譚仔三哥米線 (南昌薈)

雖然已經推出咗好耐，但直到今日先有機會試。本身驚佢好辣，不過只係10小，仲可以走辣椒圈，完全handle到。點咗化骨仙掌燕餃撈薯粉，真心覺得好掂呀！超級惹味！勁開胃，我嫌唔夠多份量可以再多啲𠻹！雖然近年啲人批評譚仔（3哥）質素好似冇以前咁好，但偶爾都有佳品！呢個撈薯粉喺佢轉Menu之前睇吓可唔可以食多次先，哈哈…查看更多

深水埗一人食咩好系列 譚仔三哥下午茶，簡直係抗通脹，窮人恩物，每日下午1430 到 1700，有下午茶，除左有平時見唔到撈油麵，炸醬午餐肉飯蒜泥白肉撈飯之外，仲有薯粉。 但我最中意都係： 2餸米線(腩肉，雞肉)+土匪雞翼+香草雞翼+熱檸檬水，咁都係$43蚊，另外自己再斟多2杯熱水，如果杯檸水飲曬，就再將熱水倒返落去杯檸水度，變相又可以飲多2杯。 任選兩款小食個度，雖然有蒜泥白肉，不過太油，最抵食梗係選兩款雞翼😂P.S. 呢期優惠用會員app再減多$5…查看更多

食厭左西式早餐，諗黎諗去唔知食咩好時，入黎三哥食個兩餸米線早餐先。叫左豬潤火腿少米線，糊辣十小辣，加多士，熱奶茶多奶。盛惠38蚊。咁富豐盛既早餐都唔過40蚊，抵啦。豬潤爽口，仲有我最中意既糊辣湯底，濃烈既糊辣味，真係好正。少米線份量岩岩好。食完個米線再食埋塊多士，成件事好完滿，滿足到我想食多士，又唔想食西式早餐既心情😂奶茶要叫多奶，因為呢間d奶茶偏苦茶味比較濃，所以多奶對我黎講味道岩岩好。呢間譚仔姐姐都比較親切同有禮貌，唔知係咪因為邨屋商場舖做開街坊生意既關係，態度普通都比出面街舖既友善得多。…查看更多

勁肚餓，趕到截單前落order, 食豪d叫左過橋米線少辣加炸醬加凍檸樂。水準keep住正正常常，湯底夠麻，大大碗，咁多料入面，我都係最中意既腐皮，炸醬同豬潤勁多米線，雖然最尾都係食唔晒，眼闊肚窄，但要過下口癮，無計啦。…查看更多

譚仔三哥米線相信大家都好熟識最近新出既熱鍋你地又試過未呢~火加哥熱鍋有3個味分別係水煮魚片鴨血鍋、蕃茄湯肥牛魚片頭鍋同今次我就簡左蕃茄湯底三哥既番茄湯底一向都係我至愛熱鍋係2人用套餐 總共$98每個本身有京白菜、豆卜、青瓜、雲耳、唐芹同芫茜材料都幾豐富套餐亦都包括1款2餸特色熱鍋+2款自選餸(total4餸)+2款特色小食+2份主食同2杯熱飲餸方面我推薦鴨血同午餐肉!!加落蕃茄湯係勁夾!其他餸我就揀左響鈴同墨丸主食就米線同+$5既乍醬飯米線本身已經煮熟左  可以將熱鍋既湯淋係米線或者飯上面一齊食乍醬撈飯都唔錯 可惜乍醬得好少而且個飯偏乾同硬其他就同平時食開既米線冇咩分別我地仲+$6升級特飲打邊爐就係要飲凍野先爽!另外個火要15分鐘就換一換燃料，見D員工要係咁換火都鄧佢地辛苦整體泥講係幾得意既但套餐限制左加餸數量如果可以加多幾款餸就更加有打邊爐既feel啦~…查看更多

香港數一數二三哥米線連鎖店。店舖經常要排隊等位。推出了新產品2人火鍋，有3個口味，今日試水煮鴨血魚片鍋，味道中規中矩，皮蛋出色，醋雲耳最愛，小食醬汁岀色，就味道重了一點。…查看更多

呢間三哥做嘢慢到死，等個外賣都起碼要等20分鐘以上，趕時間千祈唔好嗌，相比起其他三哥又難食好多，有得揀食第二啲好過，已經兩次因為咁而走咗架車，冇下次！建議大家嗌外賣起碼早返一個鐘嗌！外賣自取，仲慢過人哋外賣送上門！😮‍💨 之前啱啱開話唔熟手做得慢都算，而家開咗咁耐都係要等成半個鐘，等得你黎都蚊瞓！我不如自己煮個麵！？仲要我只係嗌一個過橋米線，小食都冇嗌，整一樣嘢都要半個鐘！上次又淨係嗌個雞肉米線，都等咗半個鐘！…查看更多

