西苑酒家 (太古城中心)

食物水準真係普通， 唔差但也唔係要贊果隻。我唔多寫食評都忍唔住要寫。我二人食個晚餐，叫咗4、5個餸，都唔係太寒酸吧。諗唔到，未夠鐘關門就趕客。河車推到我身邊，兵鈴嘭𠺘咁執嘢。 之前茶壺冇水又唔理。剩係圍住一兩枱客喺度吹水，要嗌先 之之悠悠咁過嚟。埋單多謝冇句都算，仲黑口黑面。我自己就肯定唔會再去……查看更多

呢間西苑真係「巴鬼」，食物其實係ok嘅。爵士湯係好飲可惜嚿花膠好似魷魚咁硬，叉燒好食。不過重點係服務超差差差😤😤😤。收晚上10:30，但竟然9:45熄燈趕客走，真係不能夠相信今時今日重有d咁嘅餐廳酒樓， 唔怪得啲人要北上，因為人哋真係好服務到你唔好意思。 本來重打算搵日返嚟試佢嘅仙鶴神針，而家真係唔使諗。怕怕…查看更多

由於好耐冇飲茶，又唔想去普通大集團飲茶，所以揀左黎呢間試，點知中哂伏，絕對冇下次提早一日打電話睇下可唔可以訂位，職員表示9點半派籌，10點入座。我地9點半去到既時候，只見三、四個客人拎左籌，直至10點職員表示可以按枱號入座，結果被安排入「房仔」。由於「房仔」好凍，所以向職員表示想坐出面，職員：你出去問，有就有，冇就冇。結果又被安排坐於角落，諗住算啦，反正一場黎到就試下啦，但食物質素只係一般，服務態度亦極之惡劣奉勸大家一句，如果唔想被冷待或者貼錢買難受，真係唔好黎呢度食！！！食物味道方面，只係一般，只可以話全部都係熱腸粉厚皮，蝦唔爽；飯唔乾爽，牛肉唔滑；棉花雞d棉花好咸，雞唔滑；個餃係比較好食:(當中有個小插曲，有一枱客都係收銀處表示：坐左成粒鐘竟然都冇人落單，想搵個職員又冇，等左成個鐘嘥時間，仲要收茶錢真心明白對方同是天涯淪落人既感覺，因為睇住職員圍住熟客落咀頭賣月餅，但你打開個壺蓋都冇人理囉…查看更多

對於無飯家庭來說，一間穩定水平的酒家很重要，每天出外用膳，自然有不少要求。首先地點方便，太古城有地鐵巴士電車到達，我雖然不住附近，但半小時生活圈⭕，算是很合理的距離。酒家可以訂位，也提供了方便。還有一大誘因，就是樓下有間大書店，正合書蟲📚🐛的胃口，食飯前先滿足心❤靈的慾望，然後再滿足口腹之欲。🤪酒家是最傳統的中式裝潢，門口張燈結彩，兩隻石獅子左右護法，大紅牡丹花，大幅字畫，雕花裝飾一樣不缺，桌椅都是紅木家具，打正旗號的傳統中式粵菜。門口的墻上貼了菜單，方便顧客等位時可以選擇一下。餐前小食有花生或酸蕎頭，我每次都揀蕎頭，喜歡酸甜爽脆，好開胃。😋😋今晚的選擇是：雜菌炒黑豚肉，🍄🍄🍄‍🟫🍄‍🟫🐖🐗廚師的拿手好菜，用的是少少肥的梅頭肉，帶肥肉的部位通常比較嫩口，這是叉燒多數用梅頭的原因，除了雜菌還有洋蔥，青紅椒，香蔥，炒得乾身香口，醬香濃郁，豚肉少少焦香，嫩身爽爽的，配料紅綠相襯，最後灑上芝麻增香，雖然是普通食材，在廚師手下變成精彩的小菜，色香味俱全。👍👍瑤柱魚🐠湯勝瓜，🥒🥒🐠🐠勝瓜即是絲瓜，合時的食材，配上瑤柱魚🐠湯，清淡的瓜變成精美的菜式，瓜甜湯鮮，先飲兩啖魚湯，滋潤下夏天的熱暑，出奇地滿足，勝瓜是選用最嫩的瓜，完全沒有渣，清香鮮甜，是夏天的好菜品。👍飯後甜品是陳皮紅豆沙，煲得火🔥候恰當，大大粒紅豆軟糯起沙，不會太甜，食完就覺得完滿了。🥳🥳…查看更多

