象屋泰國餐廳 (已結業)

大半年前吃過一次象屋的半自助午餐印象不錯，星期六跟男朋友到了旺角，天氣好熱就想食多點沙拉又想可以慢慢食，就再次到了這間吃半自助午餐。主菜一人選擇一個我們分別叫了船麵$118和菠蘿炒飯$148，送一杯飲品冷熱同價。🍜船麵可以揀三種配料我們揀了牛腩、炸蝦球、炸蝦餅，炸蝦球幾好食 有層腐皮捲着炸的雞肉，炸蝦餅都不錯 肉質不會很實 是一件開半的份量，而牛腩有些位置偏肥 質素一般。但是船麵的湯底非常濃郁，還配有芽菜 我很喜歡。🍍菠蘿炒飯用的是新鮮菠蘿很甜很多汁 落咗好多肉鬆仲有腰果 配料好豐富 只係略嫌不太有鑊氣。🥗外面的沙律吧選擇不算太多，但每樣質素都不錯，我最愛青木瓜沙律 比起外面泰國餐廳吃到的不算辣，有個椰絲粟米粒 感覺怪怪的😂到兩點幾的時候居然還refill了泰式無骨鳳爪，我平時好鍾意食 但依間整得不太入味也不辣 麻麻地☹️炸物有三款分別是春卷、咖喱角、炸魚角(猜的😂)，都是正常水平但見到新鮮拎出嚟先食會比較好食😬👍🏻蝦片好食 但炸魚皮好淋 可以不吃🫣甜品的款式不多 可以淺嘗和朋友一起分享🧁還是水果比較正常，有款黃色和白色的糕點都帶有椰絲 我覺得不算難食可以試試 但應該都幾多人唔鍾意食椰絲🙈一杯杯的甜品不好食 質地很實。好像是限時90分鐘的，但餐廳可能沒有坐滿所以沒有趕我們走，兩個人買單$300有找，有沙律吧和甜品可以慢慢坐慢慢食，環境仲幾好，下次都會再嚟！…查看更多

👩🏻‍❤️‍👨🏻：⭐️⭐️⭐️⭐️👰🏻‍♀️🤵🏻‍♂️每四個禮拜會去一次MOKO激光脫毛，所以展開左美食探索之旅。今次本來上樓上食中菜，點知經過俾呢間象屋吸引咗。裝修寬敞有格調，👰🏻‍♀️🤵🏻‍♂️可以安靜地食飯傾吓計。特別要讚嘅係侍應非常有禮細心。喺門口已經見到二人餐餐牌，好多嘢食先至$398，頭盤原來三樣有晒，唔使揀，仲有好多主菜選擇。喺泰國住咗幾年嘅🤵🏻‍♂️，都覺得味道夠地道。👰🏻‍♀️🤵🏻‍♂️象屋二人餐 $398👩🏻‍❤️‍👨🏻冬陰功湯👩🏻‍❤️‍👨🏻青木瓜沙律👩🏻‍❤️‍👨🏻 小食拼盤（素菜春卷,黄金包,馬可,蝦餅,炸雞波）馬可係泰文ma hor，即係跑馬嘅意思，係經典嘅泰式前菜，酸甜鹹兼備，今次嘅係喺菠蘿上面擺有花生果蓉嘅甜酸醬。其他小食都好好味，香脆可口👩🏻‍❤️‍👨🏻 泰式香煎和牛扒+$58呢個真係好驚喜，泰式西餐好似港式西餐咁樣，有本地風味，用個平平嘅碟上塊煎牛扒，切開佢，俾啲泰式沾醬。今次升咗呢，用和牛代替，睇落未必係大家食開嘅西式或日式和牛扒，但係食落牛肉味香，加埋泰式沾醬，充滿🤵🏻‍♂️童年嘅回憶。👩🏻‍❤️‍👨🏻 豬頸肉金邊粉👰🏻‍♀️其實好鍾意食金邊粉，次次食泰國菜基本上都必叫，所以要求特別高，今次嘅中規中矩，味道其實不錯，稍嫌唔夠突出，豬頸肉滑嫩香口，係呢度菜嘅亮點。呢個餐真係好抵食，食到好飽好飽IG@eateat.couple #dinner #thai #mahor #padthai #thaisteak @mokohk @lamaisondelephant #moko #hkfood #hkfoodie #foodhk #hkfoodies #hkfoodblogger #foodblogger #igblogger #hkblogger #hkkol #hkigblogger #hkfoodlover #kolhk #foodbloggerhk #foodig #hkigfood …查看更多

