西苑酒家

今日放假，諗住同媽咪去銅鑼灣行街，行街街之前諗住先去食個晏先，先有力氣去行街街，點知食完之後好多力氣喺谷氣個氣。首先，坐低咗剔咗點心，跟住叫個服務員俾多張點心紙我，等我可以轉頭再加單。服務員一句聲都唔出，係完全冇講一句回應我嘅說話，不過佢大約5分鐘又比到點心紙我，但我都好奇怪囉，回應一聲有幾難🙄跟住點心上咗啲蝦餃比較鬆散蝦肉唔結實，但係佢係頂點，而且佢仲係叫西苑，我冇預啲蝦餃同一般酒樓嘅質素相同。另，個燒賣完全係美心酒樓質素冇乜驚喜，仲要過燒賣皮勁厚；個春卷上到嚟冇乜特別味道，衰過美心仲要得兩條，個春卷亦都係頂點；仲有個杏仁茶係冇味。好啦，最尾係有個甜品，個侍應急不及待唔知做乜事收起我們碗碟，我以為佢咁好見到食到污糟啦，幫我換個新，點知佢係以為我走，但係其實我仲有樣點心未嚟，真係勁嬲完全冇say sorry！我同佢反映佢就攞返啲碗碟俾我，又係完全一句聲都唔出真係好恐怖！唔怪之啲人個個北上消費啦！依間酒樓啲服務真係影衰香港！🙄西苑之名當之無愧，係啲侍應真係好西🙄…查看更多

下午兩點半左右到揀點心因為點心價錢都唔算平所以對質素有D期望最有驚喜係雪影杏汁包杏仁味唔算太濃 係淡香 即使平日拒絕杏仁既人都會接受蜂巢炸芋角 係幾精緻幾好食，推介👍咸水角 外脆內軟鮮蝦腸係即叫即做蓮藕餅唔好食 好咸好咸，唔推介😞七味豆腐係正常發揮其他點心係唔錯，係水準之上100%純牛肉 球好食服務就 麻麻地 當日佢地忙著執夜晚個場所以 茶水無咩主動加水叫極落點心都叫唔到但我都想嚟多次下試爵士湯可能兩個老人家價錢算係甘啦…查看更多

🐑爵士湯，係西苑呢度嘅招牌靚湯，材料有蜜瓜、花膠、螺頭、雞腳、老雞、赤肉、沙參，材料豐富，由於有蜜瓜，所以個湯份外清甜，必點👍🏻。🐑蝦子柚皮，要做好呢味餸，工序繁複，甚為費時，首先要出水及揸水多次，務求去除柚皮嘅苦澀味，再用油炸，炸鬆佢啲纖維，又要再蒸，進一步將佢蒸腍。後續就係用上湯炆煮，讓其入味，最後上碟時打個上湯蠔油獻，加埋蝦子就完成。西苑嘅蝦子柚皮相當有水準，絕對沒有任何苦澀味，柚皮鬆而化，上湯入晒味，加埋蠔油獻同蝦子呢個汁，真係要叫碗白飯撈撈佢先得，千祈唔好浪費。🐑蟹肉燒茄子，新鮮拆蟹肉，鮮味無比，滲晒入個煲仔菜裡面，冇得呃，加工淡淡紹酒香，令成個煲仔味道昇華。另外，食蟹唔使自己動手剝殼，簡直係懶人嘅福音。🐑晚飯奉送紅豆沙，陳皮味足，夠起沙，唔係好甜，啱我口味。…查看更多

上星期六，九位收了$19,595 @$2,177。大哥义燒是該店名菜，因成龍喜歡吃而命名，但很普通。海蜇，似即食包裝拆出無調味。花膠爵士湯，原是鄧肇堅家傳名菜，可惜一點粘口也沒有，湯料見雞腳一大堆，但非常水稀狀。原隻三頭鮑海蔘扒，三頭鮑的芡汁無論色澤和質地都跟標準大有差距。蔘扒更是鬆散。蟹肉桂花炒魚翅，蟹肉是碎的，無鮮味無咬口,沒有桂花味，只有蛋碎。龍蝦的煎米餅淋身無香口。清蒸黃皮老虎斑，魚是夠大的，但過熟了，浪費掉。當紅脆皮雞，皮是脆的，但肉超鞋口，幾乎整碟無人掂。香港名人飯堂沒落了。…查看更多

公司搬咗去銅鑼灣，第一日返新 office，成 team 同事就落樓下嘅「西苑酒家」飲茶慶祝。餐廳位置隱密，外人未必容易發現，但中午依然全場爆滿，人氣可見一斑。我哋點咗蝦餃、燒賣、燒腩仔等經典點心，質素唔錯，蝦餃皮薄餡靚，燒腩仔皮脆肉香。不過最好食係糯米飯，香口鬆化，餡料足夠，唔會太濕亦唔乾，食完有驚喜。餐廳裝修高雅，座位舒適，服務到位，感覺係一級食府。每位平均消費約$250，對比以前喺牛頭角飲茶一百蚊左右，確實貴咗唔少。不過環境、食物、服務都有水準，偶爾食一餐都值得。…查看更多