行太古城想飲個茶。同老公去西苑試試。。。因為聽聞佢d點心係唔錯。去到好快有人帶位。。。服務係冇乜。。但咪至於係差同黑面。。。。只不過係冇服務。坐底叫左幾樣野酥皮叉燒包完全誤導食客。。呢個皮唔係叫酥皮囉但食落去係唔錯的味道跟住蝦餃。個皮做得一般般。。有點兒厚左牛肉球。佢過係用純牛肉做。。質地係幾好但冇味道。。好似冇落鹽咁鴨腳紮。。入面個芋頭唔錯。炸過黎。。正連埋d汁一齊食幾香最後就係叉燒腸。。成餐野最難食就係佢。。黎到見到個樣都知瀨打。。一d都唔熱。個皮膠膠地。一d光澤都冇。。食落口超級粉。。唔知點解連叉燒食落都霉霉地。。。超級災難級難食唔會再幫襯…查看更多

母親節「探」完母親，順便去太古城飲茶，唔係好識呢度，問咗服務台，決定去「西苑」，此終係節日，等位真係在所難免，7個號碼等咗40分鐘～gogogo.揀咗～鮑汁荷葉飯～鳳爪～牛肉～蝦腸粉～金錢肚～炸韮菜角。Part 1- 等咗十五分鐘，出場嘅係～荷葉飯同炸韮菜角-荷葉飯打開其實都係炒飯用荷葉去包裝，不過不失，但又無荷葉嘅味。反而韮菜角入面好多料，除咗主角韮菜，仲有幾「舊」仔蝦仁同小小豬肉。Part2-係食完以上，等到我以為漏單，成廿分鐘至到，當然你哋會話因為節日，但我覺得佢哋又無忙到好誇張咁，正常星期日忙吧，返正題，出場係蝦腸粉同牛肉，腸粉皮「幼嫩滑口」，蝦亦都大隻爽口，牛肉佢哋寫住100%純牛肉，但真係無驚喜同特別。Part 3再等多成十分鐘至至，牛肚同鳳爪，正常味道。叫埋單又等咗十分鐘，俾咭又等多五分鐘。「舊式」～係咪=浪費時間，其實依家大多茶樓都叫客出去埋單，等嚟等去其實係咪浪費晒大家嘅時間？點心又出得慢，如果所有嘢都「現代」啲，大家係咪可以慳好多時間，你哋又可以做多幾轉枱，都唔知管理層點「計數」。再講～你哋啲點心都已經唔係平！依家仲邊有酒樓放花生架？硬收$12。結論：食材係新鮮，出貨同埋單慢，價錢偏貴！…查看更多

我們去過幾次，之前我們覺得服務湊合，工作人員只是忙得不得了。最近這次我母親好心幫忙收拾用過的碗碟和紙巾，一張紙巾不小心掉在了地上，工作人員大聲呵斥我母親把紙巾堆得太高了，不知道會掉啊！我們都驚呆了，這服務態度就是為什麼週日晚上都有的是空位了客人要做多好服務人員才會滿意呢？…查看更多

服務態度勁勁差，無下次！ 落order 語氣勁差！ 叫埋單唔應眼超超！ 只此一次下不無回頭！ 經濟已經好差㗎啦，都仲要咁嘅態度！ 如果只係service 熟客，就唔好俾生客入啦！ 我唔明打開門口做生意咁樣態度，…查看更多

今日剛從歐洲回港，一落機就揸車去太古城西苑酒家吃久違了的中菜，叫咗三個餸，其中嗰個沙嗲牛肉粉絲煲真係絕，牛肉用咗重梳打粉整軟，難食到不可能再難食，應該永不再幫襯。…查看更多

服務員眼中只有熟客，可能熟客有利是醒比佢地，所以招呼特別好，特別貼埸，經理级一樣眼中只有熟客，請問這樣冷待生客，是否合理？請問現在管理是否真的這樣差，還是返工是為了招呼熟客同為了收是呢？…查看更多

