譚仔雲南米線 (港灣豪庭廣場)

星期日早上 ，下雨天 ，叫外賣，店內 四位同事， 見到佢地又要送餐又要點菜，又要清潔又做外賣，又要收銀，見到有人等到有枱就冇人落單，等到落單就有排都未出，等到出到又等送過來， 食完仲要等排畀錢，唔該改善下啦！！！人手太少 ，做到d姐姐 頭都大埋，已經好勤力 ，管理可否改善？？？ 這個問題已經存在已久 ，沒人處理沒人改善 ，開得更多都冇用， 請多一百個外勞啦 一定批你呀🤣 ，還有廚房同事已努力出餐，努力完成！！！但管理不善，可否處理？？？ ？？ 我最後到了差不多三十分鐘才可以取，仲要找姐姐姐幫忙才有蛋治，只是一份蛋治及 o水！！！外賣號碼:114…查看更多

呢間嘢開咗好多年，因為在屋企樓下所以一直都有幫襯。對於一個三餐外食的人來說，我大大話話食過成百次以上。譚仔食物就不用多說，畢竟中央廚房處理間間都差不多。分別就係每間的出餐質素，服務水準，衛生等等。1）首先呢間出外賣的水準認真有問題，已經不只一次也不只10次做錯餐，少咗餸，唔同餸，三小辣變咗小辣，小辣有時又變咗微辣。今日呢單最經常發生就係米林d就變咗米硬d。最大鑊係今次仲比少一大羹湯，想用湯浸淋d米都唔得。2）出餐方便，近半年d外賣全部放晒入鋪𥚃面廚房出餐位的手推車上面，結果所有等外賣嘅人都湧晒入去鋪入邊等。唔好計阻唔阻住啲位做生意淨係啲人個個圍住個出餐位，又攤晒喺度等餐玩手機睇片，都覺得佢烏煙瘴氣！而佢個外賣屏幕啲號碼仲係成個鐘頭前嗰啲，又冇取消，個個要入去問先知出咗未。3）人手方面，樓面三個人做晒收銀出餐包外賣清潔，佢咁多人幫襯，可想言之幾咁亂。香港而家咁多餐廳支持唔住，一間上市公司集團的餐廳分店仲可以做到漫不經心咁，就不如就咪鬼做呢間，將啲資源放喺其他出色的分店好過。…查看更多

收工返到屋企諗食乜最後決定食好耐無食過嘅譚仔手機app落單點過橋米線拎到返屋企食咗幾啖，發現少咁啲嘢？！撩完成碗原來無豬潤嘅少少失望食完成碗，發覺味道比以前都無咁好食anyway 選擇有好多以後應該好耐都唔會再食譚仔嚕…查看更多

估唔到譚仔早餐性價比咁高，30零蚊有個早餐，加九蚊仲可以多塊雞扒，西式嘅人可能兩個都夠食！沙爹牛夠味，雞扒又唔會醃到爛曬，係我叫太陽蛋佢畀錯反蛋，不過譚仔阿姐態度非常好，算啦一樣都係咁食！奶茶都幾出色好過好多大家樂！…查看更多

真係好嬲，原來呢間餐廳係拒絕推bb車進入用膳，話bb車阻路，其實已經係泊一邊，根本唔阻人出入，係職員要求我哋推入佢指定位置，當時我哋解釋因為該位置冷氣好凍，會冷親bb，佢無視我哋問題，加上bb車泊一邊，出入係完全冇問題，不停話我哋阻路，逼我哋轉位，其實不是第一次，今次再繼續係咁，真係好嬲好嬲好嬲，服務態度極差，好掃興，直接推車走人，以後唔會再幫襯👎👎👎如果係唔歡迎bb車進入，請係門口貼紙告知！！！ …查看更多

港灣呢間譚仔唔多人，所以入左去食下午茶。譚仔下午茶set幾抵食，有一碗兩餸米線，然后自己可以揀2個或者3個小食，包熱飲，凍飲就要加$3。因為肚餓，所以揀左兩個小食。當然仲有其他set可以揀嘅。姐姐服務態度都好好，因為差少少先到2:30，佢畀我入去舖頭等。而且下午茶要人手入單，姐姐都好有耐性。味道就不過不失，同其他譚仔差唔多。對於女仔黎講，份量夠食。因為小食可以揀3款唔同嘅雞翼，所以男仔嘅話份量應該都會夠。…查看更多

今日見到譚仔有個新菜式系潮州韭菜豬紅，于是入去試下，超好味，好熱 韭菜豬紅好腍 唔會好辣，有啲沙嗲醬嘅味道，沙爹醬好好味，花枝丸好彈牙，里邊咬到墨魚嘅，雞腳筋都好好味加埋啲云耳一齊食，經過的話可以一試…查看更多

有一日假期經過突然想食米線🍜相信住得香港都一定食過🤣 一間就咁叫譚仔，一間叫譚仔三哥，今次食既係譚仔🤓 譚仔通常都係食麻辣，普通麻辣就唔洗點講啦🤨 今次我特別d食呢個 重慶酸辣湯底~辣既味道適中，以這價格來說份量算剛好，今次既送叫左魚腐同炸醬🤤🤤🤤譚仔既炸醬算係比較出色，每啖都可以撈米線，真係算係我既飯堂必食之選！🍴重慶酸辣米線：$50📌譚仔雲南米線🍽️大角咀福利街8號港灣豪庭廣場地下G37-38號舖…查看更多