其實我自己就好少食米線，因為好似唔多啱小朋友食！不過早幾日婆婆講開，可以叫蕃茄湯底比阿仔！咁星期日偷吓懶就食米線啦！本來打算堂食，老公話堂食米線流晒鼻水好樣衰，所以要求外賣返屋企食！因為少食米線嘅緣故，所以去到都諗唔到食咩，就跟老公一樣嗌一個過橋米線！老公要麻辣小辣，我就同阿仔要蕃茄湯底，另加3隻土匪雞翼！返到屋企全家沖晒涼先開餐，真係要讚吓啲米線，啲湯都已經係暖（唔係熱），但係啲米線放落湯會散開，唔會一pat pat！👍🏻👍🏻👍🏻唯一唔好就係太多豬潤，我同阿仔都唔食，所以就唔算好多餸！老公就話小辣唔夠辣！（鍾意食豬潤就應該好開心😂）蕃茄湯底不過不失嘅！整體叫做都ok嘅！…查看更多

每個月都會幫襯下譚仔三哥，最近搭車仲見到Jeffrey賣譚仔三哥廣告，咁樣召喚法，得，即到😍今次叫咗砂砂湯肥牛鹿茸菇米線，「砂砂湯」我都係第一次食，估唔到個湯飲落層次豐富，鹿茸菇味道濃郁，美國肥牛肥瘦均勻唔多根。我叫嘅小辣，辣味適中，Jeffrey 真係無介紹錯。再叫咗煳麻辣椒豬肚，入味軟腍，麻辣味十足，好快就俾我食晒😅配埋杯奶蓋芒果蒟蒻椰香金露，奶蓋味香濃，沖走晒口裡面嘅麻辣感。依餐真係超滿足。俾錢埋單嘅時候記得响Cashier拎Jeffrey嘅卡仔呀，間間譚仔三哥分店都有㗎！…查看更多

.譚仔三哥🍜🌶@tamjai_samgor 三哥出左新野🙈想試好耐但未有機會食😝今日本身想去深水埗食拉麵🥲但係門口排晒隊😵😵目測要等> 一個鐘🥹最終食左三哥!!😍終於試到新野😚😆✨砂砂湯肥牛鹿茸菇米線🍜🤤睇menu唔明砂砂湯即係咩味😂😂望下英文翻譯in sha sha soup同樣都唔知係咩😅😂😂……….食完發現有d喇沙嘅味道，👩🏻‍🦰覺得仲有d 沙嗲味🤤三哥又新創左款新湯底🤩🥳……….味道：🌕🌕🌕🌕🌑4/5性價比：🌕🌕🌕🌕🌑4/5回頭率：🌕🌕🌕🌕🌕5/5整體來講個湯底好有新意😚鍾意食喇沙又夠重口味👩🏻‍🦰🤤……….…查看更多

8點多下班回家點外賣要等至少半個鐘⋯結果米線湯鹹的要死，不僅我的，我朋友的不同湯底的也一樣鹹⋯撈出來加了一碗水還是很鹹⋯知道你們新店開張比較忙，但能不能忙的時候也能保證菜的出品質量？…查看更多

南昌薈譚仔三哥新開張，約埋兩個朋友過黎嘗鮮。去到店前面，人頭湧湧，似乎好多人都同我地有一樣嘅諗法。等左接近30分鐘，終於輪到我地，入去坐底即刻叫單，然後一面吹水一面等。好快，就有譚仔姐姐拎住杯凍鴛鴦過黎問我地係咪31e枱，我地睇返張單，先發現枱號係31e，但入面啲野食唔係我地叫嘅野黎，咁我地即刻同佢反映返，個譚仔姐姐搵左一輪先係第二枱搵返我地張單。姐係原來撈亂左單:(…咁我當你地新店新人，未熟枱號，唔緊要。然後我杯凍華田送到黎，我一啖飲落去，哇！！即刻噴出黎，杯野海水咁咸！！我成世人真係第一次飲到杯咁嘅「特飲」，連鹽糖都未分到點做水吧…然後我叫人過黎，同佢講返咩事，個姐姐話新人唔熟，話唔收我野飲錢同即刻沖過杯俾返我。但最後埋單係無減到杯野飲架，杯野飲錢其實真係其次，但呃呃氹氹真係無乜誠意，不如你一開始淨係講換過杯野咪算我地坐係入面足足等左37分鐘，果3個米線先至送到。其間又不斷出現將31e嘅餐點送黎我地張枱，我朋友已經多次同佢地講我地係21e，啲野食唔係我地，其中有個姐姐竟然話「野食啱架，係錯左枱號咋」。唔該你地睇清楚張單先放食物落枱啦到講啲野食，個湯係屬於正常味道嘅，算係保持到水準:)。問題係啲米線，我地三個人都食得出，啲米線根本未煮夠身，個心仲有啲硬，唔知係趕住出餐定無計時間。啲牛肉又韌又鞋，雞肉同豬肉又碎濕濕，而配菜明顯少過其他譚仔店，就我睇黎就完全唔合格整個體驗可以講得上係強差人意…其實唔止我地枱，我同時聽到有好幾枱都有怨言，問題都係等太耐同錯單，枱枱都等成30分鐘以上，甚至有枱人唔再等直接走。雖然話新店新人有少少失誤好正常，但你地嘅甩漏實在係太多，已經嚴重影響食客體驗！！希望你地日後開店前為員工做多啲培訓，等確定可以正常營業先開業，以避免類似情況再次發生……查看更多