊舊，點撈？蠔油又比得少 明知外賣就幫客人撈埋先出餐啦！最激氣就係塊豬扒....醃到過哂火位....d肉仲要鞋身，咬落好霉....我唔明點解叫王牌....因為佢難食？另外又比多碗湯我...係咪預左難食要加落碗湯度？食左100蚊多d，屋企煮都好食過佢，不知所謂…查看更多

熱辣辣豬膶肉碎菜心泡飯，次次食既時候都好驚辣襯嘴 🫢🫢，因為佢個湯真係好熱好滾咁上枱，足料有肉碎又有菜心粒，啖啖泡飯都有口感。麻辣蝴蝶腩撈麵，蝴蝶腩夠淋身，好食😋😋！碗飯同碟麵既份量非常足夠，基本上一人一個夠晒飽，已經唔洗再加其他小食或者油菜😛😛雖然覺得豬大王咁多年都維持到水準，但因為自己唔係住果邊，又好少經過，所以咁多年都唔算食左好多次。如果住開果頭，豬大王應該都會係日常飯堂之選😂😂…查看更多

呢間我食過好多次，食到舖頭個姐姐都認得我🤣🔸皇牌豬扒湯粗麵 $46皇牌豬扒係即叫即整，口感鬆軟，而且保持到肉汁鮮嫩，秘製嘅調味惹味香口，而且大大塊啖啖肉！預先切咗件方便食，細心～可以配粗麵、河粉、米粉，米線、烏冬、公仔麵等等，亦可以揀泡飯（價錢貴啲），亦可以揀撈嘅～不過我就鍾意食湯粗麵，清清哋嘅豬骨湯可以中和返豬扒嘅油膩感，配薄身、爽滑嘅粗麵好正！🔸生炸雞翼湯粗麵 $46生炸雞翼都係即叫即炸，香脆惹味，肉汁嫩滑，啱哂我呢啲雞翼控✌🏻跟餐仲有飲品嘅，我次次都叫阿華田，沖得好濃好好飲🙊其實舖頭嘅豬雜都好足料好出色！不過我更鍾意惹味嘅豬扒同雞翼haha舖頭細細但乾淨企理，店員姐姐都好友善！不過lunchtime就可能要等位～…查看更多

豬大王的豬扒十分有名。另外，如果你會吃豬內臟的話，這裡也會滿足到你。 這裡可以選擇湯飯/湯麵/撈麵，總有一款適合你！ 這裡的食材都是即叫即煎，即叫即炸，所以外皮十分香脆可口，而內裡的肉質則非常緊緻彈牙，鮮甜無比的肉汁更立即傾巢而出，在唇齒間留下一絲絲濃郁的豬肉氣息，香甜可口，肉汁四溢，口感豐富而飽滿，美味得讓人久久縈繞！ 每款菜式都是很大份，就連即食麵也是加底的份量，必須提一提大家記得要襯熱食啊！ *皇牌豬扒撈公仔麵 $56*生炸雞翼撈公仔麵 $56*炸魷魚鬚 $55…查看更多