🐑爵士湯材料豐富，有沙參、玉竹、花膠、螺頭、雞腳、赤肉等，煲起碼4個鐘以上，湯色呈微黃，味道十分濃郁🐑蝦子扒柚皮，蝦子滿滿味道足，啤水功夫做足，夠腍身，澀味完全去除，上湯入晒味，似乎係咁多次喺度食柚皮嘅經驗當中，最好味嘅一次🐑馬蹄土魷蒸肉餅，一放上枱，嗰陣土魷已經味香氣撲鼻。肉餅好薄身，變相縮短咗蒸嘅時間，所以肉餅能夠保持軟滑🐑紅豆沙係晚飯奉送，但一啲都唔Hea。紅豆、蓮子大大粒，起沙程度甚高，而且口味唔係太甜…查看更多

🐑爵士湯-鋒饍嘅爵士湯，蜜瓜甜味較重；呢度嘅爵士湯，就肉味較濃🐑燒鵝脾-真真正正皮脆肉嫩，水準在鏞記之上1000倍🐑蟹肉燒茄子-淡淡酒香、胡椒香，蟹肉一疏疏，蠔油獻汁味道剛好🐑蝦籽山根燒豆腐-蝦籽夠多唔孤寒，山根、豆腐勁夾，盡吸蝦籽美味精華…查看更多

2024.10.24 星期日 11:00係利園嘅西苑飲茶啦，初初都幾好嘅。後來覺得椒鹽九肚魚個味怪怪地，就唸著同侍應講啦。有個短頭髮嘅黑衫經理睇到當無睇到，直接行開咗。我又等咗好耐都無侍應過嚟，我就直接過去搵個短頭髮黑衫經理，同佢講咗之後，佢叫我等一等等咗10幾廿分鐘都無嚟。我覺得真係有啲過分囉。最後唯一位黑衫戴眼鏡嘅經理攞咗盤，椒鹽九肚魚退咗單。雖然事情得到解決，但係果位短頭髮女經理嘅做法令成餐飯都食得唔開心。…查看更多

10多年前很喜歡這間酒樓，但後來因為水準下降及職員態度差，又唔乾淨多年來冇去。今日去開附近打算再俾一次機會，星期六12:30行入來竟然有位，雖然心知不妙，都決心再試一下。食過佢嘅點心發覺未達標準。可能呢排經濟差，職員態度已經好咗好多，但係枱下發現有食物。叉燒包OK，蓉包皮太厚餡又唔多，燒賣係最高分嘅。燒乳鴿的肉有少少霉嘅感覺，味道亦普通。鮮竹卷好像蒸了很久的感覺，好皮好韌。脆善$198咁細碟，而且水準普通，因為像屋企水準，肉係脆嘅，但係味道同鬆化度都不夠。…查看更多

真係黑人問號完全唔知自己想點 又想紅假帶阿媽出去食啲好少少嘅嘢，又唔想淨係飲完個茶就返屋企，想諗一啲嘢同佢一齊做，但係諗極都諗唔到。又想帶佢食啲平時佢自己唔會食嘅嘢，但係除咗飲茶之外西餐Cafe佢又唔太「好」，同佢飲茶兩個人又食唔到啲乜嘢 ，但係要一齊一家人又要夾時間。阿媽又慣咗早起身，真係好矛盾。諗咗一晚，諗到出門口嗰一刻都仲喺度諗緊 結果帶咗佢去遠啲同高級少少嘅茶樓。原來我一路都唔會咗佢仲喺以前嗰個位我哋11點前就到啦（呢度假日開10點）嗰啲侍應坐晒喺度等客人，啲高級人都冇咁早。過多半個鐘左右陸陸續續有客人到啦，我哋走就坐滿晒人兩個人叫四五碟嘢就差唔多，由我發辦，結果我都係覺得有啲後悔，其實睇到啲價錢都有少少怯嘅，雖然唔係話貴得好可憐🤪後悔嘅其實係我嗌咗我鍾意食嘅叉燒酥（呢度特別啲又酸薑皮蛋一面）其實阿媽根本唔鍾意食呢啲類物體，一件都好俾面。另外我哋叫咗四樣嘢，有三樣都係焗同埋炸（雖然講炸蝦角係佢點嘅🤣） 我同佢講話嗌啲平時佢飲茶唔會嗌嘅嘢，結果佢取消咗個蒸粉果叫咗呢個炸蝦角。（都唔錯，蝦肉爽口。）個雪山杏汁餐包係我叫嘅因為平時多數都係食雪山叉燒包同埋似乎係呢度出名嘅點心。試吓都唔錯嘅出面冇得食。阿媽好俾面食咗兩個另外個上湯鮮竹卷係我叫嘅，專登嗌俾阿媽嘅 （不過又似乎好似冇乜特別）途中細佬打電話嚟，早知叫埋佢哋一齊啦，（有姪女喺度開心啲）因為我唔知佢個女嘅起身飲食時間，費事等嚟等去。食價錢食舒適，間唔中食吓囉。…查看更多

