豆漿大王

今晚收工去咗新蒲岗，试咗间好出名吃粢饭嘅小店。果然名不虚传，个咸粢饭真系无得弹！炸菜爽脆，油条够脆身又唔会韧，肉松咸香夹得啱啱好，饭粒软糯唔会过硬，简单但功夫到位。不过个上海排骨面就跌咗少少watt～块排骨炸得过火，油淋淋好似浸过油缸咁，咬落去有啲韧，同个清汤面底有啲格格不入。好在个面汤底清甜，加咗大量葱花吊味，叫做救返少少分。饮品方面，杯热豆浆有惊喜！豆味浓得嚟唔会过甜，饮完成个人都暖笠笠。煎菜肉包就合格啦，皮薄馅足，菜肉比例适中，当个轻食顶下肚都唔错。总括来讲，为咗个粢饭同豆浆绝对会返兜，但个排骨面就...下次都系试其他嘢算啦！…查看更多

哈啰各位食友！我最近去咗一间豆浆大王餐厅试菜，佢嘅脆香鸡扒饭同冻椰汁豆浆真系令我一试难忘！先讲脆香鸡扒饭，鸡扒外皮炸得脆卜卜，内里嫩滑多汁，配上热辣辣嘅白饭同少少酸甜酱，食落去层次好丰富，一啖接一啖停唔到！再试冻椰汁豆浆，豆浆香浓顺滑，椰汁嘅清甜中和咗豆味，冻饮仲爽口，啱晒解渴同解腻，饮完仲想再叫一杯！餐厅嘅气氛好有怀旧feel，坐低食饭好舒服。不过有啲人可能觉得鸡扒份量稍为细啲，但对我嚟讲就啱啱好，唔会太胀肚。而冻椰汁豆浆有人话椰味盖过豆浆，但我就觉得两者平衡得几好。…查看更多

突然之间很想吃粢饭，想念小时候的味道，跟住就同屋企人去食！🥰🔸咸豆浆第一次试咸豆浆，碗里满满的材料，有油炸鬼，虾米，榨菜，葱花等，个人觉得挺特别的，不过还是比较喜欢甜豆浆多啲🤭🔸甜豆浆有热或冻选择，甜甜的豆浆豆味很浓，十分丝滑，很好喝！👍🏻🔸咸粢饭咸粢饭里面有炸菜、油炸鬼、肉松，糯米烟韧，油炸鬼很脆，十分香口好吃！吃不了一个，可以切半分享，十分贴心！🔸酸辣汤很足料，酸酸辣辣的很过瘾！…查看更多

食开新蒲岗店好掂，但淘大店咸豆浆真系唔掂，好似1:1加热水沟咁，冇豆味冇麻油虾米香…似一碗盐水加榨菜…好失望:(肉松奶脆多同粢饭都ok～但系馒头太油有d 油腻食唔哂4旧…查看更多

豆浆大王由细食到大 价钱亲民 份量大件📸今次嚟咗位于九龙湾德福广场嘅分店 一眼睇晒点咗担担面汤底🤩 配上韭菜饺 卤水豆腐 先讲份量 💯睇相就知道劲大碗 汤同面系成碗满晒 饺子同豆腐都突晒出嚟 担担汤系每次嚟都必食 香浓好多花生碎 仲有香葱 肉碎 好多配料 韭菜饺大大粒 馅料劲多 一啲都唔会偷工减料 最后就系卤水豆腐 都系十分之大件 睇相就见到重大见过假饺子 最后上海面份量都好足够 简单啲嚟讲就系一定饱肚餐厅上餐速度比较快 如果赶时间都冇问题 另外好多食物都可以加钱就有唔同嘅配搭 好啱乜都想试吓嘅朋友…查看更多