角落餐廳 (已結業)

同朋友踩完单车去到屯门码头揾嘢食，行下行下见到有扒锯就无理价钱直接入左去，殊不知价钱平民而且味道有惊喜。值得推荐。餐厅位置唔算大，不过枱与枱之间都唔算迫，所以坐起上黎都算舒服自在。全场得一个叔叔负责全场楼面工作，无可否认系需要多小小时间先叫到叔叔落单，但叔叔既服务态度一流，唔会令你觉得炆。Set dinner会有汤，主菜同饮品。汤就系匈牙利牛肉汤，饮落辣辣地劲开胃，超正。仲要有唔少牛肉俾你食到，证明落足料。到个牛扒，熟度略略over左，order5成上枱变左7成左右。不过食落唔会多筋同埋咬唔开，都几好。配埋佢个汁食真系食得几爽，以一百蚊既价钱有咁既水准真系算唔话得。…查看更多

同妈妈食午饭，来呢间由细食到大既餐厅，好想上黎推介下😆😆😆平时都钟意黎呢度食早餐，但午餐都好唔错。午餐都有跟餐汤，呢个系菜汤，唔系罗宋汤咁有啲辣，真系蕃茄同唔同蔬菜煲既汤。妈妈叫左是日午餐，蒜蓉西冷牛扒配吉列虾（$52），呢个价钱，有呢个size既牛扒都已经好唔错，仲要有吉列虾，真系边度揾？😆我叫左个肉酱鸡扒意粉（$50），即焗，所以个焗盘都好热！由于肚饿同太吸引，所以食食下记得影相😆鸡扒已经切开一旧旧，唔洗再自己切。特别一提，细个只系食过普通意粉，第一次接触扁意粉就喺呢间餐厅，所以有机会就会喺度叫意粉😋情有独钟！肉酱唔会太干身一粒粒咁，有足够酱料黏住啲意粉，好juicy！屯门平价西餐之选😆…查看更多

细细个已见佢存在的餐厅，早两日闻说佢既早餐去到12点，而且个班戟几好食，于是11点几去试下佢早餐顺便当埋午餐。入到去餐厅细细唔太多人，不过都坐左4枱，多数都仲系食紧早餐，睇黎早餐几受欢迎👏🏻。叫左个鱼柳法肠鸡蛋配班戟。初初黎到见佢卖相唔系咁吸引，不过唔睇样试下睇内涵。条肠，真系唔系好得，唔实在的肠既感觉。但鱼柳不是M记质地鱼柳，几好食，外脆内有质感的鱼肉。薯饼是薯蓉压成饼型再煎，几特别不过食落有点小㶶味。最好食系个班戟，唔系实的的既感觉，但又有点点厚，食落质感唔差。虽然没有惊喜，食物不是特别好食，但算正常，11点几落去食，一餐当两餐都食得过的，支持小店！会再去…查看更多

佢个名令我谂起哈利波特故事入面果间餐厅，而我都真系揾左佢一段时间，佢系商场好唔显眼嘅地方，都真系花左我一段时间先揾到佢。　　其实真系冇谂过，星期六夜晚都可以冇人，然而其他餐厅坐满人。无聊揭吓餐牌望到有道菜叫焗酥皮鹅肝威灵顿牛柳，见到其他地方冇，先有冲动想入去试吓。但我都挣扎咗一段时间先决定。　　入到去有个呀叔叫我随便坐，成间餐厅得佢一个做楼面，见到佢都好勤力抹枱。感觉上佢系一个好有性格嘅叔叔。　　餐汤嗌咗匈牙利牛肉汤，感觉似系加左好多面粉嘅罐头汤，有少少好似杯面干牛肉粒嘅牛肉系个汤到，味道不过不失，但冇令到我有想再饮落去嘅冲动，成碗汤饮净一半。反而个蒜容包几好食，好香好脆口，做得唔错。　　涷柠茶就一般茶餐厅质素。　　主菜一黎，望见旧酥皮牛都唔错，但就偏细旧，配菜就铺满成个碟。但系...... 我旧鹅肝去左边？净系得啲薯容汁嘅样嘅汁。一切开个牛，我吓到呆左，说好的五成熟呢？佢系由两块好薄嘅牛扒组合而成，顶晒笼9成熟，都算，食落个酥皮ok，但旧牛系霉架，仲带有好强烈嘅膻味！仲难食过大家乐早餐果只牛扒。望落系仲衰过早餐果种牛扒！果下真系嬲，比108蚊食啲咁嘅垃圾。　　反而薯条就ok，配菜出奇地好味，系用蒜容炒嘅椰菜同红萝卜，味道唔错。食晒啲配菜再食旧牛，旧牛直头系臭嘅，食剩咗好多埋单走人。我敢讲呢旧牛系我呢世人食过最差最臭嘅！　　我真系唔会再番转头再食佢，因为真系好难食！…查看更多

朋友话佢之前来食过晚饭,感觉良好,所以今次带我来食午餐一来到第一感觉系,餐厅名改得好贴切,因为呢间餐厅的确系响商场既角落位置,呢个商场有好多食肆,唔系得朋友介绍真系好易走漏眼餐厅唔系好大,所以午餐时间来到难免要搭枱,呢度既午餐选择都好多-有焗饭,咖哩,连铁板都有我拣咗白汤+猪扒意粉+橙汁,朋友既系白汤+黑椒鸡扒炒意粉+热柠茶呢个猪扒唔系普通既煎猪扒,吉列猪扒而系叫做煎焗宝云酥芥末猪扒,连平时唔太钟意芥末既我都觉得唔错另外,朋友既柠茶都好香,下次可以试吓…查看更多