譚仔雲南米線 (MOKO新世紀廣場)

营业中

休息中

離譜到爆嘅譚仔食飯經歷，金髮阿姐惡死趕客！ 今日喺譚仔（新世紀分店）有個染金色頭髮嘅中老年女店員，態度差到冇朋友！ 事源我啲嘢食都未嚟，我想坐得舒服啲好合理啫，我想轉個位坐，又冇影響其他食客，明明好聲好氣同佢講，點知阿姐話唔畀換！好彩我堅持起身換，講咗一陣佢都冇辦法唯有由得我。最離譜嘅係，佢竟然夠膽開口趕我走！仲要夾硬話「出面大把人等緊位呀！」暗示我阻住地球轉。大佬啊！我特登望咗轉周圍，明明見至少十個位都係吉嘅！如果真係有咁多人等，你唔識安排啲人去個啲吉位架咩？！擺明老屈兼當我盲㗎！佢根本純粹就想趕我走人，離晒大譜！ 金毛阿姐嘅服務態度簡直係惡劣！完全冇基本待客之道，真係希望moko分店正視問題，唔好再搞到其他客一肚火啦！

話說4點幾未到正餐時間，又想食野，就去左譚仔食個下午茶。依家多左好多飯類，不過都係嗌返米線配小食同野飲。呢個分店好特別，特別到想寫個食評講俾大家知。首先入座安排混亂，有D客會拎飛，有D客會自己走入去搵位坐。雖然其他分店兩種做法都有，但都會有姐姐接待入座/提大家拎左飛先。同埋如果唔洗拎飛，部機就顯示直接入得。當日部機就有得拎飛既。而樓面都4個姐姐，但無姐姐會理你，行過都扮聽唔到。就算有客去到收銀處想埋單，都唔會有姐姐立即去櫃台。洗唔洗拎飛既問題，我都要專登入去搵姐姐問，都係答出去拎飛等嗌號碼，但有D客自己入左去又唔會趕返佢出黎由得佢。搞成咁，除左姐姐唔理，亦因為其實入裡根本就有幾張枱吉左，但一直唔嗌號碼。之後等嗌號碼，個D咩歡迎光臨更加唔洗旨意聽到啦。想用手機APPS落單，APPS係用到，但連入分店個CODE 就LOAD極都LOAD唔到。好彩無APPS優惠券要用，都係傳統叫姐姐黎落單算。野食價錢同其他分店差唔多，下午茶有小食配其實都抵食。不過送到黎見到個份量真係比其他分店少，米線少、湯少、雞肉少。岩岩睇其他食評講，果然係少好多!!!仲要野飲等極都無黎，嗌姐姐跟，先入廚房搵單。原來張單都無

食物等候時間太長，下單後半小時才有食物到，等了20分鐘已經向店員反映，店員好像沒有跟進，我再問另外一位當時已經等了25分鐘，正式食物到就是半小時了，真的很懷疑到底有沒有幫我跟進，我看到旁邊的比我遲來的入，下單後就不用10分鐘食物到，結帳時跟店長反映，他好像沒有什麼反應，難怪現在這麼多人都不想在香港吃東西。

星期五當晚，我同阿媽夜晚八點半去食旺角東這間譚仔，當時好多人嗌緊火鍋， 我哋就嗌咗蕃茄湯沙嗲醬嘅火鍋， 隔咗十分鐘都未嚟就有職員叫我哋買咗單先， 我就話這間店收咁早嗎，個職員就話九點半， 如果關咁早，就不要叫其他客人入來啦， 當時仲要被職員話我哋阻住人收工/食嘢慢😥， 我認為食好熱嘅嘢有咩可能快，人哋又話我哋遲嚟又關我x事，佢態度差之餘， 仲有啲嘢食質素差咗， 佢哋畀曬一整生菜， 仲要我哋分開落仲浪費時間， 仲要畀埋曬啲生米線我哋食，啲餸仲要唔好食， 今次體驗真係好差，下次唔會再來👋仲要用$72食埋啲垃圾，人哋$40幾已經可以食到火鍋

譚仔火鍋📍MOKOK🍲🍲🍲芫荽皮蛋湯底鯇魚片好新鮮脆身正👍🏻👍🏻👍🏻豬肉片份量多跟餐送雜菜主食簡左白飯用芫荽皮蛋湯底整湯飯超級好味😋推薦～～～7.2/10🍲🍲🍲泡椒湯底（三小辣）鯇魚片必叫～～叫左雞肉新鮮又Juicy 魚蛋有3粒👍🏻主食叫左減肥麵-蒟蒻麵同呢個湯底幾夾醬汁簡左辣醬油好味過沙嗲醬😍😍7.3/10

食下午茶 過小橋米線舊豬膶未熟，令人噁心及不安🤮！上次就落錯單，我要十小辣，但個呀姐就俾咗清湯我，仲我話果碗係有十小辣，係咪有係辣 我會食唔出？平時有幾差都知，今次豬膶未熟 真係完全接受唔到

食咗咁多年譚仔，第一次係新世紀3樓食到咁樣既譚仔，同男友覺得分量真係少過其他地區分店，跟住隔離叔叔都係度覺得不可思議，都話少到可憐！職員聽到都冇乜反應，一致決定唔會再幫襯新世紀依間譚仔

Happy Friday 工作一整日 行到Moko 只想食飽飽原本打算去3樓壽司郎但一見人龍🥴 望望隻錶8:10 🤪不了轉戰隔離譚仔 見有新出牛舌 trytry轉白菜🥬底糊辣湯再加我最愛莞茜（莞茜控必推）接住用app落單 新登記仲有10蚊減價卷 perfect 💯用app仲有好多優惠 下次要再試😌

泡椒五少辣，真係冇得輸。我真係可以日日都嚟食譚仔，除咗好多嘢揀之外，又可以揀辣同辣。另外我自己真係覺得佢嘅皮蛋同埋木耳真係好出色平時我會清湯咁樣食再將個皮蛋倒落啲湯度麻麻辣辣超開胃🥰🥰

Moko新世紀廣場耐唔耐都會去行吓，記得以前有個food court, 依家重新裝修變咗幾間唔同類別嘅食肆，譚仔就係其中一間啦！當日係平日嘅下午茶時間，所以唔洗等位就可以直入坐低，新裝修就好多側邊位，方便我呢啲一個人食嘢嘅人，感覺唔錯，唔使對住陌生人食米線。我叫咗雞肉魚蛋米線清湯走芽菜，另外再加咗一人份量皮蛋小食（平日14:30後先有），份量足夠，雞肉仲係一片片，唔會碎晒皮蛋嘅醬用泥撈米線，別有一番風味！