Terrible service! 冇同情心. 有小朋友唔好去. Not kids friendly. I was holding a 2 years old kid to try to get a table (on weekday morning11am), they first ignored me while I was waiting at the entrance. When one of the staff finally came and asked me how many people I had got. I said two. She then went around to check and told me there were no table. BUT I could see LOTS OF tables around with NO customers!!I told her I will leave within 30 mins. Just need to quickly feed my kid. She insisted “there is no table”. …查看更多

9月10日(星期日)，我和老朋友有到西苑飲茶聚舊，依正手續取了飛排咗隊入席時間約11：45分，入座後有位不熟女侍應意欲取小費，她就不停大獻殷勤話我幫你地呢樣嗰樣，但我地不為所動,點知嗰個女侍應仲擅自在11：56分幫我地埋咗單!!!，試問入座11:45到埋單的11:56,只得11分鐘!!!下單的點心都未到!!!仲未食!!跟本就想趕客!!!而且我地無提意過要在特價前找數，可惡的女侍應亦無徵詢我地的同意,於是我地照坐約一個多鐘後，誰門口編位那位侍應同一位男部長細聲密斟後，跟著呢個男部長就走埋我哋身邊非常囂張無禮的大聲講,話我地用咗特價埋咗單仲坐咗個多鐘都夠啦，仲用埋手勢掃掃勃勃話你地走!!走!!走!!，當睇到他的態度,令我地極之難受,我地亦重申並無提前埋單,只是那個女侍應擅作的主張!!我覺得呢個部長就算人客有咩唔著都唔應該以這囂跋的態度對待客人，待客處事極有問題，而那個女侍應更因收不到費,用陰招整蠱客人更令人髮指,其實他們對客人的行為無疑是給"西苑"這個金漆招牌倒髒水兼趕客，再係咁"西苑"變「玩完」,西苑的CEO們要深思一下!!!信譽是累積驗証加不斷努力改進而建立的,切勿浪費你們得來不易的心血!!…查看更多

點心好難食！有幾個女服務員態度差🫣炸春卷唔熱又唔脆。叉燒包油膱味。粉果無味又唔熱。價錢唔平但食物質素好差。以為做班熟客就唔需要改善下。 啲點心簡直係劣食。唔駛錢都唔會去！…查看更多

今日去太古飲茶，揀左西苑，呢間酒樓出左名質素好，但價錢唔平。星期日飲早茶有特惠，10點到12點，所有點心，無論大，中，小，頂點，都係計大點價錢$42。咁就梗係揀d平時都唔係幾捨得食既頂點啦。四個人叫左以下點心:柱侯牛孖筋(大點）估唔到d牛孖筋整得幾入味，又夠淋。蝦餃（頂點） 夠大粒，新鮮彈牙，皮又薄，冇得輸！鮮蝦菜苗餃（頂點）味道不錯，夠大隻，但比我揀都係鍾意蝦餃多d。燒汁釀茄子（大點） 魚肉入味，茄子夠淋，配埋一起，襯到絕！蝦膠（頂點） 皮薄餡靚，賣相又靚。蟲草花灌湯餃（頂點） 兩個人一盅，叫左兩盅。灌湯餃味道冇想像中咁濃，勝在食材豐富，口感好！最後，重嗌左個腊肠滑鸡飯，都係$42。味道不過不失，可以接受。以西苑既質素，有特價，點可以唔考慮！…查看更多

太古超香口風沙豬手今日突然想飲茶🫖就去咗太古間西苑點知一坐低就睇中咗個風沙豬手😂好想食我哋都有叫其他點心嘅不過風沙豬手喺必食😛😛超香脆嘅風沙豬手，用鹹蛋黃包裹著嚟炸超級香口，外層脆而香口入面滿滿嘅骨膠原，好鬼正而且仲好大碟鮮蝦餃大大粒，夠新鮮彈牙香茜牛腸香滑嫩蟲草花棉花雞好嫩滑蟲草花灌湯餃湯味唔算好濃好鮮但醒在夠熱夠多料西苑酒家 (太古城中心) (太古)太古太古城道18號太古城中心2樓208號舖…查看更多