譚仔三哥米線 (金禧花園)

10月3号6:58分，我已经喺App叫定外卖。点知去到舖头，7:20分都未有得攞。我谂住等多一阵应该差唔多，点知等到7:30都仲未有。我咪叫个姐姐帮手跟吓，冇理由煮个面煮成半个钟都未得。结果𠮶个冬菇头姐姐完全冇打算帮手跟，净系耍走我，话：「再等吓先啦，差唔多㗎啦。」我话我6:58分等到而家都未有，佢竟然话：「繁忙时间等半个钟系好正常，有啲人等成八九个字。」仲问我有冇叫小食？我话我冇，净系一个三𩠌米线。我再请佢帮我跟吓，佢竟然话：「冇得跟，好多外卖。」但我眼见堂食系咁出，外卖就完全冇出过。跟住另外有一个男人都等到鼓噪，佢同我差唔多时间叫，都系未有外卖比阿姐耍走😂出面企咗成堆人，有啲等堂食，有啲等外卖。最后，我见到有个男人自己走入去攞外卖，听到佢话外卖喺入边整好晒，摆到冻晒都冇人攞出嚟。我先入去望吓，真系见到啲外卖已经系入晒胶袋，pack好晒，成座山咁摆喺度冇人理。其实啲姐姐系咁出堂食，系咪可以放低啲外卖系出收银呢？放啲外卖出嚟，啲人自己识得攞，好过你放晒喺入边，啲人又唔知。呢间舖头嘅员工培训真系麻麻地。如果听佢继续等可能等到八点都未有得食。😂其实之前都试过喺度堂食，见到要等位，就攞咗飞，但啲人就咁行入去，啲姐姐又唔理，照带佢哋入座。变咗攞飞𠮶啲人系咁喺度等。希望管理层可以正视下呢啲问题，改善一下服务质素。…查看更多

我有无眼花$19蚊 下午茶餐？平过自己煮㖞最近见推出超抵食下午茶今时今日...竟然十几蚊就有交易，真系好抵💥咖哩鱼蛋鱼片头餐爽弹嘅鱼蛋同鱼片头沾满香浓咖哩汁．非常惹味另外加配两款小食✨煎蛋烤胡椒酥饼热辣辣即烤酥饼．加入煎蛋烘烤渗出啖啖胡椒香味✨迷你鲜茄牛肉汤通粉鲜茄汤底清甜．牛肉软腍都几大片下午茶来讲．份量刚刚好+$10 真系超抵食+$3 ✨全新冻柠茶以九种锡兰红茶调制出全新口味来自斯里兰卡茶园茶底更香更醇．配上鲜柠檬，清新解腻…查看更多

星期六十二点九到达， 相比同一个商场里 其他食肆， 谭仔三哥算做比较好食，唯有入内 。😅本来可以用app点餐，但系商场没有wi-fi，电话信号又收得奇差🫣， 唯有叫侍应点餐。 食物不过不失🙄，唔系话特别好味，但系唔系特别差， 可能太耐冇食过三哥，今次感觉啲𩠌比以前较少🤫， 可能物价贵咗。 店舖内嘅卫生情况上算几好，热水.辣椒油·豉油等等。。。。要自己攞~谭仔三哥啲姐姐都好贴心💖，见我哋有小朋友就主动问我哋需唔需要碗仔， 同埋每次送食物来𠮶阵都有好有礼貌， 值得一赞👍。…查看更多

由于喺附近返工，都会经常去食呢间嘢，但每次叫啲姐姐落单写野都要等10-15分钟，都唔知点解楼面可以冇人落单嘅！另外我本身只可以食到10小辣，但每次嘅十小辣都可以唔同，今日食完，我以为自己跑完10公里马拉松🏃🏻短期内唔会再去帮衬，啲姐姐一啲礼貌都冇，当啲客人系犯咁，一啲服务行业应有嘅态度都冇！😡😡😡💩💩💩👎🏻👎🏻👎🏻…查看更多

8点几9点去，但都坐到ful full地，坐低之后叫好耐都无人来写野，个个赶住执枱执杯执碗，仲有个阿姐同一个细路倾计，全部扮睇唔到我叫佢地，好似赶住收工甘。叫左一碗三酸小辣同番茄2小辣，好难吃，辣度系劲过其他分店，除左辣食唔到其他味，都无其他店三酸d酸味，好似唔同舖头甘，一d都唔似。另外，野饮系差唔多食完碗米线先来，唔明点解要甘耐。食三哥都食到劣食，垃圾，好后悔，大围甘多野食，食左呢间垃圾，以后唔去…查看更多