屯門景峰嘅豬大王出名食豬扒、豬雜，好多人慕名而來食，屯門店係總店，之後喺旺角都開左分店。入到去店舖環境企理、乾淨，侍應態度幾好，星期六1點幾等左五分鐘就入得！👑皇牌八寶麵(米線) 拼豬手 $80★★★★★湯底飲落都幾香濃👍🏻，淡淡胡椒味，有啲菜粒同埋肉碎，飲完唔會覺得口渴，唔似落左味精，八寶咩都有D，每款都有3件到，一次過食哂咁多款，包括有豬潤、豬腰、豬肺、豬脷、豬粉腸、豬肚、豬肉丸、肉片，樣樣都新鮮唔錯，重點係夠乾淨唔會有陣味。豬潤有小小老，但個豬肉丸、豬脷彈牙爽脆，肉片唔嚡口滑身，食落幾重豬味！食落好豐富，個湯又正，絕對對得住個價錢！反而加錢叫豬手就冇咩驚喜，太大舊食落唔太方便，唔夠味似煲湯料。米線一般正常，如果叫湯飯連埋湯食仲正。。👑皇牌豬扒湯飯 (+$13轉莞茜皮蛋湯) $65★★★☆☆湯飯夠哂熱出哂煙，想快D食都唔得。轉左莞茜皮蛋湯反而冇咁大驚喜對比皇牌八寶個湯。湯底有巨量莞茜、蔥同D炸蒜，皮蛋大概一隻份量，味道唔夠濃郁，似就咁放左落去嘅感覺。但湯飯最靈魂係個湯，所以認為一般普通左D。飯唔算太腍身，但有啲一黎已經係一舊舊。皇牌豬扒分開碟上，唔會浸到腍哂，一份都幾大件，食落夠味唔會乾有肉汁，肥瘦啱啱好唔會太油，如果佢外面層皮係香脆嘅會更好食。👑皇牌豬潤湯飯 $53★★★★★湯底香濃同皇牌八寶一樣味道，叫左湯飯，有勁多菜芯粒、蔥花，連埋D湯同飯一齊食，好正！食得辣既可以加小小辣椒油，仲加惹味！豬潤一啲都唔小起碼有成6-7大塊，唔係薄切，係厚身，食落更加有口感！豬潤新鮮，夠哂乾淨，爽脆帶小小粉感！同樣差唔多食哂、飲哂成碗湯之後都唔會覺得好口渴，十分推薦！🌟總括：皇牌八寶麵湯底正，八樣餸都好食，鍾意食豬雜唔好錯過！皇牌豬扒中規中矩，兩個人可以叫一份Share一齊食；唔太推薦加錢轉莞茜皮蛋湯，冇咁特別。皇牌豬潤湯飯好食，夠哂足料，厚得黎又爽脆。…查看更多

今天我和老公來到屯門景峰探望朋友，眾所周知景峰有大量林林總總的小店美食，而朋友更強烈推薦這個專吃豬肉的餐廳，所以我們順便來到這裡吃午餐了No.1【皇牌豬扒湯麵】$45由於豬扒是即叫即煎，所以外表十分香脆可口，而內裡的肉質則非常緊緻彈牙，細嚼慢嚥的時候，鮮甜無比的肉汁更立即傾巢而出，在唇齒間留下一絲絲濃郁的豬肉氣息，香甜可口，肉汁四溢，口感豐富而飽滿，美味得讓人久久縈繞！可惜湯麵的味道便略遜一籌了，由於湯底本身好像清湯寡水般一樣淡而無味，所以導致每一條麵條都變得索然無味的，並沒有什麼味道，吃到最後更嚐到一絲絲微弱的鹼水味，雖然還未至於味如雞肋，但是整體味道真的相當一般No.2【招牌豬潤撈麵】$53有時我媽都會煮豬潤給我吃，可惜因為她怕豬潤沒有完全熟透，所以每次都煮非常長的時間，令到豬潤變得到又乾又硬，超級難吃...不過這間餐廳的火候卻控制得恰到好處，由於豬潤煮至剛剛熟透的關係，所以質感非常脆嫩彈牙，質嫩爽口，而且豬潤亦沒有任何異味，咸咸的，香香的，口感細膩而延綿，讓人口舌生香，回味無窮之後的撈麵便非常值得推薦給大家了，撈麵微微煙韌彈牙，每一口都相當有嚼勁，而且它是依靠旁邊的蠔油來調味的，蠔油的味道不會過咸之餘，同時亦伴隨著一絲絲清甜的香氣，咸甜交織，滋味非常，美味得讓人陶醉其中，吮指回味價錢方面，皇牌豬扒湯麵 $45，招牌豬潤撈麵 $53，冷熱飲品需要額外加錢所以便沒有點了，兩人總共 $98總結來說，這間餐廳的豬扒和豬潤味道都相當出色，而且價錢亦不會太昂貴，另外其實香港只有很少餐廳有售賣豬潤，所以如果大家喜歡吃豬的內臟的話，不妨來到這裡品嚐一下…查看更多