鐘意salad bar有多樣salad 選擇，有新鮮沙律菜、也有甜品，半自助餐式，更多彈性選擇；坐得都舒服，內部色調和裝修都較清雅，有大玻璃幕牆增添了不少遼闊舒適感。:)…查看更多

星期日晚市walk in入去，見餐廳得2-3成人左右，就放心堂食。入到去見到原來靠邊有大玻璃窗位，同帶位姐姐講聲想坐窗口位，佢好堅持佢帶我哋坐嗰個門口位係闊啲，大啲，坐得舒服啲。我話唔緊要我想坐窗口位，佢又堅持話執緊枱，唔坐得，我真係黑人問號，d枱完全ready好哂，成間野都差唔多冇客，邊有人執枱。唔緊要，照坐。之後我行岀櫃面想擠消毒搓手液，佢話佢地冇，叫我去廁所，咁我再周圍望下，又比我見到，咁我咪行過去擠，帶位姐姐一路跟係我後面，我按左一下，d搓手液個岀口位乾左，一按就射左d去張枱度，我都唔想，佢係我隔離指住張枱話我擠到周圍都係，指住張枱叫我望下，我真係好無奈，d野又唔係好食，又貴，食大家樂好過…查看更多

伏到不得了，叫蠔仔蛋，D蠔出哂水成碟蛋浸住一半水都可以上菜比人，食一啖仲要有蛋殼嘅，退都退唔切，相都唔記得影，唔係直頭可以post 上日日爆，嚇死人！之後碟豬頸肉同咖哩軟殼蟹配薄餅勁細碟，一人份量都冇，個黃咖哩勁稀又冇味都算，D超市都買到嘅薄餅你唔係比一隻手掌咁大咁多謝呀？$168 海南雞飯個飯係冇味，雞味道還可以但得好少。千祈唔好咁睇唔開去幫襯！佢D野都唔平，味道唔好都算，有乜理由份量可以少到咁都上到枱…查看更多

大食妹一直都好鍾意食泰國菜, 特別鍾意酸酸辣辣嘅前菜但係每次去食, 都只係可以嗌得一兩款, 今日朋友就帶咗大食妹嚟呢間象屋泰國餐廳食泰式半自助餐:)多款泰式前菜同甜品任你選擇前菜係以自助餐形式想食幾多攞幾多嘅款式多元化, 淨係沙律就有泰式青芒果沙律、沙律菜、車厘茄、椰絲粟米、泰式鳳爪炸物就有春卷、咖喱角、魚肉春卷同埋蝦片仲有好多種大食妹都冇見過嘅泰式甜品<特色海南雞飯配自製醬汁>除咗前菜以外, 仲可以自選一款主食:)海南雞飯味道比較清淡, 一定要配搭海南雞同自製醬汁一齊食先至好食…查看更多

搵位度：🌟🌟🌟🌟🌟抵食度：🌟🌟好食度：🌟🌟🌟今期再講下MOKO入面呀都幾出名嘅泰式半自助午餐：象屋。半自助午餐價位由$100至$200不等，小弟又想食泰式蝦餅，所以叫咗個車仔麵，咁都有三餸食完就唔算太飽啦，咁可以去食半自助嘅部份補飛。半自助餐嘅部份啊，有最經典嘅自助沙律，同埋少少泰式前菜包括泰式鳳爪泰式沙律，亦都有炸春卷等等嘅低級炸物。甜品方面係最伏啦，只係得椰汁大菜糕、勁硬泰式糯米飯，最一般嘅椰汁糕都冇呀，甜品方面有少少令人失望。咁我都有配一杯嘢飲嘅，咁我都叫咗加$10嘅青檸梳打味道，都係普通。總括而言呢個價位係MOKO嘅算係正常發揮啦。…查看更多