是吃晚飯，想點餐牌上的炸子雞，服務員卻說沒有，介紹另一款雞代替，說跟炸子雞差不多，捧上來的卻是又乾又無味，非常難吃的一碟，應該是烤的雞。其他的菜也很普通。收那樣的價錢，水準卻連小區坊間的酒樓也不如！…查看更多

尴尬的等了半个小时多，上了一个螃蟹饭。本来要两人份，但参观服务生特别推荐这个2-4人量的淡而无味的蒸饭。只好伴了很多酱油。而我们自己要的半煲老汤却没有。另外点的炸排骨儿子说臭了吧唧的。两菜一汤消费将尽2000人民币。另加的10%服务费，服务生很没有眼力价。知道我因为太烫不能打开那个蒸饭煲才过来帮忙。最后还charge了30+的酸菜费。浪费了一个晚上在这家铜锣湾的中餐馆…查看更多

📍西苑酒家銅鑼灣希慎道33號利園一期5樓🪙🔥🥩西苑大哥叉燒(一碟) $188🦀🍳🍼生拆蟹肉大良炒鮮奶 $238🦐🍋蝦籽扒柚皮 $198🏆🍵爵士湯(一位) $138同上年聖誕節一樣，我地反傳統，同女朋友去左食中菜慶祝🤣而且繼續以搵好食嘅叉燒為目標！😋上年啱啱識女朋友嘅時候我地食過一次西苑，覺得佢地嘅叉燒好好食🤤上次食完發現西苑嘅每道菜份量都比較大，我地叫左3道菜已經食唔晒😖我地汲取咗上次嘅教訓，今次盡量叫份量細啲嘅菜式，咁就可以試多少少野🤣包括一人份嘅爵士湯🍵同一碟嘅西苑叉燒🥩，另外我想試吓啲傳統菜式，就叫左大良炒鮮奶🍳🍼同柚皮🍋結果冇令我失望！😆招牌爵士湯🍵保持一貫水準👍超級鮮甜！😍反而大哥叉燒🥩好似冇上次咁好食，略嫌小小乾身，冇上次咁稔🥲另外傳統菜式好有驚喜！可能因為我地未食過🤣炒鮮奶🍳🍼真係好正，口感超滑、牛奶味超香濃，而且蟹肉好鮮甜🤤第一次食蝦籽扒柚皮，覺得個口感好正😆我唔太清楚個烹調過程，但一定係經過好長時間，將柚皮煮到好稔、好入味😋個人覺得如果餸碗白飯就冇得頂🤣喺叉燒方面嘅排名，女朋友覺得逸東軒嘅叉燒好食啲，而我又覺得大圍小館嘅叉燒好食啲，所以西苑大概係排第三左右～😆#bunnytummy_港島#bunnytummy_銅鑼灣#bunnytummy_中菜#西苑 #高質中菜 #傳統中菜#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處#叉燒 #叉燒關注組…查看更多

同長輩食飯梗係唔可以失禮要搵返間有水準嘅餐廳，之前睇食評話服務一般都有少少擔心，但親身去食之後決定要寫返篇食評為西苑平反下大哥叉燒咁出名一定要試吓啦！食落口果然好淋好好味，忍唔住食咗幾舊。椒鹽田雞髀大大隻，味道香口咸味適中堂剪脆皮乳豬，熱辣辣脆卜卜上碟，而且唔會太肥又多肉，未食過咁好食嘅乳豬👍🏻油鹽水浸富貴蝦，個名咁好意頭梗係要叫啦，仲有專人幫你剝賴尿蝦，粉絲吸晒湯底嘅味非常好食杏汁花膠燉白肺，入邊仲有花膠同大量雞腳，但仍然保持個湯好清入口好滋潤脆皮琵琶鴨，皮脆又入味鮮茄魚湯浸時蔬，特別想讚吓佢嘅豆腐有好香嘅豆味，原來係廚師一層雞蛋一層豆腐咁樣整出嚟，少啲心思都唔得漁村海味飯 材料充足，有蝦乾魚乾仔臘腸冬菇等等嘅材料蒸出嚟嘅飯，飽到上心口都忍唔住要再添多一碗成個過程侍應都好貼心服務…查看更多

叫了幾個點心還可以！但是那個炒飯小的連小孩子一個人都能把他吃光！其實收這個價錢不妨給多一點客人吃，帶客人去都顯得很寒酸，東西貴也要有個道理！其實我不明白為什麼這麼多人喜歡去！而且服務態度不怎麼好，應該只對熟客好一點！…查看更多