喺呢個商場已經無乜餐廳可選擇，譚仔早餐叫做比較有水準，土匪炸醬多士同餐蛋丁都好食，早餐時段未至於有太多客，而且舖面大，多數都不用等位，但人手嚴重不足，無人執枱，落單要等，比錢要等，食完哂成個早餐都未上飲品，催左兩次，個收銀都算反應快，自己入去水吧沖飲品出黎……又試過早餐坐左7-8成客，但樓面得一個員工，落單又佢，執枱又佢，傳菜又佢，接外賣係佢，收銀又係佢，但角落位有個staff 喺度嘆早餐，如入無人之境，雖然人地間餐廳點樣管理唔關我事，但係咪可以安排多啲人手，好多人食完早餐都要趕返工趕返學，所以速度快都好緊要，希望貴公司能夠跟進下呢間分店既情況。🙏🏻…查看更多

今天下午 ，我走了過去港灣豪庭 商場 地下的雲南米線。 我入到餐廳 ，大約是下午 2時30分 ；可能過了午飯時間， 都很容易找到位置 坐下。 餐廳剛剛開始下午茶。 我叫了一客 上湯米線 ，配上青瓜、木耳 及一杯熱飲， 大約40元。 味道唔錯。…查看更多

今天晚上， 不想食飯 ，想換一換口味， 走咗過去港灣豪庭地下的 譚仔雲南米線 ，叫了過橋米線： 包括魚蛋、牛丸、墨丸 、牛肉 、豬肉、火腿、 竹笙、 腐皮等等， 很多種類， 58元 ，飲品另計 。過咗十分鐘， 過橋米線被送到枱上， 十分美味。…查看更多

行落幾步樓下就是譚仔，十分方便。早上時間人流多但尚算有位坐不用等候，上餐都快！個人喜歡該店的通粉，其湯底濃郁，份量夠大，再加上雞扒皮脆肉嫩，味道剛剛好！奶茶都茶香奶滑☺️…查看更多

位置喺大角咀海富商場係街坊經常幫襯嘅一間米線專門店今日就試咗快靚正早餐C 都係37$即有牛油厚多士餐肉腸仔煎熟蛋熱奶茶家鄉爆米通粉牛油厚多士是一種非常受歡迎的早餐選擇。這種多士外層酥脆，內部柔軟，加上濃郁的牛油味，一口咬下去，嘴裡充滿了又香又軟的口感。配上一杯熱奶茶，更是絕配。餐肉腸仔煎熟蛋是這個早餐的一大亮點。餐肉腸仔經過煎熟後，外層微微焦香，內部軟嫩，搭配上煎熟的蛋，口感豐富。這道菜除了美味，還能提供足夠的蛋白質和能量，讓你一天都充滿活力。熱奶茶是這個早餐的必備飲品。經典的香濃奶茶，喝起來溫暖又濃郁，給人一種舒適的感覺。它也可以提供一些能量，讓你在早晨有更好的開始。家鄉爆米通粉是一種傳統的早餐選擇。這道菜使用了大米通粉，經過泡軟後炒熟，配上豐富的肉片和蔬菜，味道鮮美。這道菜營養豐富，是一個很好的早餐選擇。…查看更多

譚仔相信住得香港都一定食過🤣 一間就咁叫譚仔，一間叫譚仔三哥，今次食既係譚仔🤓 譚仔通常都係食麻辣，普通麻辣就唔洗點講啦🤨 今次我特別d食呢個泡椒酸菜魚湯底既4小辣過橋米線😛（$61） 呢個湯底就犀利，要+$4，平時普通麻辣只需+$1，佢個湯真係好似去食酸菜魚果種湯，辣得好爽，但係我覺得辣度係比想像中辣😵 即係我雖然食緊4小辣，但食落個感覺係2小辣咁刺激😵‍💫 過橋米線就好多唔同配料啦，依家佢地做緊優惠+$18可以有一人份量既小食同飲品，仲要凍飲都唔洗加錢👍🏻👍🏻 小食我就揀左豬耳，好食爽脆😋 另外再叫多個大土匪雞翼（$33）非常豐富😆如果你係譚仔會員仲可以自己app點餐，因為譚仔一般都好多人，叫餐方便左，仲可以用payme埋單，有時佢地有payme優惠券搶，就可以慳多幾蚊🤪…查看更多

大角咀都有好多小店同好多好野食，今日突然想食譚仔, 都有好一排無食過。記得之前食過一次都要等好耐, 佢鋪面好大，但入面得兩三個員工。今次我就醒啦, 打定電話去落單先再係附近行下，個商場都多鋪頭，隔多10分鐘先再去拎返公司食。但今日無腩肉，嗌左竹笙同魚片頭+清湯湯底依然同樣既味道, 但米線有小小生, 某d有d硬。餸就無乜特別唔知你地平時係嗌開咩餸同湯底呢download 返譚仔個app 仲可以儲分，換現金劵，凍熱飲，小食都得。…查看更多