近日，常要後來港島及九龍工作，尤其多於午餐時到旺角。在旺角揾食，要環境好，食物有質素，而服務又貼心的，真不容易。看了有名的KOL推介，決定來象屋的半自助午餐試試。記得所推介的車仔麵是要留意選餸的，所以選了蝦餅、豆腐和豬頸肉，再拿了前菜buffet的蝦片加餸。先嚐了口湯，好味，色雖深但味不濃，帶甜而多喝也不口乾，正。😋😋我想我選對了餸，好好食。蝦餅內容豐富，豆腐雖有些硬但吸湯後食，超得，加上5至6片爽滑豬頸肉，再加上好麵底，真係好滿足。前菜和甜品的款式不多，但中午來說已好夠。我最喜歡炸魚皮，鳳爪、蝦片和蕃茄，而大樹菠蘿糕也中規中矩。而餐後咖啡也正常，整體來說，比KOL當天來試的大有進步。最要讚的是全場每位服務員，服務水準和態度好貼心和專業，使在場客人有很舒心的用餐體驗。在香港現時的餐飲業，有如此高質服務，實屬罕有，真要大力推介。要俾85分，真的到旺角就要到象屋。…查看更多

🐘象屋泰國餐廳 @lamaisondelephant 媽咪一向鍾意食泰國菜，今次我就帶左佢去喺旺角Moko入面嘅La Maison D'elephant 象屋食個半自助午餐先！點一個由$108起嘅set lunch就可以享用半自助餐，個價錢真係好抵食 ! 餐廳個環境好舒服啊！好大好闊落，枱與枱之間距離大，好有空間感！而佢亦以泰式設計裝修，仲有屏風 同好有特色嘅擺設！ 另外食物質素方面性比價高！自助Bar有多款泰式小食和甜品！青木瓜沙律、雞胸肉酸辣沙律,、泰式無骨鳳爪  、 炸雞肉條 、炸魚肉條春捲、咖哩角、蝦片，甜品有肉鬆西瓜、椰汁斑斕糕、椰香嘅粟米粒等等，未食主菜已經飽lu!🤣🤣🤣而我就推介泰式無骨鳳爪，酸酸辣辣好開胃好好味！ set lunch我地就叫左🦀黃咖哩新鮮原隻肉蟹配飯$298不得不讚隻肉蟹！真係好肥美！蟹肉飽滿新鮮！啖啖肉好鮮甜！而且仲好有蟹膏！濃郁嘅咖哩，甜而不辣，拌白飯一齊食，真係好滋味！ 🥩 炭燒和牛扒配薯菜 $258份量十足，7成熟嘅和牛扒一d都唔韌喎！軟軟腍腍好有多汁，肉味濃！脂肪同肉亦好分明！而薯條炸得好香口鬆脆！ 我同媽咪一食就食左兩個鐘，坐得又舒服，服務員服務態度又一流！下次再黎食過！📍象屋泰國餐廳 @lamaisondelephant旺角太子道西193號MOKO新世紀廣場4樓453號舖…查看更多

紅色暴雨下 一個人去吃泰式半自助餐 剛開門 店的裝修漂亮 只是帶位的服務員態度有點冷酷坐在窗旁 遙望雨中的政府合署 很休閑自在有12款主菜任揀 我要了海南鷄飯 自助區不算大 放得頗精緻 有炸物 沙律 小吃和甜品共13款 我全部都試了 感覺很一般 其中魚皮是淋的 一點也不脆 還加了辣椒粉 粉絲和青木瓜沙律都很硬 只有春卷 咖喱角 冇骨鳳爪是合格 另可能我笨 吃不出那些甜品是什麼 不是常見的泰式甜品 😂海南鷄飯 油飯的顏色足 但沒有香味 幸好飯夠熱和軟 鷄肉也可以 最好味的竟是那碟醬汁 甜酸度適中 帶有蒜香味收費不算貴 但出品強差人意 有點失望…查看更多

