西苑酒家

今日放假，谂住同妈咪去铜锣湾行街，行街街之前谂住先去食个晏先，先有力气去行街街，点知食完之后好多力气喺谷气个气。首先，坐低咗剔咗点心，跟住叫个服务员俾多张点心纸我，等我可以转头再加单。服务员一句声都唔出，系完全冇讲一句回应我嘅说话，不过佢大约5分钟又比到点心纸我，但我都好奇怪啰，回应一声有几难🙄跟住点心上咗啲虾饺比较松散虾肉唔结实，但系佢系顶点，而且佢仲系叫西苑，我冇预啲虾饺同一般酒楼嘅质素相同。另，个烧卖完全系美心酒楼质素冇乜惊喜，仲要过烧卖皮劲厚；个春卷上到嚟冇乜特别味道，衰过美心仲要得两条，个春卷亦都系顶点；仲有个杏仁茶系冇味。好啦，最尾系有个甜品，个侍应急不及待唔知做乜事收起我们碗碟，我以为佢咁好见到食到污糟啦，帮我换个新，点知佢系以为我走，但系其实我仲有样点心未嚟，真系劲嬲完全冇say sorry！我同佢反映佢就攞返啲碗碟俾我，又系完全一句声都唔出真系好恐怖！唔怪之啲人个个北上消费啦！依间酒楼啲服务真系影衰香港！🙄西苑之名当之无愧，系啲侍应真系好西🙄…查看更多

下午两点半左右到拣点心因为点心价钱都唔算平所以对质素有D期望最有惊喜系雪影杏汁包杏仁味唔算太浓 系淡香 即使平日拒绝杏仁既人都会接受蜂巢炸芋角 系几精致几好食，推介👍咸水角 外脆内软鲜虾肠系即叫即做莲藕饼唔好食 好咸好咸，唔推介😞七味豆腐系正常发挥其他点心系唔错，系水准之上100%纯牛肉 球好食服务就 麻麻地 当日佢地忙著执夜晚个场所以 茶水无咩主动加水叫极落点心都叫唔到但我都想嚟多次下试爵士汤可能两个老人家价钱算系甘啦…查看更多

🐑爵士汤，系西苑呢度嘅招牌靓汤，材料有蜜瓜、花胶、螺头、鸡脚、老鸡、赤肉、沙参，材料丰富，由于有蜜瓜，所以个汤份外清甜，必点👍🏻。🐑虾子柚皮，要做好呢味𩠌，工序繁复，甚为费时，首先要出水及揸水多次，务求去除柚皮嘅苦涩味，再用油炸，炸松佢啲纤维，又要再蒸，进一步将佢蒸腍。后续就系用上汤炆煮，让其入味，最后上碟时打个上汤蚝油献，加埋虾子就完成。西苑嘅虾子柚皮相当有水准，绝对没有任何苦涩味，柚皮松而化，上汤入晒味，加埋蚝油献同虾子呢个汁，真系要叫碗白饭捞捞佢先得，千祈唔好浪费。🐑蟹肉烧茄子，新鲜拆蟹肉，鲜味无比，渗晒入个煲仔菜里面，冇得呃，加工淡淡绍酒香，令成个煲仔味道升华。另外，食蟹唔使自己动手剥壳，简直系懒人嘅福音。🐑晚饭奉送红豆沙，陈皮味足，够起沙，唔系好甜，啱我口味。…查看更多

上星期六，九位收了$19,595 @$2,177。大哥义烧是该店名菜，因成龙喜欢吃而命名，但很普通。海蜇，似即食包装拆出无调味。花胶爵士汤，原是邓肇坚家传名菜，可惜一点粘口也没有，汤料见鸡脚一大堆，但非常水稀状。原只三头鲍海参扒，三头鲍的芡汁无论色泽和质地都跟标准大有差距。参扒更是松散。蟹肉桂花炒鱼翅，蟹肉是碎的，无鲜味无咬口,没有桂花味，只有蛋碎。龙虾的煎米饼淋身无香口。清蒸黄皮老虎斑，鱼是够大的，但过熟了，浪费掉。当红脆皮鸡，皮是脆的，但肉超鞋口，几乎整碟无人掂。香港名人饭堂没落了。…查看更多

公司搬咗去铜锣湾，第一日返新 office，成 team 同事就落楼下嘅「西苑酒家」饮茶庆祝。餐厅位置隐密，外人未必容易发现，但中午依然全场爆满，人气可见一斑。我哋点咗虾饺、烧卖、烧腩仔等经典点心，质素唔错，虾饺皮薄馅靓，烧腩仔皮脆肉香。不过最好食系糯米饭，香口松化，馅料足够，唔会太湿亦唔干，食完有惊喜。餐厅装修高雅，座位舒适，服务到位，感觉系一级食府。每位平均消费约$250，对比以前喺牛头角饮茶一百蚊左右，确实贵咗唔少。不过环境、食物、服务都有水准，偶尔食一餐都值得。…查看更多