改名「豬大王」的餐廳，望文知義，就是專賣豬的餐廳。但不要太大期望，餐牌只賣單一煮法的豬內臟，不要幻想這兒會出現燒肉、叉燒、鹵大腸等熱門美食，重複一次它只賣生滾豬內臟。 豬內臟，中國人熱衷享用，視之為平民美食。特別介紹一間中國位於順德，凌晨才營業之豬雜粥店。約五年前到訪，在屠房附近，地方佈置簡陋。豬隻晚上屠房宰殺後，內臟仍是熱及跳動狀態，就被運到粥店，即時清洗後烹調，味道新鮮，豬心緊脆，豬腰彈牙，豬潤嫩滑。這些新鮮材料不是用錢就可買到，要食客提前輪候，也要座車離廣州市區約半小時才到。至於歐美國家，大都丟掉豬頭豬內臟的，不入食譜，視之為廢物垃圾，故以相宜價格急凍出口至亞洲等。君現所吃車仔麵之豬內臟菜式，大部分是來自歐美急凍原料，故為求去除雪味多以鹵水烹制。「豬大王」的豬內臟材料從何而來？它說內臟是新鮮的，即非急凍貨色，故應從買手又或街市肉檔供貨。 買手就是指代表地區肉檔或餐廳在上水屠房投豬的人。現時95%豬隻供應都是內地五豐行操控，香港豬場每日只有約一百隻極小量本地生豬供應自家肉檔。「豬大王」用量很少，只是幾副豬潤豬肺，買手或肉商有能力直接供貨。買手晨早投豬宰殺，中午前送貨餐廳加工，午膳烹調新鮮食材。內臟成本很低，加上每碗只有幾片，只是賣價十分一左右，但處理極要時間耐性，連同湯底成本及燈油火蠟估計店家利潤可達七分錢。餐牌看似多如繁星，但只有兩種選擇。首先選內臟類別，然後再選粉麵。既然驅車來到，我選擇了吃全餐八寶，要吃盡全部內臟，粉麵選擇了米粉。裝修小店風格運用深木系列，座位不多只得三十來個。但侍應卻聘上三個，人力比例過高，可略為縮減。感覺整整齊齊，裝修燈光沒有什麼特別。【金牌八寶米粉】以大碗盛載，但賣相不太吸引，內臟鮮血經烹沸後，廚師沒有隔渣隔泡，造成湯底呈暗灰混濁狀態，駭人恐怖。但好處確實湯水營養豐富，建議可先汆水三十秒再過冷水，使湯色清晰外貌更為吸引。豬八寶材料豐富，也見廚房用心制作。豬潤硬身起沙、豬肚略嫌刀法太粗，每片切得份量頗大、豬腰爽脆彈牙、粉腸帶有粗澀咬口、豬脷豬片正常發揮，再配上以豬骨熬成的湯頭，成為一道豬雜宴。飲掉幾匙湯頭，便加入枱上幾滴辣椒油提味。辣椒油為正常牛腩麵店的款式，但香味辣味稍稍不足。總括而言，店主開啟了香港藍海市場轉營豬內臟粉麵。需知豬內臟雖然來貨成本平宜，但要後期加工處理，極考廚師功夫及耐心，才可制作出一碗精緻美味麵食。建議兩則，一為提升賣相先汆水才烹煮；二為增設豬雜綿綿廣東粥品，定必更能吸引四方老饗。豬內臟我最愛一味菜式，是在山東濟南所吃之魯菜系名菜【九轉大腸】，香港本土之外省菜師傅從沒有人敢烹此菜讓我品嘗。可惜哉！…查看更多