食半自助午餐仲要係泰菜就最有放假feel😇 唔想食酒店buffet咁heavy，出街前嘆返個主打泰菜嘅semi buffet就啱哂🥰 除咗任食沙律吧，揀一份主菜 包 茶或咖啡，另外可以加錢upgrade嘢飲，甜品同小食。主食最平$118就可以嘆到半自助餐♥️ 相當抵食～✦ 冬陰功意大利飯配原隻脆脆軟殼蟹- - - $𝟭𝟴𝟴幾有新意，冬陰功味融入意大利燴飯，唔太辣軟硬適中♥️ 最吸引就係原隻軟殼蟹🦀 外脆內軟😗✦ 泰式石磨紅咖喱牛配飯 - - - $𝟭𝟲𝟴餐廳推介嘅紅咖喱，少少辣好啱大眾口味，味道偏甜好開胃👍🏻 牛肉彈牙唔鞋，好好食！✦ 椰青 - - - +$𝟯𝟮✦ 青檸梳打 - - - +$𝟭𝟬出面一張大枱自助沙律吧，五顏六色好吸睛，簡單得嚟好好食，唔馬虎！當然泰菜走唔開泰式木瓜沙律，泰式粉絲沙律，仲有配咗椰香嘅粟米粒，沙律菜等。脆卜卜香口嘢有炸魚皮、蝦片、炸魚肉條、咖喱角、炸春卷，甜品有肉鬆西瓜、椰汁斑斕糕等等。全部任食任拎🥰📝 整體：地點好就腳👍🏻 落地玻璃窗採光好好，環境好闊落舒服！lunch嚟講算係幾豐富，夾下嘢食坐下食下，好好消磨時間♥️ 味道唔錯，想食好啲建議upgrade飲品，加小食甜品就更開心😉…查看更多

上年係旺角Moko開業嘅象屋泰國餐廳主打新派泰國菜🇹🇭佔地超過3000尺 環境寬躺🤩裝修設計以木系為主 加埋透光度十足嘅落地大玻璃真係俾人一種好舒服嘅感覺 💗餐廳係由米芝蓮泰國名廚主理 食物質素好有保證午市仲提供半自助放題 客人可以任食超過20款小食及甜品😍🥒🥬自助沙律吧自助長餐枱區域提供多款泰式食品🙈春卷、咖喱角、泰式粉絲、椰汁糕、沙律、生果應有盡有而且仲refill得好密未食正餐都已經飽左一半🤣🦐泰式生蝦（+$38）所有Main course 都跟一杯嘢飲而且仲可以加錢轉其他小食、特飲或者甜品今次我哋加錢upgrade左做生蝦🦐蝦夠新鮮 配埋餐廳秘製醬汁 酸酸地咁好開胃😚🐂炭燒和牛扒配薯菜（$278）塊和牛脂肪分佈平均 牛香味濃郁😬切落肉質夠淋 入口即溶有別於一般薯條 呢度唔係點茄汁 而係配合泰菜 點泰式辣醬🤔🍝泰式香煎帶子配意粉（$198）擺盤好靚好有心思 用咗唔少花花草草係側邊襯托帶子有四粒 每粒都煎到表面金黃色 又大又鮮甜🤤意粉夠特色 味道辣辣地 好香好入味👏🏻🥭芒果糯米飯（+$38）喱樣係食泰菜必叫嘅甜品糯米飯一紫一白 非常煙靭而且好重椰汁香味芒果表面同樣撒上椰絲 又甜又多汁😳…查看更多

