今晚好想食d平靓正既日式嘢，就揾到呢度同朋友黎食个dinner吹下水。见到个餐牌就有选择困难症，拣左好一阵先决定到食咩好：1）豚肉寿喜烧锅定食 （另加乌冬） 看似系一人火锅，但系材料超丰富，有好多娃娃菜、甘笋片、金菇、同埋好多块薄切豚肉。两个朋友一齐share个份量啱啱好，咁就可以一齐试多几样嘢。另加咗一个乌冬，上碟嘅时候本身乌冬已经初步煮熟咗，所以我哋只系需要回锅煮一煮就即刻可以熄火食得，好方便。呢个迷你火锅好适合一啲一坐低就好肚饿要食嘢嘅人，因为啲豚肉切得好薄，所以好快熟，乌冬又预先帮你煮熟咗，所以只需加热就食得。2） 滑蛋鳗鱼丼呢个喺新品餐牌入面嘅，所以想贪新鲜试吓啲新嘢。平时食滑蛋吉列猪扒丼、照烧鸡扒丼就食得多，呢个滑蛋鳗鱼丼都真系好少见，食嘅时候鳗鱼又唔系好多骨，同埋滑蛋一齐食，就觉得份外滑溜，加埋啲鳗鱼汁豉油捞饭食，非常好送饭。3）炒鱿鱼须条条鱿鱼须都炒得好爽脆，只系用咗少少盐调味去炒，就调出鱿鱼须嘅鲜味，用嚟送乌冬、送饭都非常好。4）芝士鸡翼虽然个芝士鸡翼冇想像中有拉丝嘅感觉，但系佢个外皮炸得金黄外脆，入边嘅鸡肉就啱啱熟透，又冇骨，啖啖肉，好食！呢度系用二维码落单嘅，超方便，落完单，冇几耐就有嘢食啦，所以效率系超快嘅。一坐低就有两杯热茶奉上，需要啲咩额外餐具，同侍应讲就会好快比到我哋，所以服务系几好嘅，以咁平民价钱嘅餐厅嚟讲。…查看更多