好久沒吃🇹🇭泰國菜了，這次來了MOKO商場的《象屋泰國餐廳》，餐廳地方大，座位夠闊落，即使是平日人流也算多，靠近玻璃窗附的位置，可以看到外邊景色；午市提供半自助午餐，buffet bar主要提供小食和甜品為主，如泰式鳳爪、咖哩角、春卷🫔、蝦片🦐、椰汁糕等等…性價比甚高泰式石磨紅咖喱牛配飯：咖哩選用超過10種泰國食材和香料熬製而成，香味十足，味道微辣帶甜，即使不太吃辣的也可以吃到；牛肉份量偏多，肉質夠腍又入味😋特泰式香煎帶子配意粉：賣相精美，打卡一流🤩為fusion菜式；意粉以泰式風味辣汁煮成，比紅咖哩辣一點🌶️十分惹味，意粉軟硬度適中，有4粒香煎帶子，帶子嫩滑又鮮甜熱情果梳打：熱情果份量頗多，酸酸甜甜解渴一流👍🏻荔枝梳打：賣相不錯，味道略嫌不夠濃《象屋泰國餐廳 La Maison D'Elephant》🐘🇹🇭📍旺角太子道西193號MOKO新世紀廣場4樓453號舖 …查看更多

星期日去 Moko 食午餐，間間餐廳都好多人等位，去咗幾間想去食既都要等一個鐘以上，嗰日因為有活動要14:30前離開，所以周圍揾下有咩餐廳可以等小啲，見到呢間座滿5成左右，又有半自助餐，唔使等位又幾吸引，咪入去試下，點知惡夢開始......餐廳規定每人要叫一個餐，本來我有小朋友真係食唔曬，不過諗住食唔曬就打包，所以算了照叫。之後去自助bar攞嘢食（我唔記得影，我嗰日食既同其他食評既圖一樣），我大約13:10入坐，自助bar大部份嘢食都仲有，比較好食既有春卷，蝦片，蝦棗，木瓜沙律。魚皮係林既，其他都不過不失。食完第一次後想食鳳爪，點知冇曬，諗住等下應該好快會添返，因為第一次去攞見有幾只鳳爪剩。點知到我地食完主菜 14:15 都未有，只見佢哋有添春卷，於是問下侍應會唔會有鳳爪添返，侍應話佢哋控制唔到。我主菜都等咗一段時間，惡夢既開始.....第一碟係菠蘿炒飯，塊菠蘿係林曬既，菠蘿啲肉係梅既，好嘔心！第二碟係大啡菇黑松露意粉，續樣講，大啡菇出曬水，黑松露醬變黑松露水，意粉唔講因為唔係西餐廳，唔識煮到 al dente 我唔怪佢，我見到個木碟已有不詳預感，點知真係發霉既 ，好好既一餐就咁俾佢破壞咗心情。係對食材同客人既不尊重，好好既食材，可以求求其其煮成咁，好浪費！第三碟係海南雞飯，如果鐘意食超肥雞皮既就一定好鐘意，因為成碟雞只有1/4係肉，增肥一定成功。雞雪藏味濃，個雞飯我地來回地獄又拆返人間之後就一口都唔敢食了，所以俾唔到評語。奉勸餐飲業人士，請尊重食材！…查看更多

La Maison D’Elephant 🐘今日黎到Moko食泰國野🇹🇭我完全比佢個menu吸引咗入去🫣🫣只要你叫menu事旦一樣野食，就可以享用佢個semi-buffet bar 佢個bar係勁多野食，有椰汁糕、泰式鳳爪、炸咖哩角、春卷🫔、西瓜🍉、蝦片🦐等等，性價比超高🇹🇭我哋係menu簡咗:大蝦炒泰式金邊粉 $168份量啱啱好，賣相不錯，味道好地道，好有泰國風味🇹🇭黃咖喱新鮮原隻肉蟹配飯 $298好有驚喜，真係原隻蟹上碟🦀整到好脆，蟹鉗脆到一咬就分開兩截，唔會食到好狼狽🦫椰青 +$32 好大個！打開係成個滿哂，仲要好清甜🥥可以一路飲一路刮啲椰子肉落黎食，推薦👏🏻.泰式珍多冰 +$20都係地道野，飲得出好original🥤下次我想試下thai tea🙈.餐廳好闊落 坐得都舒服，我哋星期六12點坐咗一陣就開始多人，假日最好book定枱或者早啲去🐌…查看更多